дарко митев – Вистина.мк

Тајзи за вас има нов музички – „Сувенир“ (ВИДЕО)

Антонио Димитриевски — Wed, 23 Feb 2022 13:22:05 +0000

Драган Величковски попознат по својот прекар Тајзи, има нова песна насловена „Сувенир“. Кумановецот како и претходно и на ова остварување соработувал со композиторот и хитмејкер Лазар Цветковски со кого Тајзи заеднички ја напишал музиката, додека текстот е на дело на самиот изведувач, а аранжманот, миксот и мастерингот ги потпишува коавторот Лазар Цветковски. Песната е визуелизирана со видеоспот снимен во Офицерскиот дом во Битола, како и на уште неколку локации во градот на конзулите. Во видеото режирано од Дарко Митев и самиот Тајзи, покрај самиот изведувач се појавуваат и македонските модели Патриција и Андреа. „Животот е како партија шах, како и да ја изиграме на крајот и пионот и кралот завршуваат во истата кутија. На што ќе се сеќаваме на добрите или на лошите потези? Ни останува помалку да судиме и повеќе да уживаме во оваа игра наречена живот. Да не се труеме со омразата и пропагандата која ни се сервира. За такво нешто треба да се храниме со љубов. Да се љуби, да се верува и да се сака, вака безусловно како што јас ја сакам музиката. Токму тоа е темата на „Сувенир“ - ја појаснува Тајзи својата нова песна. Во изминатиот период, како автор Тајзи беше вклучен во осум проекти, а покрај својата музика пишуваше и за други артисти како Антонија Гиговска, Тамара Тодевска и „2Бона“. Проследете го во продолжение она што Тајзи во моментов ви го подарува како негов најнов музички „Сувенир“: [embed]https://www.youtube.com/watch?v=gmGwUALZdjo[/embed]

Панче Касапски и неговиот нов проект воопшто не звучат и не изгледаат – „Наивно“ (ВИДЕО)

Антонио Димитриевски — Sat, 15 May 2021 07:31:26 +0000

Македонската музичка сцена и тоа како има потреба од нов звук, од нешто модерно и светско. А, токму еден таков звук овојпат ни подарува младиот штипјанец Панче Касапски преку неговата песна со наслов „Наивно“. Станува збор за асид-џез тема, односно комбинација од диско, фанк, џез и сол, нешто што навистина е реткост да се слушне на овие простори. За музиката и аранжманот се потпишува токму Панче, додека текстот е дело на Робин Зимбаков. Песната е снимена во студиото на Роберт Билбилов. Инаку Панче за новата песна сними и доста интересен видеоспот и тоа на неколку локации во Белград. Видеото е снимено од Дарко Митев во соработка со Сергеј Смилков. Покрај Касапски, во спотот се појавува и еден од нашите најдобри модели со интернационална кариера, Вера Хаган. Погледнете, пресчушајте и уживајте онака... „Наивно“: https://www.youtube.com/watch?v=TXhowz2MxTY

Дарко Митев – момчето што ги фотографира најубавите македонски девојки: Што би дале да сте на негово место? (ФОТО)

Антонио Димитриевски — Sat, 01 May 2021 07:53:47 +0000

Многумина гледајќи ги разголените фотографии на македонските убавици веројатно се прашуваат кои се луѓето што ги фотографираат? Кој тоа има трпение да го задржи вниманието и полната концентрација ловејќи го уметничкиот момент кој произлегува од неговиот порив за естетика, а при тоа да не го ослободи оној другиот, природниот машки порив во себе додека фотографира некоја од убавиците која така гордо ги покажала своите телесни кавалитети пред него? И дали меѓу уметничкиот фотограф и моделот се создава некаква хемија при позирањето и фотошутингот, за на крајот фотосесијата да има и еротика и душа во себе? Што е пак со онаа другата, природната хемија која се буди во секој потентен маж кога ќе здогледа убава разголена жена? Прашања на кои само неколкумина уметнички фотографи кај нас можат да одговорат и предизвици кои ретко кој може да ги прифати и исполни до крај... При тоа да не ја помине „забранетата линија“, ниту во естетиката ниту во меѓусебните релации со моделот. Или можеби сепак има нешто... Што тајно гори во секој од нив?

Неговото име и презиме е Дарко Mитев, а на Инстаграм е потпишан како „Дарко Ар“ и според многумина е еден од неколкуте најдобри млади фотографи во Македонија.

Дарко ја има ретката привилегија да ги фотографира најубавите девојки кај нас, а неговата Инстаграм-галерија е преполна со згодни и расни убавици, кои најчесто позираат во долна облека, бикини или сосема голи...

Покрај тоа што фотографира модели и манекенеки, тој исто така соработува и со повеќето познати музички имиња од македонската естрада, па неговото име може да се прочита зад кадрите од камерата на некои од најдобрите видеоспотови на македонските естрадни ѕвезди.

Викторија Лоба, Аделина Тахири, Љупка Митрова, Калтрина Криезиу Балаш, Марија Давчевска, Бојана Нушкова, Марија Јовева (Мaryse Јolene), Антонија Локвенец... се само дел од имињата на девојките од македонскиот естраден или моден свет што му го доверија своето тело „на располагање“ на младиот фотограф и режисер - Дарко Ар. Погледнете дел од неговата фотографирана „ергела“ убавици:

Викторија Лоба е родена за љубов… во секоја – „Воздишка“ (ВИДЕО)

Антонио Димитриевски — Mon, 18 Feb 2019 13:39:46 +0000

„Воздишка“ е новото видео на Викторија Лоба кој се промовираше премиерно на нејзиниот Youtube канал, снимен на познатата вулканска плажа White Beach на еден од најубавите грчки острови, Санторини. Автор и музички продуцент на песната е Маргарита Сотировска, попозната како Марга Сол, додека самата Лоба се јавува во улогата на текстописец.

„За да се сними спотот, заедно со целата екипа специјално чекавме времето да биде ветровито и облачно, за да го доловиме контрастот на невремето со емоцијата која ја пренесувам преку Воздишка“ - вели Викторија Лоба по повод медиумската премиера на видеото.

Инаку, видеото е продуцирано и режирано од Дарко Митев – Аргона, стајлингот е дел од брендот на креаторот Андреј Ѓоргиевски - Папаз.

„Воздишка е напишана во еден здив, која е дел од новиот албум Нов свет. Во албумот изборот на песните креирани од Лоба и соработниците се музички парчиња кои долго време ќе се слушаат. Еве што вели за нив Викторија:

“Една од моите цели како артист и индивидуа која постојано вложува во себе, сакам да инспирирам и да бидам инспирирана. Сакам да ја споделам длабочината на моите чувства директно со публиката.

Како и секогаш имам желба да сум отворена и искрена во тоа што го работам, да ги потсетам луѓето на оние едноставни и мали нешта, кои всушност се толку големи, важни и значајни во нашиот живот како што е љубовта и искрената комуникација меѓу нас” - заклучува Лоба споделувајќи ја својата „Воздишка“ со Вас, преку видеото што можете да го погледнете во продолжение. https://www.youtube.com/watch?v=avDizeR9Xr8&feature=youtu.be