цвеќе – Вистина.мк

Јована Јеремиќ испрати порака до бројните фанови: Секој мора да се придржува кон ова кога комуницира со неа (фото)

Слаѓана Атанасова — Wed, 06 Mar 2024 07:43:34 +0000

Водителката на Телевизија Пинк, Јована Јеремиќ дефинитивно е една од најинтригантните јавни личности во Србија. Таа неодамна на јавноста и откри дека ужива во врската со 14 години постариот бизнисмен Драган Станковиќ, чие име некое време го криеше од медиумите. Нивната врска стана предмет на јавен интерес, а неодамна почнаа да се појавуваат заедно на градските настани. Водителката е исполнета како никогаш досега и од глава до петици заљубена, што може да се заклучи од многубројните заеднички фотографии, а бидејќи има бројни додворувачи и обожаватели, веднаш ги известила и им дала упатства за 8 март, односно Денот на жената: - Што се однесува до мене, ни случајно не ми купувајте цвеќе за 8 март. Со оглед на тоа дека секогаш знам што сакам и дека сум практична и директна жена, веднаш треба да знаете дека нема да има грешки. Не сакам цвеќе и носењето цвеќе беше забрането на мојот роденден и ќе биде доживотно - напиша Јована Јеремиќ на својот Инстаграм профил. Инаку, Јована Јеремиќ неодамна најави дека во февруари ќе се повлече од медиумите за да се посвети на некои свои лични проекти. Таа истакна дека е многу среќна во новата фаза од животот и дека планира да направи пауза. Таа откри и дека се преселила кај партнерот во Гроцка и дека е многу среќна поради таа одлука. „Три дена сум во Гроцка, четири дена сум во Белград. Многу ми се допаѓа овде“, изјави Јована во емисијата „Премиер викенд-специјал“. Фото: printskrin/instagram

Разубавете го домот со едно поинакво цвеќе – го викаат папучки, неговиот мирис ќе ве освои

Слободанка Илиева — Tue, 05 Mar 2024 13:10:58 +0000

Цветовите можат да бидат со различни бои, најзастапени се светло жолтата и црвената боја, а нивниот мирис потсетува на кајсии. Calceolaria е растение од семејството Calceolariaceae и е една од најпосебните европски орхидеи. Тоа е едногодишно растение кое обично расте до 30 сантиметри. Нејзините темнозелени листови се покриени со влакна, а она што ја прави особено неодолива се цветовите кои наликуваат на папучки или за некого на печурки. Цветовите можат да бидат со најразлични бои, а најзастапени се силно жолтата и црвената боја, а нивниот мирис потсетува на кајсии. Ова растение потекнува од Централна и Јужна Америка, па грижата за ова растение најдобро ќе функционира доколку се обидете да ги имитирате условите што ги има во неговата природна средина. Тоа значи дека треба да го чувате во прозорец со многу светлина, но без директна сончева светлина. Прозорците сместени на северната страна, подалеку од директен извор на светлина, се најпријатни за ова цвеќе. Тоа значи дека треба да го чувате во прозорец со многу светлина, но без директна сончева светлина. Прозорците сместени на северната страна, подалеку од директен извор на светлина, се најпријатни за ова цвеќе. Исто така, не е добро ако коренот му е премногу влажен. Наводнете го растението темелно, а потоа ставете го во мијалник да се исцеди десет минути. Оставете ја површината на почвата да се исуши пред повторно да наводнете. фото:GWI/Trevor Sims / Garden world images / Profimedia извор:курир.мк

Најискрената љубов: Ќе се наежите од гестот кој синот на Северина го направи за мајка си (фото)

Слободанка Илиева — Thu, 15 Feb 2024 07:47:55 +0000

За Денот на вљубените, хрватската пејачка Северина доби посебен подарок од својот син, а со тоа се пофали на социјалните мрежи. Имено, таа од Александар доби букет црвени рози. Пејачката специјално му се заблагодари преку фотографијата објавена на Iнстаграм-профилот. „Ти благодарам синe“, кратко напиша Северина.

