Сузана Гавазова го заработи првиот милион, па на Фејсбук се пофали, а на Инстаграм се жали дека нешто и фали? (ФОТО)

Антонио Димитриевски — Fri, 07 Feb 2020 08:24:52 +0000

Македонската фолкерка Сузана Гавазова е во многу нешта прва на естрадата... Или барем меѓу првите... И кога е популарноста во прашање, убавината и сексапилот, силиконските корекции, соработката со разни колеги од различни жанрови, обидите да направи регионална кариера надвор од Македонија, екстравагантните секси видеоспотови... Едноставно, атрактивната струмичанка во многу нешта предничи, па затоа и не случајно меѓу првите топ 3 пејачки кај нас. Но успехот, и се' што оди со него никако не се случајни... Зад нив стои макотрпна работа, воља, желба, харизма, многу откажувања и вложувања и оп... Првото милионче е тука! За заработката не говориме, зашто во неа увид има само таа самата, ама она што е јавно видливо е првиот милион посети на една нејзина песна и видеото за неа на популарниот Интернет канал Јутјуб. Имено, Гавазова со една од своите најнови песни „Бум бум“ го направи првото милионче во гледаност, па и самата се пофали на Фејсбук дека станала „милионерче“! Нешто, што на половина македонска естрада заедно, не и успева! А на Сузана тоа и успеа откако повторно беше прва во нешто: Старо струмичко оро, подоцна преточено во ромска песна, да го спакува во македонски хит, отпеан на македонски јазик, со автентични македонски инструменти како што се зурлата и тапанот! https://arhiva.vistina.com.mk/promoter/suzana-gavazova-vo-bum-bum-porachuva-nikoj-nishto-ne-ni-moze-samo-pesna-daj-ni-boze-video/ И кога сите помислија дека сексапилната струмичка пејачка има се', ете ти ја Гавазова, како на Инстаграм јавно се пожали дека нешто и фали? „Добро утро драги мои, дали ви фали летото?“ - прашува Гавазова разголена среде зима, во едноделен костим за капење откако одново го распослала сиот свој сексапил потпрена на ѕидот, па ако се' уште добро ве служи видот, убаво погледнете ја и уживајте во нејзината раскошна убавина, како во расцутен цвет во рајска градина. Гледањето не е забрането, да се гледа смее, па можеби токму вашиот поглед ќе ја згрее?

Сузана Гавазова во „Бум – бум“ порачува: „Никој ништо не ни може, само песна дај ни Боже“ (ВИДЕО)

Антонио Димитриевски — Fri, 10 Jan 2020 13:15:48 +0000

На повеќе локации во прекрасниот македонски бисер Охрид, се снимаше новиот спот на македонската фолкерка Сузана Гавазова за песната која е насловена “Бум Бум”. Снимањето се одвиваше во забавна и весела атмосфера, а видеото кое веќе е пуштено во етер, го изработи ИН продукција. „Не сум била од лани во Охрид и многу ми е убаво кога ќе дојдам тука особено во зима, а дојдов по повод снимањето на спотот за една нова песна која се вика “Бум Бум”. Снимивме со ИН Продукција, на неколку локации во Охрид: Кај црквата Св. Софија, по Охридската чаршија низ која се прошетавме со музичарите, зурлаџиите и тапанџиите од Дебар, кои дојдоа специјално за ова снимање, за што јас особено сум им благодарна. Мислам дека беше интересно и додека се снимаше луѓето гледаа, беше атракција на некој начин. Кога снимавме не поздравуваа, гледаа и се веселеа“ - истакна Гавазова, за естрадниот магазин Естрада плус. Станува збор за музика која потекнува од старо струмичко оро, од кое подоцна е направена песна на ромски јазик. „Првпат ја слушнав од Бернат и многу ми се допадна, па си реков зошто да не ја направам јас на македонски јазик и излезе дека многу убаво звучи и на македонски. Зурлите и тапаните се најпознатите македонски инструменти, па затоа и убаво се совпадна и вклопија во песната, за чија македонска верзија текстот го напиша Орце Зафировски“ - завршува Гавазова, најавувајќи ја „Бум Бум“ која можете да ја проследите во продолжение.

бум бум – Вистина.мк

Сузана Гавазова го заработи првиот милион, па на Фејсбук се пофали, а на Инстаграм се жали дека нешто и фали? (ФОТО)

Сузана Гавазова во „Бум – бум“ порачува: „Никој ништо не ни може, само песна дај ни Боже“ (ВИДЕО)