Даниел Коцалев со фолк химна што на сите „мекици“ ќе се пее во еден глас – „Татко станав јас“ (ВИДЕО)

Антонио Димитриевски — Mon, 29 Jan 2024 11:12:52 +0000

По минатогоодишниот фолк хит „Без тебе“ , младиот македонски пејач Даниел Коцалев има нова песна. Станува збор за песната „Татко станав јас“ за која како и за претходната песна и овој пат музиката и аранжманот се авторско дело со потпис на Златко Миладиновски, додека стиховите ги напишала Соња Дојчиновска. Како и мината песна и оваа, најновата е визуелизирана со видеозапис. Видеото е во продукција на „Медиа таг“, додека сценариото и режијата ги потпишуваат самата Медиа таг продукција заедно со пејачот Даниел Коцалев. Инаку песната несомнено претендира да стане своевидна славеничка фолк химна кога се во прашање прославите на новородени дечиња, како што се традиционалните „мекици“, па се очекува да биде неизбежна на ваквите семејни веселби. Инаку, Даниел Коцалев е се' поактивен со своите настапи по познатите угостителски локали, кафеани, ресторани, хотели како и разните семејни прослави, но е постојано присутен со многубројни гостувања и на најгледаните фолк емисии во македоскиот ТВ етер, како што се „Качамак“ или „Мерак меана“ на пример. Погледнете го видеото и преслушајте ја најновата песна на Даниел Коцалев насловена „Татко станав јас“ која на секој новореализиран родител што ќе ја слуша, ќе му одекне како празник за душа.

Даниел Коцалев се враќа со „По тебе сонувам“ (ВИДЕО)

Антонио Димитриевски — Mon, 05 Feb 2018 11:37:20 +0000

По пауза од пет годин Даниел Коцалев повторно се активира на музичката сцена со нова песна. Станува збор за темата насловена „По тебе сонувам“, чија музика, аранжман и продукција се на Јане Дунимаглоски, кој свири и на соло-гитара, а стиховите ги потпишува Дејан Панов, додека на пијано гостува Атанас Елинидис. Придружните вокали, пак, заедно со Јане ги отпеа и Магдалена Котеска, а за видеото и неговата обработка се погрижи Дејан Панов. „Со Јане сме добри пријатели веќе подолго време, а тој ја имаше музиката сокриена во неговото оргомно ателје… Ми се допадна уште првиот пат кога ја слушнав и почнавме да ја работиме, а на мое огромно задолство го запознав и Дејан Панов, уште поголем ентузијаст и текстописец на песната, кој воедно стои и зад целокупното снимање на спотот, навистина одличен продуцент. Тие двајца ми се искрено инспирација за еден ваков проект“, ни откри Даниел, кого македонската публика го запозна како натпреварувач во музичкото шоу „Мак ѕвезди“ во 2007 година, каде што победи токму Јане. „Имаме уште неколку композиции кои што се на ред во студио и чекаат да бидат снимени. Во наредниот период ќе се потрудиме да ја испромовираме оваа композиција, па здравје Боже од март натаму седнуваме во студио и ќе подготвиме барем уште две песни“, ветува скопјанецот со адреса во Минхен, Германија, каде што редовно настапува со својот бенд, но и организира настапи на македонски пејачи, меѓу кои и Сузана Гавазова, чиј концерт е закажан за 24 февруари. Му посакуваме многу успех на Даниел и се надеваме дека наскоро ќе нè почести и со цел албум, а и концерт во Македонија. Дотогаш уживајте со најновото од него, „По тебе сонувам“! https://www.youtube.com/watch?v=e9P04AqBW04

даниел коцалев – Вистина.мк

Даниел Коцалев со фолк химна што на сите „мекици“ ќе се пее во еден глас – „Татко станав јас“ (ВИДЕО)

Даниел Коцалев се враќа со „По тебе сонувам“ (ВИДЕО)