честитка – Вистина.мк

Познатите Македонски добија осмомартовски честитки кои се чуваат, траат и вредат за цел живот (фото)

Слободанка Илиева — Fri, 08 Mar 2024 08:28:37 +0000

Денес, 8-ми Март, Меѓународен ден на жената се слави насекаде низ светот! Ден кога се одбележува борбата на жените за економска, политичка и социјална рамноправност со мажите, ден кога жените добиваат безброј честитки, цвеќе, разни подароци... Секоја година главниот симбол на месец Март е жената и се’ околу неа. Во време на супериорна технологија и социјални мрежи, голем број жени, мајки, сопруги, сакаат да се пофалат и покажат како се уважени за нивниот ден, но најголем број од ваквите пофалби со подароци се сведуваат на честитките од најдрагите, најмалите. Особено драги се честитките, односно ракотворбите изработени од малите вредни рачиња на дечињата кои штотуку почнале да пишуваат или ги направиле осмомартовските честитки со помош на учителките. Со очи полни љубов и солзи, трепет на срце, вакви честитки добија познатите Македонки кои на својот Инстаграм ги објавија јавно. Меѓу нив беше Сара Мејс која се израдува на честитката од Илина која за мама ги направи најубавите цветчиња и ги избра најубавите зборови. Утрото со иста радост го почна и Тамара Тодевска стопена од букетот цвеќе и честитката на својата Хана. Истото од ќерка си ја дочека и ТВ презентерката Бубе Илиевска која од Нела на подарок доби љубов искажана на хартија и благодарност што е центар на нејзиниот свет. Овие честитки немаат цена, тие траат засекогаш, а сигурно многу од мајките ги чуваат за цел живот како потсетник дека жената има моќ да биде центарот на светот! фото:Instagram printscreen

Свекрвата на Елена „Живот со стил“ е млада дама, а познатата снаа се уште не ја вика „мама“, но сепак вака и го прави ќефот… (фото)

Слободанка Илиева — Sat, 03 Feb 2024 08:20:38 +0000

ТВ водителката и инфлуенсерка, Елена Најдоски или попозната како „Живот со стил“ , веќе една година е мажена жена која откако го кажа судбоносното „да“, заедно со избраникот Бојан Најдоски се незапирливи со патувања. Тоа што не се дома, воопшто не е причина да ги заборават важните нешта, на пример родендените. Токму таков важен ден имаше свекрвата на водителката, што беше повод Елена да и честита јавно на славеничката преку социјалните мрежи, а со тоа и да ја покаже мајката на Бојан. Млада дама која на прв поглед ќе се запрашате дали е сестрата или мајката на сопругот на Елена. Снаата се уште по старите обичаи не и вика „мамо“, но затоа има посебна тактика со која и го прави ќефот на свекрвата која ја ословува во деминутив , односно нагалено Јулче. Мама Јулче наполни 53 години, а снаата Елена со неколку фотографии ја покажа свекрвата која инаку е мајка на два сина од кои Бојан е постариот. Ако за некои снаи е лесно да ги викаат свекрвите со „мамо“ , ваквото ословување за повеќето веројатно е прифатливо. Свекрвата се чувствува веројатно младо, а и задоволно дека снаата ја вика нагалено. Двете страни среќни и задоволни за „мир во куќа“. фото:Инстаграм принтскрин

