дарко даринос – Вистина.мк

Почина таткото на македонскиот учесник во „Ѕвездите на Гранд“: „Не се договоривме вака татичко мој“

Христина Ѓоргиевска — Wed, 15 Dec 2021 07:30:15 +0000

Почина таткото на македонскиот учесник во „Ѕвездите на Гранд“, Дарко Даринос. Дарко на својот „Фејсбук“ се огласи со емотивна порака и се прости од неговата најголема поддршка. -Не се договоривме вака татичко мој. Зошто Боже ми го зема. Мој херој, мој пријател. Мој херој, мој пријател, моето сė. Се уште чекам пропуштен повик од тебе. Ќе се сретнеме ние пак на многу поубаво место, а дотогаш ти ветувам дека гордо ќе ме гледаш од небото и ти и мама...Ми фалиш тато“, напиша пејачот покрај објавата. Даринос ја објави и песната „Дали чекаш стара мајчице“ од Гоце Арнаудов, а во описот напиша: -Tвојата омилена....Тато толку работи сакав да ти подарам во животот, цел живот си се мачел и работел за нас како деца и фамилија. Често викаше – ее кола купив (прва во неговиот живот) не седнав во неа пусти мерак и пуста болест до кога вака ќе бидам...и не седна татко, душава ми се скина, те нема. Редакцијата на вистина.ком.мк изразува сочувство до Даринос. фото: принтскрин/фејбсук/даро даринос

Ѓорѓе Давид е заразан од корона, се огласија Огнен Здравкоски, Гоце Бошковски, Дарко Даринос…: „Издржи брате“

Христина Ѓоргиевска — Fri, 27 Mar 2020 08:29:01 +0000

Рок пејачот и членот на жирито во„Ѕвездите на Гранд“, Ѓорѓе Давид на својот „Инстаграм“ соопшти дека е заразен од коронавирус. Прво, тој објави дека чувствувал симптоми на вирусот и се наоѓа во болница каде му биле направени неопоходните прегледи и тест за корона кој бил позитивен, а пејачот е заразен од „Ковид 19“. „За жал, потврдено ми е дека има Ковид 19. Не разбирам. Очаен сум. Вирусот ќе помине. Но...болница. Пекол. Како да си во затвор. Во војска. Луѓе, чувајте се...ве молам“ напиша тој на Инстаграм и од неговите колеги веднаш доби коментари со поддршка и желба за брзо закрепнување. Веднаш поддршка стигна и од македонските пејачи: Огнен Здравкоски, Дарко Даринос, Гоце Бошковски кои на пејачот му порачаа да издржи. Огнен на својот „Инстаграм“ објави заедничка фотографија со рекерот, а во описот напиша: „Пред 3 дена се слушнавме и ми кажа дека кашлал, ама не било ништо страшно, ќе се среди... После разговорот правел тестирање и денес е готов резултатот, кој покажал дека е позитивен на "Covid19". Издржи брате. Господ Бог и ние сме со тебе, ти си ЛАВ ќе го победиш ова многу брзо!!! Брзо закрепнување!!! Даринос исто така упати поддршка до Давид. „Брате мој, држи се. Господ е со тебе, сите се молиме. Ќе победиш знам, ти си борец“ напиша Дарко. Гоце Бошковски кој претходната година беше под менторство на Ѓорѓе на својот „Фејсбук“ напиша: „Брате мој. Издржи, ти си силен. Ќе го пребродиш ова лудило, знам“. За потсетување, Ѓорѓе Давид не е единствена јавна личност која има корона, и многу други познати се заразени од Ковид 19, меѓу нив Том Хенкс, принцот Чарлс, актер Кристофер Хивју, Пласидо Доминго...

Ѓорѓе Давид за македонските учесници во „Ѕвездите на Гранд“: „Да се работи со Македонците е благодет“

Христина Ѓоргиевска — Mon, 29 Jul 2019 07:10:59 +0000

Кон крајот на месец јуни заврши регионалното музичко шоу „Ѕвездите на Гранд“ каде што победата ја однесе Џејла Рамовиќ. Според правилата во новата сезона, членовите на жирито беа и ментори на кандидатите, па натпреварувачите заедно работеа со менторите. Како и секоја година, така и оваа имаше македонски претставници а меѓу нив и Огнен Здравскски, Мартинијан Кириловски, Филип Пецовски, Елена Миленковска, Дарко Коцевски Даринос.... Ѓорѓе Давид која ова година беше првпат во музичкото шоу како дел од екипата работеше со неколку македонски кандидати.

