букет – Вистина.мк

Материјални нешта, наместо искрено извини: Новата песна на Александра Јанева предизвика реакции во јавноста (ФОТО)

Антонио Димитриевски — Mon, 05 Feb 2024 07:05:00 +0000

Македонската поп пејачка Александра Јанева минатата недела го промовираше своето ново музичко парче „Дождови“, кое е уште една во низата одлични песни што Јанева ги отпеа за својата публика. Првите реакции за „Дождови“ се одлични и композицијата наидува на навистина позитивни коментари кај публиката. „Ни букет рози не те измива, ниту океаните од солзи сега те одземаат“ можеби се стиховите кои најмногу привлекуваат внимание и оставаат силен впечатк кај публиката. Прашањето што се поставува само по себе е дали материјалните работи и утешните награди што ги добивте можат да го заменат искреното извинување? На крајот од денот, дали несогласувањата се решаваат со зборови и дела, или со материјални нешта? „Колку пати сте добиле материјални работи во знак на извинување, но не сте го слушнале зборот извини, кој навистина е неопходен за да ги намалите болката и разочарувањаето?... Извинете се со зборови, со цела душа, а подарете букети исклучиво од љубов, на оние кои секојдневно ве инспирираат ви и го прават животот убав“- порачува Јанева.

Инспирирана од сето ова, Александра направи интересна фотосесија, а на социјалните мрежи поддржа многу македонски јавни личности. Само што судејќи по последната фотографија, букетот очигледно може да се подари во разни прилики и на различни начини... Во зависност од тоа, колку сакана личност љубовно ве инспирира...“ - што би рекла распеаната струмичанка во својата поза ала „икебана од рози“ со високо кренати нозе! Фото: Инстаграм/aleksandrajanevaofficial

Прво доби букет од најсаканата личност, а потоа кога дозна и виде кој и дојде на концерт, Цеца и лично му се обрати: „Господине, ви честитам“! (ФОТО)

Антонио Димитриевски — Fri, 25 Aug 2023 11:00:36 +0000

Светлана Цеца Ражнатовиќ имаше настап во една позната кафеана во Сомбор, а најдобриот НБА кошаркар, Србинот Никола Јокиќ дојде со сопругата Наталија и пријателите да уживаат и одлично да се проведат. Јокиќ беше еден од најрасположените на настапот на Цеци, па дури и се качи на столчето и постојано танцуваше. Неговата сопруга Наталија ги отпеа сите песни, а Никола особено го погоди хитот „Неваљала“. Во еден момент Цеца ја запре песната и лично му се обрати на Јокиќ, поздравувајќи го пред полниот локал. „Господине Јокиќ, честитки за освојувањето на НБА прстенот. Наша гордост сте, српска гордост. Освојте уште десет и доста е“ – му порача Цеца од бината. Инаку, многу луѓе во текот на ноќта му приоѓаа на Никола сакајќи да се сретнат или да се поздрават со него, па тој често се ракуваше со гостите во кафаната и разменуваше по некој збор со нив. Сепак изненадувањето беше најголемо кога на сцената се качи нејзиниот внук Жељко. И додека пееше баба Цеца во прв момент не го забележа, па малечкиот мораше да ја потапка по ногата за да и го даде букетот црвени рози, по што пејачката ја прекина песната, клекна, го гушна и го бакна своето најсакано внуче. А потоа и на микрофонот раскажа кој е и што е малиот сладок русокос. Фото и видео: Инстаграм/cecaraznatovic

Интервју со македонската фудфлористка Андријана Облешевска: Крајниот “Wow” ефект е оној кој привлекува кога ќе ја доловам приказната која е замислена од клиентот (фото)

