дечко – Вистина.мк

Секој на своја страна: Ана Николиќ повторно „сингл“ (фото)

Слаѓана Атанасова — Tue, 27 Feb 2024 09:09:59 +0000

Пејачката Ана Николиќ раскинала со своето момче Немања со кое беше неколку месеци во врска. Двојката, како што пренесуваат медиумите, раскинала бидејќи имаат премногу слични темпераменти, па во последно време многу се карале. Ана не сакаше да крие колку е заљубена, па продолжи да објавува видеа и ги игнорираше тврдењата на соседите дека тој е со неа само за негова корист, дека таа му е спас и дека дури и се вселил кај неа. Никој не беше задоволен од нејзиниот избор на партнер и сите предвидуваа брз крај. Дури и пријателот на Немања за медиумите откри дека пејачката и нејзиното сега поранешно момче се запознале преку социјалните мрежи, дека веднаш кликнале, но дека не мисли дека врската ќе трае долго бидејќи имаат сличен темперамент и дека тој е конкретна личност исто како и Николиќ. - Немања веќе го нема на мапата. Ана повторно е сама и си го има својот пат. Вози сама и не го спомнува. Се сеќавате дека пред овој дечко имала уште еден, а врската со него траела како јогурт. Не знам дали не можат да го поднесат нејзиниот темперамент и начин на живот или брзо и здосадува се, но знам дека е повторно сингл. Можеби насловите за тоа дека ја искористува ја натерале двапати да размисли со кого е, и затоа го откачила. Некои велат дека повторно е со дечкото, но ништо не е потврдено - изјавил изворот за Курир. Фото: printskrin/instagram/ananikolicofficial

„Имам, но не сум милијардер“ – партнерот на Бранка, мајката на Дарко Лазиќ откри со каков бизнис се занимава (фото)

Слаѓана Атанасова — Tue, 05 Dec 2023 11:55:53 +0000

Бранка Лазиќ, мајката на Дарко Лазиќ, веќе некое време ужива во љубовта со Драган Пауновиќ. Драган во интервју за локалните медиуми сега истакна дека Бранка Лазиќ не ги вложува парите во неговиот бизнис. - Не соработуваме во бизнисот, не сме деловни партнери. Со Бранка сме во врска неколку месеци, ме поддржува како емотивен партнер, да не речам девојка, тоа е за помлади. Кога патувате многу и имате многу работа, потребен ви е некој со кој ќе можете да разговарате и да споделите сè и во таа смисла таа е тука за мене - вели Драган. Драган откри со каков бизнис се занимава, особено откако се врати во Србија и истакна дека не е милијардер како што беше првично објавено. - Роден сум во Холандија, работев таму, но веќе некое време сум во Србија, поради моите деца и мојата приватна ситуација. Затоа решив да го проширам бизнисот овде. Кога дојдов ја отворив првата компанија која се занимава со конзуларни работи, електронски визи и слично. Се занимавам со недвижен имот и во Холандија и во Франција, а покрај тоа, мојата компанија обезбедува и безбедност и менаџирање на познати личности во светот на спортот - изјавил Драган. Фото: Принтскрин/Facebook/darko_lazic_fp__

Сочен бакнеж со идниот сопруг: Бремената Анѓелка Прпиќ повеќе не ја крие врската со несудениот кум (фото)

Слаѓана Атанасова — Wed, 01 Feb 2023 09:15:24 +0000

Актерката Анѓелка Прпиќ за прв пат се појави на настан во главниот град на Србија со нејзиниот партнер Марко Жугиќ со кој чека дете, а сега и јавно му подари прегратка и бакнеж. Таа се појави насмеана во придружба на нејзиниот иден сопруг и цело време разговараше со толпата. Анѓелка не се одвојуваше од партнерот, а тоа го докажуваат и фотографиите. Да потсетиме, Анѓелка Прпиќ забремени со најдобриот пријател на нејзиниот поранешен сопруг Дарио Прпиќ. Фото: Принтскрин/Антонио Ахил/ Ата Имаџес/ Инстагарам

Едита Арадиновиќ неодамна се пофали со згодниот дечко и изјави дека заедно ќе го освојат светот, а сега вели: „Раскинавме, ништо чудно“ (фото)

