ден – Вистина.мк

Спиењето дење корисно за мозокот

Слободанка Илиева — Tue, 27 Feb 2024 13:50:36 +0000

Попладневната дремка може да биде корисна за здравјето на мозокот. Ново истражување објавено во списанието „Слип хелт“ (Sleep Health) открива причинско-последични врски меѓу вообичаената дремка и поголемиот вкупен волумен на мозокот. Податоците се земени од Биобанката на Обединетото Кралство – обемна база на податоци на над 500.000 возрасни лица на возраст од 40-69 години. Користејќи го методот наречен „Менделова рандомизација“, истражувачите ја анализирале поврзаноста меѓу дневните навики за спиење на испитаниците и нивните мозочни особености, како што се волуменот на хипокампусот, времето на реакција, визуелното помнење и вкупната зафатнина на мозокот. Се открива дека оние кои практикуваат спиење дење, имаат поголем волумен на мозокот. „Волумен на мозокот“ звучи малку апстрактно, но тоа е од клучно значење за целокупното здравје на нашиот највитален орган, велат наводите. Според други испитувања, поголем вкупен волумен на мозокот значи намалена опасност од смртност. Како што човекот старее, зафатнината на мозокот има склоност кон намалување, а целта е да се забави тој процес. Одамна е познато дека добриот сон може да помогне во заштита на мозокот, па и ова ново истражување потврдува дека и краткото преспивање преку ден може да помогне во тоа. Претходните истражувања покажаа дека дремката исто така е полезна и во зајакнувањето на когнитивната функција и за поголема енергичност во текот на денот, што ја прави уште покорисна секојдневна навика. извор:курир.мк

Периодот од денот во кој чувствуваме најголем стрес

Слаѓана Атанасова — Wed, 07 Feb 2024 13:45:29 +0000

Има многу за правење наутро, а често немаме доволно време за тоа. Дополнително, не нервираат гужви, премалку паркинг места, доцнење во јавниот превоз, деца кои тешко се будат и бавно се подготвуваат за на училиште, домашно милениче кое мора да излезе, кошула што треба да се пегла… Навистина не е чудно што 7:23 часот е најстресното време од денот. Токму тоа го заклучиле научниците од Англија по истражувањето, кои прашале две илјади возрасни луѓе кога чувствуваат најголем стрес. А поради постојаните утрински стресови, кои влијаат и на нашата дневна продуктивност и го загрозуваат нашето здравје, пресметале дека е во просек 7:23 часот. Сепак, во зависност од полот, има мало флуктуација во најстресниот дел од денот – жените најчесто наидуваат на првата пречка во денот малку порано од мажите, во 7:50 часот. Кај мажите, првиот стресен момент започнува само еден час подоцна, во 8:43 часот. Покрај тоа што негативно влијае на менталното здравје, хроничниот стрес може да предизвика или влоши многу болести и состојби, вклучувајќи кардиоваскуларни болести, автоимуни состојби, дијабетес… Постојат многу методи за ослободување од стресот кои се добри за учење и примена, а најважно е да разликуваме на што не можеме да влијаеме и да не се нервираме поради тоа. Извор: Попара

Панчо – ДНК жестоко го впери прстот во поедини колеги од естрадата и јавниот живот: “Сите кои си ги промовирате вашите настани на овој ден сте обични бедни безрбетници“ (ФОТО)

