дејство – Вистина.мк

Апчињата за контрацепција никако не треба да ги чувате на ова место во куќата – го губат дејството!

Слаѓана Атанасова — Mon, 20 Nov 2023 13:00:26 +0000

Апчињата за контрацепција се супер оружје за жените кои не сакаат да останат бремени, како и за оние кои имаат проблеми со хормоналната нерамнотежа и промените на расположението. Сепак, експертите предупредуваат дека е опасно да ги чувате во ормарите или други места во бањата. Некои луѓе го чуваат својот лек во кујната, но повеќето го чуваат во кабинетот над мијалникот во бањата, што може да биде крајно опасно кога станува збор за овој вид таблети, а одговорот лежи во ефектот на влагата врз ефектот на лекот. Влажноста и влагата од бањата може да ги променат компонентите во пилулата, што ја прави помалку ефективна, па затоа треба да се чува на ладно и темно место, пишува Mirror. Извор: Попара.мк

Зошто вашите козметички производи немаат дејство како првиот ден?

Слободанка Илиева — Thu, 16 Apr 2020 14:00:31 +0000

Рутината на негата на кожата е многу важна, особено онаа за заштитата од сонцето и од УВ-зраците. Дури и ако редовно ја чистење и ја негувате кожата за да ја одржите здрава и сјајна, има неколку непредвидливи фактори што може да го намалат ефектот на козметичките производи. 1. Поминат рок на траење Како храната, така и производите за нега на кожата имаат рок на траење и откако ќе им истече рокот, тие нема да бидат многу ефикасни. Поради оваа причина, важно е да го проверите датумот на декларацијата пред да го купите козметичкиот производ за да не трошите пари на производи што може да ви направат повеќе штета отколку добро. 2. Ја чувате козметиката на погрешно место Иако многу луѓе ги игнорираат упатствата што советуваат каде треба да ја чувате козметиката, сепак треба да бидете повнимателни. Директната сончева светлина или влажната околина може да влијаат на некои производи и да ги разградат активните состојки. Серумите со витамин Ц се особено чувствителни на топлина и на светлина. 3. Вашето тело се навикнало на производот Понекогаш, менувањето на рутината, на производот или на редоследот на нанесување може да го продолжи времето во кое производот има позитивни ефекти врз кожата. 4. Промени во годишните времиња Вашата кожа може различно да реагира на производите во зависност од годишното време. Животната средина може да влијае на ефективноста на производите за нега на кожата, така што треба да ги приспособите на промените за кожата да изгледа најдобро. Зимата може да предизвика црвенило, сува и иритирана кожа, додека топлите и влажни летни месеци може да доведат до мрсна кожа. 5. Имате хормонални промени Хормоналните промени може да влијаат на кожата. Ова може да биде поврзано со бременост, менопауза или каква било хормонална нерамнотежа. Следете ги промените на кожата и соодветно менувајте ја козметиката. 6. Лекови Лековите може да предизвикаат акни и други реакции што се манифестираат на кожата. Во овој случај, најдобро е да се консултирате со вашиот дерматолог. 7. Нанесувате козметика во погрешно време Периодот од денот кога нанесувате козметика може да биде причината зошто резултатите не се добри. 8. Не се придржувате до рутината Од клучно значење е да ја одржувате рутината и да ѝ дадете на кожата време да се навикне на тоа. 9. Не правите пилинг Ако не правите пилинг одвреме-навреме, тоа може да биде причината зошто козметиката не функционира како што треба. Слојот мртви клетки на кожата може да ги спречи состојките на производот ефикасно да навлезат во кожата. Треба да правите пилинг на кожата неколку пати неделно. 10. Производот не е доволно силен Одредени козметички состојки потешко минуваат низ кожата, па количината што ја нанесувате не е доволна. Понекогаш треба да ја зголемите дозата. 11. Состојбата на кожата се менува Кожата минува низ различни фази, па затоа е добро да ја менувате и козметиката. извор:кафепзауа.мк

Зошто производите за нега на кожата немаат дејство?