View this post on Instagram

A post shared by Severina (@severina)

Инаку, во вторникот на концертот во Самобор, Северина за време на емотивната изведба на песната „Родено мое“ на сцената излезе и нејзиниот син. фото:Instagram printscreen/ severina

Материјални нешта, наместо искрено извини: Новата песна на Александра Јанева предизвика реакции во јавноста (ФОТО)

Антонио Димитриевски — Mon, 05 Feb 2024 07:05:00 +0000

Македонската поп пејачка Александра Јанева минатата недела го промовираше своето ново музичко парче „Дождови“, кое е уште една во низата одлични песни што Јанева ги отпеа за својата публика. Првите реакции за „Дождови“ се одлични и композицијата наидува на навистина позитивни коментари кај публиката. „Ни букет рози не те измива, ниту океаните од солзи сега те одземаат“ можеби се стиховите кои најмногу привлекуваат внимание и оставаат силен впечатк кај публиката. Прашањето што се поставува само по себе е дали материјалните работи и утешните награди што ги добивте можат да го заменат искреното извинување? На крајот од денот, дали несогласувањата се решаваат со зборови и дела, или со материјални нешта? „Колку пати сте добиле материјални работи во знак на извинување, но не сте го слушнале зборот извини, кој навистина е неопходен за да ги намалите болката и разочарувањаето?... Извинете се со зборови, со цела душа, а подарете букети исклучиво од љубов, на оние кои секојдневно ве инспирираат ви и го прават животот убав“- порачува Јанева.

Инспирирана од сето ова, Александра направи интересна фотосесија, а на социјалните мрежи поддржа многу македонски јавни личности. Само што судејќи по последната фотографија, букетот очигледно може да се подари во разни прилики и на различни начини... Во зависност од тоа, колку сакана личност љубовно ве инспирира...“ - што би рекла распеаната струмичанка во својата поза ала „икебана од рози“ со високо кренати нозе! Фото: Инстаграм/aleksandrajanevaofficial

Направете ја најдобрата храна за вашите растенија од овие 2 состојки

Слободанка Илиева — Thu, 25 Jan 2024 13:11:02 +0000

Може да сомелете и кора од банана што е исто така одличен начин за зачувување на цветот. Не треба да трошите пари на разни препарати за нега на растенијата, се што ви треба за нега на цветот сигурно веќе го имате дома. Лушпите од јајцата се еден од најдобрите избори за органско хранење на растенијата, тие се исклучително богати со калциум. Тие исто така содржат магнезиум, калциум, калиум, железо и бакар – сè што е неопходно за вашите растенија да растат и да цветаат. Едноставно сомелете ги лушпите од јајцата, а потоа измешајте 1 лажица од добиениот прав со шеќер и 1 лажица земја. Сè добро измешајте, ставете во саксијата и наводнете го растението. Може да сомелете и кора од банана што е исто така одличен начин за зачувување на цветот. фото:Freepik извор:kurir.mk

Отстрането цвеќето од гробот на Метју Пери: Семејството неочекувано реагираше вака, а еве ја и причината за тоа (фото)

Слободанка Илиева — Fri, 10 Nov 2023 11:12:47 +0000

Познатиот холивудски актер Метју Пери беше погребан минатиот петок опкружен со семејството и најблиските пријатели, а цвеќињата оставени на неговиот гроб беа отстранети завчера. Овој потег изненади многумина, а познато е и зошто семејството го направи тоа. Најблиските членови на семејството го направија тоа доколку тоа би ја спречило јавноста да се собере на гробот на Метју, поточно, фановите и јавноста сè уште да не ја знаат точната локација на неговиот гроб. Метју Пери е погребан во „Светилиштето на скапоцената љубов“, приватен дел од гробиштата кој е затворен и изолиран. На погребот на Метју Пери присуствуваа неговите колеги и пријатели од култната серија „Пријатели“. Холивудскиот актер беше погребан покрај Кери Фишер, Деби Рејнолдс, Мајкл Кларк Данкан и Рони Џејмс Ди, па можеби ова е една од причините за приватноста. Да потсетиме, Метју Пери почина на 28 октомври во Лос Анџелес, на 54-годишна возраст. Тој бил пронајден мртов во неговото џакузи. Причината за смртта на познатиот актер ќе биде објавена по сите токсиколошки анализи. фото:Profimedia

