чувство – Вистина.мк

Калиопи: „Имам чувство како некој да се игра со нас“

Христина Ѓоргиевска — Thu, 30 Apr 2020 07:06:31 +0000

Македонската дива Калиопи деновите во карантин ги поминува во својот дом во Скопје, а таа една од првите јавни личности која започна да се вклучува во живо од својот „Инстаграм“ и да се дружи со фановите. Калиопи во интервју за „Дан уживо“ за n1info.com откри како се чувствува во овој период. „Знаете како се чувстувам....дали се сеќавате на филмот „Труман шоу“, е така се чувуствам. Имам чувство како некој да се игра со нас и дека ова е нереално. Искрено, се трудам да го зачувам секој вреден дел од себе за да можам да продолжам по оваа изоилација“ вели Опи. Меѓутоа, пејачката ни во вонредна состојба не престанува да биде креативна и да се дружи со љубителите на нејзината музика. „Од првиот ден кога сфатив дека нема да можам да се движам, да патувам, да имам концерти, си реков самата на себe: „Калиопи ти сега имаш одговорност онлајн да се дружиш со публиката, фановите“. Прво, започнав со онлајн дружења, а потоа со мини концерти“ вели поп дивата. Калиопи исто така времето во изолација го користи максимлано и креативно, па го започна и оналајн натпреварот „Kaliopi Fan Art“, односно натрпевар во кој нејзините фанови и следбеници во изминатиот месец праќаа креативни дела за некоја од предвидените категории во натпреварот. https://arhiva.vistina.com.mk/megafon/kaliopi-startuva-kreativen-onlajn-natprevar-bidete-del-od-kaliopi-fan-art/ Како што истакна пејачката, по секоја недела ќе има по 15 финалисти, а на крајот размислуваат да има по два победника од секоја категорија. Главна награда ќе биде викенд во Македонија и дружење со Калиопи. Опи откри дека кога ќе заврши целата ситуација ќе оди во студио и ќе работи на нови песни. Целото интервју може да го погледнете тука.

Што мажите буквално мислат за чувството на заљубеност?

Христина Ѓоргиевска — Wed, 15 Apr 2020 12:30:18 +0000

Да се биде жена која се обидува да си го објасни светот на љубовта и врските, да го сфати она што мажите го мислат, особено кога е во прашање нешто толку длабоко и сложено како заљубувањето, може да биде навистина напорно. Смислата на љубовта е вековна потрага и на писателите ширум светот кои се борат да го доловат токму она што човек го чувствува кога се заљубува. Секако, некој од великаните како Вилијам Шекспир и Пабло Неруда, го доближија ова чувство преку своите неверојатни дела. Како е чувството на заљубеност? Скоро е новозможно да се опишат емоциите и мислите кои ве обземаат кога сте во тек на заљубување. Какво е тоа искуство што е толку универзално, но тешко е да се опише поконкретно? Дали е тоа така бидејќи кога се заљубувате ви е тешко да размислувате за било што друго, па тешко може да ги пронајдете вистинските зборови? Да се опише чувството на заљубеност е нешто слично како да ги замолите луѓето да го опишат вкусот на водата. Не можете да го опишете, но сепак, знаете со сигурност дека тоа е тоа откако само ќе пробате. Опишувањето на ова искуство може да биде навистина предизвик, но доколку си го поставувате прашањето дали она што чувствувате е љубов или не, шансите се навистина големи дека веројатно не е така. Мажите не разговараат за љубовта толку често како жените, бидејќи за момчињата постојат стереотипи дека искажувањето на емоциите е знак на слабост. Но, вистината е дека мажите се заљубуваат исто толку често и исто толку длабоко како и жените. И мажите имаат свои искуства обидувајќи се да објаснат какво чувство е љубовта. И покрај тоа што описот на еден човек никогаш нема да биде ист како на друг, останува фактот дека со самото тоа што вложуваат напор да ги опишат своите мисли и чувства, тие докажуваат колку им значи партнерот, а вие не мора да бидете научник за да го разберете тоа! А еве што одговараат мажите кога им е поставено прашањето: Како е чувството на заљубеност?

1. Како во филм

Тоа е како некој да притисне копче и вие сте во филм. Сè е поврзано со неа, сè што гледате и чувствувате. Пролетта е толку соодветно годишно време за овој момент во врската. Песната на радио не е само песна, таа ги отсликува е твоите мисли. Се чувствувате како постојано да се подготвувате за средба. И сакате да ја проголтате саканата како дивјак.

2. Презаситен на најдобар можен начин

Чувството е како да си презаситен и вознемирен, но на добар начин. Помислуваш за некој друг пред да помислиш на себе.

