често – Вистина.мк

Главоболка поради дехидрација: Причини зошто можеме да чувствуваме болка во главата

Слаѓана Атанасова — Mon, 05 Feb 2024 13:26:59 +0000

Доколку сте дел од оние кои никогаш немале главоболка во својот живот, не мора да читате ништо понатаму. Но, останатите многу добро знаат дека главоболките можат многу често да бидат голем проблем во секојдневното нормално функционирање. Секако, постојат лекови кои понекогаш можат да помогнат, но најдобрата стратегија е да се обидете да ја спречите нивната појава. Дехидрација – Ова е најчестата причина за појава на главоболка. Вашето тело содржи повеќе од 60% вода и поради тоа му се потребни големи количини на вода за да може да го одржува тој процент. За избегнување на главоболките од овој вид, возрасните би требало да пијат од 8 до 10 чаши дневно. Имајте на ум дека не сите течности помагаат – кафето и газираните пијалаци имаат дехидрирачки ефект. Лекови против болка – Иронично, но вистинито. Половина од хроничните мигрени (25% од сите главоболки), настануваат како „повратен удар“ предизвикан од преголема употреба на овие лекови. Кофеин – И покрај тоа што кофеинот често помага при главоболките; преголемата употреба на нешто добро во овој случај може да доведе до спротивен ефект. Исто така постои и опасност од ефектот на откажување. Доколку одеднаш прекинете да пиете кафе, ќе имате главоболки сè додека вашето тело не се навикне на недобивање дневна доза. Стрес – Главоболките проследени со тензија во главата, настануваат од физички или емотивен стрес. Причина за еден од најчестите видови на физички стрес е долгото непрекинато седење пред компјутер. За избегнување на овој вид главоболка, обидете се на секој пола саат да станувате, да се истегнувате убаво и да гледате малку во далечина. Емотивниот стрес не е толку лесен за елиминирање. Синуси – Суви или блокирани синуси можат да предизвикуваат чести главоболки. Тие се проследени со длабока и константна болка во делот кај образите, челото и околу носот. Болката се зголемува доколку направите нагло движење со главата. За намалување на овие главоболки зовријте вода во тенџере, застанете над него и неколку минути вдишувајте ја пареата. Покријте се со ќебе или чаршав за да го ограничите движењето на пареата. Доколку секојдневно ја применувате оваа „терапија“, за кратко време ќе забележите позитивни резултати. Низок шеќер во крвта – Овој дисбаланс може многу брзо и лесно да се поправи со внесување на протеини преку исхраната. Одредена храна – Кикириките, чоколадото и црвеното вино содржат амино асид тирамин кој често предизвикува главоболки. Исто така избегнувајте ја и храната што содржи нитрати како што се саламата, хот догот или колбасите. Млечните и житните производи во ретки ситуации исто така можат да бидат причина за појава на главоболки. Промена на време или на надморска височина – Промените во времето како наглото опаѓање на барометарскиот притисок често предизвикуваат главоболка. Дури и посетата на град кој е на поинаква надморска височина од оној во кој дотогаш сте биле може да го има истиот ефект. Хормони – Естрогенот и прогестеронот влијаат на хемикалиите во мозокот кои се поврзани со главоболките. Високото ниво на естроген може да помогне при главоболки, но пониското ниво има сосема спротивен ефект. Изложеност на пушење „од втора рака“ – Чадот од цигарите предизвикува мигрени. Пробајте да ги избегнувате просториите во кои се пуши. Доколку немате таква можност, секогаш имајте ментол бонбони при рака, тие барем на момент ќе го неутрализираат влијанието од чадот. фото: Free Pik Извор: попара

Катарина Живковиќ се затрула со храна – пејачката е во лоша состојба (фото)

Слаѓана Атанасова — Tue, 17 Jan 2023 10:08:58 +0000

Пејачката Катарина Живковиќ на социјалната мрежа „Инстаграм“ објави на нејзината приказна и откри дека имала труење со храна поради што добила висока температура и не се чувствува добро. Живковиќ рече дека ова не и се случува прв пат, а во два месеци и е неколку пати болна: - Па, како може оваа чувствителна и кревка кукла да ги прескокне отровите со кои не трујат, секакви работи, ве молам, сериозно, зошто да сум јас подобра од повеќето? Јас сум на ред и ова е веќе петти или шести пат во два месеци и искрено, не знам дали сум повеќе тажна или лута, всушност и едното и другото, плус сум многу гладна - напишала Каќа. Фото: Принтскрин/Инстаграм/Катарина Живковиќ

Колку често водат љубов жените кои се во брак? Ќе се фрапирате од одговорот

Слободанка Илиева — Thu, 04 Aug 2022 11:47:32 +0000

Една неодамнешна студија спроведена на примерок од 300 парови откри неколку интересни податоци. Со бројни животни обврски и проблеми, деца и работа, многу е тешко да се зачува совршениот однос со партнерот, исполнет со емоции и страст. Тоа го докажуваат одговорите на многу жени на прашањето: Колку често водат љубов? Во истражувањето спроведено на повеќе од 300 парови на различна возраст, откриено е дека речиси половина (47 отсто) водат љубов еднаш неделно, а речиси 10 отсто од нив тоа го прават само два пати месечно. „Омажените жени, кои велат дека сексот со партнерот еднаш неделно или двапати месечно совршено им одговара, всушност не се воопшто ретки. Причината за тоа се токму животните пречки, стресот и обврските, поради кои сексот многу брзо може да стане предвидлив, па дури и досаден“, објаснуваат експертите. Исто така, истражувањата потврдија дека колку поретко водиме љубов, толку помалку ќе ни станува страста и потребата за тоа. Игнорирањето на страста и недостатокот на интимност, кои во последно време стануваат се почести меѓу партнерите, често доведува до прељуба, па дури и до развод. извор:попатра.мк

Мажите не се единствени кои иницираат секс: Дали знаете жените колку често сакаат?

Христина Ѓоргиевска — Mon, 14 Jun 2021 12:30:49 +0000

Ако зборуваме реално, повеќето луѓе сметаат дека токму мажите се тие кои во најголема мера иницираат секс. Се разбира, има такви случаи, но исто така и жените го прават тоа. Најновата студија покажала дека 75 отсто од жените сакаат секс најмалку трипати неделно. Од дури 5.000 испитани жени, 46,8 отсто се задоволни со својот сексуален живот, додека 53,2 отсто сакаат да имаат почести сексуални односи. Кога станува збор за оргазмот, околу 38,6 отсто од жените го доживувааат барем еднаш во секој сексуален чин, 23,8 отсто од нив често, а 16,2 отсто повремено, додека 10,2 отсто имаат редовни повеќекратни оргазми. Дури 8,4 отсто од жените ретко доживуваат оргазми за време на сексот со партнерот, а само 2,8 отсто никогаш. Студијата потврдила и дека на жените за добар секс им е најважна емоционалната поврзаност, односно постоење на взаемни чувства. Тоа го сметаат дури 53,2 отсто од жените, додека 23,6 отсто од нив предиграта ја гледаат како клуч за сè. Како останати факти се наведуваат, комуникација (10,4 отсто), редовна сексуална активност (7 отсто), воведување новитети и разновидност (4 отсто). Се покажало и кои негативни фактори најмногу влијаат на сексуалниот живот на жените: Стрес (39,2 отсто), лоши односи со партнерот (28,2 отсто), несигурност поради физичкиот изглед (20 отсто) и грижата за мали деца (11,8 отсто). извор: точка.мк