циркулација – Вистина.мк

Не ги соблекувате чорапите кога спиете? Еве зошто треба да престанете со оваа навика веднаш

Слаѓана Атанасова — Tue, 30 Jan 2024 13:59:14 +0000

Во ред е да го правите тоа повремено ако ви е ладно, но не правете го тоа премногу често, бидејќи ја забавува циркулацијата и може да предизвика некои инфекции на кожата. Еве како тоа влијае на телото: Влијае на циркулацијата Чорапите ни ги загреваат стапалата, што може привремено да ја зголеми циркулацијата на крвта. Но, ако носите чорапи долго време, ефектот е спротивен, па протокот на крв се намалува. Ризик од инфекции на кожата Обрнете внимание на видот на ткаенината од која се направени вашите чорапи. Синтетичките материјали, како што се полиестер или најлон, не се удобни на кожата и не дозволуваат вашите стапала да дишат. Ноќното потење е доста честа појава, а ако спиете под тешки покривки, влажната и топла средина создава совршена почва за бактерии кои можат да влијаат на вашите стапала. Ако некои груби хемикалии, како што се бои и смоли, се користени за правење на вашите чорапи, големи се шансите да добиете иритација и осип. Ако еластичните ленти што ги држат чорапите за вашите стапала се премногу тесни, може да се разбудите со болни, црвени траги. Како и секоја тесна облека, чорапите со тесни еластични ленти може да го ограничат протокот на крв што предизвикува оток. Влијае на телесната температура Кога одморате навечер, телото продолжува да работи и многу нешта се случуваат додека спиете. Температурата на телото се менува неколку пати во текот на ноќта, а подобро спиеме кога ни е поладно. Ако носите чорапи кои не се направени од ткаенини за дишење, температурата на вашето тело може да се зголеми и да го наруши сонот.

Лоша циркулација или нешто друго: Што велат студените стапала за нашето здравје?

Слаѓана Атанасова — Fri, 06 Oct 2023 12:15:04 +0000

На што може да укажуваат ладните дланки и стапала? Нашиот организам природно ја регулира телесната температура. Доколку надвор е многу ладно, телото како приоритет го одредува непречениот доток на кислород до срцето и другите витални органи што се наоѓаат во нашето торзо, а тоа може да го намали количеството на крвта што стигнува до периферните делови – стапалата и дланките. Поради тоа, тие стануваат поладни од остатокот од телото. Исто така, не е реткост дланките и стапалата кај некои луѓе да се природно поладни, дури и кога надвор не е зима, па треба дополнително да ги заштитат и згреат. Меѓутоа, за разлика од погоре опишаниот случај, ладните дланки и стапала може да бидат симптом на некое заболување, на пример анемија, срцеви заболувања, дијабетес, хипотироидизам (забавена работа на тироидната жлезда), Рејнов синдром (нарушување на работата на ситните крвни садови во дланките и стапалата), недостиг од витамин Б12… Затоа, корисно е да побарате совет од лекар, особено ако неодамна сте ја забележале оваа појава. КАКО ДИШЕЊЕТО ГО РЕШАВА ПРОБЛЕМОТ Дали сте знаеле дека појавата на ладни дланки и стапала е многу честа кај луѓето што имаат лоша техника на дишење? И дека со дишењето можеме да влијаеме врз циркулацијата? Кога дишеме пребрзо и плитко, нашите крвни садови се собираат. Од друга страна, кога го правиме тоа бавно, длабоко и на нос, нашето тело испушта азот оксид, молекул што игра клучна улога во подобрувањето на циркулацијата и снабдувањето на клетките со кислород. Со собирањето на крвните садови доаѓа до намален проток на кислород, а со самото тоа и до ладни екстремитети. Покрај тоа, кога пребрзо дишеме, ослободуваме и преголемо количество јаглерод диоксид, а тој ја регулира pH-вредноста на крвта. Не е добро премногу да го намалиме количеството на јаглерод диоксид во крвта, бидејќи тогаш може да дојде до намалување на нивото на хемоглобинот (кој го пренесува кислородот низ телото). А тоа исто така влијае врз појавата на ладни стапала и дланки. Па, затоа, обрнете внимание на дишењето: важно е повеќепати во текот на денот да се потсетите да дишете побавно и подлабоко. Корисно е за потопли дланки и стапала, но и за многу други процеси во телото. Извор: Попара