Слаѓана Атанасова — Thu, 27 Oct 2022 10:59:48 +0000

Едита Арадиновиќ реши да стави точка на врската со момчето кое љубоморно го чуваше од очите на јавноста, но за кое ги зборуваше најубавите работи во медиумите последниве месеци, па дури и ги сподели нивните преписки и изјави за љубов. - Мислам дека не е ништо чудно двајца луѓе да раскинат по одреден период и да останат во пријателски односи - изјави Едита Арадиновиќ. - Му посакав се најдобро, како што ми посака и тој мене - додала пејачката. Да потсетиме, Едита зборуваше за своето сега поранешно момче како за мажот на нејзиниот живот, но, според сите оценки, коцките не се поклопија баш најдобро. - Најдобриот лик на светот, не можам да го опишам и не може да се каже во едно интервју, би зборувала срдечно за тоа и се трудам да бидам дама. Би сакала да ме видите во бело, имам многу желби, пред се да сме живи и здрави, да продолжам да се занимавам со музика со целото мое срце - изјави во една прилика пејачката. На фотографиите кои ги сподели со него, таа секогаш го криеше неговото лице. - Љубов, заедно ќе го освоиме светот - е еден од описите заедно со неколку емотикони. - Најмногу ми се допаѓа да го поминувам време со тебе. Два листа од ист цвет – изјави еднаш на Инстаграм. Фото:Принтскрин/Инстаграм/Едита Арадиновиќ

Злата Петровиќ по три брака, сега сака помлад: „Нема правила, не би имала ништо против може и дечко помлад од мене, дури и 10 години, зошто да не“ (фото)

Слаѓана Атанасова — Wed, 28 Sep 2022 10:00:12 +0000

Пејачката Злата Петровиќ е на сцената речиси 40 години и може да се пофали со успешна кариера, а со колегите секогаш била во добри односи. Злата е позната како нималку суетна, па во нејзиниот случај можни се добри дружби на сцената. Таа со години е пријателка со Лепа Брена која многу ја цени и почитува, а откри и дека научила многу од неа. - Со Брена интензивно се дружиме околу 12-13 години. Не сакам да ја пофалам, но кога ќе погледнеме на почетокот на нашето пријателство, имав сосема поинаков поглед за неа. Мислев дека е недопирлива, а кога подобро ја запознав, сфатив колку е нормална со семејството и пријателите. Украдов многу од неа. Благодарна сум на Бога што запознав таква личност – изјави Злата. Надалеку е познато дека нејзина најдобра пријателка, која ја нарекува и сестра, е Гоца Божиновска. Злата неодамна беше на свадбата на синот на Гоца, Мирко Шијан, а имаше и момент кога таа од среќа се качи на столчето. - Поминав фантастично на свадбата на синот на мојата Гоца. Ме понесе љубовта на таа прослава, мислам дека во ниту еден момент не беше срамно што се качив на столчето. Мислам дека нема да бидам таква ниту на свадбата на синот Јова. Би била вкочанета сигурно. Од Гоца знам колкав стрес и подготовка е, а јас дојдов одморена и подготвена за забава. Петровиќ признала дали сака нејзиниот помал син Јован наскоро да се ожени. Исто така, открила и каква снаа сака. - Јован е млад, има само 22 години. Ја завршува четвртата година на факултет. Девојки доаѓаат кај него, ги запознавам, но ништо сериозно. Најмногу би сакала да си најде жена, девојка, која поминала низ сè. Поточно пејачка. Секогаш кога му доаѓаа девојките дома, јас секогаш велам „Колку е фина и воспитана“, а тој вели „Молам?“. Тие фините се најопасните. Пејачките се пред се добри мајки, домаќинки, па најмногу би сакала да се одлучи за нив - рече таа за Курир.рс Уште на многу млада возраст Злата влезе во брачните води. Како шеснаесетгодишна се омажила за маж што не го сакала, а кога станала полнолетна веќе била во третиот брак. Иако имаше бурен љубовен живот, пејачката сега откри дека нема емотивен партнер. - Мојата љубовна ситуација е депресивна. Во моментов немам емотивен партнер. Мислам дека тоа се случи. Сега немам време ни за љубов, бидејќи секогаш се давам целосно. Можеби кога ќе завршам со мајсторите низ дома и ќе најдам некој - низ смеа рекла Злата и додала дека не би ѝ пречело да најде помлад дечко. - Нема правила, а никој не гледа на годините. Не би имала ништо против да најдам дечко помлад од мене, дури и 10 години помлад, зошто да не. Апсолутно нема врска ако некој се согласи - заврши фолкерката. Фото:Принтскрин/Антони Ахел/Ата Имаџес/Н.Костиќ

