чудни – Вистина.мк

10 работи што ги шокираат туристите во Холандија

Христина Ѓоргиевска — Tue, 13 Oct 2020 13:00:45 +0000

Исто како што Македонците имаат голем страв од промаја, но ракијата може да го излечи и тоа, така и Холанѓаните имаат свои верувања на кои остатокот од светот се чуди.

Путер од кикирики и помфрит – да!

Путерот од кикирики пристигна на кај нас само откако беше спомената важноста на протеините, како во губење на тежината, така и при вежбањето. Но, Холанѓаните веќе долго време го обожаваат овој кремаст намаз, но не само на леб – тие особено сакаат да го јадат со помфрит и со некое пиво или друг пијалак. Понекогаш додаваат и добар слој мајонез на целата комбинација, и ова чудо се нарекува patatje oorlog.

Кажуваат ако имаш нешто на твоето лице

Црно меѓу забите или нешто на лицето – не грижете се, Холанѓанецот нема да го задржи таквиот срам од вас. Тие се доволно отворени и вербални во врска со целата „грдост“ што може да се најде на нивните лица, затоа не земајте такви забелешки за зло.

Невообичаени честитки

На нивните родендени, секој нов гостин што ќе влезе ги поздравува сите присутни, еден по еден – или со ракување или бакнување за образ, за што може да биде потребно време. После честитките, гостите седат во круг околу масата каде обично нема алкохол,туку само кафе, чај и слатки. Откако ќе помине времето предвидено за дружење, домаќинот учтиво ќе ги потсети гостите дека е време да си одат дома.

Алармот не е причина за паника

Секој прв понеделник во месецот, во Холандија се слуша тест-аларм на кој никој не му обрнува внимание. Паниката во очите е еден од начините на кои може да се разликуваат туристите од Холанѓаните, кои на силен звук остануваат ладни. Времето за загриженост се јавува само ако алармот трае подолго од 90 секунди – тоа значи дека не е тест, туку вистинска опасност.

Навредни зборови

Krijg de klere (заразен со колера) ) ili tyfushond (куче со тифус) се само некои од навредите што можете да ги заработите.

Голема кригла? Не, благодарам.

Иако Холанѓаните можат да пијат, тие сакаат да го прават тоа постепено – тоа е, тие немаат фетиш за огромни чаши од половина литар. Причината за ова не се некои чудни традиционални обичаи, туку практичното размислување дека пивото ќе испари или ќе се загрее.

И каде се завесите?

Во Холандија скоро никогаш нема да видите завеси на прозорците. Имено, Холанѓаните едноставно не ја кријат внатрешноста на својот дом, па минувачите слободно можат да видат што се случува внатре. Работата е во тоа што Холанѓаните не гледаат на другите во домот и не ги интересира што има во туѓиот дом.

Колку луѓе можат да бидат на еден велосипед?

Околу 10 милиони Холанѓани возат велосипеди. Но, велосипедот таму не е само омилено средство за рекреација, туку и превоз до училиште или работа. Исто така, воопшто не е невообичаено да се гледаат родители како носат повеќе од едно дете на велосипед за да ја извршат својата дневна рутина што е можно полесно. Покрај тоа, на Холанѓаните не им е потребен шлем на велосипед, а еден од аргументите е дека дури и пешаците не ги носат.

Огномети

Холанѓаните обожаваат огномет и едвај чекаат да прославуваат. Додека во повеќето земји на децата им е забранет пристап додека возрасните се забавуваат со огномети, во Холандија децата се добредојдени и од рана возраст учат како да користат пиротехника.

Папочната врвца се сече дома

Бремените жени во Холандија не се мачат да бидат пренесени во болница затоа што сакаат да раѓаат дома. Тие брзаат во болница само во случај на комплицирана бременост, но ако сè оди добро, најдобро е да се породат во топлината на сопствениот дом. извор: Kафепауза

Зошто се повеќе луѓе имаат чудни соништа за време на пандемијата?