Антонио Димитриевски — Wed, 06 Dec 2023 10:08:57 +0000

Огромната болка по невидената трагедија што деновиве ја потресе македонската јавност се' уште не стивнува. Можеби шокот и неверувањето полека се претвораат во соочување со реалноста од која нема враќање, но од трагедијата треба да се извлечат поуките и направи се' вакво нешто никогаш и никому да не му се повтори. По трагедијата емпатија и сочувството беа речиси колективна одлика на целата нација која тагуваше по невината жртва, чиј детски живот наслино беше одземен. Но, како што вели старата поговорка: „Во секое жито мора да има и плевел“, го имаше и овој пат, во овој случај. Како што веќе пишувавме кога веќе политиката немаше ни доблест ни совест да прогласи ден на жалост, другите имаа. ТВ емисиите од забавен карактер беа откажани, настаните и концертите – одложени, промоциите на нови песни и музички видеа - пролонгирани... Зашто ако имате барем тронка чувство на емпатија, барем парче душа пред ваква трагедија, не ќе имате совест да се однесувате како ништо да не се случило. Особено ако професијата ви е да ги забавувате масите, а никому не му е до забава. Тоа бргу го сфатија повеќето од естрадно-забавниот свет, иако некои не веднаш и не баш сите… Ова изнервира многумина кои коментираа на социјалните мрежи жестоко реагирајќи на тоа како може во вакви моменти на траор и тага некој да си тера забава, веселба, музика, да си промовира ивенти, настани, настапи... Ако веќе власта нема сенс за тоа дека во вакви околности Македонија барем 24 часа требаше да биде земја на тагата, како што тоа на пример го направи соседна Србија која се случи масакрот во ОУ „Владислав Рибникар“, тогаш секоја индивидува мораше да има барем малку душа да ја сподели тагата за невино загубената детска душа. Еден од оние кој најмногу изнирверина најжестоко изреагира на социјалните мрежи вперувајќи го прстот во своите „неразумни и бездушни колеги“ од естрадата кои ја игнорираа болката и тагата по објвата за смртта на малата Вања, беше Панчо - ДНК. Владимир Блажев како што му стои во личната карта и овој пат имаше што да каже и кого да прозве крајно изнервиран од односот на некои свои колеги кон „траорната стварност“! Изваден од такт, тој своите профили на социјалните мрежи ги опсипа со жестоки „комплименти“ оние свои колеги кои ниту смртта на малото девојче не ги допрела, па како да ништо да не се случило си ја терале својата испланирана агенда од промоции, настапи, ивенти, прослави, родендени... На таквите пејачки, старлети, инфлуенсерки... естрадни јавни фаци, Панчо им порача: Фото: Facebook/Vladimir Blazev

Најдобриот период од денот за медитација: Тогаш најмногу чувствуваме мир

Слаѓана Атанасова — Thu, 16 Nov 2023 12:58:18 +0000

Ако сакате да ја додадете медитацијата во вашата рутина, нема „лош“ период од денот да го правите тоа, но придобивките од утринската медитација можат да бидат привлечни. Кое е најдоброто време од денот за медитација? Најдоброто време од денот за медитација е времето од денот што одговара на вашиот распоред и нивото на мотивација. – Најдобро време за медитација е кога навистина можете да се посветите на тоа. Конвенционалната мудрост е дека утрото е одлично време за тоа, и ако можете да најдете време наутро, тоа е одлично. Но, ако не – секое време што можете да го одвоите за медитација е добро време – вели Џон Метјуз, лиценциран клинички социјален работник, пишува Healthline. Придобивките од утринската медитација Придобивките од медитацијата не зависат од времето на денот, но има причини зошто често се препорачува медитација наутро. Утринската медитација ги поставува темелите за смиреност и рамнотежа за претстојниот ден. Помага во центрирање на умот, управување со стресот и подобрување на целокупната емоционална благосостојба. Тоа може да ви помогне да управувате со чувствата на загриженост, исчекување и вознемиреност во особено стресни денови. Утрински мир и тишина Утринската медитација може да ја постави сцената за вашиот ден, но утрото исто така може да ја постави сцената за медитација. Утрата обично имаат вродено чувство на смиреност пред метежот и вревата на денот. Вашиот ум е природно мирен по одморот, а светот околу вас е тивок од сон. Извор: Попара

Кое време од денот е најдобро за секс?