Македонската фолкерка покажа кој е мачорот покрај кој се буди, кој е „дечко и“ со кого го пие првото утринско кафе: „Кој не ме сонувал, ноќеска реприза“ – порача Марија Луиса! (ФОТО)

Антонио Димитриевски — Tue, 25 Jan 2022 09:38:06 +0000

Откако стапна да настапува во македонската престолнина, атрактивната битолска фолкерка Марија Луиса Тодоровска не се симнува ниту од социјалните мрежи, а уште помалку од насловниците на медиумите, особено порталите. Контроверзна по многу нешта, но затоа пак отворена и „наивно“ искрена, пејачката „без влакна на јазикот“ (како и веројатно по цело тело), онака отворено и смело, е подготвена да зборува за себе, своите навики, желби и потреби, еротски сништа, сексуални фантазии... Како ретко која јавна личност кај нас, сексапилната битолчанка знае јавно да сподели „скокотливи“ фотографии и клипчиња, што ни најурбаните скопски „рипчиња“ не би ги споделие дури ниту со своите момчиња или најверни другарки. Но, Марија знае дека популарноста не се билда само со грло, туку и со раскопчано деколте од кое заводливо ѕирка силиконската предница, разголено тело, долги нозе и извајана задница... При тоа сиот свој телесен раскош ставајќи го во еден кош во функција на својата медиумска промоција и без пеење. Песната и сцената се она место каде што се збира бакшишот и дел од материјалите за на социјалните мрежи, кои потоа го затвораат кругот на популарноста. И како секоја медиумска убавица јавноста и за Марија сака да дознае нешто повеќе, за неа , нејзиниот приватен живот... Кој ли и „гризе образи“, со кого тутка постела, кој најчесто и ги бакнува и вкусот го чувствува на напумпаните усни, со кого разменува флуиди, нежности и допири, со кого легнува, со кого се буди... Или со еден збор што би рекле стиховите во песната: „Чија си?“ За да нема нагаѓања, претпоставки, фејк вести, чаршиски, ама и „чаршавски бош муабети“, самата Марија Луиса се погрижи.... Најпрвин сподели фотографија на која како и секогаш секси дотерана за последната ноќна забава , односно свирка и нејзин настап, па покрај неа напишала: „Кој не ме сонувал, ноќеска реприза“ - порачала Марија Луиса. Потоа на своите Инстаграм приказниа обзнани „кој е мачорот покрај кој се буди, кој е дечко и со кој го пие првото утринско кафе“?! Иако пејачката сакаше да покаже дека освен овој нема друг, ние од проверени извори успеваме да дознаеме дека „овој дечко“ не и е единствен... Има најмалку барем уште еден, малку покрупен и поголем, со кој исто така повремено „легнува“, а понекогаш и покрај него разголена позира и се фотографира. Кој не верува, еве слика и прилика кого уште гушка Марија! Фото: Инстаграм принтскрин/luisa.todorovska

Колку често треба да се гледате со дечкото/девојката на почеток на врската?

Христина Ѓоргиевска — Wed, 15 Jan 2020 13:00:26 +0000

Само што почнавте нова врска и ви се чини дека конечно најдовте некој кој потполно ви одговара и сакате целото слободно време да го поминувате со таа личност? Науката вели дека два состаноци неделно се повеќе од доволно. Многу двојки уживаат во тоа да се гледаат речиси секој ден, но науката вели дека доволно ви се две средби неделно, а еве и зошто: Спречувате вештачко „врзување“ Психијатарот Скот Керол смета дека е многу важно на почетокот на врската да се држите до правилото на гледање два пати неделно. Тoj тврди дека ако се гледате почесто од тоа може да се јави анксиозност која би можело да упропасти потенцијално добра врска. Исто така може да ви се случи да ве заслепат емоциите и да не забележите дека самите се туркате во емотивно нездрав однос. Затоа е добро да си дадете време меѓу средбите за да можете да размислите подобро за тоа што се случило претходниот пат кога сте се виделе со дечкото/девојката. Имате повеќе време за себе Според истражувањето на доктор Тери Орбах, стапката на разводи е повисока кај двојките кои имаат проблем со приватноста во споредба со двојките кои не се среќни или имаат проблем со интимноста. Со други зборови, ако сакате здрава и долга врска, важно е да го оставите другиот да „дише“ и со тоа да имате повеќе простор и време за себе. За таа цел ви е потребно да поминувате неколку дена без да се гледате, но и без претерано да комуницирате (чет или видеоповици). Повеќе време да се запознаете Не мора да бидете заедно 24/7 за да се запознаете подобро и да се поврзете. Ако добро се сложувате и си одговарате еден на друг, најдобро е да се опуштите и да уживате во она време што го поминувате заедно наместо да инсистирате на често гледање и да станете здодевни. Исто така, психолозите велат дека е добро да го „развлекувате“ времето меѓу две рандевуа за да видите како ќе реагира другиот. Секако, тоа не треба да премине во некаков вид тестирање или манипулирање. Ќе изградите и пријателство Психолошко истражување од 2014 година покажа дека луѓето о двојка кои еден со друг се опишуваат како блиски пријатели имаат подобра врска од оние кои тврдат дека се „сродни души“. Можеби тоа не звучи најромантично, но многу е важно да изградите и пријателски однос врз кој ќе се заснова една искрена и здрава врска во која нема да се идеализирате еден со друг. извор: кајгана