Честитка од Мицкоски по повод Божиќ

Антонио Димитриевски — Sun, 07 Jan 2024 06:56:10 +0000

Претседателот на ВМРО-ДПМНЕ, Христијан Мицкоски во лично име и во име на ВМРО-ДПМНЕ на сите православни Христијани им го честита големиот празник Рожденство Христово – Божиќ со желби за успеси здравје и среќа. – Раѓањето на синот Божји ја симболизира надежта за подобро утре, мирот и спасението на човековиот род кој тој со себе ги донесе на овој свет. Токму празничните божиќни мигови нека ги исполнат домовите на верниците со божјата светост и радост за веста за раѓањето на Спасителот. Срцата нека се исполнат со топлината и нека се пренесе гласот дека Богомладенецот Христос е роден. Благословот Господов нека е над сите нас, да се насочиме кон добрите дела и хуманоста бидејќи тие се смислата на човекољубието и нашата христова вера, љубовта кон ближните и надежта за спасението. Во празнични денови да си споменеме и за сите оние кои страдаат поради растечката немаштија и да им пружиме рака, да направиме богоугоден гест и да им помогнеме. Луѓето кои живеат до нас, нашите соседи, без оглед на разликите се наши браќа и треба да си бидеме потпора во овие тешки времиња. Така ќе се сплотиме и ќе застанеме рамо до рамо против предизвиците на новото време кои го ништат нашето општество и кои ја загрозуваат нашата татковина Македонија. Криминалот и корупцијата се злото на ова доба, и тоа бара обединување и заедничка борба. Злото се поразува со добро, а народот во Македонија секогаш знаел да ја одбере страната на доброто и да биде на страната на победниците. Така било во минатото и така ќе биде додека векот векува. Нека е честит и вековит празникот Божик. Нека е вечна Македонија. Христос се роди! Навистина се роди!, се вели во честитката од Мицкоски, по повод празникот Рожденство Христово – Божик

Новогодишна семејна честитка од Даниел Кајмакоски: Го смислија секој детаљ и седнаа пред елката, а бебето ќе ве стопи (фото)

Слободанка Илиева — Tue, 02 Jan 2024 08:55:49 +0000

За Даниел Кајмакоски 2023 година беше од убава – поубава. Се заљуби, се ожени, си ја здоми невестата, а неколу месеци подоцна си доби и синче, од убаво поубаво. Сега откако ја дочекавме Новата 2024 како што е ред се’ она што прво ни дојде на мисла го кажавме непосредно пред саканите и блиските, а за останатите, честитката најчесто е вируелна. Kајмакоски за сите свои следбеници и фанови го направи она втортото и напиша: „Се надевам дека уживавте во последните денови од оваа година до максимум. Сите ваши проблеми нека исчезнат за Новата година да ја дочекате во љубов и хармонија“, напиша Даниел Кајмакоски и објави празнични фотки со сопругата и синот. А својата семејна љубовна хармонија ја покажа преку неколку празнични фотографии. Со смислија секој детаљ, особено облеката во празничен новогодишен принт, а потоа се наместија за совршениот кадар, всушност неколку. Во фокус од крајниот резултат е бебето Стефан кој едноставо е неодолив позер што ќе ве стопи на прв поглед! За потсетување, Даниел Кајмакоски заедно со сопругата Марина и наследникот Стефан живее во Белград. фото:Instagram printskrin/ daniel_kajmakoski

Исаура од „Преспав“ на сите ни ја честита новата година, а себе си си го честита роденденот: „Хепи брдеј ту ми“ (фото)

Слаѓана Атанасова — Sun, 31 Dec 2023 19:30:56 +0000

Емра Куртишова попозната по улогата на Исаура од популарната македонска серија „Преспав“ со своите пријатели на социјалната мрежа Инстаграм на нејзиниот профил, сподели неколку нови фотографии со повод. Таа на најновата објава во раце ја држи малата Лена која дојде на свет на 30 октомври, а сега за прв пат се сликаше со Дедо Мраз и родителите. „Хепи брдеј ту ми, хепи Њу јир ту ол оф ју!!! Виш ју ол д бест“ - напиша познатата актерка покрај фотографиите со цел да ни ги честита празниците на сите, а себе си си го честиташе роденденот.

View this post on Instagram

A post shared by Emra Kurtishova Stojanova (@emra.kurtishova)

А како подарок таа денес го има најубавото нешто кое заедно со сопругот Петар го држи во раце. Емра пред мајчинството и брачниот статус, не беше многу активна на социјалните мрежи, но сега откако нештата се сменија, актерката се почесто знае да открие нешто повеќе од нејзината приватност. Фото: Instagram printscreen/ emra.kurtishova

Нина Бадриќ во кусо жолто фустанче покрај елката испрати новогодишна честитка (ФОТО)