Интервју со македонската фудфлористка Андријана Облешевска: Крајниот “Wow” ефект е оној кој привлекува кога ќе ја доловам приказната која е замислена од клиентот (фото)

Слаѓана Атанасова — Tue, 11 Jul 2023 07:21:16 +0000

Андријана Облешевска во креативниот свет е многу оддамна, таа е музичарка по душа но, по занает фудфлористка. Во шарениот свет наречен „Евгенијално“ има талент да го разубабува и радува етерот. Во цвеќарскиот правец таа е неколку години, а букетите кои ги изработува се извонредни и уникатни. Која е Андријана Облешевска. Како би се претставиле? Здраво другари и фала ви на можноста да си помуабетиме. Во моментов можам да се опишам како личност што постојано се запознава себеси и постојано се изненадува од себеси. Иако сум згодна, но во по незгодната половина од 30тите, хаха, чувствувам дека сум во период на убаво зреење. А убавото зреење подразбира запознавање и прифаќање на сите мои аспекти. Јас сум еден микс од сите можни емоции во моментов, односно сум само битие со истите животни предизвици како и вас. Како дојде до идејата за создавање/подготвување вкусни букети? Колку долго се занимаваш со фудфлористиката? Во креативниот свет сум многу одамна и тоа е еден прекрасен свет каде не постои ниту една временска и просторна рамка и каде буквално имам дозвола да бидам јас. Во фудфлористиката пак како цвеќарски правец се пронајдов пред 4 години и еве сеуште функционираме одлично заедно во мојот мал и шарен свет наречен Евгенијално (https://www.facebook.com/evgenijalno) . А идејата дојде во вистинско време, тогаш кога и самата се охрабрив да влезам во нешто ново и предизвикувачко за мене. Изработив еден букет за моја многу блиска другарка гледајќи туторијал на Јутјуб од руските фудфлористки и беше толку успешно што добив поддршка од најблиските да продолжам да го разубавувам и радувам етерот. Дали постои курс или некој вид на образование и на кој начин напредувате во техниките ? За фудфлористиката е пред се важна љубовта кон природата и креацијата и така имате успешен рецепт односно успешен краен ефект. Јас сум самоука по струка, хаха, но секако дека постојат и онлајн обуки од кои може да научите за овој вид креација. Напредокот во техниката некогаш зависи од мојата инспирација и посветеност, а некогаш и благодарение на идеите кои ги споделуваат овдешните и колегите од светот. Денеска можам да се пофалам дека создадов препознатлив стил на креирање со тоа што додадов свој печат на букетите. Дополнителен успех за мене е дека букетите се до толку уникатни што не се повторуваат и не наликуваат еден на друг. Дали во Македонија има повеќе заинтересирани за начинот на изработка или повеќе има за да го купат и да подарат? Кај нас најголемо интересирање има за подарување. Дефинитивно крајниот “Wow” ефект е оној кој привлекува. Многу се радувам што досега буквално ниеднаш не се случило овој вид на букети да разочараат. Но и покрај овој факт, јас и денеска имам трема за реакцијата на оној кој го прима букетот, таа возбуда за фидбекот дали сме се разбрале во раскажување на приказната. Клиентите се секогаш без исклучок воодушевени. И да, тоа се должи колку на самата креација, толку и на совршеноста на природата, па мојата благодарност оди на во три правци - Кон природата, кон себе и кон клиентите! Дали си задоволна од секој букет како завршен производ или секогаш оставаш простор за додавање и докомплетирање? Овој фудфлористичен свет има бескрајно многу можности за комбинирање, така што некогаш додавам и збогатувам, но во секој случај постојано ги истражувам опциите како би можеле клиентите да добијат дополнителна вредност. Убавината е во слободата која ја дозволува оваа работа, особено заради интимноста што ја носи персонализираниот пристап. Чувството да сте без притисок и со убава музика во позадина додека креирате и го вадите најдоброто од себе е бесценето. Како еден букет треба да изгледа за да биде целосен? Најголемиот успех за мене лично е ако ја доловам приказната која е замислена од страна на клиенот, дури и подобро од замислата. Дали имаш конкуренити, комуницирате ли едни со други учите ли заеднички? Да, имам конкуренти во моментов. Мојот став е дека конкуренцијата ја доживувам како инспирација за растење, а не како закана. И сметам дека многу важни лекции може да се научат од неа и затоа е важно да постои. Од што најчесто се мотивирате за да изработите букет и колку време е потребно за неговата подготовка? Лично ми е многу мило што клиентите стекнаа доверба во начинот на кој ги изработувам букетите и најчесто оставаат на мене и мојата инспирација. Секако претходно ја договараме големината, некој омилен плод ако преферираат, поводот и за мене најдраго од се е кога ќе споделат мала приказна за примачот пред да го направам.. А изработката и должината на времетраењето зависат од композицијата на букетот, па од половина до неколку часа може да трае процесот, без да го земеме предвид времето потребно за набавка на сите материјали. Сподели интересен момент нечија реакција кога некој добил вкусен букет ? Интересни се реакциите од типот, дали се јаде букетот, дали се природни овошјето и зеленчукот или се пластични, дали цвеќето е вештачко итн. Но најголемата енигма е како стојат плодовите, на што се закачени. Реакциите во секој случај се максимално позитивни и не само за оние кои го нарачуваат туку и оние случајни минувачи кои нé застануваат и се воодушевуваат на убавината. Нека биде ова потсетник за тоа колку е значајна природата и колку треба да се грижиме за неа за што подолго да сме сведоци и да уживаме во нејзините богатства! Фото: Андријана Облешевска

