чување – Вистина.мк

Ова се тајните кои треба да ги знаете за Божиќното цвеќе

Слободанка Илиева — Wed, 20 Dec 2023 12:58:16 +0000

Имајте на ум дека овие растенија преферираат малку кисела почва. Ставете го вашето Божиќно цвеќе на место со многу сончева светлина бидејќи тоа е всушност тропско растение кое многу сака светлина. Покрај тоа, овие растенија, исто така, ја сакаат влажната средина, па затоа чувајте ги блиску до други растенија за да ја задржат својата посебна микроклима. Бидете сигурни дека цвеќето не е на промаја, без оглед дали е топол или ладен воздух. Во текот на зимата, на Божиќните цвеќиња не им одговара пресуво тло, но мора да бидете внимателни дека водата може добро да се исцеди од саксијата затоа што корените се подложни на гниење. Ако имате хартија за завиткување околу вашето цвеќе, направете дупки на дното и ставете го растението на пластична плоча, така што вишокот вода има каде да истекува. Одржувајте урамнотежен распоред за наводнување(залејте кога почвата е сува, не дозволувајте почвата да се исуши подолго време и обезбедете добар проток на вода) во текот на целата година. Ако одлучите да го задржите до наредната година, Божиќното цвеќе треба да биде режено. Кога лисјата во боја ќе паднат, што најчесто се случува во раната пролет, подрежете го додека не останат две или три пупки, односно до висина од некои 15 сантиметри. Ако сакате вашето растение повторно да расцвета, кога ќе дојде есен, чувајте го вашето растение во темнината од 8 до 12 часа, бидејќи Божиќните цвеќиња треба да имаат период од 8 до 10 недели од долги и темни ноќи. Чувајте го во некој темен гардеробер или пак покријте го со кутија, се додека повторно не расцвета. Кога за неколку месеци ќе никнат првите пупки, подрежете малку на средина за да и овозможите на билката да се разгранува. Инаку, тие можат да преживеат и на отворено ако се наоѓаат на сончеви локации и се заштитени од ветер, а температурата на воздухот не паѓа под 7 целзиусови степени. Имајте на ум дека овие растенија преферираат малку кисела почва. извор:курир.мк фото:Freepik

Апчињата за контрацепција никако не треба да ги чувате на ова место во куќата – го губат дејството!

Слаѓана Атанасова — Mon, 20 Nov 2023 13:00:26 +0000

Апчињата за контрацепција се супер оружје за жените кои не сакаат да останат бремени, како и за оние кои имаат проблеми со хормоналната нерамнотежа и промените на расположението. Сепак, експертите предупредуваат дека е опасно да ги чувате во ормарите или други места во бањата. Некои луѓе го чуваат својот лек во кујната, но повеќето го чуваат во кабинетот над мијалникот во бањата, што може да биде крајно опасно кога станува збор за овој вид таблети, а одговорот лежи во ефектот на влагата врз ефектот на лекот. Влажноста и влагата од бањата може да ги променат компонентите во пилулата, што ја прави помалку ефективна, па затоа треба да се чува на ладно и темно место, пишува Mirror. Извор: Попара.мк

Со лековите бидете посебно внимателни во лето: Каде треба да ги чувате апчињата, а каде капките и кремите?

