депилација – Вистина.мк

Експерт за депилација тврди: Жени, откажете се од бричењето

Слободанка Илиева — Mon, 14 Aug 2023 12:13:10 +0000

Експертот за депилација на бикини зоната, Jmani, сподели совет како да имате убава и негувана кожа на бикини зоната во текот на летото. Таа во текот на годините депилирала стотици и стотици жени на Флорида, но сепак вели дека мазната кожа на линијата на бикини не е воопшто лесно да се постигне, а има некои работи што треба да ги направите за да ја постигнете. Никогаш не го бричете тој дел со брич. Ако се откажете од него, ќе добиете помазна и мека кожа. Може да предизвика црвенило и осип, затоа не се препорачува, а само површно ги отстранува влакната. Наместо тоа, одлучете се за восок. Доколку имате враснато влакно, немојте да го „кубете“ или да го отстранувате со пинцета, бидејќи само дополнително ќе го иритирате. Нејзин совет е да користите топла облога за да ги отворите порите, а потоа да нанесете салицилна киселина. извор:курир фото:Профимедиа

Дами, оваа природна смеса е “спас за вас“: Заборавете на скапите и болни депилации

Слаѓана Атанасова — Tue, 11 Jul 2023 12:45:09 +0000

Депилацијата со шеќерна паста или египетската депилација веројатно е најблиска до восочната, но нејзината предност е што нема делови на телото каде не смеете да ја нанесувате. Плус болката е двојно помала од восочната депилација. Египетската депилација се препорачува за луѓе со чувствителна кожа, бидејќи делува антиалергиски. Оваа природна смеса за депилација, можете да ја направите и сами, па да се издепилирате дома. Состојки: -2 чаши шеќер -¼ чаша вода -¼ чаша лимонов сок Подготовка и употреба: Исцедете го лимонот, но цедете го со помош на газа која ќе ги задржи семките и малите парченца лимон. Во тенџерчето ставете го шеќерот и на тивок оган мешајте додека не се растопи. Во растопениот шеќер додадете ја водата и сокот од лимон, а на тивок оган мешајте околу 5 минути додека смесата не добие златна, црвенкаста боја. Така подготвената смеса ставете ја во керамички сад и оставете ја да се олади, но не премногу. Смесата нека биле млака за да можете да ја држите во вашата рака. Кога шеќерната паста ќе се олади во раката земете доволна количина да направите топче. Пастата развлекувајте ја со рацете додека не стане светла и не се растегнува. Со раката нанесете ја на подрачјето кое сакате да го издепилирате и тоа во насока спротивна од растот на влакната. Потоа со брзи движења отстранете ја пастата и влакната. Совет: За да ја одржите температурата на пастата идеална, држете ја во сад со топла вода.

Решение за голем женски проблем: Како да спречите враснување на влакна во кожата?

Слаѓана Атанасова — Sat, 19 Nov 2022 09:43:40 +0000

По депилација или кој и да е друг начин на отстранување на несаканите влакненца, може да се случи враснување на новоизраснатите влакна и тоа да изгледа пред сè естетски лошо, но и да предизвика дополнителни проблеми со иритација и воспаленија. Најчесто им се случува на луѓето со поцврсти влакна или пак, на оние кои ги отстрануваат влакната погрешно. Дополнително, ситуацијата може да ја влоши и облеката која ја носите, особено ако е тесна, припиена до телото и изработена од синтетички материјали. Особено се лоши парчињата облека со ликра, која дерматолозите воопшто не ја препорачуваат. Ова се најпрактичните совети кои можете да ги применувате, а да спречите враснување на влакната: -Не бричете и не депилирајте во спротивна насока од растот. -По депилација, носете широка и памучна гардероба. -Хидрирајте го депилираното подрачје. -По депилацијата, обидете се депилираниот дел да го исплакнете со ладн вода. -Ако имате сериозно густи и дебели влакна, почнете да размислувате за ласерско отстранување, кое ќе ги изретчи, а со тоа и ќе го намали ризикот за враснување. Извор: Курир.мк

