детска евровизија – Вистина.мк

„Кажи ми, кажи ми кој“: Ова е песната со која ќе се претставува Македонија на детската Евровизија (видео)

Слободанка Илиева — Tue, 17 Oct 2023 06:45:23 +0000

Се ближи датумот кога ќе се одржи годинешното издание на детскиот Евросонг каде Македонија ќе ја претставува Тамара Грујеска која ќе настапи со песната „Кажи ми, кажи ми кој“ (Tell me who), Видеото сега се најде на официјалната страница на Junior Eurosong, а истото го потпишуваат Огнен Шапковски и Кристијан Теодоров. Текстот на песната која е отпеана на македонски и англиски јазик е дело на Роберт Билбилов и Коста Петров, а за продукцијата и музиката се погрижија Билбилов и Дарко Димитров. Детската Евровизија ќе се одржи на 26 ноември во Ница, Франција, а младата Тамара од Гостивар беше избрана за наш претставник на аудиција која се одржа во месец мај. Инаку, Тамара е родена на 2 декември 2010 година во Гостивар. Своите почетоци во светот на музиката ги прави на само пет години и оттогаш постојано е активна на детските фестивали во земјава и во странство. Таа е уникатна и бестрашна. Препознатлива е по моќните изведби и својот вокал, кој освојува и никого не го остава рамнодушен. Доказ за тоа се и големиот број на награди кој ги освојува, не само во Македонија туку и на интернационални натпревари. Погледнете ја нашата „Кажи ми, кажи ми кој“: фото:Принтскрин Јутјуб/ Junior Eurovision

Македонија заврши на 14-то место на Детската Евровизија

Слободанка Илиева — Sun, 11 Dec 2022 16:43:37 +0000

Со песната „Oh Maman!“ во изведба на Лисандро, победник на овогодинешното јубилејно 20-то издание на Детскиот избор за песна на Евровизија е Франција. Македонија со песната „Животот е пред мене“ во изведба на Лара Трпческа со Јован и Ирина се пласираше на 14-тото место со 54 бодови во конкуренција на уште 15 песни. Автор на песната е Симон Трпчевски, продуцент Дарко Димитров, а текстот е на Јован Трпчевски и ќерката на Симон, Лара Трпческа. Домашната јавност можеби очекуваше повисок пласман, но за жал Македонија заврши меѓу последните земји.

Децата од „Дајте музика“ Кристина, Анастасија, Миха и Филип на „Детска евровизија“ ќе ја претстават Македонија со песната „Green forces“

Антонио Димитриевски — Wed, 27 Oct 2021 12:17:25 +0000

Како што претходно веќе објавивме, децата од многу популарната емисија „Дајте Музика“ се избрани од МРТ да ја претставуваат Македонија на Детската Евровизија. Денес, МРТ откри кои точно членови ќе ја претставуваат земјата во Франција, а тоа ќе бидат четири: две девојчиња (Кристина и Анастасија) и две момчиња (Миха и Филип). И тоа не се сите новости што ги имаа, тие го открија и името на песната што ќе ја пеат! Се вика „Green forces“! За да ја слушнете песната, ќе треба да почекате уште малку, но дополнителни информации се ветени дека ќе следат наскоро.

Франција победи на детската Евровизија 2020

Христина Ѓоргиевска — Mon, 30 Nov 2020 13:01:03 +0000

Претставничката на Франција, Валентина Тронел со песната „J’imagine“ („Си замислувам”), победи на меѓународниот натпревар за детска Песна на Евровизија 2020. Финалето се одржа вчера во Полска преку видео-конференциска врска. Според резултатите од гласањето на професионалното жири и публиката, песната доби 200 поени. Второто место го зазеде Казахстанката Каракат Башанова, а трет беше претставникот на Шпанија – Солеа. Во финалето на натпреварот учествуваа млади таленти од 12 земји: Русија, Белорусија, Франција, Грузија, Казахстан, Малта, Холандија, Србија, Шпанија, Украина, Полска и Германија.

Домаќинот Полска победник на детската Евровизија – Македонија и Мила на шестото место

Слободанка Илиева — Sun, 24 Nov 2019 18:44:47 +0000

Мила Москов со песната „Fire“ го освои шестото место на детската Евровизија која се одржа во арената „Гливице“ во Полска. Бидејќи важеше за фаворит, Мила на сцената беше дочекана со громогласен аплауз, а од вкупните евровизиски поени на крајот имаше 150 кои ја донесоа меѓу најдобрите. Автор на музиката и аранжманот на „Fire“ е нашиот плоден композитор Лазар Цветковски, додека текстот е на неговата сестра Магдалена Цветковска. Полската учесничка Вики Габор со песната „Superhero“ е победничка на „Детската евровизија“ според гласовите на жири комисијата и на публиката. Казахстан заврши на второто место, а третопласирана е Шпанија.

Погледнете го настапот на Македонија и Мила Москов на детската „Евровизија 2019“ (видео)

Слободанка Илиева — Sun, 24 Nov 2019 16:21:46 +0000

Нашата Мила Москов настапи под реден број 4 на денешното 17-то издание на детската Евровизија која се одржува во Полска. Каков што е и насловот на песната „Fire“, таков беше и настапот на Мила која ја претстави нашата земја во одлично светло! Македонија со недели котира меѓу 5 -те топ песни во евровизиските обложувалници, а и песната и видеото за „Fire“ наидоа и на многу позитивни коментари. Инаку, Мила според мислењето на публиката и жирито се стекна и со Сертификат за најдобар евровизиски пакет. Доколку го пропуштивте преносот во живо, нејзиниот „огнен“ настап погледнете го од видеото во продолжение, а ТУКА е и линкот каде можете да гласате:

Еве како да ја поддржите Мина и Македонија со Вашиот глас на детскиот Евросонг (ВИДЕО)

Антонио Димитриевски — Fri, 24 Nov 2017 11:25:46 +0000

На 26 ноември (недела), кога во главниот град на Грузија ќе се одржи јубилејното, 15. по ред издание на детската „Евровизија“. Меѓу 16-те земји учеснички е и Македонија. Наша претставничка годинава е талентираната Мина Блажев, која ќе се натпреварува со песната „Dancing through life“. Таа на сцената ќе биде сосема сама, без придружни вокали и танчери, така што целото внимание ќе биде насочено кон неа, а Мина ќе ја видиме под реден број 8, односно осма по ред.

Публиката ќе има можност да започне да гласа уште од денес, 24 ноември, притоа секој може да даде глас за 3, 4 или 5 земји, вклучувајќи ја и својата, што значи задолжително гласајте за реден број 8 и нашата Мина... останатите гласови се Ваша желба!

Ова гласање се одвива на официјалната веб-страница на фестивалот и ќе заврши точно пред неговиот почетокот, а по завршувањето на изведбата на сите учесници ќе биде повторно отворено за период од 15 минути.

Резултатите од публиката ќе сочинуваат 50 проценти од крајниот резултат, а останатата половина ќе ја одредат стручните жирија од сите земји учеснички. Сето тоа претворено во поени ќе го одреди победникот на годинешнава.

И ова, 15. издание на детската „Евровизија“ ќе биде пренесувано во живо на првиот канал на МРТ, в недела, 26 ноември, со почеток од 16.00 часот.

И ЗАПОМНЕТЕ: Оваа година за прв пат ќе можете да гласате и за сопствената земја. Поддржете ја Мина и Македонија со Вашиот глас. Како? За начинот на гласање дознајте повеќе од приложеното видео во продолжение: