цветанка глигорова – Вистина.мк

Цветанка Глигорова за роденденот доби торта, цвеќе и… брачна понуда? (ФОТО)

Антонио Димитриевски — Wed, 28 Mar 2018 08:08:20 +0000

Македонската јавност ја запозна по фестивалската победа во далечната 1995 година кога победи на „Макфест“ со песната „Не биди слеп“. Оттогаш ја снема, а сепак ја има. И се’ уште активно пее, само што таа и оваа Цветанка Глигорова се разликуваат по многу нешта...

Денес таа е дипломиран правник, па професија и е банкарската служба во една македонска банка, а пеењето втора професија или поточно хоби, како надополнување на буџетот и духовна храна за сопствената душа и душите на оние кои ја слушаат на нејзините настапи.

Фотографирањето и фотосесиите иако повремени и поретки (ако не ги броиме аматерските селфија за на социјалните мрежи) исто така беа и се' уште се дел од нејзините задоволства. Особено откако видно ослабе, го смени имиџот, бојата на косата и... љубовниот статус! Од мажена, разведена, па сега во сериозна врска!

Пред некој ден згодната и распеана кавадарчанка славеше роденден. На дамите не им се бројат годините, ама затоа им се бројат подароците...

А убавата Цеце, сето она што го доби на подарок, го приложи во вид на фотографија на својот Инстаграм профил: торта, букет цвеќе и... веренички прстен во пакет со брачна понуда од нејзиниот избраник Крешимир Бартуловиќ, со кого таа веќе некое време е во сериозна врска, која ни самата не ја крие.

Како што не криеше да го покаже и убавиот, веројатно веренички прстен на десната рака.

А честитките и желбите за вечно заедништво од блиските и пријателите само ја потврдуваат тезата дека Цветанка Глигорова откако доби втора шанса за брачна среќа, најверојатно одново ќе го смени својот статус! Зашто, како што во едно од своите последни интервјуа самата вели: „Нејзиниот тип на маж треба да има... жена како неа“!

Епа, еве му прилика... И нему и нејзе... И нека е со среќа! Фото: Ц.Г. / Инстаграм фото

Сите однапред, само Цветанка Глигорова сака отпозади… да ја има на плакат!? (ФОТО)

Антонио Димитриевски — Tue, 13 Feb 2018 09:29:02 +0000

Македонската пејачка Цветанка Глигорова во последно време е многу активна. И по настатапи по кафулињата и клубовите, како во родното Кавадарци и цела Македонија, така и на социјалните мрежи, на кои постојано осамнуваат нејзини фотографии. Некогаш нови, некогаш стари... Некои од приватната архива, некои професионални, од настапи, фотосесии, плакати, постери...!

А кога веќе сме кај плакатите и постерите, сите знаат дека тие се неизоставен дел во работата на еден естраден уметник. И покрај технологијата, електронските медиуми и социјалните мрежи, печатениот материјал се уште е во игра! Палакат си е плакат... Може да се залепи на видно место и секој да го види... без оглед на неговата големина. Затоа и Цветанака, како и другите пејачи постојано ги користи при рекламирање на своите настапи. Само, ако ги загледате нејзините плакати, или барем некои од овие последниве, веднаш в очи ќе ви падне една разлика.

За разлика од останатите пејач(к)и, кои сакаат однапред, само Цветанка Глигорова сака отпозади... да ја има на плакат!? Обично лицето продава, велат, ама кај сексапилната кавадарчанка ќе да продава нешто друго!

До душа, не дека и приватно пејачката не е мераклика на вакви пози, кои можат да се најдат на некои од фотографиите на нејзините профили по социјалните мрежи, ама сепак за на постер и плакат...!?

Ама ако! Зошто да не, кога веќе добро и оди со настапите? Кој да знае, можеби тоа е еден од рецептите за успех? Можеби вака е најдобро да се привлече „заглеаната“ публика на настапите?

До душа не дека сите плакати и се со „привлечна позадина“, напротив! Цеце има и од оние на кои е лице в лице со своите потенцијални посетители, на кои е исто така привлечна и во секси поза...

Впрочем, ваквиот сексапил го најави уште со фотосесијата од пред две години за новогодишниот календар изработена од нејзините сограѓани од Фуџи-Фото, на која можете да се потсетите на приложените фотографии подолу.

Фото: Ц.Г./Инстаграм & Фуџи Фото

Кавадаречки естрадни навики: Цветанка Глигорова и Наташа Малинкова имаат голем мерак одзади… да се фотографираат! (ФОТО)

Антонио Димитриевски — Mon, 22 Jan 2018 08:29:18 +0000

Македонија несомнено е непресушен извор на музички таленти. Ама и во неа има поедини градови кои се „млаз во изворот“, па од таму постојано доаѓаат и нови имиња, ама и постарите добро функционираат. Како Кавадарци, на пример. Таму музичките имиња не само што со години траат, туку почнуваат дури и да наликуваат едни на други... во естрадните навики!

Наташа Малинкова е многу активна и актуелна и со новите песни и наградите што ги добива за своите хитови (две години по ред, во 2016 и 2017 за „Хит испеан од женски вокал“, на МАРС на пример), и по многубројните настапи, ама и по активноста на социјалните мрежи на кои постојано ги изненадува своите следбеници со нови фотографии од типот: „рај за очи“!

Како онаа последната, од пред неколку дена, сликана одзади со гол грб испишан со навивачки пароли за нашите ракометари!

И не и прв пејачката пат да се слика одзади! Ама изгледа дека и не е единствената „распена кавадарчанка“ што го има истиот мерак... Одзади... Пред фото објективот!

Цветанка Глигорова пошироката јавност ја памети од далечната 1995 година кога победи на „Макфест“ со песната „Не биди слеп“. Оттогаш ја снема, а сепак ја има. Се’ уште активно пее! Само што таа и оваа Цветанка немаат допирни точки... Не барем во изгледот! И тешко дека ќе ја препознаете! Тогаш буцка, русокоса, со речиси детски имиџ...

Денес, видно ослабена, со манекенска става и раскошни облини, со црна долга коса, ботокс усни и фото пози што будат колективна желба... И нејзнината, како и онаа на Малинкова - со поглед одзади, покрај големото огледало!

А и обете имаат и што да понудат и што да покажат! Моќниот вокал на двете кавадарчанки, како и бујните облини им се заеднички заштитен знак... до сега! Отсега и погледот на атрибутите одзади... во огледалото!

А вие слободно запрашајте го: „Огледалце, огледалце, која има ПОДОБАР...? Вокал?“ Фото: автор - Цветанка Глигорова /за нејзините фотографии/ Извор: Инстаграм