3. Реакција

Заљубувањето е како пред вас да има копче кое вели: „Притиснете овде за да добиете бесплатни колачиња“. Но, секој пат кога ќе притиснете, добивате птичји измет на главата, но вие постојано продолжувате да притискате, затоа што навистина сакате колаче. И еднаш на секои 100 притискања, добивате колаче. И тоа е најдоброто колаче кое некогаш сте го пробале. И додека го јадете сфаќате дека доброволно ќе се пријавите за птицата да ве „покака“ уште 99 пати со надеж дека ќе добиете уште едно колаче.

4. Секогаш ви е во мислите

Јас не можам да престанам да мислам за неа. Не сум толку занесен, но таа постојано се појавува во мојот секојдневен живот. Кога одам во продавница и купувам, помислувам што би сакала таа. Обично мислам на неа наутро додека се подготвувам за на работа и навечер пред спиење. За мене тоа е како да сум маѓепсан од љубов. Јас не размислувам за неа на еротски начин, туку на невин и патетичен начин.

5. Одлично, но застрашувачко чувство

Апсолутно е застрашувачко. Чувството е одлично, тоа е точно, но се чувствувате толку слабо, како универзумот да се обидува да го спречи тоа чувство. Се движите како по лушпи од јајца затоа што не сакате да предизвикате катастрофа. Чувствувате многу интензивно, заруменувате лесно, може да се обидете малку да ја оддалечите од себе за да ги смирите своите чувства. Пеколно патување.

6. Тоа е како… да добиете нов лаптоп?

Тоа е како кога ќе купите нов лаптоп. Во почетокот сè се одвива како подмачкано, нема проблеми со хард дискот, обвивката е сјајна и чиста, немате милион работи на вашата работна површина, учите нови кратенки и карактеристики секој ден. Одлично е. Потоа, полека почнувате да се запознавате. Почнувате да инсталирате некои програми кои знаете дека можат да бидат ризични за вашиот компјутер, „симнувате“ работи кои никогаш нема да ги користите, можеби конечно ќе ја извадите и заштитната пластична фолија од екранот. Мислите дека таа не е повеќе потребна, нели? Сепак, сè уште сè е добро. Компјутерот сè уште работи навистина добро. Потоа доаѓа периодот кога вашиот лаптоп е побавен од хрчак, се загрева како луд и се исклучува најчесто во незгодно време, софтверот е луд бидејќи имате милион работи инсталирано на него. Па, размислувате да купите нов лаптоп.

7. Буквално како да паѓате

Тоа е како да си паднал во бунар, само што паѓаш во љубов наместо во бунар.

8. Интензивно е

Чувството е одлично. Возбудливо. Минатото ви изгледа далечно. Станува замаглено. Среќно, интензивно време кога сте многу расеани и веројатно ги запоставувате другите делови од вашиот живот, но не ви е грижа.

9. Погубно е

Јас сум бил вистински заљубен два пати до сега. Чувството е неописливо. Тоа е како, постојано да се наоѓам во топол и мек кревет среде снежна бура. Чувствата на радост, задоволство, анксиозност и надеж се огромни, но на добар начин. Ја исполнуваат дупката во вашата душа. Посакувате секој ден да трае вечно. Потоа, неизбежното кршење на срцето. Кога тоа првпат ќе ви се случи, како да ве убива. Ве уништува целосно. Потоа, доколку имате среќа ќе добиете втора шанса. Втора љубов. И… сфаќате дека сте премногу исплашени за целосно да се вложите во неа. Значи вложувате 70% наместо 100%. И правите премногу грешки. Само затоа што не сакате да ве боли како првиот пат. И бидејќи не се вложивте 100% завршувате збунети и повторно сте повредени. Тогаш сфаќате дека љубовта е бесмислена, затоа што секогаш боли. И боли долго време откако ќе се случи. Така, ќе почнете да бидете со девојки по случаен избор и ќе спиете со сите затоа што тоа не боли. Или, претпоставувам дека боли многу помалку од љубовта. И сами се убедувате дека сексот без селекција е единствениот начин да го потврдите вашето присуство во светот. Дека тоа е единствениот начин да знаете дека барем на некој на овој свет му се допаѓа она што го правите за него. Вие ја поминувате секој вечер и секој ден размислувајќи за тоа колку сте збунети. Живеете во минатото и уживате во деновите од минатото и деновите кои никогаш не дојдоа. Конечно, сфаќате дека можеби никогаш повторно нема да сакате. И се помирувате со тој факт. 10. Прави да се чувствувате силно и подготвени сте на сè Гледајќи назад кога ја запознав сопругата доволно добро за да ја побарам за жена, јас бев подготвен да се борам и да направам сè за неа. Тоа беше она лудо, силно, емотивно чувство. извор: кафепауза

Зошто некогаш се чувствувате тежи по водење љубов?

