црн дроб – Вистина.мк

Црвеното вино најмалку му штети на црниот дроб

Слаѓана Атанасова — Mon, 26 Dec 2022 11:46:54 +0000

Истражувањата покажуваат дека алкохолот е главен фактор на опасност околу заболувањата на црниот дроб, особено за цироза. Многу лекари и нутриционисти се согласуваат со тоа и ги охрабруваат сите оние кои уживаат во алкохолните пијалаци – да го намалат внесот колку што е можно повеќе. Сепак, д-р Ненси Ри од Универзитетот Волден во САД, тврди дека постои еден пијалак кој исто така можеби му штети на црниот дроб, но многу помалку од другите пијалоци, а има и многу делотворни дејства. Тоа е црвеното вино. – Ако имате здрав црн дроб, не мора целосно да се откажете од алкохолот. Бројни трудови покажаа дека токму црвеното вино содржи антиоксиданси коишто може и да го подобрат здравјето на Вашиот црн дроб. Секако, доколку го консумирате умерено, нагласи докторката. Извор:Курир

Долгото црвенило на дланките може да е знак за замастен црн дроб

Слаѓана Атанасова — Thu, 28 Jul 2022 13:00:58 +0000

Лекарите предупредуваат дека долгото црвенило на дланките може да биде ран знак за замастен црн дроб, што може да предизвика бројни компликации за организмот. Дијагнозите на заболување на црниот дроб се сѐ почести поради сѐ понездравиот начин на живот. Затоа, важно е да се биде свесен и за поретките признаци на заболување на црниот дроб – вклучувајќи го и она што се појавува на рацете – подолгото црвенило на дланките. Премногу маснотии во црниот дроб може да предизвикаат воспаление и лузни, што може да доведе до цироза, спречувајќи го овој напорен орган да ја врши својата работа. Неуспехот на црниот дроб може да влијае на многу органи во вашето тело, а акутната инсуфициенција може да предизвика компликации како што се инфекција, недостаток на електролити и крвавење. Без третман, сѐ тоа на крајот може да доведе до смрт. Знаците на заболувањето на замастен црн дроб може да вклучуваат отечен стомак, проширени вени, поголеми гради, од вообичаеното – кај мажите, црвени дланки и кожа и очи кои изгледаат жолтеникаво. Дланките кои поцрвенуваат може да бидат резултат на проширување на капиларите – најмалите крвни садови во телото. Некои лекари веруваат дека ова црвенило може да биде предизвикано од покачени нивоа на хормони и често може да биде наследна. Сепак, црвените дланки може да бидат и сериозен предупредувачки знак за замастен црн дроб.

Овие симптоми укажуваат дека вашиот црн дроб е полн со токсини

Христина Ѓоргиевска — Thu, 20 Jan 2022 14:43:51 +0000

Токсините во црниот дроб предизвикуваат многу непријатни последици. Црниот дроб игра огромна улога во одржувањето на метаболизмот, неутрализирање на токсините и неговата состојба влијае на различни процеси во телото. Експертите посочија шест знаци дека црниот дроб е полн со токсини и не функционира добро со главната функција на филтерот на човечкото тело. Непријатност Во случаи кога црниот дроб е полн токсини, се чувствува непријатност во горниот дел на стомакот. Исто така, ова може да доведе до почести гасови. Замор Ако има премногу токсини во црниот дроб, може да се јави постојан замор. Проблем со кожата Освен фактот дека кожата станува жолта, може да се јават и чешање и инфекции на кожата. Гадење Гадење, понекогаш придружено со вртоглавица, дијареа – сето тоа исто така сигнализира дека црниот дроб е спакуван со токсини. Боја на урина и столицата Во случај на хепатална токсичност, урината станува темна, а столицата може да биде бела. Изгореници и оток Отекување на нозе, болки во зглобовите и лесно формирани модринки се исто така знаци на покачени нивоа на токсини во црниот дроб. извор: курир.мк

Рани знаци: 10 симптоми кои укажуваат нa оштетен црн дроб

Слободанка Илиева — Thu, 28 Dec 2017 09:17:19 +0000

Црниот дроб е орган кој има важна метаболичка улога. Тој врши повеќе функции во организмот, меѓу кои како најзначајни се издвојуваат детоксификација, регулирање на шеќерот и холестеролот во крвта како и синтеза на протеини.

Една од важните функции на црниот дроб е производство на жолчка која е неопходна за разградување на мастите, а помага и во апсорпцијата на супстанциите растворливи во масти, вклучувајќи ја и апсорпцијата на витамините А, Д, Е и К.

Жолчката се складира во жолчното кесе и се излачува во почетниот дел на тенкото црево при процесот на варењето на храната. Според тоа, жолчката помага во разградувањето, односно варењето на храната. Поради неговото големо значење за организмот и за здравјето, важно е да знаете како да препознаете оштетен црн дроб. Ова е листа на 10 можни симптоми на оштетен црн дроб: 1. Често имате проблеми со стомакот, чувствувате гадење, мачнина и повраќате. 2. Губите апетит. Црниот дроб го намалува производството на жолчка, па затоа не чувствувате глад.

3. Чувствувате умор и слабост поради зголеменото количество на токсини во организмот кои црниот дроб ги нема преработено. 4. Имате нередовна столица и слабо варење, поради недостаток на жолчка која ја раствора храната. 5. Имате променета боја на столица. Ако е жолта, сива или со боја на глина, тоа би можело да претставува проблем. 6. Промена на бојата на урината, иако пиете доволно вода.

7. Задржувате вода, ви отекуваат зглобовите и стапалата. 8. Подуеноста може да биде резултат на таложење течности поради оштетувањето на црниот дроб. 9. Може да се појави иритација на кожата како последица од неправилната работа на црниот дроб. 10. Чести грчеви и болки во стомакот. извор:точка.мк