5 симптоми на слаба циркулација кои не смеете да ги занемарите

Слободанка Илиева — Fri, 23 Sep 2022 11:45:03 +0000

Слабата циркулација е проблем кој е најчесто присутен кај лицата постари од 40 години. Сепак, не е исклучиво поврзана со стареењето бидејќи таа може да биде резултат и на одредени здравствени проблеми како дијабетес и срцеви заболувања. Ако не се излечи навреме, може да доведе до сериозни последици како згрутчување на крвта, инфицирани чирови и ампутација. Затоа, експертите препорачуваат да обратите внимание на овие симптоми. Чувство на пецкање на екстремитетите Според специјалистот по физикална медицина, Крис Тат, слабата циркулација може да предизвика чувство на пецкање на екстремитетите. Тоа е бидејќи крвта не доаѓа до овие места во доволна количина. Ладни раце и нозе Крвта носи топлина и хранливи материи до сите делови од нашето тело. Така, намалената циркулација предизвикува рацете и стапалата да бидат поладни од остатокот од телото токму поради фактот дека во овие делови од телото не циркулира доволно крв. Оток Отокот може да се појави на глуждовите, рацете и стапалата. Болка во зглобовите и грчеви во мускулите Лошата циркулација според експертите може да предизвика и болка во стапалата, нозете, рацете и дланките, особено доколку седите или стоите подолго време. Кога циркулацијата на крвта во мускулите е намалена, хранливите материи не можат да стигнат до ткивата на кои им е потребна, а тоа резултира со вкочанетост и грчеви. Промена на боја на кожата Слабата циркулација може да ја промени и бојата на кожата така што на одредени места ќе забележите сина боја. Тоа особено се забележува на прстите, рацете, усните и носот. Не смеете да занемарите ниту еден од овие симптоми. Освен тоа, начинот на живот и одредени заболувања влијаат врз слабата циркулација како, на пример, дијабетесот и атеросклерозата. Научниците препорачуваат дека здравиот начин на исхрана, откажувањето од лошите навики како пушењето и редовната физичка активност можат значително да ја подобрат циркулацијата. Извор: eatthis.com/кафепауза

Природен лек: Со оваа билка ослободете се од проширените вени

Слаѓана Атанасова — Thu, 23 Jun 2022 12:15:10 +0000

Билките што се наоѓаат во природата можат да бидат спас за многу болести, а тоа досега многупати го потврдиле и историјата и науката. Најважно од се’ е што можеме и самите да се увериме во лековитоста која ни ја дава природата како наш најдобар пријател. Можеби сте слушнале, а можеби не, дека рузмаринот е одличен за проширени вени. Во себе содржи киселина која им помага на вените да се регенерираат и на тој начин се постигнува нивно природно јакнење. Рузмаринот делува добро на циркулацијата која е предуслов за лекување на проширени вени. И да ја немате веќе во својата кујна, оваа билка лесно може да ја набавите. Она што е интересно е и фактот што рузмаринот е честа состојка во многу природни креми кои се специјално наменети за лекување на вените. Од рузмаринот може да се прави чај кој со редовно консумирање помага доколу чувствувате грчеви во нозете, а од него се прават и облоги. Секако, доколку имате посериозни проблеми, прво консултирајте се со вашиот матичен лекар.

Ставете ракија на косата- ќе се изненадите од резултатите

Ивана Стојанова — Mon, 02 Apr 2018 10:38:49 +0000

Ракијата ја подобрува циркулацијата, па штом ќе ја нанесете на темето, ќе почувствувате пецкање и топлина. Постапката е многу едноставна, а сигурно ја знае и вашата баба, бидејќи овој рецепт за бујна коса потекнува токму од бабите. Земете малку ракија и нанесете ја директно на кожата на главата. Потоа со прстите масирајте со кружни движења, така што ќе се распореди по целата глава. Потоа наведнете ја главата и продолжете да масирате уште неколку минути. Набрзо ќе почувствувате топлина и пецкање, но тоа не треба да ве загрижува. Ракијата е моќно средство за чистење на кожата, токму она што им е неопходно на модерните девојки. Поради секојдневното користење серуми, ампули, балсами, хемиски препратари пени и сл. кои се задржуваат и по миењето, порите на кожата на главата се затвораат, што директно влијае на квалитетот и растот на косата, а често и го засилува опаѓањето. Затоа од време на време кожата на главата треба да се чисти темелно, а ракијата е најевтиното и најздраво решение. За да не ја оштетите косата, ракија не се нанесува на целата коса, туку само на темето на главата. Старите на овој начин лекувале првут. Секогаш комбинирајте ја ракијата со масло: маслиново, кокосово, гроздово, па дури и сончогледово, ако немате друго. Така кожата ќе се хидрира, а нема да се намали дејството на ракијата. Маслото можете да го нанесете по целата должина на косата. Не претерувајте со овој третман. Третманот со ракија го поттикнува растот на косата, но ако имате псоријаза или кој било друг сериозен проблем со кожата на главата, НИКАКО не ставајте домашни маски без да се консултирате со дерматолог. Не ставајте дури ни маслиново масло.