По впечатливиот настап на „Макфест 2023“ на Тијана Периќ успехот и се враќа како – „Бумеранг“ (ВИДЕО)

Антонио Димитриевски — Sat, 04 Nov 2023 09:12:16 +0000

На годинешново 38-то издание на Фестивалот на забавни мелодии „Макфест 2023“ во Штип каде во живо ја отпеа одличната и певлива „Бумеранг“, Тијана Периќ имаше еден од највпечатливите фестивалски настапи. Иако, како што и самата таа вели, ова е нејзино прво претставување пред македонската публика и прво нејзино фестивалско искуство. Инаку, таа настапи со впечатливата креација во црвена боја во придружба на танчерите од „Aqua Dance“ каде ги освои симпатиите и на публиката во салата и на жирито и беше меѓу петте најдобри од првата фестивалска вечер. Ја имаше честа да ја отвори ревијалната вечер и да настапи заедно со многуте наши познати музички ѕвезди. Песната “Бумеранг” ја напиша Ефтимија Јованова, а во тимот на обработка учествуваа и Јован и Иван Јованови. Александар Ристовски – Принц се погрижи за спотот, а пак на сцената на „Макфест“ ја придружуваа танчери од „Aqua Dance“. За изгледот да биде онаков каков што беше , совршено вклопен во комплетната визуелизација на сцената се погрижи Ива Спасовска за креацијата и студио “Диор” од Штип за шминката и фризурата. Презадоволна од својот настап и приемот на песната Тијана уште отсега со сигурност вели дека повторно ќе ја видиме на „Макфест“, во некоја следна прилика, а кој знае, можеби веќе уште следната година. Инаку Тијана зад себе веќе има снимено две балади , „Писмо“ и „Сонувам“, а веќе се подготвува и за снимање на видео за нејзината следна песна која ја најавува за почетокот на месец декември. Во продолжение, можете го погледнете видеозаписот за макфестовската “Бумеранг” која веќе наголемо се врти во македонскиот радиоетер.

Дали знаете кои се бумеранг мажи и зошто треба да се избегнуваат во широк лак?

Слободанка Илиева — Thu, 08 Apr 2021 12:40:59 +0000

Можеби порано сте имале работа со вакви манипулатори Машко-женските односи се доста сложени. И секој што некогаш се впуштил во нив го знае тоа. На одредени ситуации и појави често им се даваат имиња и изрази. Една од најновите е „Бумеранг маж“. Тоа е мажот кој ве повикува, ве кани на состанок и штом работите станат посериозни, исчезнува. И ако сè останеше на тоа, сè ќе беше во ред. Сепак, бумеранг мажите имаат навика да се вратат и повторно да си заминат веднаш штом ќе им здодее. Она за што треба да бидат свесни жените е дека никогаш нема да имаат нешто сериозно со такви мажи, а исто така треба да знаат како да ги препознаат. Нема да имате сериозна врска со нив и тие ќе ви се јават само кога ќе им треба малку забава. Тие се незрели. Не ги почитуваат жените, не даваат поддршка и љубов. Девојката најчесто ја искористувааат неколку недели, или месеци, додека не најдат нова „жртва“. Ваквите мажи имаат навика постојано да се јавуваат и да се надеваат така што ќе ви дадат надеж дека, сепак, се постојани и дека еден ден, можеби, ќе се вратат и ќе влезат во сериозна врска со вас. Ова се нарекува манипулација. Не трошете време на нив и поштедете се од непотребни разговори, отварања,запознавања или приврзаности кон овој тип мажи. извор:попара.мк

бумеранг – Вистина.мк

По впечатливиот настап на „Макфест 2023“ на Тијана Периќ успехот и се враќа како – „Бумеранг“ (ВИДЕО)

Дали знаете кои се бумеранг мажи и зошто треба да се избегнуваат во широк лак?