Христина Ѓоргиевска — Tue, 28 Apr 2020 12:45:39 +0000

Луѓето низ светот без разлика каде живеат, соочени со проблемот од епидемијата на коронавирусот, можат да имаат барем една заедничка точка, а тоа се живи, впечатливи и бизарни соништа кои најчесто се застапени кај здравствените работници. Ноќните визии за вирусот, природни катастрофи, кожа која се лупи, неможност за дишење, губење на работата, се само дел од соновите кои се повторуваат, а за нив се повеќе се дискутира на социјалните мрежи бидејќи проблемот со „карантинските соништа“ се шири како и самата пандемија. Аналитичарка за соништа од Флорида, Лори Ловенберг, која користи психологија за токување соништа, истакна дека стресот поради карантинот, забраната за движење, загриженоста за работата, семејните и пријателските односи, како и ненадејната загуба на вообичаениот секојдневен конфор предизвикува бран на неочекувани искуства од соништата. Ловенберг додава дека од ден во ден добива се повеќе повици од луѓе кои сакаат да разговараат за нов вид проблеми со желба да најдат решение и разјаснување на ситуацијата, пренесува МСНБС. – Многу луѓе сонуваат за рацете, дека им се лупи кожата, дека не можат да ги движат, изјави Ловенберг и додаде дека таа визија има едноставно објаснување, а тоа е дека се плашиме да допреме што било. Деирдре Барет, психолог од Харвард, собра стотици студии за соништа од воведувањето на мерките, односно од кога луѓето остануваат дома и не заминуваат на работа. Потсетува и дека собрала соништа и по терористичкиот напад на 11 септември 2001 година за да ги види сличните форми. Лекарите, медицинските сестри и лица кои даваат прва помош на првата борбена линија, апсолутно изгледаат како група луѓе во акутна траума. – Најзастапени се соништата каде не успеваат да му помогнат на пациентот, да му го спасат животот, изјави Барет и додаде дека нивните соништата се главно вообичаени, болничките капацитети се преполни, болните немаат каде да се сместат, нема опрема, не можат успешно да ги интубираат пациентите, ако некого приклучат на респиратор, тој не работи. Барет проценува дека 30 отсто од тие луѓе можат да развијат симптоми на посттрауматско стресно нарушување со кошмари, ретроспектива на настаните, анксиозност и проблеми со спиењето. Психолошката траума како резултат на појавата на епидемијата е добро документирана. Светската здравствена организација забележа дека епидемијата на ебола во западна Африка резултира со „длабоки психосоцијални импликации на индивидуално, заедничко и глобално ниво“. Експертите наведуваат дека во периодот кога луѓето патувале од дома до работа и назад, исто така, бил важен бидејќи имале време да ги класифицираат дневните настани во нивниот ум, а тоа сега не се случува. Експертите потсетуваат дека недостигот на сон може негативно да влијае на се, не само психички, туку и физички, и се зголемува бројот на луѓе кои спијат помалку од шест часа. Филијалата на Харвард потсетува дека недостигот на сон или кошмарите можат да влијаат на концентрацијата и расположението, но и промената на метаболизмот и потенцијалната тежина. Недостигот на сон, исто така, може да наштети на кардиоваскуларното здравје, па дури и да ја измени имунолошката функција. Истражувањето покажа дека 76 отсто од Американците имаат проблем со спиење за време на епидемијата, а причина за тоа се анксиозноста во 48 отсто од случаите, загриженоста за блиските во 26 отсто од случаите и осаменоста во 23 отсто. Сите овие се причини поради кои луѓето не можат да спијат. извор: Курир.мк

Експертите откриваат: Зошто имате чудни соништа за време на изолацијата?

