Дејан Момировски – Вистина.мк

Тамара Волческа има место кое ниту едно друго не може да го замени – „Место од спомени“ (ВИДЕО)

Антонио Димитриевски — Thu, 13 Jul 2023 06:15:34 +0000

Младата пејачка Тамара Волческа ја промовираше својата прва песна и спот на македонски јазик. Емотивната балада е насловена како „Место од спомени“, за која стиховите ги напишала самата Тамара, додека музиката е на Весна Малинова, а аранжманот на Дарко Тасев. Миксот и мастерингот ги изработил Дејан Момироски во неговото ХЛ студио. Песната на Тамара не враќа во детство, во времето на безгрижност, смеа, игра, насмевки, кога најмногу ја чувствуваме топлината на нашите најблиски, ги остваруваме првите социјални контакти со, ги стекнуваме првите другари... Стихови кои како низ времеплов од спомени не водат во најубавите денови. Емотивното видео само ја надополнува и комплетира звучната слика, на песната која наиде на многу позитивни коментари за пејачката. Него го изработил Петар Тутунџиев, па иако се работи за нискобуџетен спот, кадрите совршено соодветсвуваат со приказната од песната визуелигирајќи ги стиховите на ситата. Како сето ова звучи и изгледа, проследете во продолжение од видеото на Тамара и нејзиното „Место од спомени“ .

Група „Милениум“ ве води на музичка прошетка низ Битола со нивната серенада – „Ќе те шетам по Широк Сокак“ (ВИДЕО)

Антонио Димитриевски — Wed, 25 Jan 2023 14:31:02 +0000

Битолската група „Милениум“ која постои веќе 20 години на сцената во овој регион, направи песна автентична за овој крај, песна на која заедно со целата екипа потрошија многу време и енергија, посветија големо внимание и љубов запишани во песна, па потоа визиуелизирани со видео автентично за стиховите и музиката на оваа нумера. Градската серенада „Ќе те шетам по Широк Сокак“ беше неодамна промовирана и е посветена на нивната Битола. „Како битолска група сакавме на некој начин да му се оддолжиме на градот, а со што друго ако не со серенада“, велат членовите на групата „Милениум“. Музиката и текстот се на Боби Поповски, аранжманот на Дарко Илиевски, миксот, мастерингот и снимањето ги направил Дејан Момироски во неговото „ХЛ студио Момироски“, а видеото го потпишува проверениот автор и режисер на видоспотоци, Даниел Јовески. Во екипата која учествуваа во снимањето биле уште и Гоце Миланоски, Љупчо Андрески, Елена Георгиевска, Галоп битолската коњаница и асистентот Никола Ставрески. Видеото за новата битолска серенада е снимано на неколку најпознати градски локации како: Широк сокак, Чинарот и Чифте фурни. По „Битола мој роден крај“ „Ако одам во Битола“,„Битола, бабам Битола“...и најновата серенада „Ќе те шетам по Широк Сокак“, ја продолжуа традицијата во која се опејува еден од најубавите, најурбаи и најкултурни македонски градови, градот на конзулите и клавирите, прекрасната Битола. Како тоа звучи и изгледа кога групата „Милениум“ ќе ве носи на музичка прошетка по Широк Сокак, проследете од видеото во продолжение (КЛИКНИ ТУКА):

Соња Тарчуловска одново е на сцената, овој пат со песна од ќерка и Мелани: Замина „Во бело“, се враќа – „Со црвено“ (ВИДЕО)