Едноставен трик како цвеќето да ви трае што подолго: Се што ви треба се коцки мраз

Слаѓана Атанасова — Tue, 27 Jun 2023 12:00:59 +0000

Кога доаѓаат убавите летни денови, повеќето жени се враќаат од пазар, меѓу другото, со букети цвеќе, сакајќи да внесат допир на свежина во својот дом. Ова е идеален начин за украсување и разубавување на вашето катче, но како што знаеме, букетите цвеќиња не траат премногу долго. Цвеќарката Кетрин Греј сподели 7 трикови на својот профил на TikTok кои ќе направат вашите цвеќиња да траат подолго. Таа тоа го покажа преку примерот на лалињата, но овие совети можат да се применат и на секое друго цвеќе, пренесува Mirror. Како што вели Кетрин, пред сè кога купувате цвеќиња, обидете се да ги најдете оние чии ливчиња сè уште не се целосно отворени. Потоа, кога ќе се вратите дома, исечете ги стеблата околу 1,5 см дијагонално, а кога ќе го направите тоа, исечете ги долните листови, бидејќи не сакате да ја допираат водата, што исто така ќе спречи размножување на бактериите. Откако ќе го направите ова, земете игла и направете мала дупка под главата на цветот, тоа ќе овозможи воздухот да избега за да може водата побрзо да се движи нагоре по стеблото. Ако сакате цвеќињата во вашата вазна да траат подолго, никогаш не ја полнете вазната со премногу вода. Друг трик е секој ден да додавате коцка мраз во водата, а последниот е да ставите бакарна паричка во вазна.