Слободанка Илиева — Mon, 31 Jul 2023 12:06:10 +0000

Кога станува збор за безбедноста на лековите, почесто се зборува за чување на лековите подалеку од дофат на деца или строго следење на пропишаната доза. Кујната е необично место за чување лекови, за нив нема место ниту во спалната соба, што значи дека бањата е логичен избор. Но, фармацевтите велат дека тоа е веројатно најлошото место за домашна аптека. Лековите таму се изложени на висока влажност, што веројатно ќе предизвика губење на ефикасноста, според здружението на германски фармацевти BAH. -Ова исто така важи и за неотворена кутија со лекови. Наместо тоа, повеќето лекови претпочитаат ладни и суви места, што значи температура меѓу 15 и 25 степени Целзиусови, пренесува ХИНА. Лековите не треба да се изложуваат на високи температури или висока влажност. Лековите за кои е потребно ладење го имаат ова наведено на пакувањето или вашиот лекар ќе ви го привлече вниманието на тоа. Кога живата во термометарот ќе надмине 25 степени Целзиусови, најдобро би било повеќето лекови и козметички производи да бидат на ладно место, заштитено од директна топлина, светлина и влага. Доколку лекот не е соодветно складиран, активните супстанции може да се распаднат и со тоа да се намали ефикасноста на лекот. Во исто време, може да дојде до промена на органолептичките својства, односно промена на бојата, конзистентноста, мирисот и вкусот. Антибиотиците треба да се чуваат во фрижидер кога температурите се високи, бидејќи, на пример, би ја изгубиле стабилноста и ефективноста на собна температура. Капките, вагиналните таблети, инхалаторите, инсулинските инјекции треба да се чуваат на температура од два до осум Целзиусови степени. Експертите предупредуваат дека лековите не треба да се чуваат на температура под нулата бидејќи ќе замрзнат, што ја намалува нивната ефикасност. Ако е крема, ќе биде сомнително ако има грутки. Промената на бојата и чудниот мирис треба да се сметаат за предупредувачки знаци дека нешто не е во ред и со мастите или геловите. Во основа, ако лекот изгледа поинаку од вообичаеното, не треба да се користи. изворkurir.mk

Каде да го чувате омилениот парфем во текот на летото за да не ви испари?

Антонио Димитриевски — Sat, 12 Jun 2021 09:30:13 +0000

Ако не сакате брзо да ви испари омилениот парфем за кој сигурно и сте одвоиле значителна сума од вашиот буџет, информирајте се каде треба да го чувате во летните месеци. Можеби и вие, како повеќето луѓе, едноставно го чувате парфемот на погрешно место во летниот период, па побрзо ви испарува. Решението можеби ќе ве изненади, но е многу едноставно. Ако сакате подолго да ви трае парфемот, преместете го во кујната, поточно во фрижидерот, има изјавено директорот на одделот за козметика на Victoria’s Secret, Марк Книтовски. Тој истакнува дека ова правило особено важи за во лето, поради топлината и сончевата светлина што придонесуваат мирисот побрзо да „ветрее“. Во фрижидер ќе се зачува свежината на парфемот и ќе биде подолготраен. Ако не сакате да ја чувате козметиката на исто место со намирниците за јадење, друга опција ви е да го завиткате парфемот во фолија.

Која козметика треба да се чува во фрижидер?

Слободанка Илиева — Fri, 19 Feb 2021 13:40:40 +0000

Пред неколку години, малите фрижидери за козметика ги освоија срцата на љубителите на козметиката. Уредот многу брзо стекнал армија од обожаватели, а сега мини-фрижидерите се достапни во различни бои, дизајни и цени. Всушност, покрај неспорната фотогеничност, фрижидерите за козметика имаат и практични предности, бидејќи некои козметички производи едноставно имаат потреба од одредени температури. Дури и ако не планирате да купите посебен фрижидер за козметика, одредена козметика треба да ја чувате во обичен фрижидер. Медицинска козметика Ако користите лековита козметика (за акни, розацеа), треба да имате на ум дека со загревање, активните супстанци во неа се уништуваат. Ако лековитата козметика се чува на собна температура, ќе ја изгуби својата ефикасност. Козметика што содржи витамин Ц Витаминот Ц е моќен природен антиоксиданс – ја хидрира кожата, ѝ дава природен сјај и ефикасно се бори против надворешни знакови на стареење. Но, ако производот со витамин Ц го оставите на собна температура, тој моментално ќе се уништи и нема да мора да го чекате ефектот на козметиката. Природна козметика Љубителите на органската козметика треба да бидат дупло претпазливи. Ако вашата козметика е направена од природни состојки, високите температури се фатални. Природните лекови чувајте ги на ладно и темно место. Производи против отоци Фластери, креми, лосиони, серуми – мораат да биде на ладно. Активните состојки значително ја покачуваат својата ефикасност на температура под 10 степени. Парфем Чувањето на парфемот на комода, или уште полошо, во топло, влажно купатило е вистинско злодело. Од сончевата светлост и високите температури, хемиските соединенија во парфемите оксидираат, можат да ја изгубат аромата или да ја променат. извор:кафепауза.мк