Слободанка Илиева — Fri, 13 Mar 2020 13:00:16 +0000

Дали некогаш сте се чувствувале тажни, празни или засрамени, дури и по добар секс? Ако е така, не сте единствените. Триесет годишниот основач на порталот „Nju Ejdž Gents“ објасни за HuffPost дека овие чувства може да се појават во зависност од тоа во каква врска се наоѓате и какви се вашите намери со таа личност. “Тие не учат дека во текот на физичката размена на нежност мажите не ги мешаат чувствата и не стануваат емотивни во такви моменти, а тоа не е погрешно”, рече. Кај двата пола може да се случи посткоитална тага и тоа е прилично честа појава, што подразбира чувство на тешкост, тага и непријатност, веднаш по сексуалниот однос. Ова се должи на хормонот пролактин, кој се излачува со цел, по оргазмот, да го изедначи нивото на допамин кој се ослободува за време на сексот. Се ослободува веднаш по сексот, со цел да се стабилизира допаминот, хормон кој е одговорен за чувството на сексуално задоволство. До депресијата после секс доаѓа кога се ослободува значително повеќе пролактин отколку допамин. извор:попара.мк

Елена Манојловски од ТВ Телма – презентерка на временска прогноза со „чувство за осет“: Некои тоа го сакаат… влажно! (ФОТО)

Антонио Димитриевски — Sat, 23 Nov 2019 09:39:27 +0000

Згодна, привлечна, сексапилна... Елена Манојловски, презентерката на врем,енската прогноза на ТВ Телма е една од оние кои барем за миг ве лепат за ТВ екраните за да дознаете какво ќе биде времето, ама и за да го поминете времето, или барем тие неколку минути во убаво друштво на дамата со „чувство за осет“ за временските прилики. Можеби ваквата констатација звучи необично, но ако ги погледнете работите од поблиску, ќе забележите дека згодната Елена во себе крие и еден поинаков шарм за работата која ја работи. И кога е закопчана до грло и кога е раскопчана со доволно длабоко деколте, таа како да ги држи стандардите доволно високи. И во професијата и во приватноста. Можеби убавината е дар од Бога и мајката природа, но нејзината нега и грижата за себе се обврска на секого од нас. Елена знае како да ја одржува и физичката конфигурација и менталната хигиена. Впрочем, здравиот дух е производ на здравото тело, нели, ама Елена нашла начин како работите да ги постави обратно: Совладај го својот ум и начинот на размислување, и ќе го совладаш и телото станувајќи негов господар! Затоа љубовната сплотеност со природата и е секојдневна навика, или поточно, начин на живот... Или речиси секојдневна, зашто има денови кога токму временските (не)прилики не и го дозволуваат тоа. Како тмурните, врнежливи денови, на пример! Додека некои се само покиснати од него, Елена е е од оние кои „го чувствуваат“ дождот... Едноставно, некои тоа го сакаат... влажно! Ако сте и вие од тој тип, атрактивната презентерката не само што ќе ви го најави дождот, туку и ќе ви покаже што се' ви треба кога денот е дождлив: шолја топло кафе, добра книга и опуштање... Уште ако имате среќа покрај себе да имате и вака добар мотив плус... Тогаш навистина ќе дознаете зошто некои тоа го сакаат... влажно! Та било тоа и времето!

Александра Накова е ултрасекси: Од која страна и да ја погледнете, чувството е комплетно – моќно и потентно! (ФОТО)

Антонио Димитриевски — Tue, 07 Aug 2018 08:36:15 +0000

Александра Накова има нова, летна тура фотографии... Одново секси... Неее, овој пат ултрасекси! Во неколку изданија во различни костими за капање, црнокосата убавица остава без здив. Доволен е еден поглед на нејзината совршена фигура, за да да ве полазат морници кои ќе ви ги разбудат сите сетила. А кога волшебната игра на сетилата ќе проработи, се случуваат чудни работи!

За оние со слабо срце и висок притисок, препорака: пред да ги погледнат фотографиите да ја земат пропишаната терапија. Оние со „краток фитил“ пак, пред да фрлат поглед на телесните убавини на Накова, нека земат длабоко воздух... Колку за да „не им падне вилицата“ од она што ќе го видат кај убавицата.

А неа, од кој агол и да ја погледнете, не можете а да не се возбудите... И немојте да се чудите, ако срцето ви бие со повеќе од 100 отчукувања, зашто со секоја нова фотосесија на Накова ве очекуваат нови изненадувања и возбудувања. Едноставно, од која страна и да ја погледнете, кај секој здрав маж чувството е комплетно: моќно и потентно! Без оглед дали е во прашање селфи во огледалото на некогашната македонска Плејбој зајачица или некоја друга поза, Накова делува толку секси што ќе ви ја смири сета нервоза.

Ќе направи да се чувствувате, смирено, опуштено, блажено... само како што таа умее и може. Едноставно Накова „ќе ве закова“ со погледот за нејзините летни, разголени секси фотографии.

А Вие? Вие во паузата додека се одморате, се сончате или пред да одите да пливате... Исто како во добра книга, во нејзините најнови фотопози, Ви останува да уживате!