циклус – Вистина.мк

Секс за време на менструација: 5 работи што треба да ги знаете

Слободанка Илиева — Fri, 25 Mar 2022 14:40:50 +0000

Ако болката не е силна, да речеме во последните денови на менструалното крварење, и ако вашиот партнер е за тоа, нема пречки за интимни односи. Кои се позитивните страни? Сексот за време на менструацијата е едно од најголемите табуа кога станува збор за активноста помеѓу чаршафите – дури и најдобрите пријатели нема да си признаат еден на друг дека го направиле тоа. Сепак, нема причина за тоа. Менструалното крварење е природна функција на телото, благодарение на ненадејниот скок на тестостерон, желбата за секс би можела изненадувачки да се зголеми. Ако грчевите се поблаги и се чувствувате добро, а на вашиот партнер не му пречи, експертите истакнуваат дека нема пречки. Сексот за време на менструацијата не мора да биде… неуреден Пристапот кон сексот во „тие денови“ е различен кај секој пар. На пример, ако се плашите како ќе изгледа и дека се ќе биде неуредно и валкано, можеби не е лоша идеја да го направите тоа под туш. Оргазмот може да ги ублажи менструалните болки Според експертите, ендорфинот што се ослободува за време на оргазмот може да ги ублажи грчевите и стресот кај некои жени. Можеби ќе бидете повозбудени Поради зголемувањето на нивото на тестостерон на почетокот на циклусот, вашето либидо може да се зголеми! Што и да мислите за ваквиот однос, безбеден е Ако сте загрижени за здравствената страна и за тоа како сексот ќе влијае на вашиот партнер во текот на циклусот, ќе ве утеши фактот дека менструалната крв е само уште една телесна течност и во никој случај не може да предизвика здравствени проблеми за другата страна. – Има чудна стигма во врска со тоа, благодарение на мизогинијата во нашата култура, но менструалната крв е безбедна – посочува Лара Брајден, специјалист за женско здравје. Менструацијата е „природен лубрикант“ Ако користите лубриканти поради сувост на вагината или која било друга причина, ќе ве интересира објаснувањето на Ана Друет, која е на чело на тимот што ја разви апликацијата за следење на менструацијата. – Сексот овие денови очигледно е најприродниот можен лубрикант. Менструацијата е добра прилика за секс под туш – истакнува таа. извор:попара.мк

Зошто жените навистина се здебелуваат за време на циклусот?

Слободанка Илиева — Fri, 25 Dec 2020 12:45:05 +0000

Во деновите пред менструацијата и за време на менструацијата, некои жени можат да качат дури три килограми, понекогаш дури и повеќе, вели д-р Лорен Страјхер, професор по акушерство и гинекологија на универзитетот Нортвестерн. Но, работите не се толку страшни како што изгледаат. Повеќето од тие вишок килограми се вода, која се задржува за време на ПМС: „Во деновите пред менструацијата, телото задржува вода, а кога ќе заврши менструацијата, таа вода едноставно исчезнува, а со тоа и килограмите одат“, вели д-р Страјхер. Кривете ги хормоните Естрогенскиот репродуктивен хормон е на својот врв непосредно пред почетокот на менструацијата. И високите нивоа на естроген индиректно предизвикуваат задржување на течности во организмот, па затоа се чувствуваме надуено и ги добиваме тие неколку „водени“ килограми. Добрата вест е дека нивото на естроген опаѓа кога конечно започнува менструацијата, па ќе почувствувате мало олеснување непосредно пред да започнат грчевите во менструалниот циклус. Друг хормон кој влијае на ова е прогестеронот, објаснува д-р Наташа Џонсон, гинеколог во болница во Бостон. Нивото на прогестерон достигнува врв во втората половина од циклусот, а исто така предизвикува задржување на вода, чувствителност на градите и понекогаш може да доведе до промени во телесната тежина поради вишокот вода, се разбира. Но, има и добри страни. Жените понекогаш забележуваат дека нивните гради растат за цел број за време на менструацијата, благодарение на прогестеронот, кој црпи вода од крвните садови и ја „пренесува“ на ткивата, правејќи ги да изгледаат поцелосно, посвежо, подготвувајќи се за потенцијална бременост, вели таа. Овој ефект е, сепак, привремен, па ако не останете во трудни за време на следната овулација, сè се враќа во нормала. извор:нетпрес.ком.мк

7 работи кои ви ги кажува бојата на менструацијата за вашето здравје, а еве кога е вистинско време да посетите доктор

Слободанка Илиева — Wed, 26 Jun 2019 12:30:58 +0000

Дали некогаш сте се запрашале зошто крвта во текот на циклусот ви е во различна боја? Бојата на крвта во текот на менструалниот циклус се менува, а постои и разлика помеѓу оваа и следната менструација, зарем не? Еве што тоа значи и кога е вистинско време да го посетите вашиот гинеколог. Конечно се појави објаснување што бојата на менструацијата зборува за вашето здравје и целосната состојба на вашето тело и кога е време да се “исплашите“. Розова боја Розовата боја на крвта од вашиот менструален циклус може да биде сигнал дека многу ви опаднало нивото на естроген. Доколку сте страствени во џогирање тоа исто така може да биде една од причините што менструацијата ви е во посветла боја, затоа што познато е дека интензивното вежбање значително го намалува лачењето на естрогенот. Речиси проѕирна боја Оваа боја може да значи дека ви недостасува некој од нутриентите во организмот или пак сте во опасност од рак на јајниците. Тоа што би требало да ви го подигне моралот е тоа што 2 отсто од жените имаат карцином на јајцеводите, а опасните болести на јајниците денес многу лесно се доведуваат до ремисија.