Осум совети кои ќе ви го олеснат депилирањето

Слободанка Илиева — Fri, 17 Jun 2022 13:20:16 +0000

Без разлика дали се депилирате со шеќерна паста или ленти за депилација – болката е неизбежна. Затоа на многу девојки им е тешко да се принудат на овој третман, па често користат жилет за отстранување на влакна. Бричењето е безболно, но не е практично бидејќи косата почнува да расте по само еден ден. Затоа, подобро е да се депилирате, но дознајте како можете да ја намалите болката за време на овој третман. 1. Мала површина на кожа Ако ги депилирате нозете, почнете со пределот околу зглобовите, а ако се движите од рацете, прво третирајте го пределот над зглобот. Помалата површина ќе ви ја олесни работата и подетално ќе ги отстрани влакната, а болката ќе биде значително помала. 2. Ладна компресија за кожа Завиткајте коцки мраз во најлон и крпа. Со крпа истријте го местото што планирате да го депилирате додека не почувствувате дека вашата кожа е малку „вкочанета“ на иритации. Мразот ќе делува како аналгетик бидејќи ќе ја отрпне кожата и ќе го зголеми вашиот праг на болка. 3. Пилинг на кожата Пред да започнете со депилација, направете пилинг на кожата. На овој начин ќе ги отстраните мртвите клетки од кожата, и ќе дозволите влакното полесно да излегува, а со тоа ќе си ја олесните работата и ќе ја намалите болката. 4. Избегнувајте премногу долги влакна Влакната на телото подолги од 6 до 7 милиметри пред депилацијата треба да се скратат. Долгите влакна значително ќе ја зголемат болката при депилација, а постои и опасност од кршење на фоликулите, што може да доведе до враснати влакна. 5. Кажете му збогум на бричот Ако сакате да се депилирате, заборавете на бричот и бидете доследни на восокот. Влакното по бричење нагло расте, поради што првата депилација можеби нема да биде толку успешна. Но, откако ќе го скршите мразот, косата ќе порасне многу поретка и на тој начин ќе ви ја олесни дополнителната депилација и намалување на нивото на болка. 6. Користете ги двете раце За да биде процедурата за депилација што е можно поуспешна и помалку болна, користете ги двете раце. Откако ќе ја нанесете лентата за депилација на кожата, затегнете ја кожата со едната рака и држете ја затегната, а со другата повлечете ја восочната лента. 7. Избегнувајте депилација за време на менструацијата Депилацијата не треба да се прави за време на менструацијата, два дена пред и два дена по циклусот. Во тој период прагот на болка е најнизок, поради што депилацијата може да биде вистинска болка. 8. По депилација За да спречите иритации на кожата, избегнувајте изложување на сонце, лосиони со мирис или оние што содржат алкохол, но и тесна облека, 24 часа по депилацијата. извор:попара.мк

Јоце Панов се депилираше на многу незгодно место, па тоа го доживеа… „убиствено“! (ФОТО)

Антонио Димитриевски — Thu, 25 Nov 2021 09:31:27 +0000

Македонскиот пејач Јоце Панов важи за еден од оние кои постојано имаат работа... Тезги, настапи, свирки, на штипјанецот никогаш не му недостасуваат, зашто Јоце знае како да направи незаборавна атмосфера, фантастичен штимунг, луд провод, забава за долго паметење. Токму затоа пејачот е еден и од оние кои мора постојано да се средени „цакум-пакум“. Дотеран, стокмен, уреден, педантен, современ маж - вистински метросексуалец, како што по ново таквите ги нарекуваат! Во поново време Јоце пушти брада и мустаќи што на пејачот му даваат дополнителна доза на мажевност и сериозност. Арно ама, мажевноста понекогаш бара и „женско одржување“, па затоа Јоце реши да замина на машка депилација... И тоа на многу незгодно место! Имено, покрај редовното средување на брадата, за мустаќите да не му растат „одвнатре“ од носот нанадвор, туку само од под носот, Јоце отиде на средување на должината на влакненцата во отворите на дишниот орган. А влакненца како влакненца, каде и да ти растат, на ист начин се отстрануваат. Та биле тие околу препоните или во ноздрите! Малку восок за депилација и неколку стапчиња со памуче за чепкање уши, овој пат пикнати во носот. Додека чекаш восокот да се залепи и зацврсти и некако... А потоа доаѓа моментот на вистината... Или пеколот, кој како го доживува... и поднесува. Јоце Панов го доживеа - „убиствено“! Очигледно толку непријатно болно, што моментот го споделил на своите Инстаграм приказни со „закана за убиство“... до изумителот на депилаторската постапка: „Кој го измислил ова, да одам да го убијам“ - напишал „искубаниот“ Јоце, кој овој пат покажа дека е „мажиште“ на „женски терен“. Патем, откако ја почувствува „сета суровост на убавината“ веројатно и самот се запрашал: Што ли се треба да истрпат жените, во случајов неговите колешки-пејачките, за убавина? И тоа смело, по цело тело!? Фото: Инстаграм принтскрин/jocepanov

Жените се депилираат од под пазуви до глуждови, само Карлеуша си го депилира, она што ниту една друга не го депилира!? (ШОК ФОТО)