Слаѓана Атанасова — Wed, 04 Oct 2023 13:34:36 +0000

Тешко е да се каже кога е најдоброто време од денот за водење љубов, тоа е многу индивидуална работа, но има некои предности да се препуштите на страстите наутро, напладне или навечер. Со попладневниот секс, ќе успеете да се разбудите доволно за да уживате, а уште не сте уморни од целодневните обврски. Сепак, вечерта им е омилена на многумина затоа што заспиваат фино преплавени од хормоните на среќа.

Придобивки од утринскиот секс

Се вели дека придобивки има многу – од замена за лесна утринска вежба за организмот до започнување на денот со хормони на среќа и добро расположение. И кога утрото започнува добро, обично е таков цел ден. „Нивото на тестостерон е природно највисоко наутро, поради што мажите имаат утринска ерекција. За оние кои рано се будат, сексот е одличен начин да се започне денот“, вели секс-терапевтката Теми Нелсон. Утринскиот секс може да биде уште попријатен бидејќи телото е опуштено после добар сон, иако тоа не е случај со сите луѓе, смета секс-тренерот Џиџи Енгл. Таа истакнува дека утринското уживање во страстите има и негативни страни. „Веднаш по будењето, вашето тело е сè уште во мирување, па чувството на задоволство не е како кога сте целосно будни. Вашите нервни завршетоци сè уште спијат“, објасни таа. „Многу луѓе сакаат да станат, да се истушираат и да ги мијат забите пред секс. За други, утринскиот секс би предизвикал уште поголем замор и помало чувство на живост“, вели Нелсон. Од друга страна, уживањето во страсни прегратки навечер е убава мисла за многумина, но тие немаат доволно енергија за тоа после напорниот ден. И тука доаѓаме до попладневниот секс, што е точно на средина. Со попладневниот секс, ќе успеете да се разбудите доволно за да уживате, а уште не сте уморни од целодневните обврски.

Што е со сексот навечер?

„Оргазмите се билет во еден правец кон сладок сон. После неверојатен секс и оргазам, вашиот мозок ослободува коктел од хормони кои прават да се чувствувате добро, како серотонин и окситоцин“, вели Енгл. Окситоцинот ја зајакнува љубовта и врската помеѓу партнерите, а ослободувањето на овој хормон пред спиење создава позитивни чувства кон партнерот со кои влегувате во светот на соништата. Исто така, додавањето на вечерен секс во вашата рутина може да биде нешто кое со задоволство ќе го очекувате цел ден, нешто убаво и возбудливо на крајот на напорниот ден, пишува Mindbodygreen.com.

Кој ден во неделата е идеален за прв состанок?

Слободанка Илиева — Fri, 15 Sep 2023 12:10:25 +0000

Кога мажот кој ви се допаѓа конечно ќе ве покани на состанок, сигурно имате милион работи на ум. Што да облечете, дали ви е добра фризурата, дали ќе ја забележи тремата… Но, сигурно ни на крај памет нема да ви падне да помислите на тоа кој ден од неделата го одбрал за вашиот прв состанок. Секој ден од неделата означува одреден вид на излегување: Понеделник Сте се запознале преку интернет социјална мрежа и сега не сте сигурни дали е паметно воопшто да се видите. Во тој случај немојте премногу да трошите. Најдобро ќе биде за почеток да отидете на пијалак, па да видите како понатаму ќе се развиваат работите. Вторник Истражувањата покажале дека за мажите вторник е ден кога се расположени за релаксиран состанок кој може да заврши со секс. Со оглед дека има уште четири дена до викенд, имаат доволно време да смислат стратегија како да ве шармираат и да ве одведат во кревет. Четири дена се доволни да се средат впечатоците по површното запознавање. Среда Состаноците во среда поминуваат добро и покрај тоа што сите се малку уморни од деловните обврски. Ако не можете да ги протолкувате сигналите, вториот состанок ќе ја разјасни ситуацијата. Освен тоа, средината на седмицата е добра за излегување и за мал флерт за полесно да се дочека викендот. Четврток Четвртокот е идеален за забавна предигра бидејќи викендот е блиску. Освен тоа, тоа е ден на позитивни вибрации, па повеќето состаноци поминуваат добро. Петок По напорната работна седмица најчесто следат излегувања со пријателите бидејќи сите сакаат добри забави и релаксација. Излегувањето во петок значи само едно – многу му/и се допаѓате и сигурен е дека со вас ќе му биде убаво и забавно. Сабота Ако ве повика на целодневен излет, значи дека со вас сака нешто повеќе од повремен секс или забава. Повикот на вечерен состанок можете да го сфатите како потврда дека многу и/му се допаѓате. Недела Ве повикал(a) на претпладневно кафе. Ако забележите дека е одморен(a) и убаво расположен(a), најверојатно во меѓувреме имал(a) деловни обврски, па неделното утро го одбрал(a) како совршено време најпосле да ве запознае. извор:попара.мк

