цени – Вистина.мк

Додека нашите уште се сончаат, српските ѕвезди веќе ги договорија настапите и цените за најлудата ноќ: Повеќето ќе заработат цело богатсво за Нова Година (ФОТО)

Антонио Димитриевски — Wed, 21 Sep 2022 11:53:25 +0000

Заврши летната сезона за естрадата, а многу пејачи веќе побрзаа и закажаа новогодишни настапи или моментално работат на тоа. Цената за прославата на 2023 година, сепак, значително ќе се разликува од претходната. Како што се пишуваше неодамна, значително пораснаа цените на „обичните“ тезги, а со тоа и новогодишните, кои обично се неколкукратно повисоки. Неколку извори блиски до забавната индустрија ја потврдија оваа информација за медиумите, а она што сите тие го велат е дека побарувачката е голема без разлика на цената. Така, српските медиуми истражуваа колку пари ќе земат пејачите поединечно на 31 декември, а нивните хонорари ќе ве шокираат. Саша Матиќ договорил новогодишна тезга во Виена со брзина на светлината, но нема да наплати 50.000 евра како лани, туку десет илјади повеќе. Аца Лукас до крајот на годината ќе има бројни настапи меѓу кои и концерт во Белградска Арена, а годината успешно ќе ја заокружи со новогодишен концерт во луксузен хотел во главниот град на Србија за 80.000 евра. Ацо Пејовиќ е во завршна фаза од преговорите за дочекот кој годинава ќе го наплати 80.000 евра. Наташа Беквалац пред четири дена се врати од американската турнеја и веројатно затоа се уште не го прецизирала местото на настапот, но како што дознаваат медиумите, по 31 декември таа ќе биде потешка за 40.000 евра. Трендот со цените го следи и Александра Пријовиќ, па вредноста на нејзиниот настап во празничната ноќ годинава скокна на 40.000 евра. Милица Тодоровиќ резервирала место во познат клуб во Штутгарт, а за вечерта ќе заработи 25.000 евра. И покрај тоа, Светлана Цеца Ражнатовиќ и понатаму е рекордерка. Како што е познато, пејачката и годинава ќе наплати настап од 100.000 евра. И додека нашите уште се сончаат, српските ѕвезди повеќе од јасно е дека веќе ги договорија настапите и цените за најлудата ноќ. Очигледно, повеќето ќе заработат цело богатсво за Нова Година!

Еве колку ќе чинат влезниците за Евровизија 2022 во Италија

Христина Ѓоргиевска — Wed, 09 Mar 2022 12:24:01 +0000

Евровизија 2022 година ќе се одржи во Торино, Италија. Македонија ќе ја претставува Андреа Коевска со песната „Circles“. [embed]https://arhiva.vistina.com.mk/andrea-so-pesnata-circles-kje-ja-prestavuva-makedonija-na-evrovizija-video/[/embed] Еден од најпопуларните сајтови за продажба на билети за разни настапи во Европа ги објави цените на влезниците за сите три вечери. За полуфиналната вечер, најевтината влезница би ве чинела 384 евра, додека за финалето се од 610 до 699 евра, а разликата е колку блиску сакате да бидете до сцената. Направена е статиската колку во просек изнесува ценита на влезниците, па најскапи биле во 2019 година кога Евровизија се одржа во Тел Авив, а потоа на онаа во Виена 2015 година. фото: epa/efe/ Robin Van Lonkhuijsen/profimedia/printscreen

Во Србија како да нема корона: Пејачите земале огромни пари за Нова Година, народот наголемо се подготвува за дочек!

Антонио Димитриевски — Thu, 03 Dec 2020 09:34:18 +0000

И покрај тоа што пандемијата на коронавирусите секојдневно зема сè повеќе жртви како во светот, така и во Србија, во српската престолнина владее новогодишна еуфорија. Како ништо лошо да не се случува. Повеќето клубови, кафулиња, ресторани и хотели во Белград каде познати личности го договориле својот настап се речиси распродадени, па ситуацијата потсетува како во она народната: „Село гори, баба се чешла“! Како што пишуваат српските портали според зборовите на организаторите на бројните дочеци, никој од пејачите не ја спуштил цената за настап во најлудата ноќ, туку се држи до ланските хонорари, а и цените на влезниците не се ништо подобри. Многу белграѓани веќе платиле за своите места без никаков проблем, иако сè е сè уште неизвесно. Некои од клубовите и рестораните планираат новогодишна прослава, но тие не наплаќале билети, туку само правеле резервации. Ова значи дека гостите ги резервирале масите, а влезот ќе си го платат при доаѓањето на самото место. Разбирливо е и дека оние што продавале билети ќе им ги вратат парите на клиентите доколку нема прослава, исто како што оние пејачи кои земале хонорар или аванс однапред, ќе треба да им вратат сè на организаторите, како што е наведено и во договорите. Една од оние што го најави нејзиниот новогодишен настап во главниот град е Наташа Беквалац. Како што се дознава, нејзиниот хонорар е 25.000 евра. Цената на билетот се движи од 50 до 150 евра. Катарина Каќа Грујиќ ќе пее и во Белград, за што ќе кешира 20.000 евра. Слоба Радановиќ ќе настапи заедно со неа за хонорар од 30. 000 евра, а секој што сака да влезе со нив во 2021 година, мора да издвои од 90 до 130 евра. „Искрено се надевам дека ќе има настапи. Со Слоба ги закажавме уште во јануари. Очекувам дека дотогаш сè ќе се смири ова лудило и дека ќе со песна ќе влеземе во 2021 година“ - изјави неодамна Каќа за медиумите. Ѓани настапува во Ледине за 35.000 евра, а цената на билетот е од 65 до 120 евра. „Тој настап мене ми беше закажан веднаш по доаѓањето на 2020 година. Немаше абер од корона, па можеше да се планира“ - тврди пејачот. Рада Манојловиќ се надева дека ќе пее на сплав во Белград за најлудата ноќ, заедно со Пеѓа Меденица. Билетите за нивниот настап чинат од 100 до 200 евра, што не е изненадувачки, затоа што пејачите се договорени за хонорар за обајцата од 50.000 евра. Дејан Матиќ и Габријела Пејчев закажале настап во еден ресторан, а билетите чинат од 80 евра, додека Јана и Урош Живковиќ ќе пеат во свечената сала каде билетите се од 50 до 70 евра, а местата се речиси распродадени. Слаѓа Алегро закажала настап во еден белградски хотел за хонорар од 25. 000 евра. Анѓелина ќе пее во ноќен клуб во центарот на градот, а цените се движат од 40 до 250 евра, колку што се плаќа за сепаре. И се така редум... Повеќето клубови, кафулиња, ресторани и хотели во Белград каде познати личности го договориле својот настап се речиси распродадени, па ситуацијата потсетува како во она народната: „Село гори, баба се чешла“!

