бурек – Вистина.мк

Сузана Гавазова славеше роденден: Сопругот прво ја шокираше со „мрсен подарок“ спакуван во пакет, а потоа ја изненади со вредно кутивче и букет (ВИДЕО)

Антонио Димитриевски — Wed, 22 Dec 2021 08:19:20 +0000

Роденден е денот што го чекаме цела година... Најмногу децата, ама и возрасните, денот кој ни останал во паметење како ден од приказните кои реално ги доживуваме секоја година кога ќе дојде време за прослава на нашиот роденден. Убавите зборови, желби и честитки, бакнежи, гушкања и прегратки се дел од роденденскиот декор и атмосфера кои секој роденденски славеник ги доживува. Подароците се она другото што за роденден на славеникот му следува. Големи или мали, во предмети или при, помалку или повеќе материјално вредни, најважно е да се подарени со душа, искрено и од срце од оние кои славеникот го даруваат и притоа се' најубаво му посакуваат. Роденден слават сите, па и познатите, а роденден и беше и на македонската фолк пејачка, Сузана Гавазова. Честитки пристигнаа од сите страни, од најблиските и подалечни роднини, пријателите, колегите, до нејзините фанови, обожаватели и следбеници кои и испратија роденденски честитки преку социјалните мрежи. Сепак, честитките од децата и саканиот се некако најубави, најблиски, најтопли, најмногу значат и допираат... Секоја на свој начин. А каде што има роденденски честитки има и роденденски подароци. Сопругот на Гавазова, беше првиот што уште рано наутро тргна да ја изненади со роденденски подарок... А, всушност ја шокираше и вчудоневиди! Јасмин на својата сакана Сузе и посака добро утро во трпезаријата, па праша кому тоа му е роденден, носејќи голема црвена кутија во рацете. Откако следуваше честитка и сочен роденденски бакнеж, тој и го врачи пшодарокот од кој пејачката буквално падна на га*от... по прв пат тоа утро! Откако ја отвори кутијата и виде што има во неа, па праша: „Што е ова?“ А во неа имаше спакувано тазе бурек и шише јогурт. „Мрсен“ роденденски подарок за роденденски појадок. И додека Гавазова се' уште не се беше соземала од шокот, следуваше нов... Овој пат, оној - вистинскиот! Како и подарокот! Голем букет црвени рози за саканата мадам, а во него скриено едно мало, но вредно кутивче, кое откако го отвори Гавазпова падна на га*от... По втор пат! Овој пат пресреќна, зашто во него беше нешто што веројатно претходно го посакувала, вредно парче накит! И уште еден роденденско - љубовен „мрсен“ бакнеж како честитка и благодарност! „Третото полувреме“ од роденденското честитање - не за јавност! Нека и е среќен роденденот, нека е жива и здрава Сузана Гавазова!

View this post on Instagram

A post shared by Suzana (@suzanagavazova)

Фото: Инстаграм принтскрин/suzanagavazova

Еден од најпознатите хитови на Маринко Роквиќ е создадан во мала соба во 4 наутро поради кавга за бурек

Христина Ѓоргиевска — Wed, 10 Nov 2021 10:39:05 +0000

Пејачот Маринко Рокви по тешко боледување почина на 68 години. Тој зад себе остави многубројни хитови кои ќе се пејат со децении. „Сваѓалице моја мала“ е една од песните која настанала во текот на 80тите, а и денес е популарна и слушана меѓу публиката. Српскиот портал Телеграф.рс ја откри приказната за тоа како настанал овој хит на Маринко. Воодушевена од маестралните вокални способности на Маринко, текстописецот Радмила Тодоровиќ – Бабиќ напишала три песни кои ја одбележале неговата кариера „Потражичу очи нешто зеленије“; „Сваџалица“ и „Замириши на бразду“. По соработката со Жарко Павловиќ, на Роквиќ му требало песни со широк дух и впечатливи пораки. Радмила ги исполнувала тие услови. Во „малата соба три на три“ на булеварот Револуција во Белград, каде што живеела со сестрата Микица, Радмила организирала дружба со музика и специјалитети. Еден од гостите бил и Маринко Роквиќ. Расположената музичка дружина често знаела да се собере во гарсоњерата и тоа со топол бурек купен во четири наутро во блиската пекара. За време на една таква дружба, изморени од непреспиените ноќи, двајца хармоникаши и композитори кои во тој период жарале и палеле на естрада – Драган Александриќ и Миша Мијатовиќ, започнале да се расправаат за тој кој ќе оди по бурек. – Што сте бре кавгаџии? – ги прекинала Радмила и напоменала дека сите би требало да одат во пекара. Кога тоа го изговорила таа сфатила дека „кавгкаџика“ може да се го спакува во една песна. -Не одиме никаде, имам идеја. Ти, Маринко ќе пееш за кавгаџика. Сега ќе ти направам песна, а ти Мишо веднаш да ја земаш хармониката во раце. После тоа ќе јадеме.... Роквиќ со „Сваџалича“ забележа огромен успех, а во 1985 година на познатиот „Поселу 202“ оваа песна беше прогласена за песна на годината. фото: Инстаграм/маринко роквиќ/ марина лопачич/а. нелбентјан/ никола томиќ