Антонио Димитриевски — Fri, 02 Dec 2022 10:05:38 +0000

Некогаш една од најекспонираните и најбарани македонски фолк пејачки од новиот бран, јавноста ја запозна по нејзините настапи каде во „златните времиња“ долго во ноќта ги забавуваше гостите во најпознатите скопски локали, но и во оние низ Македонија. Соња Тарчуловска беше фолк ѕвезда парекселанс и по своите вокални можности и по атрактивниот физикус и по умеењето на настапите да ја крене публиката, односно гостите правејќи штимунг и расположение какво ретко која друга умее. Остана запаметена и по неколку од своите автрски песни како: „Ден по ден“, „Зоране“ или можеби нејзиниот најголем хит по кој ја познаваат, темата „Во бело“, како и и по оние подоцна новосоздадените македонски фолк песни со патриотска содржина: „Добре дојде“, „Предавници и јунаци“... кои ги испеа по сето она што и се случуваше во приватниот живот, во кој мина низ сите премрежја заедно со својот сопруг, македонскиот херој и бранител Јохан Тарчуловски. Во тоа време некако Соња Тарчуловска се повлече од естрадата, ја снема од музичката сцена, за години подоцна славата на некој начин да и ја врати токму нејзината ќерка - наследничка Мелани. Таа наследувајќи го генот и талентот од мајка си со појавата на последниот „Макфест 2022“ не само што самата блесна и како изведувач и како автор на сопствената песна, туку и на јавнста и ги освежи сеќавањата на нејзината мајка Соња. Недолго по фестивалскиот настап на ќерка и, токму Соња Тарчуловска најави дека се враќа на естрадната сцена „на голема врата“ со песна и спот. Ако замина од истата „Во бело“, големиот хит по кој остана запаметена, сега пејачката се враќа „Со црвено“, како што е насловена нејзината повратничка песна, која е и музички и визуелно сосема поразлична од она што Соња Тарчуловска досега го пеела. Патем, истата е авторско дело на никој друг туку на нејзината наследничка, ќерката Мелани која ги потпишува стиховите на песната за која аранжманот го направил Дејан Момировски, во чие „ХЛ студио Момировски“ истата и е снимена. Придружните вокали ги пеат нејзината ќерка Мелани и Сара Пројковска, а песната е во модерен танцувачки ритам , со мелодиска линија која многу повеќе наликува на современите поп хитови отколку на класична фолк песна, како оние, по кои Тарчуловска ја паметиме. Дали тоа значи целосен пресврт во музичкиот стил и кариерата, останува допрва да видиме?! Она што може сега да се види е видеото за песната кое го потпишува „Томато продукција“, во кое Соња изгледа сосема поинаку од она што сме навикнале да ја гледаме, иако евидентно е дека по се низ што мина низ животот, годините како воопшто да не оставиле трага... Не барем на нејзиното лице, напротив... Тарчуловска сега изгледа ако не помлада, тогаш барем иста како порано, како времето за неа да застанало! Као звучи нејзината повратничка песна и како таа изгледа во модерно спакуваното видео - „Со црвено“, проследте во продолжение (КЛИКНИ ТУКА):

Сања Ристеска свечено, патриотски и со гордо срце ја преработи – „Оган да го гори“ (ВИДЕО)

Антонио Димитриевски — Wed, 14 Sep 2022 10:33:23 +0000

Пејачката Сања Ристеска, која во моментов е една од најпопуларнитепејачки на нашата фолк естрада. Водена од љубовта кон македонската традиционална песна, направи извонредна преработка на песната “Оган да го гори”, оригинално изведена од доајенот на македонската народна музика Гоце Николовски, чиј автор на музиката и текстот е самиот тој. Песната е премиерно изведена 1992 и по цели 30 години и уште 3 преработки од врвни македонски пејачи, како група Бисер, Војо Стојановски и Сузана Спасовска, ја добива и оваа модерна верзија. Спотот е снимен во Крушево и е во продукција на “Арт студио” и BalkanMusicTv, аранжманот го направи Дејан Момировски (XL Studio), а дополнителна празнична и впечатлива музичка нота дава познатиот Џељо Дестановски со своите зурла и кавал. “Верувам дека ќе ве направам горда и ќе го зачуваме духот на македонската песна сите заедно” – изјави Сања Ристеска задоволна од реализацијата на целиот нов музички проект. Со констатацијата дека во овие турболентни времиња во кои опстанокот и идентитетот на татковината и македонскиот народ се брутално загрозени, на Македонија и тоа како и се потребни вакви исклучително патриотски настроени уметници, кои и во иднина низ своите песни ќе продолжат да ја негуваат традицијата на македонската народна музика и обичаи, кои се нераскинлив дел од идентитетот на еден народ. Проследете како звучи изгледа најновата верзија на „Оган да го гори“ во изведба на Сања Ристеска (КЛИКНИ ТУКА), која премиерно беше промовирана за Денот на независноста, 8-ми Септември, годинава:

