данијела кариќ – Вистина.мк

Сестрата на бившиот сопруг на Карлеуша откри детали од нејзиниот прв брак: „Таа не се омажи со брат ми поради пари“

Христина Ѓоргиевска — Wed, 02 Feb 2022 12:33:15 +0000

Јелена Карлеуша и Душко Тошиќ често се на мета на медиумите, па речиси секојдневно се пишува за нивниот однос и развод. Пред бракот со Душко, Јелена Карлеуша беше во брак со Бојан Кариќ, кој траеше само неколку месеци. И додека беше во брак со Бојан, се пишуваа секакви написи за пејачката. А сега 17 години подоцна, сестрата на Кариќ застана во одбрана на Карлеуша. -Секако дека таа не се омажи со него заради пари, туку се сакаа. Има девојки кои сакаат да влезат во нашето семејство поради пари, но Јелена не е од тие. Со неа убаво се согласував, ми беше една од омилинете снаи. Карлеуша приватно е многу пристојна и фина личност, секогаш ми покажа почит, не можам да кажам ништо лошо за неа. За неа имав убаво мислење и истото го имам и понатаму, изјави Даниела за „Информер“. Сестрата на Бојан Кариќ истакна дека ги разбира што секој тргнал по свој пат бидејќи и таа имала еден неуспешен брак. -Многу луѓе се разведуваат, не гледам ништо чудно. Очигледно не биле еден за друг бидејќи среќата ја пронајдоа во нови бракови. Драго ми е што и двајцата најдоа нов пат и љубов. Па и јас бев во брак, па се разведов. Се тоа е за луѓе, вели сестрата на Бојан. фото: принтскрин/инстаграм/danijelakaric/karleusastar

Штркот слета: Се породи српската пејачка, а бебенцето го доби ова име (фото)

Слободанка Илиева — Wed, 04 Sep 2019 10:45:52 +0000

Пејачката Даниела Кариќ се породи денес во Белград и го донесе својот син на свет. Данијела Кариќ се породи со царски рез, во белградската породилна болница „Народни фронт“, а бебето е тешко 3800 грама. Шармантната пејачка и нејзиниот сопруг, кореограф и танчер Иван Милеусниќ, му го дадоа името Максим.

Максим има латинско потекло, потекнува од презимето Максиминијан, кое е изведено од зборот „максим“ што значи „најголем“. Породувањето поминало во најдобар ред, и мама и бебето се чувствуваат добро.

За Иван Милеусниќ е прво дете, додека за Даниела е третото. Наследниците на пејачката Моника и Филип се исто така пресреќни за раѓањето на нивниот брат.

Александра Пријовиќ без градник се појави на свадбата кај Данијела Кариќ

Христина Ѓоргиевска — Fri, 03 May 2019 09:18:46 +0000

Александра Пријовиќ неодамна се породи и на свет го донесе синот Александар. Еден месец по породувањето, Пријовиќ се појави во медиумите. Даниела Кариќ и Иван Милеусниќ се венчаа во храмот „Свети Сава“ во Белград. На прославата присуствуваше и речиси пола естрада, а меѓу нив Александра Пријовиќ и Филип Живојиновиќ.

Александра и Филип се појавиле пред првиот свадбен танц и насмеани им позирале на фоторепортерите. Пријовиќ се појави во син фустан во комбинација со црни високи потпетици, а може да се забележи дека не носи градник.

И таа меѓу цела српска естрада: Еве која македонска пејачка присуствуваше на свадбата кај Данијела Кариќ

Христина Ѓоргиевска — Fri, 03 May 2019 07:46:23 +0000

Даниела Кариќ и Иван Милеусниќ вчераа се заколнаа на вечна љубов во Белград во храмот “Свети Сава“. За разлика од другите парови, тие се венчаа во народни носии, а по црковната церемонија сите се упатија во ресторан каде беше и прославата. Освен пријателите и роднините, на свадбата присуствуваа и јавни личности, меѓу кои Снежана Џакиќ, Драган Којиќ Кеба со сопругата, Мјерима Његомир, Ана Николиќ, Александра Пријовиќ со Филип Живојиновиќ, Мина Костиќ, Дара Бубамара и многу други.

„Ова за нив е посебен ден, јас од срце им посакувам се најубаво и да бидат среќни. Ние влеговме кога беше првиот свадебен танц, тоа ме потсети на нашата венчавка“ вели Пријовиќ.

Меѓутоа, меѓу гостите на свадбата кај Даниела се појави и македонската пејачка Елена Ристеска која неодамна сними дует со Даниела. Таа на социјалните мрежи сподели неколку фотографии од свадбата, а на младите им посака се најдобро.

Инаку, неодамна во една емисија Елена истакна дека сопругот на Даниела го запознала кога била во „Твоето лице звучи познато“ и отогаш се добри пријатели.

Елена Ристеска и Данијела Кариќ го претставуваат дуетот „Срца се погреше“ (видео)

Слободанка Илиева — Fri, 01 Feb 2019 09:23:37 +0000

По дуетот со Хари Мата Хари во 2017 година за „Још ме плашиш“, Елена Ристеска има нов дует со српската пејачка Данијела Кариќ. Пејачките ги спoија своите гласови за песната со наслов „Срца се погреше“, а со тоа Кариќ прави камбек на регионалната музичка сцена. Нивниот заеднички сингл е објавен со видео спот снимен во Белград, а во истиот се појавуваат едни од најдобрите балетски танчари во Србија: Нина Булајиќ, Олга Олчан, Милан Рус и Игор Грабовиќ.

View this post on Instagram

A post shared by ELENA RISTESKA ARTIST (@elenaristeska_era) on Jan 27, 2019 at 1:11pm PST

Како специјален гостин во спотот се појавува и свршеникот на Данијела, танчарот Иван Милеусниќ, кој наедно бил иницијатор за овој музички проект. Музиката и текстот се на Александра Милутиновиќ, аранжманот и продукцијата на Дарко Димитров. Спотот пак, е режиран од Милош Шаровиќ.

Видеото освен на социјалните мрежи од профилите на пејачките, беше поставен на јутјуб каналот на Данијела Кариќ. Погледнете: https://www.youtube.com/watch?v=4KaBDFm-bgE