Северина и Калиопи му поласкаа на Даниел Кајмакоски во „ТЛЗП“: „Ова беше најемотивниот настап“

Христина Ѓоргиевска — Mon, 04 Nov 2019 08:18:22 +0000

Секоја недела на Сител телевизија имаме прилика да го гледаме хуманитарно – забавното шоу „Твоето лице звучи познато“. Во најновата сезона на „ТЛЗП – алл старс“ има учесници од претходните сезони, а меѓу нив и македонскиот пејач Даниел Кајмакоски. Во претходните неколку емисии, имавме прилика да го гледаме Даниел во улога на Лејди Гага, Петар Грашо, Тејлор Свифт... https://arhiva.vistina.com.mk/radio-mileva/marija-kilibarda-mu-polaska-na-daniel-kajmakoski-sekogash-si-bozanstven-jas-sum-pristrasna-koga-si-ti-vo-prashanje-video/ Меѓутоа, во последната емисија Даниел имаше задача да биде во улогата на фронтменот Адам Левин на „Maroon 5“ со песната „Girls like you“, а на сцената на Даниел му се придружи и актерката Драгана Мичаловиќ. Водителката, Марија Килибарда ниту овојпат не се штедеше да го опсипе Даниел со позитивни коментари и убави комплименти, па повторно пред камерите му поласка на Македонецот. Во оваа емисија како дел од жирито беше македонската дива Калиопи која беше на местото на Дубравка Мијатовиќ, а гост член на жирито беше хрватската дива Северина. Калиопи имаше само убави зборови за нејзиниот драг колега. „Остани доследен на тоа што го правиш и чекам твој нов албумм. Те сакам“ прокоментира Опи. Северина посебно беше воодушевена од тоа што Кајмакоски додека ги слушаше коментарите во рацете држеше дете, а овој гест посебно ја воодушеви Севе. Имено, таа истакна дека освен тоа што Кајмакоски ја воодушевил со пеење и талент, посебно се разнежила кога го гледа со детето. „Прегратката на еден маж и едно дете, тоа ми е фасцинантно“ вели Северина и додаде дека овој настап бил еден од најемотивните. Настапот на Даниел може да го погледнете во видеото подолу. https://www.youtube.com/watch?v=DTExnq9MDjw За потсетување, Кајмакоски неодамна се најде на мета на српските медиуми бидејќи додека се подготвувал во улогата на Тејлор Свифт, фоторепортерите го фотографирале со раце во положба на двоглав орел – симбол на голема Албанија. Имено, тој јавно се извини и истакна дека немал намера никого да навреди, ниту дека знаел што означува симболот.

По случувањата во „ТЛЗП“, Даниел Кајмакоски се огласи и преку јавно соопштение ја обелодени вистината

Христина Ѓоргиевска — Wed, 09 Oct 2019 07:23:37 +0000

Петатта сезона на регионалното музичко шоу „Твоето лице звучи познато“ започна пред една недела. Во оваа сезона нема нови учесници туку се учесници од претходните сезони, а меѓу нив и Даниел Кајмакоски, победникот на последната сезона. Меѓутоа, новата сезона на „ТЛЗП“ за Даниел почна бурно и со несакани случки кои можеби од една страна се негативни, но од друга ќе му направат добар маркетинг. Имено, тој во првата емисија го имитираше Хју Џекмен, а за втората емисијата доби задача да се најде во улога на Тејлор Свифт. За таа улога Даниел ги налакирал ноктите и со лакирани нокти им позирал на фоторепоретерите кои биле во просторијата каде се подготвувале. Тие направиле неколку фотографии од учесниците, а меѓу нив и една фотографија од Даниел која направи скандал и тој заврши во речиси сите српски медиуми со разни наслови. Имено, на фотографијата Кајмакоски ги држи рацете во положба во рацете на двоглав орел, симбол на „голема Албанија“, а исто ваков симбол покажа и швајцарскиот фудбалер Џердан Шаќири кој ги провоцираше Србите на Светско првенство. Токму поради овој потег, Кајмакоски се најде во центарот на вниманието во медумите. Даниел одлучи да ја обелодени вистината, па до сите медиуми се огласи на својот „Фејсбук“ истакнувајќи дека тој само се подготвувал за улогата на Тејлор, но и дека поради сите коментари се чувствува навредено. Како ќе се снајде Данеил во новата улога на Тејлор останува да видиме. фото: фејсбук

даниел кајамкоски – Вистина.мк

Северина и Калиопи му поласкаа на Даниел Кајмакоски во „ТЛЗП“: „Ова беше најемотивниот настап“

По случувањата во „ТЛЗП“, Даниел Кајмакоски се огласи и преку јавно соопштение ја обелодени вистината