чанти – Вистина.мк

Чанти кои ќе ја одбележат зимската сезона: Ова ќе бидат најпопуларните модели

Христина Ѓоргиевска — Fri, 19 Nov 2021 13:00:08 +0000

По летното „владеење“ на ранците, платнените чанти, торбите за на плажа и останатите лежерни варијанти на омилениот женски моден додаток, со доаѓањето на есента полека се вративме кон класичните модели. Модните дизајнери веќе донесоа одлука - овие 5 чанти ќе ги гледаме на секој чекор, а во својот гардеробер треба да поседувате барем една од нив. Зимската сезона ќе ја одбележат разни модели, за сечиј вкус и стил - од мини до предимензионирани модели. Пожелна е кожата, но и необичните материјали како плиш, крзно, рафија или платно. И да не го заборавиме скајот кој речиси е насекаде - на јакните, здолништата, торбите... Еве кои 5 модели ќе бидат најпопуларни оваа сезона:

Големи чанти

Плишани чанти Чанти од скај Мини чанти Ремен-чанти извор: точка.мк

За ефектен изглед: 20 најубави чанти од улиците на Њујорк

Христина Ѓоргиевска — Fri, 20 Nov 2020 13:45:44 +0000

Њујорчанките се синоним за жени со одважни модни комбинации бидејќи често на инспиративен начин носат неочекувани аксесоари, спој на парчиња или бои. Но, ретко кој се осудува на она што го носат девојките на улиците на најголемата модна метропола. Таков е случајот и со чантите во црвена боја кои иако се во разновидни форми, многу често се гледаат вклопени во најразлични стајлинзи. Со кафеава, беж или жолта боја како и прекрасната виолетова, црвените тонови го подигнуваат целокупниот стајлинг на едно многу повисоко ниво. Покрај моделите на чанти во црвена боја, се издвојуваат и оние со кружен облик, генерално неочекувани форми („згужвани“ чанти) како и оние со потпис на дизајнерите познати по квалитетните аксесоари како „Chloe“, „Michael Kors“ или „Gucci“. Во продолжение, одбравме фотографии од 20 најубави чанти кои можат да се забележат на њујоршките улици. извор: точка.мк

Како од холивудски филм: Погледнете го гардероберот од 500 илјади евра на Сека Алексиќ (фото)

Слободанка Илиева — Thu, 01 Oct 2020 09:11:35 +0000

Пејачката Сека Алексиќ ја отвори вратата од нејзиниот реновиран гардеробер и покажа како изгледа богатата колекција од облека и аксесоари. Во јавноста е познато дека таа е голем љубител на бредирани парчиња, но сега ситуацијата е поинаква. - Повеќе не сум роб на чантите и брендираните обувки. Ова сè што гледате е од периодот кога бев помлада. Кога ќе станете мајка, најважно е да купувате работи за децата, а не за себе - вели Сека за „Ексклузив“ и објаснува што најмногу носи по дома. - Претежно носам патики и лежерна облека. Често сум на прошетка, на велосипед или на мотор. На крајот на денот, секогаш сме во маици со прерамки или обична бела маица - открива пејачката која некогаш имала лоша среќа со чевлите. - Бев во Лисабон и долго барав чевли со превртена кожа. Пробував 37 и пол и 38 и пол, продавачката се збуни во тој момент ги спакува чевлите од различен број и ги носев. Не можам да бидам во фустани од кои што не можам да дишам, но понекогаш треба да снимам видео и 12 часа. Вељко ми зеде опуштени фустани од Австрија, ова се некои модели што може да се носат и на рамни и на високи потпетици - заклучува таа. Вредноста на нејзината гардероба се проценува на околу 500.000 евра, имајќи предвид дека торбите и обувките чинат од 1.000 до 10.000 евра за парче.

И на ќерката на Здравко Чолиќ светски познатиот скап бренд и е најдобар „френд“: Уна како Боки Тредичи, „Луи Витон“ во изборот и предничи (ФОТО)

Антонио Димитриевски — Mon, 15 Jun 2020 07:55:18 +0000

Ќерката на легендарниот пејач Здравко Чолиќ, Уна Чолиќ, привлекува огромен интерес, како на Инстаграм, така и надвор од оваа мрежа, каде што пред неколку дена претстави нова модна комбинација „зачинета“ со торба од престижен бренд. Истиот или сличен модел на официјалната веб-страница на модната куќа „Луи Витон“ чини 4.850 долари, или, околу, 266.750 денари. Торбата што ја носи Уна е еден од помалите модели, но станува збор за „двоен“ модел кој чини 1.860 долари, или 102.300 денари, без овој појас. Здравко Чолиќ ја доби ќерката Уна со сопругата Александра, со која има и ќерка Лара Чолиќ.

Начинот на кој ја носите вашата чанта открива многу повеќе за вас отколку што мислите

Христина Ѓоргиевска — Mon, 27 Jan 2020 13:45:34 +0000

Чантата е модниот додаток без кој едноставно не поминува секојдневието на една жена. Мала, голема, кожена, црна, тие доаѓаат во секоја форма и боја, а дамите ги избираат според нивниот личен вкус. Но, дали некогаш сте размислиле дека начинот на кој ја носите вашата омилена чанта, всушност може да открие многу за вас. Во продолжение пронајдете го вашиот стил на носење и откријте што тоа кажува за вас.

1. На едното рамо.

Вие важите за комуникативна личноста која едноставно обожава да се дружи со останатите и да ги забавувате. Воедно, многу сте искрена и затоа луѓето најчесто ви се доверуваат.

