даска – Вистина.мк

Кристина Арнаудова не се препозна самата себе си: „Зарем ова сум јас… па каде ми се градите“? (ФОТО)

Антонио Димитриевски — Sat, 17 Feb 2024 07:26:53 +0000

Кристина Арнаудова се изненади самата себе си од една стара фотографија која ја споели една нејзина пријателка на социјалните мрежи, па пејачката ја превзема . На неа неготинчанката со скопска адреса на живеење изгледа помладо, со поинаква фризура и многу послаба отколку што е денес. Рака на срце, не дека денес е дебела или стара, ама сепак... На фотографијата таа е сликана некаде на плажа, заедно со тогашното момче, сега нејзиниот сопруг Александар, кој горе-долу изгледа исто како и денес. А Кристина, целата вчудовидена и во прашалници, како да не можеше да се препозна ниту самата себе си, па зачудено се запраша или поточно, (си) постави три прашања: 1.Како е можно да сум волку слаба?! 2. Какви се овие купаќи ( бикини)?! 3. Каде ми се ци*ињата?! На првото одговорот е логичен: „Се' оди со годините“... Што се однесува до „купаќите“... Или таква била тогаш модата или... Впрочем, за вкусовите не се расправа. А, одговорот на она последното е вистинска мистерија. Загатка што тешко дека некој може да ја одгатне, а еве и зошто. Штом ја видите фотографијата на која во пределот на градниот кош Арнаудова тогаш изгледа „рамна како даска“, прво што ќе помислите дека во меѓувреме ставила силикони! Не дека денес е цицлеста како некоја српска старлета, ама сепак, далеку е „понапредна“ отколку тогаш! Ано ама за да биде загатката уште помистична, придонесе Фејсбук преписката помеѓу пејачката и колешката од музичкиот еснаф, новинарката Бранка Костиќ Марковиќ, која и ја „ископала“ фотографијата од заборав, па ја сподели со Арнаудова и јавноста. Во преписката Кристина ја исклучува можноста од естатски зафат и категорички демантира дека ставила силикони, зашто како што самата вели, каков „уплав“ има од било какви операции, знаат и врапчињата. Интересено и чудно, дури и за таблоидите?! Но, знаат ли врапчињата како тогаш и пораснаа „ци*ињата“ на тогаш „малечката“ пејачка во подем, во однос на она што денес гордо го носи на себе во пределот на градниот кош Арнаудова? Можеби има некој таен рецепт, врзан за начинот на исхрана или за некои други „вежбовни активности“? Одговорот го должи пејачката, зашто сепак, не се во прашање млечни заби да ти паднат, па да ти израснат нови, поздрави и поголеми!? Фото: Фејсбук/Кристина Арнаудова

Македонската фудбалерка потсети колку е „секси ѕверка“: Јулија Живиќ – влажна, разголена и солена…! (ФОТО+ВИДЕО)