Слаѓана Атанасова — Tue, 11 Jul 2023 07:21:16 +0000

Андријана Облешевска во креативниот свет е многу оддамна, таа е музичарка по душа но, по занает фудфлористка. Во шарениот свет наречен „Евгенијално“ има талент да го разубабува и радува етерот. Во цвеќарскиот правец таа е неколку години, а букетите кои ги изработува се извонредни и уникатни. Која е Андријана Облешевска. Како би се претставиле? Здраво другари и фала ви на можноста да си помуабетиме. Во моментов можам да се опишам како личност што постојано се запознава себеси и постојано се изненадува од себеси. Иако сум згодна, но во по незгодната половина од 30тите, хаха, чувствувам дека сум во период на убаво зреење. А убавото зреење подразбира запознавање и прифаќање на сите мои аспекти. Јас сум еден микс од сите можни емоции во моментов, односно сум само битие со истите животни предизвици како и вас. Како дојде до идејата за создавање/подготвување вкусни букети? Колку долго се занимаваш со фудфлористиката? Во креативниот свет сум многу одамна и тоа е еден прекрасен свет каде не постои ниту една временска и просторна рамка и каде буквално имам дозвола да бидам јас. Во фудфлористиката пак како цвеќарски правец се пронајдов пред 4 години и еве сеуште функционираме одлично заедно во мојот мал и шарен свет наречен Евгенијално (https://www.facebook.com/evgenijalno) . А идејата дојде во вистинско време, тогаш кога и самата се охрабрив да влезам во нешто ново и предизвикувачко за мене. Изработив еден букет за моја многу блиска другарка гледајќи туторијал на Јутјуб од руските фудфлористки и беше толку успешно што добив поддршка од најблиските да продолжам да го разубавувам и радувам етерот. Дали постои курс или некој вид на образование и на кој начин напредувате во техниките ? За фудфлористиката е пред се важна љубовта кон природата и креацијата и така имате успешен рецепт односно успешен краен ефект. Јас сум самоука по струка, хаха, но секако дека постојат и онлајн обуки од кои може да научите за овој вид креација. Напредокот во техниката некогаш зависи од мојата инспирација и посветеност, а некогаш и благодарение на идеите кои ги споделуваат овдешните и колегите од светот. Денеска можам да се пофалам дека создадов препознатлив стил на креирање со тоа што додадов свој печат на букетите. Дополнителен успех за мене е дека букетите се до толку уникатни што не се повторуваат и не наликуваат еден на друг. Дали во Македонија има повеќе заинтересирани за начинот на изработка или повеќе има за да го купат и да подарат? Кај нас најголемо интересирање има за подарување. Дефинитивно крајниот “Wow” ефект е оној кој привлекува. Многу се радувам што досега буквално ниеднаш не се случило овој вид на букети да разочараат. Но и покрај овој факт, јас и денеска имам трема за реакцијата на оној кој го прима букетот, таа возбуда за фидбекот дали сме се разбрале во раскажување на приказната. Клиентите се секогаш без исклучок воодушевени. И да, тоа се должи колку на самата креација, толку и на совршеноста на природата, па мојата благодарност оди на во три правци - Кон природата, кон себе и кон клиентите! Дали си задоволна од секој букет како завршен производ или секогаш оставаш простор за додавање и докомплетирање? Овој фудфлористичен свет има бескрајно многу можности за комбинирање, така што некогаш додавам и збогатувам, но во секој случај постојано ги истражувам опциите како би можеле клиентите да добијат дополнителна вредност. Убавината е во слободата која ја дозволува оваа работа, особено заради интимноста што ја носи персонализираниот пристап. Чувството да сте без притисок и со убава музика во позадина додека креирате и го вадите најдоброто од себе е бесценето. Како еден букет треба да изгледа за да биде целосен? Најголемиот успех за мене лично е ако ја доловам приказната која е замислена од страна на клиенот, дури и подобро од замислата. Дали имаш конкуренити, комуницирате ли едни со други учите ли заеднички? Да, имам конкуренти во моментов. Мојот став е дека конкуренцијата ја доживувам како инспирација за растење, а не како закана. И сметам дека многу важни лекции може да се научат од неа и затоа е важно да постои. Од што најчесто се мотивирате за да изработите букет и колку време е потребно за неговата подготовка? Лично ми е многу мило што клиентите стекнаа доверба во начинот на кој ги изработувам букетите и најчесто оставаат на мене и мојата инспирација. Секако претходно ја договараме големината, некој омилен плод ако преферираат, поводот и за мене најдраго од се е кога ќе споделат мала приказна за примачот пред да го направам.. А изработката и должината на времетраењето зависат од композицијата на букетот, па од половина до неколку часа може да трае процесот, без да го земеме предвид времето потребно за набавка на сите материјали. Сподели интересен момент нечија реакција кога некој добил вкусен букет ? Интересни се реакциите од типот, дали се јаде букетот, дали се природни овошјето и зеленчукот или се пластични, дали цвеќето е вештачко итн. Но најголемата енигма е како стојат плодовите, на што се закачени. Реакциите во секој случај се максимално позитивни и не само за оние кои го нарачуваат туку и оние случајни минувачи кои нé застануваат и се воодушевуваат на убавината. Нека биде ова потсетник за тоа колку е значајна природата и колку треба да се грижиме за неа за што подолго да сме сведоци и да уживаме во нејзините богатства! Фото: Андријана Облешевска