Никогаш не закажувајте романтичен состанок на овој ден

Слободанка Илиева — Tue, 03 Jan 2023 13:33:37 +0000

Американските истражувања покажаа дека состаноците најчесто се откажуваат во последен момент, а главни причини се болеста, заморот, работните обврски и подобрата понуда. За разлика од понеделник, саботата е најпопуларна бидејќи луѓето имаат повеќе време за подготовка. За 80 отсто од испитаниците, викендот е дури четири пати попопуларен од работните денови. – Не е чудно што понеделник е најлошиот ден бидејќи луѓето се уморни од активностите за време на викендот или преоптоварени со работа – истакна Кејт Тејлор од истражувачкиот тим. извор:попара.мк

Сузана Гавазова со еротска прошетка и секси танц крај базенот ќе ви го разубави денот: Бујните гради – два чекори пред неа, извајаната задница – чекор зад неа (ВИДЕО)

Антонио Димитриевски — Thu, 08 Sep 2022 06:20:14 +0000

Сузана Гавазова летово како да пронајде нова формула со која своите следбеници постојано ги воодушевува. Не е во прашање нова песна или некој летен хит, туку пејачката максимално ги користи социјалните мрежи како во меморијата на своите обожаватели да им ја вреже сликата за себе и својот неодолив сексапил! Имено, атрактивната струмичанка секоја можност ја користи да се соблече во бикини, па во нив да ги прошета своите замашни и бујни облини, а сиот тој еротски пејсаж вткаен во нејзиниот телесен раскош на сликовит начин да им го долови на своите обожаватели. Оние кои ја сакаат, ќе почнат по неа да копнеат, а многумина допрва ќе ја засакаат ... Или барем ќе се обидат да не останат рамнодушни на ваквата глетка за полни очи влажни погледи, фантазии и воздишки. А како и не би, кога Гавазова секогаш умее најдоброто од себе да им го сервира како на послужавник, приредувајќи им вистински празник додека го листаат нејзиниот Инстаграм. За глетката да биде доволно возбудлива сексапилната пејачка и овој пат својски се потрудила, со најновот видео на кое по стариот добро проверен рецепт, Гавазова е во бикини издание за поглед што го мати видот. Расната струмичка убавица, одново шетајќи како мачка со својот манекенски секси „cat walk“ како да е на модна ревија, повторно комплетно ќе ја разбранува машката фантазија. Погледнете го сиот телесен раскош и сите убавини вткаени во нејзините бујни облини кои покрај пеењето и незаборавната атмосфера што ја прави на настапите во ноќен клуб или кафеана, се најсилната страна на Сузана! Бујните гради - два чекори пред неа, извајаната задница - чекор зад неа... Сузана Гавазова со еротска прошетка и секси танц крај базенот и овој пат ќе ви го разубави денот!