Антонио Димитриевски — Sat, 09 Sep 2023 07:02:45 +0000

Стандардната членка на македонската женска фудбалска А селекција Јулија Живиќ важи за најзгодната македонска фудбалерка. Како и фудбалската топка, популарната „бубамара“, која по боите оддамна не „бубамара“, така и фудбалерките оддамна не се она што се мисли: незграпни, груби, машкобањасти... напротив! Русокосата убавица е жив доказ дека убавината и „најважната споредна работа на светот“ можат да одат заедно, дека високите потпетици секогаш може да ги замениш со „копачки“, фустанот со дрес, тангата со спортски гаќички, хулахопките и мрежестите чорапи со спортски. Нежност и убавина, преточени во машка храброст и вештина, тоа е Јулија. Но само на зелениот терен, каде умеењето со топката ја направи популарна девојката која пак со својот телесен раскош плени, колку на и теренот, уште повеќе надвор од него. Конечно, дека „око не лаже“ најдобар пример се последните фотографии на Јулија која има што да покаже. Имено, македонската репрезентативка уживаше во последните денови од летото на море. За да не и стане здодевно сончањето и пливањето, Јулија реши малку да се позанимава и со нешто друго, што веројатно најчесто кај нас го практикуваат охриѓани, опеано во онаа познатата: „Многу љубам да веслам...“! Само што Јулија наместо да седи, клечи на колена! Првото додека се вози и весла, а второто додека позира, кога се снима и се фотографира! Токму таква, сексапилната убавица се сликала на СУП даска - (Stand Up Paddle), па фотографиите ги споделила со јавноста на Инстаграм. СУП всушност е спортска активност на вода со помош на даска и весло, во која веслачот стои на даската и го користи лопатките од веслото за да се движи низ водата. Велат дека во моментов токму СУП е најбрзо растечки спорт во светот. А Јулија, најбрзо растечката спортска убавица во Македонија, овој пат во црни танга бикини, клекната на даската ги истакнала своите телесни облини... И однапред и одзади, додека клечи и весла... Или само се слика. Чисто онака, за македонската фудбалерка да потсети колку е „секси ѕверка“! Јулија Живиќ - влажна, разголена и солена... од долу до горе, тазе сликана на море! Фото: Инстаграм принтскрин/zivic.julija

Ќерката на Топлако во танга на даска за сурфање: Хелена има толку совршено обликувана задница што предизвикува вртоглавица (ФОТО)

Антонио Димитриевски — Tue, 30 Aug 2022 13:01:24 +0000

Ќерката на пејачот Милан Топаловиќ - Топалко, сексапилната Хелена Топаловиќ, предизвика бурни реакции на Инстаграм откако одново објави провокативни фотографии. Откако се омажи за богат бизнисмен, Хелена Топаловиќ, сега Алексиќ често се фали со скапи подароци, а не бега и да ги покаже своите бујни облини во жешки пози. Ќерката на Топлко измами воздишки кај бројните следбеници, а на мажите им паднаа „вилиците“ од погледот на нејзините совршени облини во минијатурен костим за капење. Хелена позира во морето покрај Азурниот брег, веслајќи застаната на даска, додека нејзината совршено обликувана задница предизвикува вртоглавица. Фото: Инстаграм принтскрин/helena_topalovic

На која од македонските јавни личности најмногу и прилега познатата фраза: „Многу љубам да веслам…?“ (ФОТО)