Антонио Димитриевски — Thu, 07 May 2020 11:47:52 +0000

Јелена Карлеуша дефинитивно не може без скандал! Русокосата не е жива ако не ја шокира јавноста со некоја своја постапка, гест, фотографија, видео... Овој пат пејачката сите ги остави во прашалници, со најновата објава споделена на социјалните мрежи. Имено, како и сите современи жени и таа го негува своето тело. Козметиката и козметичките третмани за Карлеуша се „добро утро“, секојдневие без кое не почнува да ги прави останатите работи или извршува зададените обврски во денот! Депилацијата како и на секоја жена, за Кралеуша е под број еден. Само што жените се депилираат од под пазуви до глуждови, а само Карлеуша си го депилира, она што ниту една друга не го депилира!? Видовме каде се нема влакна по телото, како што за пејачката е оддамна познато дека е и „без влакна на јазикот“... Сега, тоа Карлеуша и дословно го покажа! Го посети центарот за депилација, па таму сними клипче и фотографии како ги „отклонува влакната на јазикот“! „Добредојдовте... Еве како да немате влакна на јазикот“ - напишала таа, доближувајќи го апаратот за депилирање на нејзиниот јазик. Со овој потег белградската „скандал дама“ многумина шокираше, но многумина и насмеа.

Роберт Билбилов со порака до понежниот пол: „Џабе се депилиравте…“, ама, дали е џабе?

Антонио Димитриевски — Fri, 27 Jul 2018 07:45:27 +0000

Ова лето, нема лето - очигледно! Или како што некој рече, есента никогаш не била поубава во јули! температура до кај 25-26 степени, облачиња, ветрче и дождец, а сепак топло... А, народот очекуваше пекол, па темелно се подготвуваше да летува на море, езеро, планина... Особено понежниот пол. Козметика, солариум, фризура, маникир, педикир, бричење од препони до под пазуви, костими за капење, шапки, очила за сонце... Трошоци еден куп, а сонце - нигде.

Токму, отприлика со такава порака во една од своите Инстаграм приказни на дамите им се обрати македонскиот музичар, композитор, продуцент и пејач, хитмејкерот Роберт Билбилов. Постирајќи фотографија од временската прогноза на Сител со експертот - метеоролог, господин Трајко, Билбилов шеговито напишал: „Џабе се депилиравте, нема лето“!

И не дака не е во право, ама, само во вториот дел на пораката... Она: „...нема лето“ - е точно! А, дека депилирањето им е џабе...? Не сме баш сигурни! Зашто, иако нема сонце и лето, секогаш има нешто - трето! А го има и во лето и во зима! Депилација - за побројна нација!

Жени опуштете се, кога им се води љубов, на мажите не им е важно дали сте депилирани

Моника Манасиевска — Thu, 31 May 2018 09:47:43 +0000

Иако жените мислат дека знаат се за сексот и неговата едноставност, сепак истражувањата покажале сосема спротивен ефект. Мислејќи на сексот како на едноставен и бесплатен начин на задоволство, истражувањата покажале дека мажите не се задоволни од искусните партнерки, кои според нив не внимавале на одредени ситници. Не му е важно дали сте издепилирани Иако мазната и нежна кожа е секси, на партнерот ни на крај памет нема да му текне да провери дали имате влакна или не кога ќе му се води љубов. И мажите сакаат да се галат Мажите не се толку бесчувствителни како што си мислевте. И ним им доаѓа убаво галењето и гушкањето. Возбудливиот сексуален живот е вреден за труд За возбудливиот и разнолик сексуален живот треба да се потрудите. Не плашете се да менувате и не бидете ограничени. Имајте секс секаде! Глумењето оргазам е непотребно Лошиот секс нема да стене подобар доколку одглумите оргазам. Напротив, треба да му покажете на партнерот што сакате и што ве возбудува во сексот за да немате потреба да глумите следниот пат. Вистината не секогаш е најдобро решение Изневерувањето или одењето на пијачка со друг маж не е пожелна информација за споделување со партнерот, освен ако не сакате да бидете обвинети за кршење на довербата во врската. Пријателите лажат за својот сексуален живот Колку и да ви изгледаат уверливи приказните за големината на пенисот на нивниот партнер, честиот секс и задоволството кое го доживуваат, пријателките обично лажат кога зборуваат за сексот. Помалку секс – повеќе работа Колку помалку имате секс толку повеќе ќе треба нешто да работите. Затоа, подобро да го потрошите времето за галење отколку за чистење. Не сте единствена која не доживува оргазам Не се чувствувајте осамено и неразбрано, една третина од жените не доживуваат оргазам. Неговите брадавици се почувствителни Не само женските брадавици сакаат да бидат третирани пред и за време на сексот. Машките брадавици се дури и почувствителни, па не ги заборавајте. Провокативната облека не е забранета Не морате секој пат да сте закопчани до грло. Има облека која можете да ја облечете, а да не изгледа премногу вулгарно и истовремено да го возбуди партнерот. Вашиот партнер мисли дека сте секси Иако често се сомневате во овој факт, вашиот партнер навистина мисли дека сте секси и ве смета за привлечна жена. Во спротивно, не би бил со вас толку долго време.