часот на планетата земја – Вистина.мк

Македонија по 11-ти пат се вклучува во акцијата „Часот на планетата Земја“

Антонио Димитриевски — Tue, 10 Mar 2020 14:20:49 +0000

Милиони луѓе ширум светот ќе се обединат во испраќање на заедничка порака за спас на планетата Земја, во сабота на 28 март, кога ќе се одржи глобалната еколошка акција Часот на планетата Земја. Точно во 20:30 часот по локално време во мрак ќе потонат илјадници споменици ширум светот за да предупредат дека климатските промени се случуваат сега и тука, и дека само ние како поединци ја имаме моќта да го промениме тоа. Во период кога глобалниот биодиверзитет се намалува со невидени и алармантни стапки, додека паралелно на еден милион животински и растителни видови им се заканува целосно исчезнување од лицето на планетата, а Земјата е на чекор од уништување поради глобалното затоплување, сега е повеќе од потребно да се подигне свеста дека природата е фундаменталната основа за здрава планета и непосредно и најмоќно решение за спас од климатските промени. Часот на планетата Земја и Светскиот фонд за природа (WWF) оваа година ги повикуваат граѓаните да го дадат својот глас за Земјата на интернет платформата „Глас за Земјата“. Овие потписи во текот на годината ќе бидат презентирани на светските лидери и носители на одлуки на глобалните форуми како Генералното собрание на ОН, за да помогнат во креирање на Нов договор за природата и луѓето кој ќе гарантира заштитување на преостаната природа и ќе се обиде да помогне во реставрирање на досега загубеното, а истовремено гарантирајќи ја нашата иднина на оваа планета. - „Глобалната стапка на губење на природата во последните 50 години е од невиден размер во човечката историја и преставува закана за човечките животи и благосостојбата во светот.“ вели Марко Ламбертини, генералниот директор на Светкиот фонд за природа (WWF). „Природата е бесценет бенефит кој ни обезбедува храна, вода и чист воздух, и е еден од нашите најголеми сојузници во борбата против климатските промени. Затоа е важно да го дадеме нашиот Глас за Земјата, за да ги притиснеме светките лидери да донесат Нов договор за природата и луѓето кој ќе гарантира иднина за сите нас!“ Нашата земја 11 години по ред зема активно учество во еколошката акција за спас на Земјата, обединувајќи илјадници луѓе ширум државата во едночасовниот глобален мрак. Како што започнува одбројувањето Часот на планетата Земја, денеска тимот на ова движење официјално го промовираше глобалното видео од светската маркетинг кампања во кое се појавува и инсерт од Скопје. - „Ме радува тоа што Светскиот фонд за природа (WWF) уште еднаш го препозна трудот кој го вложуваме за оваа акција во Македонија и го поставија Скопје во спотот кој се користи за промоција на овој светски еколошки бренд низ целиот свет. Сметам дека освен што пренесуваме силна порака за спас на планетата, оваа акција претставува и одлична можност за промоција на нашата земја!“ – вели Ѓорги Селков, од канцеларијата на Часот на планетата Земја во Македонија. Со оглед на тоа што планетата Земја, нашиот заеднички дом, се соочува со двоен предизвик – климатските промени и опаѓање на биодиверзитетот, нашето најголемо светско еколошко движење во Македонија има за цел да ги мобилизира поединците, бизнисите и владата да бидат дел од разговорот и решенијата потребни за да се изгради здрава и одржлива иднина за сите. - „Биодиверзитетот и природата се темел и ги поткрепуваат нашите животи, нашите економии, нашето здравје, нашата благосостојба, нашата среќа. Тоа е темелот на нашата жива планета. Денес, додека ја втурнуваме планетата и нејзините природни системи до работ, Часот на планетата Земја е наша шанса да ја употребиме нашата моќ, како поединци и како општество, да бараме и да преземеме акција за да јазаштитиме оваа наша Мајка Природа во замена за сето она што ни го дава. За доброто на целиот живот на Земјата и на нашата сопствена иднина!", дополнува Селков. Инаку, во минатата деценија, Часот на планетата Земја инспирираше глобално учество во критични иницијативи за природата, климата и животната средина, помагајќи во кревање на свеста за проблемите со кои се соочува нашата планета. Изминатите години, движењето помогна во создавање на 3,5 милиони хектари заштитена морска област во Аргентина, шума од 2.700 хектари во Уганда и помогна да се донесе нова законска регулатива за заштита на морињата и шумите во Русија. Минатата година, WWF-Еквадор се заложи за закон за забрана за употреба на пластични кеси, други пластични еднократни производи и производи од стиропор во главниот град, додека пак WWF-Индонезија иницираше засадување на 20.000 садници од мангрови во 13 градови. Оваа година, Часот на планетата Земја ќе се одржи на 28 март (сабота), кога во 20:30 часот по локално време во мрак ќе потонат над 8.000 града во преку 180 држави ширум светот, а меѓу нив дел е Македонија. Започнувајќи како симболичен настан во Сиднеј во далечната 2007 година, Часот на планетата Земја сега се одбележува во повеќе од 180 земји и територии како глобален момент на солидарност за планетата.

