цвет – Вистина.мк

Со емотивна симболика: Омилениот цвет на принцезата Дијана крие посебна тајна (фото)

Слаѓана Атанасова — Tue, 05 Sep 2023 11:25:29 +0000

Принцезата Дијана особено сакаше еден посебен цвет, кој не е типичен за принцеза. Принцезата и денес важи за една од најомилените членови на британското кралско семејство, а важеше за „жена на народот“, која секогаш беше скромна и со нозете стоеше цврсто на земјата. Нејзиниот син Хари и снаата Меган Маркл ја почестиле со трогателен гест на нивната венчавка, на што укажал бидермаерот што невестата го носела до олтарот. Тој содржеше крин , јасмин, но и цветот што Дијана најмногу го сакаше - не заборавај ме, анг. „Forget-me-not“. Како што пишуваат странските медиуми, необично е да биде омилен цвет на принцезата. Ниту е особено ценет, ниту редок, но затоа е издржлив и отпорен и обично се користи за пополнување на просторот на градината меѓу полуксузните цвеќиња. Меѓутоа, во британското кралско семејство овој цвет има посебен статус, а Хари обожава на овој начин да ја почести својата покојна мајка. На годишнината од смртта на Дијана пред неколку години, Хари и Меган им помогнаа на децата да засадат цвеќиња, вклучувајќи и „незаборавај ме“. Не случајно тоа е нејзиниот омилен цвет. Имено, Дијана била маѓепсана од тоа кога нејзиниот помлад брат Ерл Спенсер и го подарил. Нејзиниот гроб на имотот во Нортемптоншир е украсен со не заборавај ме и рози. Се верува дека овој цвет ја симболизира врската помеѓу Дијана и нејзиниот брат Ерл Спенсер. Фото: Принтскрин/Профимедиа/Пинтерес

Цвеќе кое мора да го имате во домот, ја впива прашината и уништува влагата

Слободанка Илиева — Mon, 20 Feb 2023 12:37:22 +0000

Еден цвет кој многу луѓе го имаат во својот дом ја спречува влагата и ја „впива“ прашината од воздухот. Ако некогаш сте имале влага во вашиот дом, знаете колку е тешко целосно да ја отстраните со разни средства. Цветот Spathiphyllum Alana или Peace Lily, е одличен за тоа поради неговата способност да го неутрализира штетното зрачење од електронските уреди. Многу луѓе го чуваат не само во своите домови, туку и во нивните канцеларии. Научниците веруваат дека овој цвет може да ја отстрани прашината и разните штетни токсини од воздухот и да го заштити просторот од акумулација на влага. Со други зборови, штетните материи ги претвора во сопствена храна, па ако го поставите растението до уредот за зрачење, ќе забележите повеќе бујни лисја и бројни нови цветови. Овој цвет не е само корисен, туку е и исклучително убав. извор:kurir.mk

Доаѓа февруари: Ако ова растение процвета, домот ќе ви биде исполнет со среќа

Слободанка Илиева — Mon, 23 Jan 2023 12:30:35 +0000

Ако некој цвет престанал да цвета или наеднаш пресушил, според фенг шуи, тоа може да укаже на трошоци, негативни промени и загуби. Но, ако ова цвеќе расцвета тоа е знак дека вашиот дом ќе биде исполнет со среќа. Станува збор за собното растение кливија, со месести и големи зелени листови и магичен цвет, обично портокалова боја. Меѓутоа, за да процвета оваа заспана убавица, потребна и е соодветна грижа. Најмногу и се допаѓа северната страна од куќата и не треба да биде изложена на силна сончева светлина. Сака собна температура, а во зима не треба да се чува на температура пониска од 10 степени. Периодот кога треба да очекуваме да цвета е месец февруари. Во зима се полева околу 20 дена, додека во лето и пролет треба почесто да се полева. Се храни со течно ѓубриво од март до септември, како и во февруари кога се формираат цветните пупки. Секоја пролет, младите кливии се пресадуваат во поголем сад. Кливијата може да се размножува со делење на големи растенија, односно со одвојување на ластарите по цветањето, а може да се размножува и со семиња. Билката е идеална опција за украсување на дневната соба или канцеларијата. Во овие простории, тие ќе имаат корисен ефект врз околината и ќе ја елиминираат негативноста. И ако ставите неколку парички во нејзината саксија, тоа може да привлече просперитет во куќата и да ја подобри семејната благосостојба. извор:курир.мк

Расте во сечиј двор, а еден цвет може да помогне во борба против тешка болест

Кристина Петрушевска — Fri, 13 Apr 2018 12:52:08 +0000

Во многу земји ширум светот овој свет е симбол за надеж во борба против туморот, но сега научниците велат дека токму овој чест цвет во скоро сите дворови и градини може да игра поконкретна улога во борба против оваа болест, станува збор за нарцисот. Имено, истражување спроведено во белгискиот универзитет „Université libre de Bruxelles“ укажало дека алкалоидите од нарцисот може да го блокираат производството на протеини кои туморите ги користат за да растат повеќе. Станува збор за alkaloid hemantamin, терапевтски молекул од природно потекло. Во групата вакви молекули спаѓаат и морфиумот, кининот и ефедринот. Овој алкалоид поттикнува стабилизација на протеините, па доколку и додатни истражувања утврдат, може да елиминира и ќелии на тумор со тоа што би ги врзал со рибозоми кои се одговорни за синтеза на протеините. И самите научници велат дека откритието е сјајно, но доколку ви падне на памет сами да се обидете да користите нарцис во здравствени цели, размислете уште еднаш – доколку неговото стебло го џвакате и јадете, доаѓа до осип и вртоглавици.