Се шпекулираше дека е сама: Милица Тодоровиќ прозбори за раскинувњето со момчето! (фото)

Христина Ѓоргиевска — Thu, 17 May 2018 10:42:55 +0000

Во последните неколку недели се пишуваше дека Милица Тодоровиќ ја раскинала четиригодишната врска сокореографот Милош Пауновиќ, а како причина се наведуваше дека Пауновиќ не сака да се жени со пејачката. Досега Милица не ги коментираше овие шпекулации, се до вчера кога отрки што навистина кон се уште нејзинито момче. На Милош вчера му беше роденден, а пејачката на својот Инстаграм профил објави зедничка фотографија, а во описот напиша: „Среќен роденден најголема моја поддршка!!Те сакам!, напиша пејачката и на овој начин дематираше дека меѓу нив се е во ред.

Srecan ti rodjendan podrsko moja najveca! Volim te. ???

A post shared by Milica Todorovic (@milicatodorovicofficial) on May 16, 2018 at 1:33am PDT

Погледнете како изгледа поранешното момче на Милица Тодоровиќ – братот на Саша Коваќевиќ

Христина Ѓоргиевска — Mon, 30 Apr 2018 07:46:52 +0000

Познатата пејачка Милица Тодоровиќ четири години беше во врска со Раде Коваќевиќ, братот на Саша Коваќевиќ. Откако се занимава со јавна професија, Раде и беше второ момче на Милица, а првиот е Ненад Јовановиќ. По раскинувањето со Раде, пејачката започна врска со кореографот Милош Пауновиќ, со кој и ден денес се заедно. Раде и денес е миленик на женската популација. Тој и понатаму е успешен компзитор, кој заедно со неговиот брат Саша Коваќевиќ прави хитови, а последна од нив е „Без тебе ме нема“. Вака изгледа братот на пејачот и поранешен на пејачката:

фото: инстаграм/радековаќевиќ

Пукна тиквата: Катарина Грујиќ раскина со црногорскиот бизнисмен?

Христина Ѓоргиевска — Fri, 13 Apr 2018 12:51:33 +0000

Судејќи по социјалните мрежи, највероватно Катарина Грујиќ раскинала со црногорскиот бизнисмен Коста Обрадовиќ. Катарина од социјалните мрежи ги избриша сите фотографии со Коста, а потоа и објави неколку статуси кои можеби ја опишуваат нејзината емотивна состојба. „Секогаш чекорам со насмевка на лице. Понекогаш мала, понекогаш голема. Понекогаш лажна, одлгумена. Понекогаш со насмевка низ солзи...Често искрена. Но, без оглед на животната ситуација, каква и да е, насмевката е тука. Не дозволувам другите да се смеат на мојот пораз, нека ги загрижи насмевката на моето лице, напиша Катарина. Она што додатно покажува дека раскинале е тоа што, Катарина замина на одмор пред излегување на нејзиниот прв албум. Таа се одмара во Солун, од каде што секојдневно ги известува фановите за нејзините активности.

Со оглед на тоа што има изјавено дека после љубовните раскинувања сака сама да се одмори, највероватно и сама заминала да се релаксира. Коста поради љувота кон пејачката се пресели во српската престолнина, а Каќа неколку пати има изјавено дека го пронашала човекот на својот живот. Дали Каќа е „сингл“ или пак се само шпекулации ќе покаже времето. фото: принскрин/инстаграм