„My Tear“ со нивниот препознатлив поп-рок саунд отвораат нови граници – „На старите страници“ (ВИДЕО)

Антонио Димитриевски — Thu, 21 Sep 2023 10:59:51 +0000

Скопскиот состав „My Tear“ го објави својот најнов видео-запис за песната „На старите станици“, во режија на Милан Блажевски. Спотот е снимен во Студио 1060 од страна на Милан Блажевски и Јосип Здравковски, екипата позната по видео записите на 21 век. Музиката и стиховите се на Дени Крстев, додека аранжманот е на сите членови на самиот бенд кој го сочинуваат: Дени Крстев, Кристијан Лафазановски и Ненад Трифуновски - Трипе. Инаку песната е снимена миксана, и мастерирана во студиото 1060 во текот на месец август - септември 2023 од страна на Дени Крстев и Ненад Трифуновски - Трипе. "На старите станици" е прв сингл од новиот албум на „My Tear“ којшто треба да излезе до крајот на годинава. Дел од албумот ќе можете да го слушнете на годинешниот „Здраво Млади фестивал“ што ќе се одржи на 23 септември во Младинскиот Културен Центар (МКЦ) во Скопје. Во меѓувреме проследете го нивното музицирање во новото видео - „На старите страници“.

„Педро Хоризонте“ со апокалиптично предвидување дека еден ден ова ќе остане – „Земја на еден жител“ (ВИДЕО)

Антонио Димитриевски — Mon, 17 Aug 2020 12:49:17 +0000

„Ќе дојде ден ќе нема со кого да разговам. Ќе дојде ден кога сам со себе ќе се договорам. Ќе остане оваа земја сама на себе. И со популација од само еден“. Вака почнува текстот за новата песна на триото „Педро Хоризонте“ – „Земја на еден жител“, чиј спот премиерно беше промовиран преку „Јутјуб“. „Педро Хоризонте“ е нов бенд составен од искусни музичари кои повеќе од 25 години се активни на македонската музичка сцена. Вокалот и басот е на Петар Младеновски – Пеце (Суперхикс), на гитара е Гога Поп Георгиевски, а на тапани e Иво Митковски (екс- АЈ Кју). Стилски се движат од реге преку панк рок до инди поп со семплови во заднина. Нивниот прв сингл „Земја на еден жител" е миксуван и мастериран од страна на Дени Крстев во Студио 1060 во Скопје, а наскоро најавуваат ЕП и цел албум. Автори на музиката и аранжманот се тројцата ченови на бендот, стиховите се на Пеце, а таканарачаното карантинско видео го снимил и спакувал тапанарот Иво. Вака звучи и изгледа „земја на еден жител“ на македонското трио музички мускетари: https://www.youtube.com/watch?v=CkRBvaJNcgc&feature=emb_logo

дени крстев – Вистина.мк

„My Tear“ со нивниот препознатлив поп-рок саунд отвораат нови граници – „На старите страници“ (ВИДЕО)

„Педро Хоризонте“ со апокалиптично предвидување дека еден ден ова ќе остане – „Земја на еден жител“ (ВИДЕО)