детска соба – Вистина.мк

Анѓелка Прпиќ брои ситно до породување, а најмногу пари со нејзиниот избраник потрошиле за ова (фото)

Слаѓана Атанасова — Fri, 12 May 2023 06:34:03 +0000

Актерката Анѓелка Прпиќ ужива во бременоста, а наскоро ќе роди бебе кое го очекува заедно со партнерот Марко. Анѓелка редовно се огласува на социјалните мрежи, а како што сега пренесуваат медиумите, актерката и нејзиниот избраник за собата на наследникот издвоиле околу 3.000 евра. - Анќелка и нејзиниот партнер горе-долу го завршија опремувањето на детската соба. Најпрво бебето ќе биде со нив во брачната соба иако катчето за бебето секако е завршено. Тие морале да платат за одредени работи, додека таа на Инстаграм договарала компензација за опрема за бебиња, колички и се што оди со тоа. Сите во семејството со нетрпение го очекуваат доаѓањето на новиот член, па ќе слават како што доликува – изјавил изворот за „Курир“. Да потсетиме, тамошните медиуми со месеци известуваат за бременоста на актерката Анѓелка Прпиќ и нејзиниот партнер, кој е школски пријател на поранешниот сопруг на Анѓелка, Дарио Прпиќ, а нејзиниот татко Предраг Стевиќ неодамна за „Блиц“ изјави дека ја поддржува својата ќерка и секој нејзин избор. Фото: Принтскрин/Антонио Ахел/Ата Имаџес/

Денес живее во куќа од пола милион евра, а вака изгледа собата во која Пријовиќ го поминала детството (фото + видео)

Христина Ѓоргиевска — Sat, 09 Oct 2021 08:02:48 +0000

Една од најпопуларните млади пејачки Александра Пријовиќ претходната година стапи во брак со посинокот на Лепа Брена, Филип Живојиновиќ. Претходната година во март, Филип и Алесандра го добија синот Александар. По породувањето Александра и Филип со синот се преселија во нова куќа на Бежаниска коса, а како што пишуваа медиумите таа вреди околу пола милион евра.

Александра во една прилика во емисијата „Премиера – викенд специјал“ зборуваше за своето детство, за своето потекло, за улогата на мјка...

Екипата го посетила домот на Пријовиќ во Бели Манстир каде пораснала како дете. Нејзината мајка откри дека прв збор кој го проговорила Александра е „не сакам“ и дека како мала држела концерти. Таа исто така откри дека како дете Пријовиќ била многу културна и дека никогаш не ја посрамотила Исто така таа ја покажа детската соба на Александра во која го поминала детството.

Како изгледа собата на Пријовиќ погледнете во видеото. https://www.youtube.com/watch?v=cwRCI_EmG9M

Како од бајка: Аделина Тахири ја покажа детската соба на синчето (фото)

Слободанка Илиева — Wed, 21 Apr 2021 07:42:02 +0000

Детската енергија е посебна по својата моќ и неопределеност, а хармонијата и мирот во животот на најмладите, уредувајќи го нивниот простор носи посебен шарм и магија. Крајот на месец август во 2018 годинана почна таа магија за албанската пејачка со скопска адреса, Аделина Тахири Марков. Таа се оствари во најубавата улога за една жена- стана мајка. Јон сега е потпораснато детенце за кое мама и тато опремија детска соба чиј ентериер пејачката го покажаа јавно одговарајќи на прашања од своите следбеници кои добија одговор и со фотографија. Во детската соба преовладува минимализмот во бело со луксузни детали кој целосно асоцира на мир и спокој од просторот каде расте Јон. https://arhiva.vistina.com.mk/radio-mileva/luksuz-do-najsiten-detalj-dzirnete-vo-raskoshniot-dom-na-pejachkata-adelina-tahiri-foto/ За потсетување, на почетокот на 2018 година популарната албанска пејачка Аделина Тахири го изговори судбоносното „да“ и заплива во брачните води со познат македонски адвокат.

