дарко велковски – Вистина.мк

Дарко Велковски и Тамара Чуприна и со свадбена веселба ја потврдија својата брачна судбина: Фудбалерот и манекенката по година и пол од венчавката направија „брачна надградба“ со свадба (ФОТО)

Антонио Димитриевски — Tue, 27 Jun 2023 07:06:45 +0000

Летото во Македонија е вообичаено некако најпогоден период на свадби, па така нитиу познатите и јавни личности не се надвор од ова „непишано правило“, најчесто да се стапува во брак и прават свадбени веселби токму овие месеци. Стандардниот мaкедонски фудбалски репрезентативец Дарко Велковски уште еднаш ја потврди својата љубов со неговата венчана партнерката Тамара Чуприна со која во почетокот на 2022 година го добија и синчето Ведран кој беше неизоставен дел од брачно-семејната веселба на своите родители. Дарко и Тамара законската процедура во матично ја поминаа уште кон крајот на 2021 година, кога стоперот ја ожени манекенката која тогаш беше во баеги поодмината фаза од бременоста, официјално станувајќи господин и госпоѓа. Викендов пак ( јуни 2023), по повеќе од една и пол година од „ставањето на брачниот потпис“ и речиси исто толку време од раѓањето на нивното синче, фудбалерот и манекенката решија сепак да направат свадбена веселба со сите салтанати, по сите традиционални македонски адети и обичаи.

Стартот како од бајките... Со ѕвездено небо, ползечки чад и мини огномет од прскалки со „ладен оган“, како дополнителни ефекти на музичката балада  со симболичен наслов „Остани во мене“ и првиот свадбен танц на младоженците, кои во случајов оддамна се брачна двојка и горди родители на нивниот единец.

Секако, ако претходно, пред да стане  брачна сопружничка младата беше однесена пред матичар, овој пат невестата беше однесена пред олтар...

За љубовта на младите да биде потврдена и со заклетва пред Бога!

Се разбира музиката добро подготвена за забава, а веројатно и добро платена, а гостите весели и расположени, но сепак... Главни на веселбата оние за кои таа се прави...

Како што и потврдуваат  и фотографиите и видеата објавени на социјалните мрежи  свадбената прослава во ресторанот подоцна дислоцирана и во еден познат скопски ноќен клуб. Второ полувреме во кое младите со другарите и пријателите ја продолжиле свадбената веселба во вид на журка до доцните ноќни часови.

Инаку Дарко Велковски последниве години кариерата од хрватскиот прволигаш Ријека ја продолжи во првенството на Саудиска Арабија, каде настапува во тимот на Ал-Етифак, а Тамара Чуприна откако се омажи и породи, кариерата ја стави во мирување и е посветена на семејните обврски и мајчинството.

Фото и видео: Инстаграм/velkovskidare

Повеќе на vistina.mk

Дарко Велковски стана татко: Фудбалскиот репрезентативец доби син (ФОТО)

Антонио Димитриевски — Wed, 09 Feb 2022 07:00:32 +0000

Македонскиот фудбалски репрезентативец, Дарко Велковски и неговата животна сопатничка Тамара Чуприна, имаат голем повод за славење. Дарко стана татко, откако неговата сопруга во една приватна скопска акушерска клиника на свет донесе здраво машко дете. Малечкиот наследник го доби името Ведран. Ова е прво дете на Дарко и Тамара, кој прва и ја сподели радосната вест, но и фотографии од малиот Ведран од породилиштето. Честитките за приновата разбирливио се редеа и од семејството и од роднините, другарите, пријателите, колегите... од сите! Тамара, која е помала сестра на некогашната манекенка, модел и ТВ водителка на „Бекстејџ“, Драгана Чуприна, уште во месец септември лани, 2021 година ги изненади сите, откако објави фотографија од ултразвук на бебе и под објавата напиша: „Исто како мојот татко, без фотографии ве молам“ – појаснувајќи дека е во петтиот месец од бременоста, но не го откри полот на бебето кое е на пат. Пред да станат за прв пат родители, фудбалерот и манекенката во последните денови од декември 2021 година и законски ја официјализираа својата врска, а љубовта ја крунисаа со брак. На венчавката која била од интимен карактер присуствувале само најблиските членови на семејствата и тесен круг на роднинии пријатели на младенците, а свадбената веселба се одвивала во еден познат угостителски локал. Сега кога „штркот долета и во нивното семејно гнездо“, а тие станаа родители, малиот Ведран на Дарко и Тамара уште повеќе ќе им го разведри брачниот живот, кој добива нов квалитет со проширувањето на семејството. Нека им е жив и здрав малечкиот наследник! Фото: Инстаграм принтскрин/chuprinaatamara

