цитати – Вистина.мк

15 цитати за да го преболите љубовното разочарување и да продолжите понатаму

Христина Ѓоргиевска — Wed, 01 Dec 2021 14:30:40 +0000

Иако после секое разочарување и лошо искуство стануваме посилни, сепак, потребно ни е време да продолжиме понатаму. Тоа е и еден од најтешките моменти во животот на секој од нас. Овие мудри зборови ќе ви помогнат да се ослободите од минатото и да гледате со надеж кон својата иднина.

„Вистината е дека доколку не се помирите со тоа, доколку не си простите себеси, доколку не сфатите дека е завршено, не можете да продолжите напред.“ – Стив Мараболи
„Ако оставите некого не значи дека не се грижите веќе за него. Тоа е начин да покажете дека единствената личност над која имате контрола сте вие самите.“ – Дебора Ребер
„Понекогаш е потребно скршено срце да нè освести за да сфатиме дека вредиме многу повеќе отколку што сме мислеле.“ – Менди Хејл
„Вчера е минато. Ништо не можете да направите за да го вратите. Престанете да мислите дека „требаше“ да направите нешто. Фокусирајте се на тоа што треба и можете да направите во моментот. Денес е нов ден!“ – Стив Мараболи
„Можете да потрошите минути, часови, денови, недели, па дури и месеци одново и одново анализирајќи ја ситуацијата, обидувајќи се да ги споите сите парчиња, замислувајќи што би можело да се случи… или можете едноставно да ги оставите парчињата на подот и да продолжите понатаму.“ – Тупак Шакур
„Не плачете затоа што е готово, насмевнете се затоа што се случило.“ – Доктор Сус
„Првиот чекор за да стигнете некаде е да одлучите дека нема да останете онаму каде што сте сега.“ – Џ. П. Морган
„Заборавете на она што ве повредило, но никогаш не заборавајте на што ве научило.“ – Шенон Л. Алдер
„Работата не е да се помирите со тоа – би го направиле ако би можеле. Наместо да се помирите, охрабрете се себеси со ‘нека биде’.“ – Џон Кабат-Зин
„Една од најхрабрите одлуки што некогаш ќе ги направите е да се ослободите од она што ви го повредува срцето и душата.“ – Б. Никол
„Најдобрата вештина за играње карти е да знаете кога да ја фрлите картата.“ – Балтасар Грацијан
„Личноста која не ве цени ве спречува да ја сретнете онаа личност која ќе ве почитува. Ослободете се од првата личност.“ – Роберт Ту
„Посветете си онолку време колку што ви е потребно за емоционално заздравување. За да продолжите понатаму не е доволен еден ден, потребни се многу мали чекори за да се ослободите од вашето скршено јас.“ – Тере Ариго
„Пуштете ги да си одат, во спротивно ќе ве влечат.“ – Непознат автор
„Ако минете низ пекол, продолжете да чекорите.“ – Винстон Черчил

извор: Кафепауза.мк

Најубавите цитати на Ѓорѓе Балашевиќ: „Едно е кога копнееш за некој што е далеку, а сосема друго, кога копнееш за некој што е близу до тебе“

Антонио Димитриевски — Sat, 20 Feb 2021 11:43:59 +0000

Познатиот кантавтор, поет и музичар Ѓорѓе Балашевиќ почина на 67-годишна возраст. Балашевиќ генерациите ќе го паметат по неговите песни, во кои доминираа неговите уникатни стихови, кои тој ги напиша со најдлабоки емоции, без оглед дали тие се љубовни или ги опишуваат вонвременските состојби на едно општество, состојби кои важеле некогаш, денес, утре, засекогаш... и во секое време! Ова се некои од нив... Напишани, испеани или само кажани!

„Луѓето се како школки – мора да отворите илјадници од нив за да пронајдете бисер“. „Дамите бираат. О, како поинаку… И тие најчесто избираат никаквеци“. „Има тишина на која се сеќавам повеќе од најубавите зборови“. „Се заљубувате затоа што ви треба, а љубите затоа што на некој друг му треба. „Едно е кога копнееш за некој што е далеку, а сосема друго, кога копнееш за некој што е близу до тебе“. „ Засекогаш“ е само збор. Големите зборови обично имаат мала грешка и се намалуваат со трошка, секогаш кога ќе ги изговорите. Ништо не остана од моето „засекогаш“, Бог знае што“.