Властите најавија отворање на локалите, музичарот и угостител Трајче Толевски го најави новото мени на својата кафеана: Штом помине забраната ќе посакате менито да го „грицнете“ повеќе од храната (ВИДЕО)

Антонио Димитриевски — Sat, 09 May 2020 09:30:38 +0000

Корона пандемијата наводно почнала да стивнува, па властите полека почнаа да ги олабавуваат мерките. Меѓудругото, најавија скорешно отворање на угостителските локали, кои ќе мораат да работат по новите „здравствено-угостителски“ протоколи, кои до душа, ниту се комплетно донесени, ниту целосно им се јасни ни на оние кои ги носат, а камо ли на оние кои треба да ги спроведуваат! Како и да е, „што дошло - ќе се трга“ - велат старите, па познатиот македонски музичар, член на групата „Скопски боеми“ и скопски угостител Трајче Толевски, навреме почна да си ја подготвува за работа својата кафеана -„Камин Кама“. Покрај задолжителната дезинфекција, реорганизација на просторот, новите цени... потребно е и ново мени! За функционирање според новите „кафеанско-здравствени протоколи“ итриот Трајче, познат ем како голем мераклија и уште поголем шегаџија, решил да најде начин во новонастанатите услови на отежнато функционирање, како „ем волкот да биде сит, ем овците да бидат на број“... Или во превод, ем гостите задоволни, ем газдата „во новото време“ да не е многу посиромашен во заработката од порано! Просторот и квадратурата на кафеанта играат улога - ама не пресудна! Дали Трајче ќе го примени српскиот параван модел да „спојување“ на масите... ...Или скандинавскиот стакларник за двајца, сеедно. Тука не лежи ќарот! И тогаш на музичарот му падна генијална идеја... Дека „зајакот лежи“ во менито... Тука е тајната на изборот, вкусот и заработката... А вакво мени, какво што има намера да воведе газда Трајче, нема никој... Не само во Скопје, туку нема во цела Македонија. Ем подвижно, ем привлечно, ем примамливо и возбудливо, ем на пропишаната дистанца... И што е најважно, гостинот нема „да падне на га*от“ од цените, туку со широко ококорени очи и „падната вилица“ ќе гледа во него... Во менито, та цената колкава и да е! Зашто само кај газда Трајче и менито и цените се испишани на... На келнерката! Па, штом ги отворат кафеаните и помине забраната, први ќе посакате менито да го „грицнете“ повеќе и од храната...

Дали вашиот партнер ве цени доволно?

Христина Ѓоргиевска — Thu, 09 May 2019 13:35:21 +0000

За вашиот брак да биде идеален и без расправии, покрај љубовта исто така важно е и тоа колку партнерт ве цени и секако довербата. Ако партнерот ве слуша додека му кажувате кажувате како поминавте на работа, додека кажувате ваше мислење во врска со нешто кое ве засега и двајцата, можете да бидете сигурни дека тој го цени вашето мислење. Ако е горд на вас и на работите кои ги правите, тој ве цени и важно му е за вие да бидете среќни. Понекогаш се случува и партнерот од вас да побара некој совет и важно му е вашето мислење. Тоа е знак на взаемна љубов и ценење. Доколку не ви се допаѓа нешто што тој го планира, доколку ве цени тој нема да го направи. Ако знаете дека на партнерот можете да се потпрете во секое време тоа е знак на големо ценење, доверба и љубов. Со ваков човек можете да останете до крајот на животот и да бидете сигурни во неговата љубов. Секако дека е важно и вие да се однесувате со разбирање, бидејки на тој начин ништо нема да ви биде пречка за успех. извор: Курир.мк

Изгор цени во Грција, Хрватска има исти цени како лани, а Црна Гора-најевтина

Ивана Стојанова — Mon, 21 May 2018 11:48:42 +0000

Ако патувате во Грција на море ова лето ќе платите повеќе отколку минатата година, Хрватска има исти цени како лани, а Црна Гора е најевтина. Во Грција сопствениците на апартмани воведоа 10 отсто поскапи цени, како и такса. Гирото и сендвичите се околу 2-3 евра, суфлаки 2,5. За четиричлено семејство за оброк ви требаат 50 евра. Во Хрватска хотелите се поскапени 5-10 посто, цените на апартмани се 60-80 евра ден. Кафе и чај се 1,3 евра, сендивичи од 2-3 евра. Во Црна Гора апартмани има за 20-50 евра од ден, кафето е евро до две, флаширана вода 1-2 евра.