@catherinegrey.xo 7 tips to help your tulips last longer 🌷 #tulips #tulipseason #tuliptips #flowers #springdecor #homedecor #freshflowers ♬ Aesthetic - Tollan Kim

Извор: Курир.мк

Најубавиот украс на велигденската трпеза: Овие три цвеќиња штитат од болести, носат среќа, успех и љубов во домот

Слободанка Илиева — Tue, 11 Apr 2023 11:30:14 +0000

Иако јајцата се најголемиот симбол на Велигден, а свеќите имаат многу важна улога,цветовите имаат многу важно место во празнувањето на Велигден, еден од најрадосните христијански празници. Давањето јајца симболизира нов живот, додека цвеќињата имаат посебно значење. Меѓутоа, во недела, според едно старо верување, важно е на масата да имате една од следните три или букет направен од нив. Момина солза Момината солза го симболизира враќањето на среќата и чистотата на срцето. Според традицијата, се верува дека солзите на Богородица пред крстот на Исус Христос се претвориле во цвет од момина солза. Од друга страна, една легенда исто така вели дека цветот бил создаден од солзите на Ева кога таа морала да ја напушти рајската градина. Во старите времиња, момчињата и девојчињата береле момина солза, бидејќи верувале дека носи среќа во љубовта. Исто така, овие опојни цвеќиња беа подарени на празникот на младото сонце, во месец мај. Оттогаш, потекнува и фразата дека младоста брои години по момината солза, а староста по зимите. Јоргован Јоргованот комбинира кралско, достоинствено однесување, страстен, речиси опоен мирис и сепак успева да ја задржи својата вродена нежност и невиност. Тоа е важен симбол на милосрдие и безусловна љубов. Овој прекрасен цвет е директно поврзан со надежта, верата, плодноста и раѓањето и често се нарекува „рајски цвет“. Лале Лалето отсекогаш се сметало за симбол на убавина, раскош и богатство, слава. На прв поглед, лесно е да се поврзе овој цвет со изобилство, гордост и амбиција, а бидејќи е и растение кое ја најавува пролетта – во него ја гледаме и сликата на секој нов почеток. Доколку го изберете да ја украси вашата празнична велигденска трпеза, ќе имате силен знак на успех. извор:курир.мк

Анастасија и Гудељ славеа годишнина од љубовта, па фудбалерот и приреди романтично изненадување, а таа се стопи од емоции: „Среќна годишнина Бубо“ (ФОТО)

Антонио Димитриевски — Fri, 31 Mar 2023 11:30:26 +0000

Анастасија Ражнатовиќ и Немања Гудељ ја прославија првата годишнина од својата љубов, па оваа убава пригода парот ја објави на социјалните мрежи. Немања решил да ја изненади својата поубава половина и ја израдува со голем букет цвеќе со порака: „Среќна 1 година Бубо“, покрај која имаше преслатка кутија со овошје и чоколади. Заедно со нивната заедничка фотографија, на која очигледно се расположени седат во ресторан, Анастасија му возврати емотивни зборови на својот сакан и го пофали подарокот што го добила. „Среќна прва годишнина моја среќо“. Сакам што ме сакаш“ – напиша пејачката украсувајќи го постот со емотикони од срца и знакот за бесконечност. Бројните фанови, колеги и пријатели им честитаа и им посакаа да ја слават нивната љубов уште многу години. Наследничката на Цеца ужива во љубовта со своето момче фудбалер, во кој вели пронашла се' што отсекогаш сакала, а дека нивната љубов успешно се спротивставувала на сите предизвици, па дури и на наводните семејни конфликти за кои медиумите шпекулирале, доказ се нивните чести фотографии на кои блескаат од среќа. Иако парот не сака да ја рекламира својата приватност во медиумите, нивните објави сугерираат дека се на добар пат да стапнат на лудиот камен во блиска иднина!? Фото: Инстаграм принтскрин/nemanjagudelј/raznatovicanastasija