Овој македонски кандидат не само што влезе во финалето на „Ѕвездите на Гранд“ туку постигна и соработка со продукцијата

Христина Ѓоргиевска — Thu, 06 Jun 2019 07:09:34 +0000

Остануваат уште неколку емисии до крајот на финалето на „Ѕвездите на Гранд“ и завршувањето на сезоната 2018/2019 година. Оваа година во финалната емисија ќе има неколку македонски кандидати меѓу кои Огнен Здравкоски, Мартинијан Кириловски, Филип Пецовски и Дарко Даринос.

Тие заедно со своите ментори се подготвуваат за секој круг, а на 20 јуни ќе се борат да го освојат првото место. Дарко Даринос кој е под менторство на Ѓорѓе Давид оваа година остави силен впечаток во шоуто и влезе меѓу финалистите. Деновиве се снимаат полуфиналните емисии во кои се најде и овој натпреварувач, а за убавите вести и влезот во финалето се пофали на својот Фејсбук профил.

Освен што си обезбеди пласман во финале, Дарко се пофали и со соработка со Гранд ТВ. Имено, Даринос потпишал 9 годишен договор со продукцијата која во следните девет години ќе му обезбеди бесплатно рекламирање и гостување на „Гранд телевизија“.

„Се надевам на работа во Гранд во вистинска смисла, наоѓање на настапи и само работа. Тоа е нешто што го сакав цел живот, да делам емоции со публиката,така се надевам дека ќе биде така. Како и да е, „Гранд“ е предобар почеток поготово со новиот концепт“ изјави Дарко за вистина.мк Даринос во финалето ќе настапи под реден број 3, па останува да го следаме финалето и да го видиме крајниот резултат, а секако можноста за победа не е исклучена. За потсетување, пред неколку години токму во „Ѕвездите на Гранд“ победи Ристе Ристески, а победници имавме и во „Никогаш не е доцна“ и „Неки нови клинци“.

Ќе има ли победник меѓу нив? Македонските кандидати повторно доминантни во „Ѕвездите на Гранд“

Христина Ѓоргиевска — Thu, 25 Apr 2019 08:00:52 +0000

Во текот на целата сезона на Ѕвездите на Гранд“ ве известуваме за македонските кандидати кои се натпреваруваат во музичкото шоу. Според новите правила, секој од нив работи со свој ментор, а тоа се покажа како и одлично, со оглед на тоа што многу македонски кандидати стигнаа до четвртиот односно петиот круг, а од таму ќе треба да се пласираат во финале. Досега редовно ве информиравме за нивните настапи, подготвувања, коментари на жирито. Деновиве во „Гранд“ се снимаше четвртиот круг на музичкото шоу, а меѓу нив и нашите Македонци. Тие повторно доминираа на музичката сцена и помина директно во петиот круг. Огнен Здравкоски се пофали со својот успех, па останува да го погледнете како се претставил во четвртиот круг.

Кумановецот Мартинијан Кириловски чиј ментор е Јелена Карлеуша исто така помина во петиот круг.

Дарко Дaринос е следниот Македонец кој ќе го гледаме во петиот круг. „Луѓенца мои поминав во 5ти круг.Среќен сум многу поради тоа. Фала ти Господе“ напиша пејалот.

Елена Миленковска чиј ментор и е Ана Бекута во претходниот круг доминираше на сцената на продукцијата, дури доби и пофалби од Бекута.

Таа овој пат на сцената на Гранд се појави со потополно нов имиџ, а како поминала останува да видиме. Стефан Величковски кој е во групата на Вики Миљковиќ досега неколку пати се пофали како вежбаат, а за во четвртиот круг се одлучи за бела комбинација.

Како поминал Величковски останува да видиме. Како и да е, за разлика од претходните сезони оваа година има најголем број Македонци, па дали некој од нив ќе ја однесе победата и ќе биде втор Македонец кој победил во музичкото шоу останува да видиме. фото: Принтскрин/инстаграм/фејсбук

дарко доринос – Вистина.мк

Овој македонски кандидат не само што влезе во финалето на „Ѕвездите на Гранд“ туку постигна и соработка со продукцијата

Ќе има ли победник меѓу нив? Македонските кандидати повторно доминантни во „Ѕвездите на Гранд“