„Ако жените одлучуваа за некои работи, светот ќе изгледаше поубаво. Можеби ќе имаше малку влечење коса, озборувања и други работи, но дефинитивно нема да има толку многу крв и зло колку што сме посеале ние мажите“. „Неа не ја повредува тоа што не може да биде среќна со друг. Таа е повредена затоа што не може да биде среќна со тебе“. „Не, не сум изненаден, едноставно сум разочаран. Не те мразам, само ја изгубив причината да те сакам“. „Нема да препознаете вистински маж, со кого ќе издржите, по неговиот изглед, по диплома, по интелигенција. Ќе го препознаете вистинскиот по начинот на кој тој ве држи за рака, како ве сака, како ве гушка – ниту премногу тешко за да ви застане здивот, ниту премногу слаб за да исчезне без трага. Вистинскиот ве држи какви што треба да бидете, за да знаете чии сте“. „Ниту една жена не е толку скапа, а да не може да се купи со искрена љубов. Но, не толку евтина за да се продаде за неколку лаги“. „Таа го прифати секој дел од мене и никогаш не ме замоли да се сменам, но ме смени. Таа е единствената на која навистина и реков како се чувствувам. Не побара од мене да ја држам како капка вода во дланката. Фактот што ја сакам беше доволен за неа“.

Сани Гроздановска умее да објасни што е разликата помеѓу премолчување и душевен мир (ФОТО)

Антонио Димитриевски — Thu, 06 Feb 2020 08:01:57 +0000

Македонската фолкерка Сања Гроздановска - Сани очигледно дека е „природно надарена“ за повеќе работи. Освен по „златното грло“, бујната предница, долгите нозе и кршната става, во последно време пејачката станува се попозната и по „мудрите мисли“. Туѓи или свои - сеедно, од нечије животно искуство секако се произлезени, па Sани затоа не ретко обилно ги користи социјалните мрежи и своите профили, за да сподели понекоја „животна мудрост“ на нив! Веројатно во зависност од приликите и расположението, такви и се и цитатите. Во секој случај, довитливи, хумористични, забавни, ама над се' - поучни! Умен човек може многу нешта од нив да научи за себе, ама секако и за оној што ги споделил. Овој последниов, кој Сани го споделила не се знае дали е од лична природа или се работи за општа констатација. Во секој случај, итрата кумановка тоа што сакала да го каже, го кажала... Дали е во прашање лично искуство или само сакала некому да му испрати предупредувачка порака во стилот на народната: „Ти кажувам ќерко, сети се снао“... е друга работа! Како и да е, Сани Гроздановска сакала да објасни што е разликата помеѓу премолчување и душевен мир! Првиот брак на распеаната кумановка не успеа и заврши со развод... Вториот, како што е познато - добро функционира! Прашање е само дали заради тоа што сега пејачката преферираа да е многу повеќе „златна“, отколку што „мирна“... и спокојна? Фото: Инстагарам принтскрин

Цитати за кармата што ќе ве потсетат дека сите го добиваат она што си го заслужиле