Повеќе на vistina.mk

Стоперот ја ожени манекенката: Дарко Велковски и Тамара Чуприна и официјално станааа брачни сопружници (ФОТО)

Антонио Димитриевски — Mon, 27 Dec 2021 07:57:48 +0000

Дарко Велковски, стандардниот фудбалски репрезентативец на Македонија кој игра за хрватскиот прволигаш Ријека ја ожени својата долгогодишна девојка, манекенката Тамара Чуприна, која е во поодмината фаза на бременоста. Пред да станат за прв пат родители, стоперот и манекенката законски ја официјализираа својата врска, а љубовта ја крунисаа со брак. На венчавката која била од интимен карактер присуствувале само најблиските членови на семејствата и тесен круг на роднинии пријатели на младенците. Свадбената веселба се одвивала во еден познат локал, а на неа рассположението, радоста и среќата евидентни. Најрасположена секако невестете, која речиси секој ден ја очекува семејната принова, но тоа не ја спречило манекенката со високо крената рака да запее и заигра со другарките и роднините. Претходно, свадбениот валцер на младоженците со чаша в рака за - „наздравје“ на денот, на чинот, на сватовите, гостите, на сите... За среќен и долговече брак на младите и секако, многудетно семејство. Но, пред веселбата да започне, како што е редот, чинот на венчавката треба да се изврши. Велковски речиси никогаш не потклекнува пред нападите на противничките напаѓачи на голот за тимот за кој игра или репрезентацијата, ама брачната церемонија и невестата се нешто друго и... Дарко клекна на колена за да и ја стави венчалната бурма, која блесна на раката на неговата сакана Тамара. Бурмата и „брачната игра“ како и фудбалската - без потпис не започнува, па затоа фудбалерот и манекенката чинот на склучување граѓански брак го заверија со потпис во матичната книга на венчани. „Господин и госпоѓа“ - сподели Тамара, а свадбената забава тргна... Инаку Тамара, која е помала сестра на некогашната манекенка, модел и ТВ водителка на „Бекстејџ“, Драгана Чуприна, ги изненади сите, откако во месец август 2021 год. објави фотографија од ултразвук на бебето и под објавата напиша: Дарко и Тамара која наскоро треба да се породи очекуваат машко дете. Нека им среќна венчавката!

Повеќе на vistina.mk

Македонскиот фудбалски репрезентативец наскоро ќе стане татко: Сестрата на некогашната водителка на „Бекстејџ“ е бремена (ФОТО)

Антонио Димитриевски — Tue, 16 Nov 2021 13:46:52 +0000

Македонската фудбалска репрезентација во важниот меч против Исланд триумфираше со 3-1 и заслужено се пласираше во бараж натпреварите за пласман на СП во Катар 2022. По напорниот меч и целата еуфорија тие овие денови имаат пауза за да ги соберат сите впечатоци по победата која се славеше до доцна во ноќта. Дел од нашата репрезентација е и фудбалерот Дарко Велковски кој наскоро го очекува уште една радост освен пласманот во бараж натпреварите за пласман на СП во Катар идната година. Имено девојката на 26 годишниот фудбалер, Тамара Чуприна е бремена и наскоро тие ќе станат родители за прв пат на момче. Тамара инаку е сестра на познатата водителка Драгана Чуприна која беше позната во јавноста во минатото. Идната мајка на Инстаграм е често активна, а како трудница изгледа речиси совршено, погледнете.

Повеќе на vistina.mk

Дарко Велковски ќе стане татко: Тамара Чуприна – девојката на македонскиот фудбалски репрезентативец објави дека е бремена (ФОТО)

Антонио Димитриевски — Wed, 08 Sep 2021 09:09:16 +0000

Дарко Велковски, 26 годишниот фудбалски репрезентативец на Македонија кој игра за хрватскиот прволигаш Ријека, ќе стане татко. На неговиот Инстаграм профил можеме да видиме дека е заљубен, објавувајќи фотографии со својата долгогодишна девојка, манекенката Тамара Чуприна. Тамара, која е помала сестра на некогашната манекенка, модел и ТВ водителка на „Бекстејџ“, Драгана Чуприна, ги изненади сите, откако објави фотографија од ултразвук на бебе и под објавата напиша: „Исто како мојот татко, без фотографии ве молам“ - појаснувајќи дека е во петтиот месец од бременоста, но не го откри полот на бебето кое е на пат. Останува само понатаму да дознаеме дали бебето ќе биде момче или девојче и во секој случај да им честитаме на Тамара и Дарко кои наскоро ќе станат за прв пат родители. Фото: Инстаграм принтскрин/chuprinaatamara/velkovskidare

Повеќе на vistina.mk