Во интервју за „svet – australia“ тој откри какво е чувството да се работи со Македонци. „Да се работи со Македонците е благодет, една посебна врска на благородности затоа што тоа се луѓе кои имаат слух. Тоа се луѓе кои се добро наслушани традиционална музика во која има елементи на џез, рок, поп, блуз....Мислам дека Влатко Стефановски токму на таков начин со децении твори и раскажува преку својата гитара, така да би сакал оваа година да имам уште поголем број на млади таленти од Македонија затоа што е лековита состојба да се работи со такви талентирани луѓе“ вели Давид за „svet-australia“. Ѓорѓе проговори и за Дарко Даринос, како и за Гоце Бошковски кој не стигна во полуфиналето, па Давид истакна дека била направена голема неправда.

„Мислам дека најдов нов крал на ромската музика, а тоа е Даринос од Скопје.Јас можам да работам и со луѓе кои пеат народна музика, а кога е рок ен рол музика го имаме Гоце Бошковски кој првпат го пееше „Time“ во Ѕвездите на Гранд, што пред една година никој не сонуваше дека некој ќе го пее тоа“ вели пејачот и додава:

„Мислам дека Гоце апсолутно заслужи да влезе во полуфиналето и да потпише договор со Гранд, ама јас не би бил бил јас ако не го доведам него пред Поповиќ и не го натерам да потпише договор. Јас тоа го ветив пред себе и на него“ вели Ѓорѓе Давид. Тој исто така потенцираше дека го посоветувал Гоце да се пријави и следната сезона, а поддршка ќе добие и од Ѓорѓе, но и од Вики Миљковиќ. За потсетување, следната сезона започнува во септември, а Поповиќ најави дека оваа година ќе има околу 50 нови кандидати од Македонија.

Даринос откако ја прозва Џејла Рамовиќ, повторно се огласи на социјалните мрежи: „Вистината боли“

Христина Ѓоргиевска — Wed, 10 Jul 2019 08:03:58 +0000

Македонскиот финалист во „Ѕвездите на Гранд“, Дарко Даринос успеа да остави силен впечаток во музичкото шоу, Иако не победи, тој со продукцијата потпиша договор односно дека ќе се промовира на телевизијата „Гранд“. Оваа сезона во музичкото шоу победи Џејла Рамовиќ, а по победата Даринос се огласи на својот „Фесјбук“ истакнувајќи дека на победникот му одржал лекција по пеење.

Едно големо благодарам до сите што гласаа за мене (3900) гласови, со оглед на тоа дека воопшто не се замарав со тоа кој ќе гласа за мене(не креирав штабови за гласање и слично) зашто веќе се знаеше победникот уште не самиот почеток на ова натпреварување за жал, а сите бевме свесни за тоа… На тој „победник“ јас лично му одржав час по пеење така да публицитет и квалитет се две различни работи, но неважно… Јас лично сум презадоволен од освоеното 10-то место, се надевам и вие кои што гласавте за мене од мојот настап вечерта. А тоа што се случува со мене понатака само Бог ќе одлучи, во суштина одлучува за сите нас без разлика колку ние луѓето форсираме некој за било што во животот… А мене ми преостанува да ви пеам на сите и да ја споделувам мојата емоција со вас драги мои. Како и да е, честитки за победникот! – заврши Даринос во своето обраќање до фановите и оние кои во финалето го дадоа својот глас за него, напиша Даринос. Дарко често е активен на социјалните мрежи, па објавува и фотографии и видеа.

Меѓутоа, Даринос повторно се огласи на социјалните мрежи со статус дека вистината боли. ПОДОБРО ДА НЕ МЕ САКААТ ПОРАДИ ТОА ШТО СУМ .. ОД КОЛКУ ДА МЕ САКААТ ЗА НЕШТО ШТО НЕ СУМ !! - кој ме сака ме сака ... вистината боли и затоа некои луѓе се лутат и не ме сакаат, а оние што не се плашат од вистината и од критика нема зошто да не ме сакаат, јас само изнесувам свое мислење... подобро од мене да го слушнат од колку да му бидат прекажани и уште илјада пати извртени моите зборови... Добро утро драги мои, напиша Даринос на социјалните мрежи.

Откако во коментарите го прашаа дали овој статус е посветен на Џејла, Дарко одговори дека не, туку се однесува општо на сите луѓе. На кого го посветил Дарко овој статус не знаеме, но останува да видиме што подготвува следно по финалето на „Ѕвездите на Гранд“.

Дарко Даринос со емотивна порака за своето семејство, а таа секогаш ќе му недостига (фото)

Христина Ѓоргиевска — Wed, 03 Jul 2019 07:41:28 +0000

На почетокот во сезоната во „Ѕвездите на Гранд“, Дарко Даринос не остави некој голем впечаток, но Ѓорѓе Давид прифати да биде негов ментор и да работи со него. По неколку круга, Даринос беше вистинско изненадување на сцената на „Гранд“, па многумина беа изненадени од неговиот талент. Даринос успеа да стигне до самото финале и да се бори со 16-те финалисти.

Најчесто во емотивната соба, Даринос го придружуваше некој пријател. Меѓутоа, деновиве, македонскиот кандидат одлучи на својот „Инстаграм“ да извади фотографија од архива, па објави постара фотографија.