Играчки што треба да ги исфрлите од детската соба

Христина Ѓоргиевска — Mon, 22 Feb 2021 13:03:54 +0000

Во детската соба, вообичаено, има многу играчки… Сепак, педијатрите посочуваат повеќе работи што родителите треба да ги исфрлат оттаму, заради безбедноста на малечките. Петмина педијатри ги споделуваат своите совети на оваа тема. Следуваат неколку од оние потенцијално опасни играчки и украси што може да се најдат во детската соба или на дофат на малечкото. „Гласни“ играчки Според д-р Нкеирука Оражијака, педијатарка од САД и мајка на три деца, играчките кои „пејат и зборуваат гласно“ предизвикуваат оштетување на слухот. Таа, на пр., не им дозволува на своите деца ниедна од играчките што се наоѓаат на списокот гласни играчки – составен од американското Здружение за вид и слух. Одредени популарни играчки можат да предизвикаат штета и во рок од 15 минути по нивна употреба. Нестабилен мебел Родителите треба да обрнат посебно внимание на мебелот во нивниот дом. Педијатрите предупредуваат дека тој треба да биде стабилен, т.е. прицврстен на ѕидовите. – Во која било просторија, мебелот треба да биде соодветно поставен. Треба да биде прилепен на ѕид, за детето да не може да се преврти ако се искачува на него, објаснува д-р Меган Мартин. Проодувалка Педијатарот Сједа Амна Хусеин вели дека нејзините деца никогаш не користеле проодувалка, бидејќи истражувањата не покажуваат дека таа е потполно безбедна. – И покрај тоа што ова го говориме со години, родителите секогаш се одлучуваат да купат проодувалка. Во такво помагало, бебето без надзор може многу лесно да стигне до места во домот што се опасни за него, како што се скали или врела печка, рече таа. Ситни играчки Малите, ситни играчки претставуваат ризик и постојана опасност од задушување. Слики и огледала Огледалата, сликите и слични ѕидни украси можат да паднат од ѕидот врз детето. Ако украсот е од стакло или има остри агли, тоа може да доведе и до посериозни повреди. Кутија со играчки Кутија за играчки или канта со капак може да ги повреди детските прсти, ако малечкото ја повлече и турне од малку повисока полица или пак, упорно се мачи да ја отвори… Наместо тоа, стручаците советуваат корпи од помек материјал кои може да стојат долу и коишто немаат капак. Заштитете ги електричните приклучоци Електричните приклучоци не смеат да бидат откриени бидејќи тоа може да доведе до повреди. Д-р Оражијака вели дека, освен задолжителната облога врз приклучокот, пожелно е – за оние што се користат – да бидат зад потежок мебел, за децата да не можат да пристапат до нив. Собни растенија Исто како што одредени домашни растенија можат да бидат отровни за домашните миленици, некои се штетни и за бебињата и децата. Педијатрите советуваат да се провери за секое растение во домот одделно – дали е безбедно, особено ако тоа е на дофат на детето. Незаштитени прозорци Дете без надзор може да предизвика низа проблеми, а еден од нив е искачување до прозорецот или обид да излезе низ него. Тоа е огромна опасност. Затоа се препорачуваат прегради на прозорците. извор: Курир.мк

Бајковито катче: Ѕирнете во детската соба на Атина Тошиќ (фото)

Слободанка Илиева — Mon, 18 Jan 2021 10:01:24 +0000

Ќерката на поп-sвездата Јелена Карлеуша и фудбалерот Душко Тошиќ, Атина Тошиќ, покажа како изгледа нејзината соба во семејната куќа на Дедиње. Имено, Душко и Јелена во 2019 година купија вила со огромен двор и базен, за што искешираа околу 2 милиони евра, а ја купија од Драган Стојковиќ Пикси. Веќе некое време го уредуваат просторот за да биде сè по нивниот вкус. - Конечно, готово е. Опседната сум - напишала ќерката на Карлеуша со деталното снимање на нејзината соба. Сè е во пастелни тонови, креветот, гардеробата и полиците се во бело, додека завесите, постелнината, како и многу детали се во нежно розова боја. Катчето на Атина изгледа прекрасно, правејќи простор за тинејџерка. На ѕидот над креветот има колаж од фотографии, кој исто така е во розова боја и совршено се вклопува со остатокот од собата.

Вистинско мало царство за наследникот: Сека Алексиќ ја покажа детската соба која изгледа магично (фото)

Слободанка Илиева — Sun, 01 Mar 2020 07:25:59 +0000

Пејачката Сека Алексиќ (38) е мајка на два сина, постариот Jaков (3) и помладиот Joван, кој се пред неколку дена наполни еден месец. Таа е многу посветена мајка, но исто така се труди да ги израдува своите синови, а тоа секојдневно го докажува на својот профил на Инстагам. Поточно, Сека сега им покажа на своите обожаватели како изгледа детската соба во нејзината куќа.

View this post on Instagram

A post shared by SEKA ALEKSIĆ (@seka_aleksic) on Feb 28, 2020 at 4:04am PST

Во собата претежно доминира сина боја и е полна со плишени играчки, додека целиот еден ѕид е украсен со позадина насликана со животни. Дека се е прилагодено за децата е доловено на видеото, но фотографијата каде Јован е во специјална лулка, сигурни сме дека ќе освои многу мајки.