И Скопје дел од глобалниот видеоспот за „Часот на планетата Земја“

Антонио Димитриевски — Mon, 05 Mar 2018 07:18:14 +0000

Како што започнува одбројувањето до најголемата светска еколошка акција „Часот на планетата Земја“, денеска тимот на ова движење официјално го промовираше глобалното видео од светската маркетинг кампања во кое се појавува и инсерт од Скопје! „Часот на планетата Земја“ претставува најголемата светска еколошка акција, која има за цел преку симболично исклучување на осветлувањето во период од еден час да испрати силна порака за спас на планетата. Во полуминутното видео, во кое има инсерти од исклучувањето на осветлувањето од повеќе светски метрополи, се појавува инсерт од височина од нашиот главен град Скопје кој ќе ви го одземе здивот! Рекламниот спот е промовира на глобално ниво под слоганот „Поврзи се со планетата“, кое е овогодинешното мото на светската еколошка акција „Часот на планетата Земја“, инаку акција на Светскиот фонд за природа WWF, која уште еднаш ќе обедини милиони луѓе ширум светот за спас на Земјата, нашиот единствен дом. „Ме радува тоа што WWF и глобалниот тим на Часот на планетата Земја уште еднаш го препознаа трудот кој го вложуваме за оваа акција во Македонија и го поставија Скопје во спотот кој се користи за промоција на овој светски еколошки бренд низ целиот свет. Сметам дека освен што пренесуваме силна порака за спас на планетата, оваа акција претставува и одлична можност за промоција на нашата земја!“, вели Ѓорги Селков, од канцеларијата на Часот на планетата Земја во Македонија. https://www.youtube.com/watch?v=hez_37fP3dQ Оваа година, кампањата освен што се фокусира на проблемот поврзан со забрзаното менување на климата, истовремено ќе ги поврзе луѓето со планетата. „Со оглед на тоа што планетата Земја, нашиот заеднички дом, се соочува со двоен предизвик – климатските промени и опаѓање на биодиверзитетот, нашето најголемо светско еколошко движење има за цел да ги мобилизира поединците, бизнисите и владите да бидат дел од разговорот и решенијата потребни за да се изгради здрава и одржлива иднина за сите“, дополнува Селков. Додека глобалната биолошка разновидност се намалува со невидена стапка, „Часот на планетата Земја“ оваа година ќе ги фокусира своите напори да поттикне поддршка за акција за биолошката разновидност и природата под мотото „Поврзи се со планетата“, односно #Connect2Earth.

„Биодиверзитетот и природата се темел и ги поткрепуваат нашите животи, нашите економии, нашето здравје, нашата благосостојба, нашата среќа. Тоа е темелот на нашата жива планета. Денес, додека ја втурнуваме планетата и нејзините природни системи до работ, ’Часот на планетата Земја’ е наша шанса да ја употребиме нашата моќ, како поединци и како општество, да бараме и да преземеме акција за да ја заштитиме оваа наша Мајка Природа во замена за сето она што ни го дава. За доброто на целиот живот на Земјата и на нашата сопствена иднина“, изјавува Марко Ламбертини, генерален директор на WWF International – Светскиот фонд за природа. Оваа година, Часот на планетата Земја ќе се одржи на 24 март (сабота), кога во 20.30 часот по локално време во мрак ќе потонат над 8.000 града во преку 180 држави ширум светот, а меѓу нив дел е Македонија. Започнувајќи како симболичен настан во Сиднеј во далечната 2007 година, „Часот на планетата Земја“ сега се одбележува во повеќе од 180 земји и територии како глобален момент на солидарност за планетата. Земајќи го предвид фактот дека минатата година 3,5 милијарди луѓе зборувале за „Часот на планетата Земја“ на социјалните мрежи, се докажува дека движењето е менувач на играта за популаризација на климата и еколошките акции низ целиот свет.