Колегите на починатиот пејач Далибор Ѓоишќ – Даки раскажаа за неговите последни денови: „Не ни помислувавме на најлошото“

Слободанка Илиева — Thu, 12 Oct 2023 09:24:53 +0000

Пред два дена од Националниот ансапбл „Танец“ преку социјалните мрежи обзнанија дека по кусо и тешко боледување починал нивниот колега, истакнат пејач од прв ред, солист на НУ Танец, 41- додишниот Далибор Ѓошиќ - Даки. Колегите не се ни сомневале дека минатонеделниот концерт на „Танец“ ќе биде негов последен настап, нивна последна средба, бидејќи веќе од утре дента заминал на боледување. Неговиот последен настап бил минатата недела. -Не ми помислувавме дека тој настап ќе биде наша пследна средба. Излезе на сцена, испеја само како што тој знаеше, најдобро, и замина на боледување. Последните денови здравјето ептен му се влошило и завршил на клиника до последно кога му откажал црниот дроб, велат негови колеги за ММС. Незаборавни ќе останат не само неговите фолк песни, туку и преработките на стари македонски песни во етно стил. -Но, и покрај неговите квалитети не успеа да го постигне тоа што го планираше, а имаше големи цели. И оправдани беа неговите очекувања, бидејќи беше свесен за квалитетот. Апсолутен слухист, добар композитор, а за вокалот да не зборуваме, велат негови колеги. „Без музика не се може“, велеше тој. Далибор или Даки, како што сите го викаа, целиот својот животен и професионален пат со мзиката, која е негова љубов и определба уште од најрана возраст,преку нижото и средното музичко училиште, сѐ до Факултетот за музичка уметност во Скопје. Како што информира неговата матична куќа, тој во Националниот ансамбл Танец се вработува во 2007 година, каде за време на 16-те активни години, како вокален солист и како дел од различни ансамблови состави, остварува 363 концертни настапи, дома и надвор. За само четврт век, со Танец настапи во 23 држави во Европа, САД, Азија, Африка. А статистиката вели и дека има исполнето над 300 песни пред вкупен аудиториум од речиси 100 илјади посетители. Незаборавни се неговите изведби на песните „Дејгиди, луди, млади години“, „Учи ме мајко, карај ме“, „Кирјана вино продава“, „Јовано, Јованке“ и многу други. Последното збогување ќе биде денес, на 12.10.2023 година (четврток), во 13 часот, во капелата на гробиштата во Волково. фото:Фејсбук Танец/ Маја Аргакијева

Почина Далибор Ѓошиќ – Даки, познатиот македонски фолк пејач и солист на националниот ансамбл „Танец“

Антонио Димитриевски — Tue, 10 Oct 2023 17:22:15 +0000

По кусо и тешко боледување, на 41-годишна возраст не напушти Далибор Ѓошиќ - Даки, кој ќе остане запаметен по неговите врвни вокални интерпретации со ансамблот Танец, насекаде низ светот. Роден е во 1982 година и целиот својот животен и професионален пат го поминува во својот роден град. Музиката е негова љубов и определба уште од најрана возраст, а неговото музичко образование се протега од нижото и средното музичко училиште, сѐ до Факултетот за музичка уметност во Скопје. жВо Националниот ансамбл Танец се вработува во 2007 година, каде за време на 16-те активни години, како вокален солист и како дел од различни ансамблови состави, остварува 363 концертни настапи, дома и надвор. За само четврт век, со Танец настапи во 23 држави во Европа, САД, Азија, Африка. А статистиката вели и дека има исполнето над 300 песни пред вкупен аудиториум од речиси 100 илјади посетители. Незаборавни се неговите изведби на песните „Дејгиди, луди, млади години“, „Учи ме мајко, карај ме“, „Кирјана вино продава“, „Јовано, Јованке“ и многу други. Покрај успешната кариера со ансамблот Танец, Далибор Ѓошиќ беше присутен и на фестивалската сцена. За време на својот краток, но плодотворен живот, остави голем број на безвременски интерпретации на изворни и новосоздадени песни во народен дух, кои трајно ќе останат во аналите на македонската народна музика. Ѓошиќ со право важеше за еден од најдобрите гласови во Македонија.

Далибор Ѓошиќ – Даки – Вистина.мк

Колегите на починатиот пејач Далибор Ѓоишќ – Даки раскажаа за неговите последни денови: „Не ни помислувавме на најлошото“

Почина Далибор Ѓошиќ – Даки, познатиот македонски фолк пејач и солист на националниот ансамбл „Танец“