View this post on Instagram

A post shared by Suzana (@suzanagavazova)

Фото: Инстаграм принтскрин/suzanagavazova

Во Петок е 13-ти – еве што не смеете да правите на тој ден…

Слободанка Илиева — Wed, 11 May 2022 11:48:14 +0000

Многумина веруваат дека бројот 13 носи несреќа уште од библиските времиња. За Јуда, кој го предаде Исус Христос, тој тврдеше дека е 13-тиот гостин на последната вечер, па дури и сега се верува дека не е добро да се биде тринаесетти гостин на масата. Колку број 13 се смета за „баксузен“ говори и фактот што многу светски аеродроми немаат писти, излети, ниту седишта на авионот под тој број, па ако сте суеверни овие неколку работи би требало да не ги правите на Петок 13-ти . Стравот од Петок 13-ти е толку голем што тој добил и свое име. Параскевидекатриафобија е назив за чувството на непријатност кое е поврзано со овој ден. Со оглед на тоа дека доаѓа Петок 13-ти ден кој се смета за баксузен, ова не смеете да го правите: Внимавајте да не истурите сол, не поминувајте под скали, ако кажете нешто лошо чукнете во дрво. Се смета дека на Петок 13-ти не треба да допрете буба-мара и не треба да го прекрстувате приборот за јадење. извор:курир.мк

Навики во бракот кои треба да се применуваат уште од првиот ден

Христина Ѓоргиевска — Mon, 10 Jan 2022 13:15:37 +0000

Да бидеме искрени: бракот е институција во распаѓање и навистина е трагично. Себичното однесување, разните форми на зависност и неодговорноста лесно, но сигурно, го земаат својот данок, а статистиката за брак не дава добра слика. Значи, што го прави бракот успешен? Дали е воопшто можно да се има? Верувале или не, тоа е можно. Успешен брак не значи брак без предизвици, туку брак од страна на страни кои се подеднакво подготвени да работат на него. Неопходно е да сте вистински посветени еден на друг и да развиете позитивни навики уште на самиот почеток на бракот, за тој да функционира. Кои се овие навики, ви откриваме во продолжение. ИЗРАЗУВАЊЕ НА БЛАГОДАРНОСТ – Тешко дека можеме доволно да нагласиме колку е важно секојдневно да му изразувате благодарност на вашиот сопруг. Секако, тоа не треба да го правите на принуден начин, туку спонтано и искрено. Изразете ја својата благодарност на едноставен начин за секојдневните дела што ги прави вашиот сопруг. Неверојатно е што некој што ве сака е подготвен да направи за вас доколку се чувствува доволно ценет. ЗАШТИТА НА БРАКОТ – Многумина од нас забораваат дека постоело време пред социјалните мрежи. Иако не можете да ги избегнете промените што се случуваат, можете да изберете да се држите настрана од се што може да го загрози вашиот брак. Изгледа наивно, гледајќи ги профилите на луѓе од спротивниот пол, коментирајќи и оставајќи познати „лајкови“, но навистина не е така. Важно е да поставите јасни граници кои го штитат вашиот брак од несакани однесувања и нивните последици, бидејќи физичката измама не е единственото нешто што го уништува бракот. ОТСУСТВО НА ТАЈНИ – Не можете да очекувате да имате успешен брак со некого ако имате тајни што тој не ги знае. Никој не е совршен и секој од нас има некое неславно минато, но искреноста е клучна за зачувување на бракот. Што и да правите, иако изгледа дека можете да живеете со таа тајна, таа може да ве изеде од време на време. Исповеста е болна, но ако му криете нешто важно на вашиот сопруг, ќе биде многу поболно и за вас и за него, кога тој ќе дознае еден ден. БРАК КАКО ПРИОРИТЕТ – Покрај многу други работи кои секојдневно не опкружуваат, навистина е тешко да ги поставиме работите според нивната важност. Повторно, не треба да дозволите работата, хобито, домаќинството, па дури и децата да го турнат вашиот брак во втор план. Тој треба да ви биде приоритет. Можеби изгледа излишно да се нагласи, но многу парови се однесуваат токму спротивното, земајќи ја својата сакана здраво за готово. извор: попара.мк