Антонио Димитриевски — Fri, 29 Dec 2023 12:44:57 +0000

Познатата балканска поп пејачка Нина Бадриќ во одлично, весело и пријатно расположение го помина Божиќ, па нестрпливо ја очекува и Новата 2024-та година. Таа објави новогодишни фотографии направени покрај својата новогодишна елка. Нина зрачи со позитивна и убава енергија. Облечена во кусо жолто фустанче и бели чорапи до колна од Гучи и за своите 51 година, таа изгледа навистина фантастично. „Среќа, радост, снага, заедништво, спокој, мир, веселби, љубов…. Среќен Божиќ“, напиша Бадриќ во описот на фотографиите под елката, на кои за жал, самата и се радува.

View this post on Instagram

A post shared by Nina Badrić (@badrich)

Фото: Инстаграм/badrich

Јелена Карлеуша ја чуваше најголемата тајна на Марија Шерифовиќ: „Поради ова молчев“

Слободанка Илиева — Thu, 21 Dec 2023 12:16:41 +0000

Пејачката Марија Шерифовиќ својата улога како родител ја реализира пред 10 дена кога доби син со помош на сурогат мајка на кој му го даде името Марио. Таа го оствари својот голем сон на кој работеше во строга и голема тајност. Освен нејзината мајка Верица, за тоа знаеле само нејзините најблиски пријатели. За најважната улога во животот и честитаа бројни познати личности, а многумина забележаа дека честитката и недостасува на поранешната пријателка на Марија, Јелена Карлеуша. - Се уште не сме се слушнале, но планирам да и се јавам и да и честитам. Знаев за нејзиниот план многу пред тебе и пред таа да го објави, но јас сум од оние луѓе кои дури и кога е лута не би кажала ништо. Еве, јавно да и честитам. Знам дека ќе биде прекрасна мајка и знам колку го сакаше тоа, а Верица ќе биде прекрасна баба. Верица заслужи да добие внук и да ужива во тоа - изјави Карлеуша. фото: Instagram printscreen/ karleusastar/ serifovic serifovic

Емотивен споменар за денот што го чекаме цела година: Лила вака му го честиташе роденденот на мажот на својот живот (ФОТО)

Антонио Димитриевски — Sat, 30 Sep 2023 07:20:05 +0000

Најпознатата и најпопуларна македонска ТВ водителка Лила Филиповска, постојано е актуелна во јавноста. Како на професионален план кога е во прашање квизот „Се' или нешто“ чија нова сезона започнува, така и во доменот на нејзината втора неофицијална професија - инфлуенсерството, како и за она што и се случува на приватен план. За Лила се знае речиси се', бидејќи таа не е меѓу оние „ултра резервираните од затворена природа“, туку напротив, многу нешта јавно споделува на социјалните мрежи. Меѓу другото и љубовта, но никако кога се во прашање нејзините лични врски, за кои е повеќе од мистериозна, ама затоа онаа семејната, никогаш ниту ја крие, ниту ја премолчува. А има ли поголема среќа и љубов на една мајка од онаа кон своето чедо, во случајов нејзиниот син Филип. Некои го паметат уште кога се роди, други пак го запознаваат низ времето, трети сега, по прошетката по старите фотографии уште како бебенце, кои Лила знае да ги сподели за некои важни датуми! Така е секогаш, така беше и овој пат кога мама Лила со емотивен фото - споменар кој го сподели на социјалните мрежи за „денот што го чекаме цела година“ и јавно му го честиташе роденденот на мажот на својот живот! „И целиот свет да е против мене… најважно е што те имам ТЕБЕ. Еден живот една љубов…син, другар, поддршка, мој панцир години наназад !!! Ете затоа сум толку силна. Најсреќен роденден Филипе мој да си здрав, жив и најсреќен… И уште долго да ме чуваш, браниш, пазиш и мазиш… те сака Лики“ - споделила Лила во објавата.

