Промовиран видеоспотот за нашата евровизиска песна: Андреа ги визуелизираше своите – „Circles“ (ВИДЕО)

Антонио Димитриевски — Fri, 11 Mar 2022 08:37:22 +0000

Видеозаписот за македонската евровизиска песна „Circles“ во изведба на Андреа е објавен на официјалниот јутуб канал на Евровизија. Спотот е во продукција на Македонската Радио Телевизија, изработен под режисерската палка на Горан Цветковиќ, кој исто така ја потпишува и монтажата. Зад камерата бил Сашо Доковски, додека пак светлото го работел Сашко Стојановски. Следејќи ја Андреа како урбан лик, спотот е сниман на повеќе впечатливи и препознатливи локации во Скопје, за што Андреа и МРТ упатуват благодарност до Македонска пошта, Македонски железници и Студентскиот дом Гоце Делчев. Во видеото доминира Андреа и природната емоција на нејзиниот лик, држејќи се до својот автентичен стил, кој за потребите на снимањето на спотот го усовршила Цаци Паковска. За шминката била ангажирана Александра Азманова, додека пак за физурата Даниел Николовски. „Јас сум искрено презадоволна. Работевме посветено и со овој спот мислам дека покажавме дека не секогаш финансиите се пресудни, за да се испорача квалитетен продукт. Спотот е работен со многу ентузијазам во мошне краток временски период, што го направи искуството уште повозбудливо“ - изјави Андреа. Таа дополни дека тимската работа и взаемната позитивна енергија е она што го однело спотот на едно ново ниво. „Морам да го пофалам тимот на МРТ кој не ме остави сама во ниеден момент и несебично ми помогна да ја реализирам идејата. Тоа ми покажа дека тие целосно веруваат во мене и проектот“ - заокружи талентираната млада пејачка.

По долги години соработка Каролина Гочева и откажа љубов на Цаци Паковска?!

Слободанка Илиева — Fri, 09 Feb 2018 08:51:57 +0000

Кога ќе се спомене модниот стил на поп-пејачката Каролина Гочева, прво што помислуваме е нејзината долгогодишна стилистка Цаци Паковска. Гочева за овој месец февруари закажа неколку концерти во МОБ, на кои ќе го промовира својот нов музички албум.

За таа цел откри дека започнува соработка со нов моден бренд, а не оној на Цаци Паковска во кој се облекуваше со години.

Како најава за новата соработка, Каролина објави неколку фотографии, а ги информираше обожавателите и дека деновиве ќе имаат можност да видат нова фотосесија од неа.

Дека Каролина повеќе нема да го носи италијанскиот бренд кој Цаци го застапува, е повеќе од јасно, но останува непознато дали целосно ја раскинале соработката или пак довербата за стилизирање и спојување комбинации, сепак ќе ја остави во проверените раце на Цаци Паковска.

цаци паковска – Вистина.мк

Промовиран видеоспотот за нашата евровизиска песна: Андреа ги визуелизираше своите – „Circles“ (ВИДЕО)

По долги години соработка Каролина Гочева и откажа љубов на Цаци Паковска?!