Сања Барбика порачува: „Не игнорирај ме, дезинфицирај ме“… во – „Ковид и секс“ (ВИДЕО)

Антонио Димитриевски — Tue, 15 Jun 2021 12:26:17 +0000

После само два дена од објавувањето на видеото за темата „Ковид и секс“ на Сања Цинцева – Барбика коментарите на социјалните мрежи не стивнуваат. Стиховите: „Не игнорирај ме, дезинфицирај ме, мери ми топлина кога ме облива, дегустирај полека, немој на екс...може да е опасно ковид и секс!“ предизвикаа лавина од полемики и коментари, а пејачката вели дека најваѓно е да се збори. Сања вели дека токму тоа и била и првичната цел и намера кога почнала да ја работи песната. „Наменски избрав да пеам за ваква тема, знаев дека ќе има коментари и тоа ми беше и целта. Бројот на прегледи расте вртоглаво од ден во ден, тоа значи дека сме погодиле директно во центар и сме завршиле добра работа, и јас, и мојот тим“, откри убавата струмичка барбика која отсекогаш знаела како да ја заинтигрира јавноста. „Ковид и секс“ ја потпишуваат Дејан Момировски и Борче Нечовски, за спотот беше задолжен Дарио Јанковиќ, додека докторот во кадрите од видеото кој ја „дезинфицира“ струмичкат а барбика е манекенот Димче Димчевски. „Видеото е шарено, динамично, кореспондира со стиховите кои ги пеам. Песната е летна, певлива, влегува во уво на прво слушање“, додаде Сања која веќе има целосна закажана агенда на настапи за ова лето. „Полека се се’ враќа во нормала, јас запеав за ковид и „магично“ почна да го снемува“, се пошегува атрактивната пејачка. Видеото за „Ковид и секс“ можете да го погледнете во продолжение:

Младиот фолк-пејач Живе Мешуревски има само една желба, што ја преточи во песна – „Да си моја“ (ВИДЕО)

Антонио Димитриевски — Tue, 15 Dec 2020 11:59:25 +0000

Ако светот е на пауза, музиката не е... не барем за оние што ја создаваат и изведуваат, а такви има и кај нас. Како младиот фолк-пејач Живе Мешуревски, кој ја промовираше неговата најнова песна – „Да си моја“. Музичката индустрија е можеби една од најпогодените гранки во светот поради пандемијата со корона-кризата која трае скоро една година, но и во такви услови, музичарите не престанаа со музицирање. Еден од нив е ѝ младиот фолк-пејач Живе Мешуревски, на кого многумина му предвидуваат блескава музичка кариера. Тој и покрај кризата од коронавирусот, перидов работеше на неговиот најнов музички материјал од кој произлезе темата со наслов „Да си моја“ и тоа повторно со најдобрата екипа: Борче Нечовски текст и Дејан Момировски музика и аранжман. Како солисти во новата песна на Живе се појавуваат, врвниот хармоникаш Мишел Трајковски и Демир Кантуровски на труба. „Долго работевме на оваа песна. Сакавме да биде нешто навистина квалитетно и воопшто не се брзавме кога ќе ја објавиме. И така светот е во изолација, па така времето беше на наша страна. Сигурен сум дека публиката ќе ужива во оваа моја нова песна, бидејќи навистина дадовме се од себе“ – вели Живе, кој за 2021 година се надева дека работите ќе се вратат во нормала и дека ќе може да настапува и да се дружи со публиката. За новата песна Живе сними и прекрасен видеоспот, каде покрај него се појавува и убавата манекенка од модното студио „Моделс Ин“ – Бубе Неткова, а пак спотот го изработи „Арт продукција“. „Задоволен сум од тоа како излезе спотот, девојката одлично глумеше, снимавме во еден хотел во Скопје и на неколу локации во Битола“ – дополни младиот музичар. Инаку за тие што не знаат, Живе студира соло оперско пеење на Факултетот за музичка уметност во Скопје. Проследете ги песната и видеото и уживајте и во ова парче домашна музика: https://www.youtube.com/watch?v=QUn7bEW5oI8

