цаки-кисми – Вистина.мк

Цаки – Кисми и Елена Велевска на голема турнеја низ Австралија

Антонио Димитриевски — Tue, 06 Sep 2022 12:44:23 +0000

Цаки - Кисми и Елена Велевска потпишаа договор со Австралиската ИНТВ со седиште во Мелбурн и тие ќе бидат првите македонски пејачи што ќе одржат големи концерти во Австралија под покровителство на ИНТВ. Термините на турнејата се познати и наскоро ќе излезат и точните датуми на концертите. Предвидени се 8 концерти и два настапи во дискотеќи низ Австралија. Инаку, ИНТВ започна да потпишува договори со македонски пејачи за соработка и турнеи ширум светот, а предност наводно имаат младите пејачи. Изборот на пејачи се прави во кординација со ИН продукција од Македонија и веќе течат и нови преговори за нови турнеи кои наскоро ќе бидат објавени. Цаки Кисми е екс фротменот на групата „Кисми“ кој сега има своја соло кариера и е еден од најбараните пејачи во Македонија. Елена Велевска пак успешно чекори на македонската естрадна сцена повеќе од 20 години. Зад неа стојат повеќе хитови и со години важи за една од најзгодните и најатрактивни фолкерки кај нас. Наскоро Цаки и Елена најавуваат и дует песна.

Цаки -„Кисми“ минатиот викенд заплака среде настап во Банско: Сцената што ја здогледа, на македоскиот пејач му ги насолзи очите (ВИДЕО)

Антонио Димитриевски — Tue, 15 Mar 2022 09:30:45 +0000

Сашко Нојкиќ или попознат во јавноста како Цаки - „Кисми“ е пејачот со кого забавата секогаш е загарантирана. Без сомнение тој важи за еден од најпознатите фолк пејачи во земјава и пошироко кој знае да направи штимунг за сечиј мерак. Освен со настапи во Македонија, тој во последно време е се поприсутен и во земјите од западна Европа, секаде каде што живеат и работат Македонци, како Швајцарија, Германија, Италија... Но, Цаки е еден од ретките наши естрадни уметници кој често има настапи и во соседна Бугарија. Таму како и во Македонија, со право го носи и прекрарот „крал на кафеаните“. Изминатиот викенд, Цаки ја промени локацијата, односно кафеаната, но не и државата. Имено македонскиот пејач имаше настап во познатотот зимско туристички ски центар Банско, каде што во локалот каде што пееше направи невидена атмосфера, фантастичен штимунг и незаборавна забава. Во еден момент од својот настап Цаки присуствуше на необичен призор, а сцената што ја здогледа го натера да заплаче, односно му ги насолзи очите откако виде што се случува на една маса. Имено едно момче од гостите реши да ја запроси раката на својата девојка и да ја побара за жена. Таа откако му го кажа судбоносното да, што наиде на многу емоции кај сите, а го возбуди и нашиот„крал на кафеаните“ Цаки. Пејачот едвај ги сопре свите емоции и додржа да ги сопре и солзите и сериозно да не заплаче... Заедно со братот на младоженецот. Инаку, неодамна Цаки имаше настап во една дискотека во Благоеврад каде што пееше качен на шанкот, а притоа во својот репертуар изведе и неколку македонски патриотски песни но и македонската „фолк химна“ - „Македонско девојче“ во оригинална верзија и притоа напиша: „Вака се презентира и сака Македонија во Бугарија“! Многумина коментираа дека ова ќе му биде и последен настап поради добро познатите политички релации на двете држави, но веќе набрзо пристигна демантот, откако македонскиот пејач повторно беше гостин во истиот локал и пак запеа македонски песни и одново порача: „Нема поубаво девојче од Македонче“! Фото и видео: Фејсбук принтскрин/Caki Kismi

По Гавазова-Велевска, нов, овој пат машки музички двобој: Туше и Цаки – „Кисми“ на фолк дуел

Антонио Димитриевски — Thu, 21 May 2020 09:09:26 +0000

Минатиот викенд изгледа беше „историски“ за македонската фолк естрада. Ако немаат можност за тезги по кафеани, за настапи по угостиртелски локали, концерти по клубови и дискотеки, пеење по свадби, свечености и семејни веселби, фолкерите најдоа можност за нешто друго: домашна онлајн забава. Концертите од по дома, онлајн, на интернет станаа традиција, особено за некои од пејачките, како Сузана Гавазова, која редовно секој викенд има свое „онлајн хоум лајв фолк шоу“, а минатиот помина во знакот на првиот женски музички фолк двобој помеѓу неа и како што се говореше во медиумите, „лутата конкурентка и соперничка“, колешката Елена Велевска. Музичкиот дуел на двете фолкерки мина во „пукање“ со познати песни и хитови, а за атмосферата да биде уште подобра, Сузана и Елена беа придружувани од двајца одлични музичари: Ицко Ѓорѓиовски на клавијатури, како и познатиот виртуоз на дувачки инструменти Александар Ангелов од групата „Дрим тим“. Нивниот настап, јавноста имаше можност да го следи на фан страниците на четворицата музичари, а се емитуваше и во живо на единствената македонска музичка сателитска телевизија, ИН ТВ. На нивниот репертоар повеќе беше застапена македонската песна, а интересно беше и тоа што во еден момент Елена и Сузана ги заменија своите песни. Елена пееше песни од Сузана, а Сузана од Елена. Јавноста уживаше во “Бум бум”, “Те шизнав”, “Опасна за око”, “Една е мајка”, “Срце бакшиш”, “Удри дајре до сабајле”, а беа отпеани и македонски извори и патриотски песни. Прекрасната вечер која имаше и хуманитарен карактер зашто се донираа средства за најпогодените со коронавирусот, двете атрактивни фолкерки ја заокружија со заедничка изведба на познатиот македонски новосоздаден фолк евергрин, „Едно име имаме”. Двете атрактивни фолк пејачки изгелда повлекоа нога, па, по женскиот, бргу беше закажан и првиот машки, музички фолк двобој. Имено, овој викенд, силите на микрофонот со своите гласови и песни ќе ги одмерат двајца македонски фолк пејачи. Фолк мегдан закажаа едни од најбараните фолк пејачи на македонската естрада, Благојче Стојановски -Туше и Цаки - „Кисми“. Нивниот музички дуел е закажан за 23-ти мај, сабота, со почеток од 20 часот, а фолк двобојот на Туше и Цаки ќе може да се проследи на нивните фан страни на Фејсбук, но, истиот ќе биде пренесуван во живо и на сателитската ИН Телевизија. Ако музичкиот двобој на Гавазова и Велевска „прострела во срцата“ илјадници фанови со добра песна, убаво расположение и барем за малку им ги отрргна мислите и грижите од не така розовото секојдневие на голем дел од нивните фанови, машкиот фолк двобој на Туѓе и цаки веруваме дека ќе биде уште пожесток... Се разбира, кога е во прашање песната, како празник за душата!