Христина Ѓоргиевска — Tue, 24 Sep 2019 13:30:24 +0000

Тешко е постојано да се биде позитивен. Сите имаме лоши денови понекогаш. Без разлика дали сте ги заборавиле клучевите, сте задоцниле на работа или сте го пропуштиле автобусот, нормално е тоа што таквите работи влијаат на вашето расположение. Но, најважно е да не ја пренесувате негативната енергија на луѓето околу вас. Иако можете да влијаете на вашето однесување, не можете да го контролирате туѓото, така што можно е да се случи некој да го пренесе лошото расположение на вас. Неизбежно е тоа да налетате на намуртени и негативни луѓе. Во таков случај, најдобро е да не реагирате, туку да оставите кармата да се погрижи за нив. Ако некој ве истурка и ви го земе редот, ви се развика од неоправдани причини и слично, не дозволувајте тоа да ви го уништи денот. Останете смирени и верувајте во моќта на кармата. Доколку сте ја изгубиле вербата во нејзиното дејство, следниве цитати ќе ве потсетат на тоа дека сите го добиваат она што си го заслужиле… „Никогаш нема да станете толку големи одмаздници колку што е кармата.“ „Вистинското лице на луѓето ќе се покаже со текот на времето. Можеби ќе бидете измамени во моментот, но бидете трпеливи и почекајте да видите што ќе се случи.“ „Кармата е најдобриот проценувач на карактери.“ „Некои луѓе самите си ги создаваат бурите и потоа се лутат кога ќе им заврне.“ „Порано или подоцна, сите седнуваат на банкет од последици.“ „Единственото нешто што треба да го знаете за кругот е дека секогаш се врти.“ „Кармата е како ластик. Можете да го тегнете дотаму додека не ви се врати и не ве плесне по лицето.“ „Однесувањето на другите луѓе е нивна карма. Вашата реакција на него е ваша карма.“ „Кармата само си ги остри ноктите и си го довршува пијалакот. Ќе се појави за кратко.“ „Сѐ што правите ќе ви се врати назад.“ „Престанете да се нервирате поради лошите луѓе.“ „Само запомнете дека сите неволји што ќе ви ги предизвикаат другите луѓе, порано или подоцна ќе им се вратат.“ „Никогаш немојте да се каете поради тоа што сте биле добри со погрешни луѓе. Вашето однесување кажува сѐ за вас, а нивното кажува доволно за нив.“ „Автобусот под кој ќе ве фрли непријателот, ќе заврти и ќе го удри на тротоарот.“ „Кармата никогаш не губи адреси.“ „Ако треба да одбирате помеѓу тоа да бидете добри или да бидете во право, одберете ја добрината и никогаш нема да погрешите.“ „Будалите земаат нож и го забодуваат во грбовите на луѓето. Мудрите го земаат ножот, ги пресекуваат ланците и се ослободуваат од будалите.“ „Луѓето кои сами создаваат драма, си ја заслужуваат својата карма.“ „Луѓето кои користат други луѓе како скали за искачување, ќе изгубат рамнотежа еден ден.“ извор:курир.мк

Што кажува Фејсбук профилот на Катица Јанева? (ВИДЕО)

Антонио Димитриевски — Wed, 21 Aug 2019 10:28:12 +0000

Додека Боки 13 се фалеше со раскошот по социјалните мрежи фотографирајќи се со речиси сите функционери на власта, Катица Јанева не споделува многу фотографии од приватниот живот.

Доколку некој сака да ѕирне во профилот на шефицата на специјалното обвинителство Катица Јанева, мора да и понуди пријателство, бидејќи нејзиниот профил е приватен и дел од објавите не може секој да ги гледа. Според актуелната истрага Рекет, во која се шпекулира дека е замешана и Катица Јанева, сигурно во моментот понудените пријателства се ставени на чекање. Но оние кои и се пријатели и секојдневно гледаат што споделува Катица, сигурно забележале дека специјалната јавна обвинителка повеќе објавува цитати отколку фотографии со нејзините пријатели и семејството. Листајќи по профилот забележуваме дека Јанева во повеќето цитати кои се споделени се поврзани со егото и гордоста на човекот.

КОГА СЕ ПЛАШИШ ДА ИГРАШ НА ТЕРЕН, ОБИЧНО СВИРKAШ ОД ТРИБИНИ! - стои покрај профилната фотографија на „специјалната“ на Фејсбук! Свиркачите ја обелоденија аферата... Или имаат уште материјали за компетирање на „Рекет резилот“, па бестрашната од теренот, ќе се најде од ругата страна? Само да не заборавиме дека теренот и трибините најќесто ги делат решетки или жица.

СЕКОГАШ ВЕРУВАЈ МУ НА СОПСТВЕНИОТ ИНСТИНКТ, ТОА СЕ ПОРАКИТЕ ОД ТВОЈАТА ДУША! Дали Катица Јанева добро ја служел инстиктот дека инволвираните во случајот Рекет, кои меѓувреме се нејзини пријатели, го користат нејзиното име за да рекетираат бизнисмени уценувајќи ги со телефонските разговори со кои располага специјалното обвинителсто. Или можеби пораките од нејзината душа допрва ќе покажат дека Јанева успешно соработувала со Боки 13 и Зоран Кичеец?

НЕ ОДИ НА ПРСТИ, НИЗ ЖИВОТОТ СЕ ГАЗИ. А таа така дојде. Од нигде-никаде, тивко на прсти, за со кураж од власта да почне да гази се пред себе. И виновни и невини, и кога има и кога нема случај... Згазени се многу нешта што се нарекуваат, доверба, чест, правда, невиност... И како што најчесто бива на крајот оној што безмисолосно гази, и самиот на крај завршува... „прегазен“! Од вистината!