View this post on Instagram

A post shared by Lila (@lilafilipovska)

А во споделениот фото-колаж, нејзиниот син - единец во разни периоди и возрасни фази од животот. Речиси од лулка, па се до денес, како расте и се развива, станува од детенце вистински маж низ годините што минале... Природна трансформација и една љубов мајчинска, чиста... Само Лила е - иста!? Фото: Инстаграм/lilafilipovska

Близнаците Мартин и Стефан од „Некст тајм“ слават роденден, а мајка им Сузана им го честиташе на најубав начин: Разгледница од спомени за своите синови (ВИДЕО)

Антонио Димитриевски — Wed, 20 Sep 2023 07:57:48 +0000

Близнаците Мартин и Стефан од братското музичко дуо „Некст тајм“ со своите стилизирани преработки на најпознатите македонски песни со патриотска содржина, ги освоија срцата на публика не само во Македонија, туку и ширум светот кај македонската дијаспора... Од Америика и Канада до Нов Зеланд и Австралија. Нивниот албум „Мајка“ на кој се најдоа споменатите песни го доби токму тој наслов заради неговото симболично значење. Нивната родна земја - мајка Македонија и нивната мајка Сузана, жената која ги родила како двете најважни и единствени мајки во нивните животи. Зашто како што мајка може да ги сака своите чеда, не може никој друг... Македонија веќе покажа дека тоа е така, а за нивната мајка Сузана излишно е и да се трошат зборови. Впрочем, со последниот свој гест таа тоа само уште еднаш, по кој знае кој пат и ќе го потврди. Имено, нејзините близнаци Мартин и Стефан денес, 20 септември 2023 слават роденден... 37-от по ред! Веќе зрели мажи, едниот од нив - Мартин однеодамна и оженет, но за нивната мајка, впрочем како и секое чедо за својата, вечно ќе останат нејзини деца! Затоа таа решила роденденот покрај останатото, да им го честита и јавно, на социјалните мрежи и тоа на најубав начин. Со видео- разгледница од спомени за своите синови! Во неа Сузана ги вткала некои од најубавите и најемотивни моменти од детството па се до денес на нејзините близнаци. Кадри од првите родендени, кога Мартин и Стефан биле уште многу малечки... Преку првите нивни детски фестивалски и ТВ настапи... Па се до овие денови, кога нејзините близнаци как братско дуо „Некст тајм“ се едни од најголемите македонски музички ѕвезди. „Среќен роденден мили мои, Ви благодарам што ме правите среќна и што чекорите по правиот пат“ - напишала гордата мајка покрај постот во кој е споделена нејзината роденденска видео честитка. Славениците видеоподарокот од нивната мајка го преземале и исто така го постирале на својата официјална Инстаграм страница, покрај кој во описот додале: Денес е наш ден!!! Денес е нашиот Роденден!“

View this post on Instagram

A post shared by Next Time (@nexttimeband)

Фото: Фејсбук/Suzana Filipovska/Инстаграм/nexttimeband

Немања и Анастасија се венчаа, а семејството Гудељ остана немо: Дали со овој потег покажаа дека навистина не им допаѓа снаата?! (фото)

Слободанка Илиева — Fri, 25 Aug 2023 10:05:21 +0000

Семејството Гудељ не објавија на своите профили на социјалните мрежи честитка за синот и снаата, иако тоа го прават секогаш кога има некој важен настан во нивниот живот. Според „Story“, семејството на Немања Гудељ не присуствувало на венчавката на Анастасија и Немања. Но, тоа не е се’. Семејството Гудељ не објавувале на своите профили на социјалните мрежи, иако тоа го прават секогаш кога ќе има некој важен настан во нивниот живот. Свадбата на Анастасија и Немања се одржа во манастирот Рајиновац во близина на Белград, а присуствуваа и семејствата Ражнатовиќ и Оцокољиќ, како и најблиските пријатели на младенците. Реакцијата на семејството на Гудељ особено ја заинтересира тамошната јавност, со оглед на тоа што досега ниту еден член од семејството Гудељ не се огласил јавно да им честита на младите. Гага и Оливера Гудељ не се огласија на своите профили, додека Вања Гудељ, сестрата на Немања, објави фотографија од теретана, набргу откако Анастасија објави дека се омажила за нејзиниот брат. Но, никој не ја исклучува можноста Гудељи да и дале честитки на брачната двојка само приватно. фото:Инстаграм принтскрин