Антонио Димитриевски — Sat, 18 Jun 2022 07:06:48 +0000

Се сеќавате, нели на познатата фраза „Многу љубам да веслам... зошто не веслаш и ти?“, од некогаш популарниот хумористичен серијал „К 15“. Нејсе, веслањето кој како го сфаќа, доживува и преживува... Некој љуби да (ги) весла (другите), некој не весла, ама останува „извеслан“ слепо верувајќи им на оние што (го) „веслаат“. Во суштина вистинското веслање е екстремно тежок спорт, но и предизвик кој носи задоволство. Токму ова ново задоволство, тоа блаженство на вода реши да го почувствува и дел од македонската естрада и јавните личности воопшто, па кој го остави микрофонот, кој домаќинлукот и се фатија за... весла! Рековме веслањето може да биде и опасно, особено ако веслаш во непознати или „диви води“... Струјата лесно може да те понесе, вртлогот да те преврти и лесно да потонеш... Засега пејачот од братското дуо „Некст тајм“ за среќа не потонал... Не барем додека Стефан Филиповски ги скротуваше дивите води на „Матка“ во со своето кану. Од диви, Стефан се префрли на мирни води... Барем Охридските езерски за такви важат. Ама сега предизвикот е поинаков, зашто брзо увидел дека со кану по езерото е здодевно, па сфати дека му “фали даска“... за нов предизвик. А на неа се весла - стоеечки. Можеби е езерото рамно како тепсија, ама тлото под нозе е како кога влегуваш во во „нова љубовна авантура“: неизвесно, се лула на секое бранче и ветерче, па треба и тоа како да умееш да балансираш. Инаку, „ојде со се пљачки в еѕеро“! За разлика од него брат му Мартин „не љуби да весла“... Гитаристот повеќе е за мирно море, акога нема море, може и мирни езерски води... И тоа со љубовта на неговиот живот! Водителката Ирена Спировска е исто така љубител на предизвиците. Трагач по возбуди од различен вид: од воздушни параглајдер прошетки, преку велосипедско-планинарски предизвици до езерски мераци. Каков што си направи додека „љубеше да весла“ во своето гумено кану по Охридското езеро. Езерска веслачка тура за летна кајак авантура. И не и е прв пат, зашто Ирена оддамна „љуби да весла“! Отприлика истото го направи уште една македонска ТВ водителка и новинарка. Александра Јовановска од МТВ, овој пат не стисна ништо за „плеј“... Или ајде, стисна заби, па и таа влезе во „веслачка авантура“. Само што нејзе и беше прв пат. Сефте веслачко кану искуство, по Охридското езеро. Белким нема и последно, зашто Сандра сфати набрзинка дека веслањето е многу подобро од возење педалинка! Па до сега и да не љубела, отсега „ќе љуби да весла“! И конечно, уште една дама, која однеодамна стана русокоса, разголена и боса, покажа дека и таа умее со веслањето. Можеби е многу посигурна кога чекори по модната писта, ама Катарина Ивановска кога се љубовта, спортските типови, а Бога ми и водените спортови во прашање, оддамна покажа дека „не цицала весло“. Напротив, за скијање на вода уште на прво застанување на скии на езерската шир покажа дека има талент, па сега сфати деке е момент да проба како е да весла на даска. Сепак, гумата за пливање за секој случај на дофат, зашто кој знае што може да ти се случи попат... Зашто веслањето стоечки по вода и чекорењето по писта не е исто, колку Кики и да има веслачки навики. И по сето видено и прикажано, сепак едно е останува до крај недокажано: На која од македонските естрадни и јавни личности најмногу и прилега познатата фраза: „Многу љубам да веслам...?“ Или можеби одговорот лежи токму во прашањето: „..Зошто не веслаш и ти?“

„Ај Кју“ во Маврово: Марија на скии, Бојан на сноуборд на снегот, ама на суво… Ја батали „даската“ па се фати за „амбалажата“… за мајчино млеко! (ФОТО)

Антонио Димитриевски — Tue, 19 Jan 2021 07:54:25 +0000

Зимата и снегот и покрај студот и сите непогодниости, носат и еден куп зимски радости, како за децата така и за возрасните. Особено ако си на планина, во некој зимски ски центар, дома или надвор од Македонија, сеедно... на ваквиот предизвик не се имуни ниту познатитите. Меѓу останатите и нашите евровизиски претставници, Марија и Бојан од дуото „Ај Кју“ беа на планина. На скијање и бордање... во Маврово!

Марија се качи на скиите, се фати за штеките, па се пофали со новата опрема. Бојан е модерен „фраер“, па не скија туку борда... Логично двојката направи и неколку заеднички „колегијални“ фотографии од авантурата на снегот, па ги сподели на социјалните мрежи, што денес е исто така ултра модерно. Си бил некаде, а да не те дознаат сите... Исто како да не си бил нигде!

Арно ама од сите авантури на снегот, највпечатлива на фотографиите е „авантурата на суво“. Имено, во паузата помеѓу две скијања и бордања, двојката „музички колеги“ седна малку да се одмори, згрее и да ја обнови енергијата...

И додека Марија и Бојан чекаа персоналот во рестореанот да им го донесе менито, Бојан не чекаше многу, па откако претходно ја пушти „даската“, се фати за за „амбалажата“... за мајчино млеко!

Така овековечениот „колегијален момент“ осамна постиран на Инстаграм... кај обајцата! Остана само нејасно: Дали тоа Бојан сакаше да провери има ли алтернативни решенија доколку не му се допадне менито, или проверуваше дали е се во ред со „аирбегот“ на Марија, во случај пејачката да падне од скиите на снегот? Што и да е во прашање, едно е сепак сигурно: „колегата“ не остана „со празни раце“!