2. На рака

Дамите кои нивните чанти ги носат на рака важат за авторитетни личности кои уживаат во нивните престиж и моќ. Нивнот углед во општеството им е од голема важност.

3. Во рака

Луѓето ве сметаат за одговорна, но и многу самоуверена личност. Исто така, ја претпочитате практичноста и секогаш знаете што е најдобро, во секоја ситуација.

4. Пред себе, во двете раце

Според психолозите, во овој случај станува збор за срамежлива личност и со чантата во ваква положба, се обидувате на еден начин да се заштитите. Не сте претерано дружљубиви, но сте прекрасни.

5. Преку рамото

Никој не може да застане на вашиот пат и вашата слобода. Истовремено ја обожавате сигурноста и ризикот и секогаш се стремите да го реализирате вашиот авантуристички дух.

6. Ранец

Знаете да се грижите за себе, но и обожавате да им помагате на луѓето околу вас. Ништо не може да ве изненади и секогаш сте спремни, иако понекогаш недостатокот на контрола врз ситуацијата ве лути.

7. Не носите никаква чанта

Вие сте многу самоуверени и претпочитате слобода и удобност при движењето, како и во животот. Не сакате да се обврзувате и брзо можете да се адаптирате на секакви услови. извор: нане

3 модели на чанти што се хит оваа пролет (фото)

Слободанка Илиева — Mon, 13 May 2019 11:45:29 +0000

Без разлика дали сакате големи или мали чанти, факт е дека ниту една девојка не може без нив. Чантите се омилениот моден додаток на речиси сите, а следниве три модели се вистински хит оваа пролет. 1. Провидни чанти

Можеби сепак е малку чудно, но провидните чанти се навистина популарни оваа сезона. Најверојатно ќе бидат барани и во текот на летото. Моделите што се истакнуваат се структурираните чанти кои се „обвиени“ со провиден дел. Меѓутоа, доста популарни се и целосно провидните чанти. Па доколку сте доволно храбри да им покажете на сите што се наоѓа во вашата чанта, слободно одберете го овој модел. Без сомнение ќе се истакнете. 2. Кружни рачки

Кружните рачки на чантите се ретро тренд кој се прероди оваа пролетна сезона. Морате да признаете дека изгледаат навистина интересно. Најчесто станува збор за едноставни модели кои сепак се впечатливи, а некои модели се погодни за буквално секоја прилика. Друг популарен модел се и чантите со полукружни рачки. Најчесто ова се кружни чанти со помала големина, но доволно големи за најнеопходните работи. 3. Неонски бои

Дали сте подготвени да ја обоите оваа сезона? Во тој случај, одберете чанта со неонска боја. Овие чанти се навистина популарни, а лесно можете да ги вклопите во вашиот секојдневен изглед. Најдобро од сè е што нивната боја ќе ви помогне да ја освежите целата комбинација, особено ако носите облека со неутрални нијанси. Уште една одлична работа за неонските бои е тоа што ќе ви помогнат да го дополните и лежерниот стил. Исто така овие чанти се добар избор доколку ви се допаѓа трендот на сложување контрастни бои. извор:кафепауза.мк

Откриено зошто Кејт Мидлтон и Меган Маркл чантите секогаш ги носат во лева рака

Христина Ѓоргиевска — Mon, 21 Jan 2019 11:28:49 +0000

Како дел од кралското семејство Кејт Мидлтон и Меган Маркл имаат многу правила кои треба да ги почитуваат. Често може да ги видите како чантите ги носат во лева рака. Мика Мејер која е експерт за кралското однесување даде објаснување за ова правило. Имено, носењето чанта во левата рака го практивуваат членовите на семејството бидејќи тие често мора да се ракуваат и поздравуваат со луѓето, па десната рака им е слободна.

Интересно е тоа што и мажите ако носат чанти поради истата причина ќе треба да ја носат во левата рака. Меѓутоа ова не е ново правило, истото го почитувала и принцезата Дајана, а го почитува и кралицата Елизабета.

Чанти во облик на топки, парфеми, секири. Нов тренд кој ги воодушеви познатите дами (фото)

Моника Манасиевска — Mon, 03 Sep 2018 14:10:32 +0000

Се сеќавате кога сите ги заменија „oversize“ торбите со минијатурни ташнички во кои го собира само телефонот и карминот и ништо повеќе? Дизајнерите долг период беа инспирирани од овој тренд и се натпреваруваа кој ќе смисли помала и послатка чанта, а во комбинација со бојата на чевлите. Сега се случува нешто сосема поинакво! Повеќе не се популарни ни малите, ни големите чанти. Моментално фокусот е на несекојдневните модни додатоци кои буквално ја разбиваат монотонијата на секој стајлинг. Така и Ким Кардашијан е видена со торбичка во облик на помфрит и оттогаш секој сака својата омилена играчка, храна, парфем да ја понесе со себе во облик на моден додаток.

Ова се најновите модели на чанти од Луј Витон што ќе ги носат сите трендсетерки!

Ивана Стојанова — Mon, 23 Apr 2018 09:41:06 +0000

Новата капсула колекција на Louis Vuitton е специјално дизајнирана да ве направи среќна ова лето … Комбинирајќи ги Monogram или Damier Canvas дезените со интересни илустрации на Speedy, Neverfull, Pochette Metis и Neonoe, овие торби ќе ви помогнат да оставите впечаток каде и да одите. Како омаж кон минатото, оваа колекција има извонреден фанки изглед, кој е во совршена хармонија со трендовите на денешницата.