Зашто ВИСТИНАТА е капсулата која сите ја сакаат, ама изгледа дека не може секој да ја проголта!

И не се само цитатите споделени од Јанева кои се поврзани со егото и гордоста на човекот. Има тука и по нејкоја фотографија која очигледно будела разни асоцијации во главата на „специјалната“. Убаво е кога си под отворена закрила на „чадорот“, ама очигледно уште поубаво би било да си меѓу мноштво собрани... И тоа од оние, поголемите!

И секако за крај една фотографија врзана за наградите. Доделени од меѓународна институција. „Најдобар главен обвинител на Балканот“ во 2017 година. Годинава веројатно ќе мораат да го преиначат она „најдобар“ во „НАЈБОГАТ“!

ТВ Алфа прави кратка анализа за она што е споделувано изминатиов период на ФБ профилот на „специјалната“. https://www.youtube.com/watch?time_continue=97&v=hRjVPo5G9i8 Користени извори: Република.мк/ТВ Алфа

Најдобрите цитати за храброста: Луѓето кои имаат карактер и храброст секогаш им се трн во око на оние другите

Христина Ѓоргиевска — Wed, 10 Apr 2019 12:30:07 +0000

Храброста ни е потребна на сите, а многу често дозволуваме стравот да надвладее и да нѐ спречи во тоа што сакаме да го постигнеме. Но, не треба да биде така. Не треба да дозволуваме поради стравот да ги пропуштаме работите кои ги сакаме. Ова се неколку цитати за храброста, кои ќе ни помогнат да бидеме похрабри. Оној кој не е доволно храбар да ризикува, нема ништо да постигне во животот. – Мухамед Али Мојот страв е тој кој ми дава највеќе храброст. – Боб Марли Луѓето кои имаат карактер и храброст секогаш им се трн во око на оние другите. – Херман Хесе Моќта ни е дадена на сите. Треба само да ја најдеме храброста во себе и да тргнеме кон тоа што го сакаме. – Фјодор Достоевски Храброста им помага на ѕвездите. – Корејска поговорка Кој не ризикува, ништо нема да добие. – Наполеон Бонапарта Храбар е оној кој наместо да побегне, ќе остане на своето место и ќе се бори против непријателот. – Сократ Ги сакам оние кои се смеат во проблемите, кои наоѓаат сила во тешкотиите, и така стануваат похрабри. – Леондардо да Винчи Храброста која се бори е подобра од слабоста која трае. – Хегел Ако нешто навистина сакате, соберете храброст да вложите се што имате во тоа. – Бернард Френсис Светот им припаѓа на храбрите. – Карл Маркс Сите соништа можат да станат реалност, само ако имаме храброст да ги следиме. Храброста се наоѓа на неочекувани места. – Џ. Џ. Толкин. извор: точка.мк

Најдобри цитати од драмите на Горан Стефановски: „Иднината никако да дојде, минатото никако да си ојде, а ние овде глумиме сегашност“

Христина Ѓоргиевска — Thu, 29 Nov 2018 09:12:12 +0000

Горан Стефановски е еден од најзначајните писатели на македонска драма, чии драми ја отсликуваат самата срж на македонскиот живот и дух. Има напишано повеќе од 30 драми, сценарија за ТВ-филмови и серии, либрета и радиодрами, меѓу кои и „Дупло дно“, „Чернодрински се враќа дома“, „Тетовирани души“, „Зодијак“, „Наши години“ итн. Од нив произлегле и овие култни реченици и цитати кои уште долго ќе се паметат. Горан почина вчера во Лондон, на 66-годишна возраст.