Опасно секси: Кога Сара Мејс весла клекната во танга (фото)

Слободанка Илиева — Fri, 21 Aug 2020 07:00:37 +0000

Сара Мејс изминатиот период напорно работеше на својата линија и намалувањето на килограмите, во што и успеа да си ја постигне зацртаната цел. Со тоа што е добиено и реализирано посакуваното, самодовербата автоматски е на повисоко ниво, како и чувството на задоволство и исполнетот со самиот себе. Сара е токму во таков период кога сака да го покаже виткото тело и тоа во храбри изданија. https://arhiva.vistina.com.mk/radio-mileva/na-koja-od-makedonskite-javni-lichnosti-najmnogu-i-prilega-poznatata-fraza-mnogu-ljubam-da-veslam-foto/ Пејачката моментално заедно со семејството е на Љубаништа во Охрид, а таму како што е ред според шемата ова лето, и Сара се качи на даска по езерската шир, само што нејзе позгоднио и беше наместо да стои, да биде клекната. Оваа секси поза од позадина во танга бикини, нверојатно сопругот Димитар добро ја улови од брегот, а Сара ја објави на својот Инстаграм. Да не биде дека само Сара умее да весла и тоа клекната, тука и Диме се фати за веслање кајак и тоа заедно со неговите две дами и уште една мала пријателка.

Кај беа и што „кркаа“ познатите македонски фаци за 1-ви Мај: Од скара на балкон и прасе на ражен во двор, до јагоди, пршута и печеница на викендица… (ФОТО)

