„На тој „победник“ му одржав час по пеење“: Македонскиот финалист во „Ѕвездите на Гранд“ ја прозва Џејла Рамовиќ и нагласи дека публицитет и квалитет се различни работи!

Слободанка Илиева — Tue, 02 Jul 2019 07:15:26 +0000

Дарко Коцевски-Даринос - еден од македонските финалисти во 13-тата сезона на „Ѕвездите на Гранд“, кој со својот талент, брилијантен и моќен вокал ги освои симпатиите на членовите на жирито и публиката од регионот, по завршувањето на шоуто им се обрати на своите фанови преку Фејсбук. Имено тој во своето обраќање вели дека победникот (Џејла Рамовиќ) се знаел од почеток, а сите биле свесни за тоа. Тој индиректно ја прозва Џејла и порача дека и одржал час по пеење, а публицитетот и квалитетот се две различни работи.

Едно големо благодарам до сите што гласаа за мене (3900) гласови, со оглед на тоа дека воопшто не се замарав со тоа кој ќе гласа за мене(не креирав штабови за гласање и слично) зашто веќе се знаеше победникот уште не самиот почеток на ова натпреварување за жал, а сите бевме свесни за тоа... На тој „победник“ јас лично му одржав час по пеење така да публицитет и квалитет се две различни работи, но неважно... Јас лично сум презадоволен од освоеното 10-то место, се надевам и вие кои што гласавте за мене од мојот настап вечерта. А тоа што се случува со мене понатака само Бог ќе одлучи, во суштина одлучува за сите нас без разлика колку ние луѓето форсираме некој за било што во животот... А мене ми преостанува да ви пеам на сите и да ја споделувам мојата емоција со вас драги мои. Како и да е, честитки за победникот! – заврши Даринос во своето обраќање до фановите и оние кои во финалето го дадоа својот глас за него.

Победничката Џејла Рамовиќ важи за повлечена и срамежлива девојка која најмалку сака да биде поврзана во било каков медиумски скандал, а ваквата изјава на Даринос веројатно нема да и се допадне. Но, дали ќе возврати на прозивката или ќе премолчи, останува да видиме...

На Дарко Даринос од Скопје, фановите му посакаа победа во „Ѕвездите на Гранд“ ама го пофалија и за изборот на новата девојка со продорно сини очи (фото)

Слободанка Илиева — Tue, 18 Jun 2019 07:14:42 +0000

Дарко Коцевски-Даринос е еден од македонските финалисти во „Ѕвездите на Гранд“, кој со својот талент и брилијантен вокал ги освои симпатиите на членовите на жирито, но и публиката од регионот. Во четврток многумина ќе навиваат за Дарко и ќе стискаат палци да ја однесе победата, а тој преку социјалните мрежи им порача на сите да гласаат за неговиот последен настап меѓу најдобрите во финалето.

Освен што музичкото шоу за него е на прво место, Даринос наоѓа време и за дружба со една убавица од српска Јагодина, со која објави неколку фотографии.

Убавата и атрактивна Анѓела со продорно сини очи не ретко е во друштво на нашиот Даринос, а тој пак објавите со неа ги опишува само со симбол од срценце.

Тоа беше доволно за да се појават коментари дека се супер пар, но засега ниту тој ниту таа не потврдуваат ништо за тоа каква е нивната релација.

Инаку, Дарко Коцевски од Скопје има 30 години и завршил средно музичко училиште. Вљубеник е во автомобилите, а слободното време сака да го минува со пријателите и да игра видео игри. За себе вели дека е позитивна и ведра личност, која не е доволно „дрска“ за шоу-бизнис. Музички идоли му се Тони Цетински и Саша Ковачевиќ. фото:фејсбук/принтскрин/даркокоцевски

дарко коцевски даринос – Вистина.мк

На Дарко Даринос од Скопје, фановите му посакаа победа во „Ѕвездите на Гранд“ ама го пофалија и за изборот на новата девојка со продорно сини очи (фото)