Бојана Скендеровски и се враќа на музиката со – „Круна“… на животот (ФОТО)

Антонио Димитриевски — Fri, 11 Dec 2020 12:39:11 +0000

Бојана Атанасовска, некогаш позната само како пејачка која имала и фестивалски победи на најпознатите македонски фестивали на забавна музика како „Макфест“, албуми и големи радиски мегахитови како „Во дилема“, на пример, а од пред неколку години Бојана Скендеровски и како успешна ТВ водителка на една од најсодржајните ТВ емисии, насловена „Улица Македонија“. Во меѓувреме, сопруга, жена, мајка, кралица... со „животна круна“, а деновиве и со музичка... Токму онаква, како што е насловена нејзината нова песна - „Круна“ со која Бојана по паузата заради мајчинството се враќа на музичката сцена. „Круна е песна посветена на секоја жена, која во животот поминала многу премрежја, за на крајот да стигне до својата цел, да ја носи својата невидлива круна, која е само признание за силата и истрајноста која ја носи во себе...“ - кусо вели пејачката и ТВ водителка во најавата за своето ново музичко остварување со автобиографски елементи, чија медиумска промоција заедно со видеоспотот за песната, ќе се случи наскоро. Музиката за „Круна“ е авторско дело на проверениот композитор и музичар Николче Мицевски, текстот е на уште исто така уште едно познато музичко лице, Сара Пројковска, а темата е снимана во студиото на „ХЛ на Дејан Момироски“. Видеото кое го реализираше нејзината „Скендеровски продукција“ е снимано три дена на три различни локации, а Бојана во него е променета во креациите на познатата македонска модна креаторка, кумановката Ива Спасовска.

Сања Цинцева конечно влезе во студио: Барбика подготвува нов хит со Џамбо Агушев (ФОТО)

Антонио Димитриевски — Tue, 16 Jun 2020 11:20:52 +0000

Пејачката Сања Цинцева или како што многумина ја знаат, Сања - Барбика , после подолга музичка пауза деновиве влезе во студио. Имено, сексапилната струмичанка наскоро ќе ја изненади публиката со нова песна, а темата е снимена во студио ХЛ на Дејан Момировски. Сања на социјалните мрежи објави неколку фотографии преку кои откри како минува снимањето, а друштво во песната и прави и маестралниот Џамбо Агушев со кој Сања е добра пријателка долги години наназад. Текстот на песната го потпишува теекстописецот Борче Нечовски, а пејачката накусо ни откри дека за фановите подготвува големо изненадување, но не сакаше да открива дополнителни детали. „Со добар тим успехот е неизбежен, а за успехот многу наскоро ќе слушнете. Џамбо и Барбика – Хит мејкери!“, напиша пејачката под заедичката фотографија од тимот на „Инстаграм“. Инаку, пејачката е доста актуелна и во соседна Србија каде имаше низа гостувања, а сними и неколку песни на српски јазик кои поминаа прилично забележително. https://www.youtube.com/watch?v=TAIPl_iRtWM

Елена Велевска срце ќе ви разбуди со „Зоро моја румена“ (ВИДЕО)

Антонио Димитриевски — Mon, 07 Oct 2019 11:57:00 +0000

На стартот од есента, популарната Елена Велевска го промовира својот најнов музички проект насловен „Зоро моја румена“. Станува збор за сосема поинаква песна, која уште по првото слушање го привлекува вниманието на слушателот. Песната е авторско дело на докажаниот двоец Дејан Момировски и Борче Нечовски, со кој Елена долги години соработува, а кадрите за видеото нашата атрактивна пејачка, заедно со тимот ги снимија во соседна Бугарија. „Направив куса пауза кога е мојата авторска музика во прашање, бидејќи подолго време бев во потрага по нешто поинакво и квалитетно , по песна која ќе се слуша. „Зоро моја румена“ ми се допадна уште при првото слушање, па затоа верувам дека на ист начин ќе и се допадне на публиката“ - вели Велевска. Во меѓувреме, престојниов период, во најава се многу настапи низ Македонија и надвор од неа, како и нови музички проекти на Велевска. https://www.youtube.com/watch?v=4JHT6gtczaA