Букет преку прозорец за бакнежи на Инстаграм: Кристина Димитриевска распаметена, па воодушевена за 8-ми Март! (ФОТО)

Антонио Димитриевски — Wed, 09 Mar 2022 07:51:09 +0000

Денот на жената и годинава мина , како мина... Воглавно со честитки, подароци, букети цвеќе, протестен марш и потсетување дека жените се рамноправни со мажите... или барем треба да бидат, ико многумина мислат дека со „рамноправноста“ оддамна се претерало, зашто жените се тие кои во 21-от век го вртат светот. Но, за да не навлеземе во разно-разни теории, поимања и сфаќања на женските права и машко-женските односи, македонската мисица, манекенка, модел и пејачка Кристина Димитриевска раскажа каква чудна случка и се случила токму на вчерашниот ден на жената - 8-ми Март. Имено атрактивната тетовчанка додека возела со својот автомобил среде бел ден по прометните улици, друг автомобил почнал паралелно да вози со неа и да и дава знак да застане, односно да го отвори прозорецот. Возачот зад управувачот и бил тотално непознат, па убавицата најпрвин се распаметила да не се работи за некако в манијакален тип, но сепак собрала храброст да прикочи и да го отвори прозорецот, за да праша каде е проблемот? Кога видела дека момчето сака нешто да и каже, се уплашила дека нешто не во ред со нејзиниот автомобил, и малку понатаму застанала, но не излегла од него. Тогаш другото возило се паркирало покрај нејзиното, а момчето опсипувајќи ја со дузина комплименти, од совазачкото седише земало букет цвеќе и и' го подарило за празникот на Кристина, која вели дека не го познава, но сепак е воодушевена од гестот на младичот. Дали средбата била случајна, а цвеќето наменето за некој(а) друг(а), па судбината сакала да заврши во нејзини раце? Или пак можеби средбата била долго планирана и подготвувана, а момчето ја следело убавицата чекајќи го најпогодниот момент некако да и пријде, запознае и подари букет, па макар и преку прозорецот од автомобилот? Одговорот го има „романтичниот анонимус“ кој напрвин ја распаметил, а потоа воодушевил атрактивната тетовчанка токму за денот на жената. Кристина целата случка ја раскажа на своите Инстаграм приказни, велејќи дека и до сега добивала цвеќе пред врата или некои други ситни подароци од непознати обожаватели, но не на овој ден и не на ваков начин. При тоа и јавно му се заблагодари на „шармантниот анонимен романтик“ што и го разубавил денот, испраќајќи му бакнежи преку своите Инстаграм приказни! Фото: Инстаграм принтскрин/kristina.dimitry

Лила за 8-ми Март доби прекрасен букет, арно ама некој и го изџвака подарокот (ФОТО+ВИДЕО)