Христина Ѓоргиевска — Wed, 22 Apr 2020 12:00:51 +0000

Заробени во своите домови во оваа доба на коронавирус веројатно сте забележале уште една заедничка тема на социјалните медиуми: чудните соништа. Секојдневниот живот на милиони луѓе се смени на еден или друг начин заради падемијата. Додека Ковид-19 продолжува да доминира на насловните страници на вестите и социјалните мрежи, не изненадува што пандемијата започна да влијае и врз рутината за спиење на луѓето. Многу луѓе споделуваат дека имаат живописни, понекогаш стресни, карантински соништа, честопати поврзани со несигурноста за работното место или општа вознемиреност поради самиот вирус. Но, што значат овие соништа (ако тие имаат значење)? Во случај да не сте знаеле, психологијата на соништата се истражува со векови, уште од моментот кога Зигмунд Фројд ја популаризирал идејата дека соништата може да бидат прозорец на несвесниот ум, објаснува д-р Бретани Лемонд, њујоршка докторка по невропсихологија. Денес, експертите се согласуваат дека живописното сонување – па дури и повремените вознемирувачки кошмари – се сосема нормални; всушност, тие се речиси очекувани за време на толку големата неизвесност. Според оваа докторка, нашата генерација ги доживува истите нешта како по нападите на 11 септември, Втората светска војна и другите трауматски настани што луѓето ги доживуваа низ историјата. Бомбардирани со апокалиптични слики на здравствените работници на „фронтот“ во заштитни костуми како ги изнесуваат телата на починатите, вестите и непредвидливиот тек на животот, сето тоа е навистина совршена позадина за поживописните и вознемирувачки соништа и кошмари. Добрата вест: ако имате толку реалистични соништа, тоа не мора да биде „лоша“ работа. Сепак, разбирливо е ако сакате да се ослободите од нив, особено ако вашите соништа предизвикуваат забележителен стрес во вашиот секојдневен живот. Еве што велат експертите за вашите чудни „карантински соништа“ и како можете да бидете сигурни дека го добивате одморот што ви треба за време на Ковид-19? Па, што ги предизвикува живописните соништа? Најживописните соништа се случуваат најчесто кога најбрзо ги движите очите (РЕМ фаза), третата фаза од вашиот циклус на спиење, објаснува Лемонд. Во првите 2 фази од циклусот на спиење, вашата мозочна активност, отчукувањата на срцето и дишењето почнуваат постепено да забавуваат, додека телото се релаксира. Но, кога ќе стигнете до РЕМ фазата на спиење, вашата активност на мозокот и отчукувањата на срцето повторно забрзуваат, додека повеќето ваши мускули остануваат повеќе или помалку парализирани, вели Лемонд. РЕМ фазата на сон обично трае 90 до 110 минути, овозможувајќи му на мозокот не само да сонува посилно, туку и да обработува и чува информации во текот на ноќта додека циклусот на спиење се повторува (вашето тело обично доживува од 4 или 5 циклуси на спиење за една ноќ), објаснува таа. Значи, според едно истражување зад живописните соништа за време на карантин стои зголемениот број РЕМ фази, вели Лемонд. Бидејќи дневната рутина на многу луѓе е целосно променета како резултат на пандемијата, некои луѓе спијат во различни периоди во текот на денот или дури спијат и повеќе отколку што обично. Ако спиете повеќе, тоа би можело да значи и дека сонувате повеќе, бидејќи циклусите на спиење се повторуваат во текот на ноќта, па се зголемува бројот на РЕМ фази по циклуси, објаснува Лемонд. Колку повеќе РЕМ фази, толку е поголема веројатноста да сонувате често – и колку повеќе сонувате, толку е поголема веројатноста да ги запомните соништата наутро, забележува Лемонд. Но, дури и да не спиете повеќе овие денови, вашите карантински соништа сè уште можат да бидат многу реалистични, благодарение на феноменот наречен скок на РЕМ фазата, вели д-р Рој Рејмонд. Скокот на РЕМ настанува поради зголемената фреквенција и длабочина на РЕМ фазите што се јавува по периодот на кратко спиење или несоница, објаснува тој. Во суштина, кога не спиете редовно, мозокот има тенденција да премине во подлабока РЕМ фаза кога успевате и да одморите. Понекогаш тоа се нарекува „сон на сонот“ и има тенденција да влијае врз оние кои постојано се соочуваат со нарушување на распоредот за спиење. Дали мелатонинот влијае врз чудните соништа? Многу луѓе посегнуваат по лекови без рецепт или додатоци како мелатонин кога се борат со несоницата и со другите проблеми поврзани со спиењето. Ако не сте знаеле, мелатонинот е всушност хормон што природно се лачи