Дарко-Влогс и Зоки-Фаци „ги закопаа воените секири“: Примирје со прегратки, насмевки, „онакви“ погледи и… јадење бурек! (ФОТО)

Антонио Димитриевски — Tue, 20 Jul 2021 08:45:37 +0000

Дарко Јефремов, попознат како Дарко - Влогс, македонскиот камионџија од Чикаго – САД, преку ноќ стана ѕвезда на социјалните мрежи со своето „Камионџија шоу“. од најпознат камионџија, набргу Влогсот стана еден од најпознатите „инстаграмџии“ а да не инфлуенсер, иако и такви обиди има во неговите фотографии и особено видеа, кои секојдневно ги споделува на социјалните мрежи. Најпознатиот инстаграмџија меѓу камионџиите особено се прослави своевремено со своите пародии на модното шоу на Сергеј Варошлија, ставајќи го модниот гуру во „подредена положба“ на себесвојствен хумористичен, забавен, а на моменти и не баш пријатен третман. По Варошлија на „вербалниот револвераш“ во времето додека царуваа на сега веќе непостоечката „1ТВ“ на мета му беа и Боки 13-ка и естрадниот новинар и ТВ водител, сега казино и локал менџер Зоран Василевски, попознат како Зоки - Фаци... Македонскиот камионџија од САД, со новогодишно „ситдаун шоу“ од кабината: Овој пат „на тапет“ е Зоки – „Фаци“ (ВИДЕО) – Вистина.мк (vistina.com.mk) Препукувањата потоа долго траеа, а се користеше секоја можна прилика за нова „зајадлива реплика“, коментар, штос, виц, „јадачка“... кои беа на работ на „закачка“ помеѓу двете страни. Деновиве Дарко - Влогс се врати во Македонија, користејќи го својот летен „камионџиски одмор“. Шеташе по родната земја, посети разни места, села, градови, езера и планини во својата татковина, па дојде и во нејзината престолнина - Скопје! Покрај традиционалното седнување на утринска чорба, пиење лименка на клупите во Градски парк... ...и неизбежното селфи кај фонтаната со коњот, сосе воинот на него и поубавата половина до себе, Влогсот реши да направи уште еден потег со кој многумина изненади! Имено, инста-камионџијата реши да склучи примирје со „завојуваните“ противници. Да ги закопа „воените секири“ со оној со кој најмногу се препукуваше - Зоки Фаци! Најде начин да го пронајде, па со или без најава, не објасни, ама затоа покажа дека му отиде „дома“... Односно речиси таму каде што во последно време бившиот водител сега локал-менаџер „кисне“... Познатиот, елитен скопски локал. Преговорите се одвивале зад затворена врата, во четири очи и двајца сведоци, секој од по едната страна, додека „верификацијата на мировниот договор“ се одвиваше на отворено. Пред портите на локалот и тоа со посебен протокол: Примирје со прегратки, насмевки, „онакви“ погледи и... јадење бурек! Гушкањето и погледите видливи, а Бога ми и јадењето бурек... И тоа бурек -„спешл едишн“, со кој Зоки - Фаци како добар домаќин „го нарани“ Дарко - Влогс, како и мировниот договор за понатамошно „не јадење бурек“ беа овековечени со неколку фотографии. „Јадењето бурек“ заврши, видеото за Фаци го снема од Инстаграм кај Влогсот, ама „јадачките“ и „мемињата“ на околината штотуку тргнаа: „Најди си некој/а да те гледа, како Дарко - Влогс што го гледа Зоки - Фаци“... Или: „Ми каса“? Не каса, ама како е насмеан додека те гушка, ако те касне, ќе да те изеде во еден потег“! Како и да е, важно е да е „мирно“... Другото - ќе мора некако да се истрпи... Се' за љубов! Фото: Инстаграм принтскрин/darkovlogs