Јаков: Затоа што сум жив. Вам ви е сеедно. Луѓето копнеат да умрат. Основците копнеат да станат гимназијалци, гимназијалците студенти, студентите да најдат работа, вработените да се оженат, оженетите копнеат по стан и да им пораснат децата за мирно да си се пензионираат, пензионерите копнеат по здравје, а сите копнеат да умрат и мртви копнеат да се родат за пак да се условно живи, во нов расчекор со себе. („Дупло дно“) Цибра: Иднината никако да дојде, минатото никако да си отиде, а ние овде глумиме сегашност. („Тетовирани души“) Киро: Не ме боли газот за народните права, ниту народот ги заслужува, ниту може да ги има, ниту ако ги добие, ќе знае што да прави со нив. („Лет во место“) Анастазија: Има помалку души одошто луѓе. Знаете ли тоа? Има повеќе тела одошто души. Па една душа опслужува повеќе тела. Душите се како кучиња. Сакаат да се блиску до господарот. А вам ви е гајле. Ги пуштате да гладуваат, да лутаат неспокојно. („Жив човек“) Никола: А што значи самоубиство? Нас нè повика татковината. Јас зедов пушката и тргнав. Како и татко ми пред мене. Имам вера во Бога. Имам вера во власта. („Екс-ју“) Денес сè се купува и продава. Дури и она што луѓето мислат дека нема цена. Тоа обично е и најевтино. („Диво месо“) https://youtu.be/fnb_ZSxB3EY Јаков: Ѕидот во вашата глава. Одбивам да сум жив по инерција, да дишам на шкрги. Одбивам да чекам како јаре пред Ѓурѓовден, како свиња пред Божиќ. Одбивам да шетам со цревата во раце, да гледам како нестручно ме оперирате, сечете и шиете, како ми гнојат раните и да се прашувам колку ли ќе ме боли кога ќе дојдам на себе. Не сакам седативи. Не сум купче протоплазма. Имам волја и разум и ја преземам одговорноста за својот живот. („Дупло дно“) Димитрија: Да знаев какви ќе излезете, ќе ве издркав во чаша. Ебави младоста. Сè ќе запустите. Не признавате ни ѓавол ни бог. Немате ред ни во главите ни во телата… („Диво месо“) извор: факултети.мк

Цитати за љубовта поради кои ќе посакате повторно да се вљубите!

Христина Ѓоргиевска — Wed, 10 Oct 2018 16:02:21 +0000

Љубовта е една од најпрекрасните чувства кои постојат. Најубавите уметнички и книжевни дела се инспирирани од љубовта. Најубавите песни ја опеваат љубовта. Без разлика дали сте среќно заљубени или сте во потрага по љубов, овие цитати ќе направат повторно да посакате да се заљубите како првиот пат. ~ „Ја прифаќаме љубовта којашто мислиме дека ја заслужуваме.“ – Стивен Чбоски ~ „Те сакам без да знам како или кога или од каде. Те сакам едноставно, без проблеми или гордост: Те сакам на овој начин бидејќи не знам ниту еден друг начин да сакам освен овој, во кој не постои ЈАС или ТИ, толку интимен што твојата рака на моите гради е моја рака, толку интимен што јас заспивам кога ти ги затвораш очите.“ – Пабло Неруда ~ „Никогаш не постои време или место за права љубов. Се случува случајно, за миг, во еден сјаен, емотивен момент.“ – Сара Десен ~ „Да бидеш сакан длабоко од некого – тоа ти дава сила, да сакаш некого длабоко – тоа ти дава храброст.“ – Лао Цу ~ „Нема да биде лесно. Ќе биде многу тешко; ќе мора да работиме на ова секој ден, но сакам да го направам тоа затоа што те посакувам. Те посакувам целата, засекогаш, секој ден. Ти и јас… секој ден.“ – Николас Спаркс ~ „Повеќе не верував во идејата за сродни души или за љубов на прв поглед. Но, почнував да верувам дека неколку пати во твојот живот, ако имаш среќа, можеш да сретнеш некој кој е токму правиот за тебе. Не затоа што е совршен или за тоа што ти си, туку затоа што вашите комбинирани маани се распоредени на начин кој дозволува две различни суштества да бидат заедно.“ – Лиса Клејпас ~ „Таму каде што има љубов, има и живот.“ – Махатма Ганди ~ „Што е пекол? Јас тврдам дека е страдањето заради неможноста да се сака.“ – Фјодор Достоевски ~ „Имај доволно храброст уште еднаш да веруваш во љубовта. И секогаш уште еднаш.“ – Маја Ангелоу ~ „Ја сакав наспроти разумот, наспроти ветувањето, наспроти мирот, наспроти надежта, наспроти среќа, наспроти сето обесхрабрување кое можеше да постои.“ – Чарлс Дикенс извор:курир.мк