Темно црвена боја Исклучително темно црвената боја на вашиот циклус е знак дека нешто “постара“ крв останала во вашата матка и дека таму се наоѓа подолго време. Никој од светот на медицината не може да објасне зошто се случува ова, но велат дека станува збор за нешто најнормално. Густа менструација со згрутчувања од крвта Густата менстуација со многу темни црвени грутки зборува дека нивото на прогестерон ви е ниско, а истовремено нивото на естроген во вашиот организам е висок. Во поголем дел од случаевите тоа не значи ништо необично. Меѓутоа, доколку грутките се многу големи и ги има во поголем број тогаш дефинитивно станува збор за хормонски дисбаланс кој може да направи проблем. Може да се случи да имате миоми затоа најдобро би било да посетите доктор. Сиво-црвенкаста боја Сивата боја на менструацијата или сиво-црвенкастата боја може да означуваат некоја од следниве работи - имате некоја сексуално пренослива болест или пак станува збор за спонтан абортус во рана фаза на бременост. Во втората варијанта најчесто се случува претходниот циклус да изостане. Во секој случај доколку се појави ваква менструација треба веднаш да се обратите кај вашиот гинеколог. Боја на брусница Доколку крвта во текот на вашиот циклус е многу слична на брусница тогаш тоа е знак дека сте “здрави и прави“. Меѓутоа, тоа што би требало да го знаете е дека тоа е нормално за една личност и не значи дека е нормално и за секоја друга личност. Доколку ова не ви е вообичаена боја на циклусот тогаш не треба ни да ја очекувате ниту пак да се грижите зошто крвта не е таква. Портокалова Портокаловата боја баш како и сиво-црвената може да значи дека имате некоја инфекција. Доколку се работи за сексуално пренослива болест тоа може да го знаете преку мирисот на менструацијата, а ќе чувствувате и грчеви и болки во стомакот. извор:точка.ком.мк

Циклусот и доцни и има болки во стомакот… Луна е бремена? (ВИДЕО)

Антонио Димитриевски — Tue, 12 Feb 2019 10:50:39 +0000

Луна Ѓогани се сомнева дека е бремена, бидејќи нејзиниот циклус веќе со денови и доцни и болката во стомакот станува вознемирувачка. Како што и самата му рече на Марко Миљковиќ, таа не знае што се случува со неа.

„Знаеш колку ме боли стомакот. Што не тргне. Што не е во ред со мене? како да се затнало“ - му се пожали Луна на Марко. „Колку најдолго ти доцнел циклусот до сега?“ - ја праша Марко Луна, која одговори: „Едемн месец“. Месец? Поради стресот овде“ - рече Марко, а Луна му откри оти се сомнева дека е бремена.

„Од каде да знам! Мислев дека сум бремена“ - му објаснуваше таа на своето момче, но тој се држеше до својот став дека на блогерката месечниот циклус и доцни заради стресот. Тој почна да и ги масира нозете за да ја опушти и да покаже дека не е загрижен за новата ситуација.

Да потсетиме, Марко и Луна беа интимни во неколку наврати, па постои реална можност блогерката и да е навистина бремена со Миљковиќ.

Овие се причините поради кои можете да имате секс за време на менструален циклус

Слободанка Илиева — Mon, 17 Sep 2018 13:20:42 +0000

За оваа тема се пишува и полемизира многу, но она што е најинтересно е дека секогаш предизвикува поделени коментари. Меѓутоа, без разлика дали сте за тоа или против тоа, има многу причини поради кои би требало да имате секс за време на менструалниот циклус. Сексот за време на менструалниот циклус е добар, односно е пожелно да го практикувате, покажуваат резултатите од најновите стручни истражувања. Многу жени можеби не би се согласиле со овие тврдења, но студиите покажуваат дека сексот за време на месечниот циклус ги ублажува грчевите кај жената и создава поголемо задоволство, а оргазмот е многу посилен од било кога. Меѓутоа, дури и дамите кои немаат никаков проблем со тоа да водат љубов за време на менструален циклус своите потреби не можат да ги задоволат во текот на тие денови, бидејќи не се сигурни на кој начин нивниот партнер би реагирал на таа идеја. Станува збор за деликатна тема за која баш и не е многу пријатно да се зборува, но доколку на мажот му пристапите на вистинскиот начин и темата ја претставите нежно, големи се шансите да наидете на потврден одговор. Анкетите кои се правени на поединечни портали покажуваат дека петтина од мажите немаат проблем да имаат секс кога девојката е во менструален циклус, додека половината од нив признаваат дека не се воодушевени со таа идеја, но дека би се согласиле. Она што е интересно е дека жените за време на првите менструални денови имаат зголемено либидо, што е последица на низа фактори. Еден од нив е и силниот крвоток низ вагината. Телото не препознава разлика помеѓу менструална крв и природни лубриканти, па поради тоа жените за време на тие денови се чувствуваат возбудено. Исто така, матката за време на менструалниот циклус се истегнува и лесно се отвара, па пенетрацијата за време на секс со партнерот е многу поинтензивна, а оргазмите се посилни, така што следниот пат кога навистина ќе посакате да имате секс, не дозволувајте менструалниот циклус да Ве спречи. извор:точка.мк