Александра Пријовиќ и Филип Живојиновиќ за детската соба на наследникот потрошиле повеќе од 5 000 евра

Христина Ѓоргиевска — Mon, 14 Jan 2019 09:11:35 +0000

Пејачката Александра Пријовиќ и Филип Живојиновиќ за помалку од три месеци ќе станат родители на нивниот син Александар. Како што пренесува курир.рс младиот пар веќе ја подготвил детстката соба за наследникот. Малиот Александар ќе има своја соба за која познатиот пар издвоил 5000 евра. „Александра и Филип живеат во населба во Степ Степановиќ, а тоа ќе биде нивно љубовно гнездо. Сакаа да бидат самостојни, па поради не живеат во вилата на Бежаниска коса каде што живеат Лепа Брена и Боба Живојиновиќ. Александра сакаше свој дом на своја адреса, а иако е во поодминета бременост работи на својот нов албум. И додека го снима новиот албум, таа има време да се посвети и на уредувањето на собата. Последните неколку дена поминаа низ неколку продавници бидејќи сакаа во Новата година да влезат подговени за синот“ вели извор близок на парот и додава дека им помага мајката на Александра, која заедно со пејачката го бира мебелот.

View this post on Instagram

Zelimo vam od srca sve najlepse u Novoj godini. Budite nam zdravi, srecni i voljeni! ? za sve vas!!❤️

A post shared by Aleksandra Zivojinovic (@aleksandra__official) on Dec 31, 2018 at 2:39pm PST

„Собата ќе биде во бели, сиви и небо светли нијанси. Александра сакаше да има голема комода на која ќе може да го пресоблекува и бања наследникот. Има и невообичаени ламби на ѕидовите. Купија гардероба која ќе ја носи наследникот, но и играчки. Важно им е бебето да спие на удобен душек, па тој душек го порачаа од странство и очекуваат да пристигне“ вели изворот.

View this post on Instagram

Danas od 15h gledajte emisiju “Grand Specijal” na @prvatelevizija ❤️

A post shared by Aleksandra Zivojinovic (@aleksandra__official) on Oct 14, 2018 at 5:18am PDT

Собата на малиот Александар е преполна со игрчки и облека бидејќи како Лепа Брена, така и Борка од своите патувања донесуваат играчки за нивниот внук. За потсетување, Александра одлучи да се породи во Белград.

Фенг Шуи: Дизајнирај ја највеселата детска соба

Наташа Тасевска — Sat, 21 Apr 2018 10:20:33 +0000

Детската енергија е посебна по својата моќ и неопределеност, па обидете се да доведете хармонија и мир во животот на најмладите, уредувајќи го нивниот простор според принципите на фенг шуи. На овој начин, децата ќе имаат можност да ги сносат предизвиците на одгледување во здрава, стимулирачка средина, полна со љубов.

Положба на детската соба Ако е можно, ставете го момчето во соба која е на исток или север од куќата. За девојките е посоодветно да бидат во јужните или западните соби. Потрудете се, без разлика дали е момче или девојче, детската соба да не биде во близина на вода. Свеж воздух Осигурајте се дека детската соба има свеж воздух, кој може да го обезбедите со збогатување на собата со неколку растенија. Можете исто така да користите ароматични масла од растенија кои се познати по смирувачкиот ефект, како што се лаванда или камилица. Организиран и прегледен простор Катчето за вашите деца треба да биде добро организирано и разгледано. Додека го организирате просторот во детската соба и ги ставате работите во вреќи, кутии и фиоки, нека вашето дете учествува во целиот процес. Вклучете го детето во уредувањето на остатокот од заедничкиот животен простор. Украси и бои Направете го просторот за вашиот тинејџер навистина посебен така што ќе ги совпаднете украсите и боите на собата со специфичностите на вашето дете. На пример, ако вашето дете е особено проблематично, неговата енергија може да ја смири сликата на родителите што се насмевнуваат, а ако вашето дете е срамежливо украсете го неговиот простор со слики од отворен простор и живописни бои. Не заборавајте да користите детски цртежи како декорација, не само во детската соба, туку и во просторот што го користите за вообичаени, семејни моменти. Простор за спиење Бидете сигурни дека креветот во просторијата на детето е поставен така што не го дели ѕидот на бања, да биде свртен кон широкиот дел од собата и да им овозможува на децата од него да ја гледаат вратата. (притоа не треба да биде директно спротивно на вратата). Простор за учење Одвојте го просторот за учење и оставете место до ѕидот каде што ќе ги истакнете сите пофалби, цртежи, композиции и признанија што детето ги прима. Тука детето треба да почувствува дека неговата работа навистина се цени и секогаш може да смета на семејството. Простор за креативност Решете се од сите излишни облеки, играчки, кутии, рачистете го просторот и оставете доволно простор за детето да игра и да биде креативно.