„Моето семејство...моето се.Тато, дада и мама...Ве сакам“ напиша Даринос во описот на фотографијата. Инаку, мајката на Дарко е почината, а тој се потсети на еден емотивен момент, а во описот на фотографијата напиша и „непрежалена мајка“. Пред некое време, Даринос и на својот „Фејсбук“ сподели фотографија од неговата мајка, а во описот напиша: „Сакајте ги блиските луѓе додека се живи....Кога ќе станат спомен веќе е доцна. Фалиш мајко...ете го и финалето, знам дека се гордееш. Барем да сонувам“, напиша Даринос пред некое време.

Инаку, неодамна Дарко се пофали дека постигнал договор со „Гранд“ за следните 9 години. Што ќе подготви Даринос по финалето за „Ѕвездите на Гранд“, останува да видиме.

Мартинијан, Огнен, Филип, Даринос…„растурија“ во полуфиналето на „Ѕвездите на Гранд“, а еден од нив направи вистинско шоу (видео)

Христина Ѓоргиевска — Sun, 16 Jun 2019 08:20:39 +0000

Во полуфиналната емисија на „Ѕвездите на Гранд“ која се одржа синоќа, настапуваа и македонските претставници Мартинијан Кириловски, Огнен Здравкоски, Филип Пецовски, Дарко Даринос. Секој на свој начин се претстави во одлично светло, а сите четири Македонци поминаа во финалето каде ќе се борат за прво место. На сцената на „Гранд“ вистинско шоу направи Филип Пецовски кој кога и да се појави на музичката сцена прави хаос Имено, Филип настапуваше во дуел со Санел Смоло. Овој пат Пецовкси на сцената се претстави со песните со песните „Хајдемо у планине“ и „Африка“. Имено, Пецовски имаше посебна сценографија, однсоно сцената наликуваше на плажа, а тој со својата енергија успеа да ја крене публиката на нозе.

На крајот на изведбата на првата песна, последниот дел Филип го отпеја правејќи склекови на сцената на продукцијата.

Во дуел настапија Дарко Коцевски Даринос и Огнен Здравкоски, а во овој македонски дуел и двајцата поминаа во финале. Даринос се претстави со песните „Загрли ме“ од Адил и „Гељан даде“ oд Шабан Бајрамовиќ, а за оваа изведба имаше и посебен перформанс.

Огнен се претстави со песните „Од милион жена“ од Тони Цетински и „Продужи даље“ од Здравко Чолиќ.

Мартинијан Кириловски под менторство на Јелена Карлеуша успеа да се пласира во финалето, а во претпоследната емисија тој се претстави со песните „Остала си увјек иста“ од Мишо Ковач и „Главо луда“ од Здравко Чолиќ.

Македонските кандидати ќе имаме прилика да ги гледаме во финалето кое е закажано за 20 јуни, односно овој четврток. Како ќе се претстават останува да видиме. https://www.youtube.com/watch?v=X8ILbwYB4Vw

Доминантни на сцена: Македонците со посебни перформанси „растурија“ во „Ѕвездите на Гранд“

Христина Ѓоргиевска — Sun, 09 Jun 2019 08:33:46 +0000

Сношти се одржа четвртат финалето на регионалното музичко шоу „Ѕвездите на Гранд“ каде настапуваа и македонските кандидати. Тие со посебни перформанси растурија на сцената на „Гранд“ и поминаа во полуфиналето кое ќе се одржи следната сабота. Прв од Македонците настапуваше Мартинијан Кириловски кој е под менторство на Јелена Карлеуша и Ивана Петерс. Toj се претстави со песните „Остани“ од Горан Каран и „Време да се растаје“ од Дарко Радовановиќ.

Дарко Коцевски Даринос исто така се покажа одлично, а додека пееше жирито викаше: „браво Македонци, браво“. „Даринос гласав за тебе бидејќи и во двете песни беше врв“ изјави Ана Бекута.

Кога станува збор за Филип Пецовски, тој на сцената на Гранд секогаш прави шоу. Претходниот пат имавме прилика да го видиме со кацига на главата, а синоќа се појави со танчерки кои играа околу него додека тој пееше. Тој направи вистинско шоу и ја крена публиката на нозе, а и успеа да се пласира во полуфиналето.

Посебен впечаток остави настапот на Огнен Здравкоски кој на сцената се појави со Тијана Дапчевиќ. Дапчевиќ на виолончело ја свиреше „Ноктурно“ песната со која се претстави Огнен.

Шерифовиќ која е ментор на Огнен беше воодушевена од настапот, а и жирито имаше само пофални зборови. Дарко, Огнен, Мартинијан и Филип поминаа во полуфиналето кое ќе се одржи следната сабота. https://www.youtube.com/watch?v=PtmwjT4-FAU