во организмот за да помогне во регулирање на циклусите од сон и будност. Добрата вест е дека земањето мелатонин во раните вечерните часови (и по совет на доктор) може да помогне во подобрување на квалитетот на вашиот сон, вели Лемонд. Бидејќи здравиот сон го одржува вашиот имунолошки систем силен, земањето мелатонин, исто така, може да биде добар начин да останете здрави за време на пандемијата предизвикана од коронавирусот. Сепак, бидете свесни дека можете да претерате со дозите мелатонин, предупредува Лемонд. Ако земете мелатонин во текот на денот, доцна во ноќта или во големи количини, тоа може да ви го уништи квалитетот на спиењето, објаснува таа. Зошто? Погрешната доза на мелатонин, без оглед дали го земате премногу или во погрешно време, може да ја зголеми вашата РЕМ фаза – што значи почести соништа. За да се ослободите од соништата, на вашето тело му требаат и останатите фази на спиење, за да бидете сигурни дека добро ќе се одморите, забележува Лемонд. Покрај тоа, бидејќи вашето тело веќе произведува мелатонин самостојно, вие не сакате да го нарушите дневниот ритам на тело со земање погрешна доза на додатоци, објаснува Лемонд. Покрај тоа, ако се потпрете на земање на редовна доза на мелатонин, можно е вашето тело да изгради толеранција на него, што само ќе ја зголеми потребата од овој суплемент за да можете да заспиете, вели таа. Во основа: консултирајте се со вашиот лекар пред да воведете додаток од мелатонин во вашата рутина, забележува Лемонд. Што значат чудни соништа во време на карантинот за вашиот здрав сон? Возбудливите соништа не се нужно „лоши“ за вас или вашиот здрав сон. Што е најважно, одржувајте редовна рутина на спиење, најмалку 7 часа навечер, вели Лемонд. Нејзините совети се да го користите вашиот кревет само за спиење и секс (што значи дека белата техника, како телевизорот не треба да биде во спалната соба), избегнувајте да бидете со вашиот телефон додека сте во кревет (особено за следење алармантни вести или социјални медиуми) прочитајте книга пред спиење. Вежбање редовно и избегнувајте кофеин во попладневните часови, кој исто така, може да придонесе за понемирен сон, вели Лемонд. – Покрај тоа, повторувајте ја истата рутина пред спиење секоја вечер, без разлика дали е тоа туш, пиење чај од камилица или медитација. Ова може да ви помогне да го истренирате вашето тело да влезе во фазата на сон – вели таа. Сепак, соништата понекогаш можат да укажат на некои нерешени извори на вознемиреност со кои можеби не знаете како да се справите во текот на денот, забележува Лемонд. Лекарката препорачува да ги споделите вашите соништа со пријателите, семејството или дури и терапевтот. Многу психијатри и психолози нудат сесии и терапии преку Интернет, среде пандемијата на коронавирусот, за оние кои имаат екстремни промени во расположението како резултат на нивните соништа (или други проблеми поврзани со спиењето). Лемонд препорачува да побарате стручна помош. – Спиењето е поврзано со имунитетот и воспалителните процеси, па затоа е важно да се обидеме да имаме подобар и помирен сон во ова време – вели таа. – До одреден степен, контролираме дали ќе добиеме коронавирус преку социјалното дистанцирање и одржувањето на здравјето. Тоа ни дава сила во овие времиња и свесност дека сè уште ја имаме контролата на оваа болест во наши раце. извор: Курир.мк

Некои се чудни, други пресмешни: Најчесто поставувани прашања за сексот во 2019-та година

Христина Ѓоргиевска — Mon, 30 Dec 2019 14:00:37 +0000

Помладите генерации ги мачат многу прашања во врска со сексот, а се плашат да прашаат поради стравот дека ќе бидат исмеани. Затоа, секогаш е тука Гугл. Погледнете ја листата на прашања кои беа поставувани во врска со сексот во 2019 година Секс и здравје Колку секс е потребен на мажите? Дали сексот се смета за кардио тренинг? Колку калории се согоруваат со оргазам? Секс и бременост Дали можам да останам бремена доколку дечко ми ми ги допира градите со усни? Дали можам да забренам од туѓа урина во ВЦ-шолјата? Дали можат да забременам од бакнеж кога имам менструација? Дали можам да забременам од бакнување? Секс и живот Како да најдам девојка за мене и маж ми? Како сексуално да возбудам 70-годишен маж? Што да му кажам на дечко ми за да го натерам да плаче? Како можам да проверам дали уште сум девица? Како да препознаам девица според одењето? Како ќе знам дека сум добар во кревет? Зошто секој пат кивам кога имам валкани мисли? извор: курир.мк