Слободанка Илиева — Thu, 20 Feb 2020 13:16:23 +0000

Борбата против несовршеностите на кожата најчесто се претвора од кратка битка во долготрајна војна. Сигурно ви се случило да согледате дека производите за убавина функционираат кај сите освен кај вас. Во продолжение прочитајте зошто рутината за убавина не го дава посакуваниот ефект. Не поминало доволно време Не треба да се надевате дека ефектот ќе биде видлив веднаш, дури и ако тоа го пишува на етикетата на производот. За да ги видите ефектите од користењето на производот, треба редовно да ги употребувате најмалку 4-8 недели. Овие бројки се произволни затоа што врз ефикасноста на производот влијаат многу фактори, односно најмногу проблемот со којшто се бори личноста. Третманот на сувата кожа може да трае со недели или да трае со месеци ако сакате да ги намалите брчките или дамките на лицето. Но, ако по 3-6 месеци воопшто не сте забележале никаков резултат, тогаш немојте веќе да се надевате. Понекогаш изгледа дека производот дејствува уште по првата употреба, но дерматолозите предупредуваат дека таквиот ефект нема да трае долго. Тоа е повеќе привремено маскирање отколку решение на проблемот. Ако рекламата звучи премногу добро за да биде вистинита, најверојатно е така. Она што ѝ помага на една личност може да биде неефикасно за друга. Многу е тешко да изберете козметика врз основа на препораки или реклами бидејќи секоја кожа е премногу индивидуална за да реагира исто на производите за нега. Дури и оние производи кои им помагаат на повеќето жени и имаат многу позитивни препораки од реномирани експерти за убавина, може да бидат бескорисни или, во најлош случај, штетни за вас. Кога одбирате некој производ, обрнете повеќе внимание на составот отколку на нечиј совет и однапред утврдете кој е проблемот што сакате да го решите. За пополнување на вашиот козметички несесер потребни ви се време, трпеливост и пари. Меѓутоа, внимателно избраните производи ќе ви помогнат да решите многу проблеми со кожата. Избирате погрешни козметички производи Различните проблеми бараат различни производи, така што колку попрецизно ќе ја поставите дијагнозата и ќе ги утврдувате потребите на вашата кожа, толку е поголема веројатноста да изберете производ што ќе го реши проблемот. Можете да ги откриете сите трикови за нега на кожата со помош на специјалист, но производот можете да го изберете сами ако знаете како функционираат одредени популарни состојки. Во продолжение има еден општ список на проблеми и козметички компоненти што ги елиминираат: Акни: алфа-хидроксилна киселина, бензоил пероксид, бета-хидроксилна киселина (БХА), ретиноид, салицилна киселина; Темни дамки и хиперпигментација: алфа-хидроксилна киселина, хидрокинон, аскорбинска киселина, фитинска киселина, ретиноид; Сувост: церамид, хијалуронска киселина; Црвенило: алое, церамид, хијалуронска киселина, нијацин, пептиди, масло од роза; Лузни: гликолна киселина, салицилна киселина; Нерамна структура на кожата: алфа-хидроксилна киселина, бензоил пероксид, бета-хидроксилна киселина, церамид, хијалуронска киселина; Брчки: ретинол. Не мора да избирате помеѓу скапи и евтини производи Иако поскапите состојки понекогаш се користат во поскапите производи, составот е многу поважен од брендот што е наведен на етикетата. Покрај тоа, важно е да знаете дека некои видови проблеми со кожата, како што е хиперпигментацијата, може ефикасно да се отстранат само со помош на професионална ласерска нега, со хемиски пилинг или со други третмани. Во ваков случај, козметичките производите ќе го намалат проблемот, но нема го решат, без оглед на тоа што ветува амбалажата. Дури и ако производот е идеален за вашата кожа, ефектот може лесно да се уништи со неправилна употреба. Некои производи не треба да се комбинираат, а други е најдобро да се применуваат по одреден редослед. Најчестите препораки за убавина се да го нанесувате производот на чисто, влажно лице, почнувајќи од производи со понежна конзистентност и завршувајќи производи со подебела конзистентност: тоник, серум, па крем. Секој слој мора да се апсорбира пред да го нанесете следниот. извор:кафепауза.мк