Антонио Димитриевски — Sat, 02 May 2020 08:18:43 +0000

Први Мај... Ден на трудот, ден на работникот, симбол на борбата за неговите права за подобри работни услови, помала експлоатација, помало работни време, поголема плата... И секако, наследената оставштина од социјализмот, 1-ви Мај да биде ден за пикник, за излез во природа, скара, пијалок, дружба, песна, па и по малку рекреација и спортување... Зависно од тоа, „кој(а) по што спорт е?“ Познатите македонски личности или барем голем дел од нив, не останаа имуни на овие што наследени, што новостекнати навики. Скара, печење, мезе, салати, пијачки... „се вртеа“, мезеа, јадеа и пијеа на различни локации. Од балкони и тераси, преку постaвeни маси во домашниот двор или на викендичка, до некоја анонимна пољана или пак ним добро позната ледина. Ниту короната, карантинот и полицискиот час не ги спречи познатите фаци да покажат какви се' првомајски „јунаци“ има меѓу нив, кога се скарата и пикникот во прашање. Познатата македонска ТВ водителка и пејачка Бојана Скендеровски е тазе мајка по втор пат, па очигледно таа и нејзиниот сопруг Васко, не сакаа да ризикуваат и решија празникот на трудот заедно со дечињата да го минат дома. „Кој рече дека оваа година нема да имаме скара?“ - праша сопственикот на "Скендеровски продукција", па ја монтираше електричната скара на терасата од својот стан во подножјето на Водно. На планина речиси и да се лоцирани, погледот кон падините на Водно и крстот е тој, а и месото ставено „натенане“ да се пече. Во меѓувреме за амбиентот да биде баш празничен, се потруди домаќинката со песна, додека домаќинот ја вртеше скарата... „Блазе тебе ѕвездо моја, си го имаш него...“ или така некако веќе одеа стиховите на песната од Наум Петрески, која ечеше на распеаниот и разигран првомајски балкон под Водно, на семејството Скендеровски. Скара се вртеше и кај Жарко Димитриовски, ама во дворот. Водителот на ток шоуто „1 на 1“ првомајски реши да спои две во едно: убавото и корисното, „кркањето“ и снимањето, пикник и емисија, која истата ја снимаше додека ги вртеше плескавиците на електричната скара, во очекување на двајца познати гости... Кои - ќе видите во „1 на 1“! На домашната скара и тоа првомајска, карантинска, не можеа да и одолеат ниту мисиците и манекенките... Плус со кромитче, па и салатичка... за мерак! Убавата штипјанка Ивана Ина Димитрова, модната писта и подиумот ги замени со празничен ручек во дворот. Калориите не се проблем, брзо се топат, ако имаш соодветен начин за нивна елиминација, а Ивана оддамна покажа дека знае како тоа се прави. „Честит 1 Мај пролетери“ - напишал на својот Фејсбук профил пејачот Филип Јордановски, иако е далеку од пролетер, зашто покрај пеењето, главна професија му е банкарството, а тој е еден од директорите на скопската централа на бугарската „Капитал банка“. Арно ама, „пролетерската традиција“ од социјализмот, очигледно и понатаму достојно си ја почитува, па Филип заедно со семејството и другарите за 1. Мај реши да излезе на ледина... Пикник и скара во природа, за оваа традиционална празнична пригода. Чашката ракиичка и насмевките се задолжителни... како и скарата со плескавици, наместо заштитни маски и ракавици. Тие никако не одат во пакет со првомајското хедонистичко задоволство. Имуна на првомајска скара на отворено не остана ниту Миа Костова. Нејзината локација, една куќа/викендичка со преубав двор во околината на Скопје и се разбира весело друштво и полна трпеза. До душа, повеќе вегетаријански или само така ни се чини... Очигледно, скарата допрва се подготвувала да се распали... Впрочем, денот е долг, а тек ноќта... Најдалеку од „месната естрадна елита“ се чини отиде водителката и позната ДЈ-ка, Вера „Генерал“ Јанковиќ. Кај Вера нема далавера, има да се јаде додека се може, па и згора на тоа... ДЈ Јанковиќ има српско презиме, а каква тоа српска крв тече во тебе, ако не си спремил прасе? И тоа не во фурна, туку на ражен, во двор! Да се врти како плоча, првите комшии да видат, а цело маало да го почувствува мирисот на крцкавата кожичка на тазе печеното прасенце! А, ДЈ Вера дотерана и спремна по сите прописи... Со заштитна маска на лице и електричен ражен, со првомајска парола: „Двор ни е, прасе ни е...!“ Алал да ви е! Е сега, не се сите по скарата и печењето... Има некои што за празникот на трудот му ја збришаа надвор од дома, на својата или на викендичка кај пријател(к)ите, а наместо скара или прасе, своите хедонистички апетити ги задоволија со многу поегзотично мени. Писателката и стенд ап комичарка Ивана Наскова, 1.Мај го дочека карантински дислоцирана. Во викендичка во Маврово, во женско друштво и малку подиетална празнична трпеза. Дека не им фали даска, покажа масата на која даската со сувомесно мезе, кашкавал, сирење и други месно-млечни производи беше сервирана заедно со по некоја чаша бело винце. А овошјето со ваквото мени оди под задолжително. Впрочем, линијата треба да се задржи и додека целата нација е во изолација, зарем не? Слично на неа, на иста локација - Маврово, само во различна викендичка , но со речиси иста гастрономска поставка, 1.Мај го помина и водителката на „Живот со стил“. И Елена Стефановска се почести со даска, бело вино и јагоди, сервирани надвор на масата во дворот со поглед на езеро, а внатре... Внатре, десерт - шумско овошје со јаткасти плодови или така наречена витаминска „секси - салата“. Здрава за телото, уште поздрава за либидото... Впрочем, фотопозата сама зборува, за тоа како се согорува акумулираниот вишок калории, дома или на „туѓи“ територии! И за крај на оваа наша мини првомајска прошетка, една вистинска работничка закуска. Популарниот охридски радио и ТВ водител Жанко „Зш“ Голабоски, е познат љубител на природата, планината и планинарските авантури, па затоа и овој Први Мај не пропушти да се здаде во потрага по нова возбуда. Доследен на работничката идеја, со срп и чекан и развиорено црвено пролетерско знаме, Жанко денот на трудот како и лани, кога на Магаро го прослави со бурек, годинава на Требенишко езеро го одбележа со закуска од житарки! Да живее празникот на трудот!