Антонио Димитриевски — Tue, 08 Mar 2022 09:03:39 +0000

Лила Филиповска не само што е „кралица“ на ТВ екраните туку е и „некрунисана кралица“ на подароците... Ваквата титула слободно може да и се припише откако стана „кралица во новата професија“ - инфлуенсер број еден во Македонија. Секојдневното рекламирање на разни производи и услуги разбирливо и носи бенефиција да добива и разно-разни многубројни подароци од задоволните клиенти кои ги рекламира. Сепак, денот на жената е посебен, па затоа и подароците што ќе ги добиете имаат посебно значење, а Лила за 8-ми март подроците не ја заобиколија. Она што ја заобиколи беше среќата да останат во едно парче. Имено, водителката на „Се или нешто“, доби нешто што е вообичаено за празникот, а сепак прекрасно и преубаво изгледа. Раскошен букет разновидно цвеќе, спакуван во своевидна икебана. Драг подарок од уште подрага личност кој најде видно место во дневната соба на водителката. Арно ама, Лила ниту на крај памет не претпостави дека цвеќето нема да и се допадне само неа, туку и на некој друг... Само нему не му е до естетика и убавина, туку до јадење, па букетот наместо како украс го доживеал како оброк и... Лила остана со изгрицкан и изџвакан подарок. Нејзиниот мачор Рагнар му се „с'сна“ на цвеќето, па го изгрицка букетот, онака прописно, како салата за ручек! Дали во букетот имаше нешто што „неодоливо го привлече“ мачорот или водителката заборавила да го нахрани својот куќен миленик, знае само Лила која остана со изџвакан осмомартовски подарок?

View this post on Instagram

A post shared by Lila (@lilafilipovska)

А Рагнар? Барем според споделената фотографија... Ем кабаетлија, ем к'сметлија што поминал само со гласна „усна опомена“ од газдарицата! Фото: Инстаграм принтскрин/lilafilipovska

Сузана Гавазова славеше роденден: Сопругот прво ја шокираше со „мрсен подарок“ спакуван во пакет, а потоа ја изненади со вредно кутивче и букет (ВИДЕО)

Антонио Димитриевски — Wed, 22 Dec 2021 08:19:20 +0000

Роденден е денот што го чекаме цела година... Најмногу децата, ама и возрасните, денот кој ни останал во паметење како ден од приказните кои реално ги доживуваме секоја година кога ќе дојде време за прослава на нашиот роденден. Убавите зборови, желби и честитки, бакнежи, гушкања и прегратки се дел од роденденскиот декор и атмосфера кои секој роденденски славеник ги доживува. Подароците се она другото што за роденден на славеникот му следува. Големи или мали, во предмети или при, помалку или повеќе материјално вредни, најважно е да се подарени со душа, искрено и од срце од оние кои славеникот го даруваат и притоа се' најубаво му посакуваат. Роденден слават сите, па и познатите, а роденден и беше и на македонската фолк пејачка, Сузана Гавазова. Честитки пристигнаа од сите страни, од најблиските и подалечни роднини, пријателите, колегите, до нејзините фанови, обожаватели и следбеници кои и испратија роденденски честитки преку социјалните мрежи. Сепак, честитките од децата и саканиот се некако најубави, најблиски, најтопли, најмногу значат и допираат... Секоја на свој начин. А каде што има роденденски честитки има и роденденски подароци. Сопругот на Гавазова, беше првиот што уште рано наутро тргна да ја изненади со роденденски подарок... А, всушност ја шокираше и вчудоневиди! Јасмин на својата сакана Сузе и посака добро утро во трпезаријата, па праша кому тоа му е роденден, носејќи голема црвена кутија во рацете. Откако следуваше честитка и сочен роденденски бакнеж, тој и го врачи пшодарокот од кој пејачката буквално падна на га*от... по прв пат тоа утро! Откако ја отвори кутијата и виде што има во неа, па праша: „Што е ова?“ А во неа имаше спакувано тазе бурек и шише јогурт. „Мрсен“ роденденски подарок за роденденски појадок. И додека Гавазова се' уште не се беше соземала од шокот, следуваше нов... Овој пат, оној - вистинскиот! Како и подарокот! Голем букет црвени рози за саканата мадам, а во него скриено едно мало, но вредно кутивче, кое откако го отвори Гавазпова падна на га*от... По втор пат! Овој пат пресреќна, зашто во него беше нешто што веројатно претходно го посакувала, вредно парче накит! И уште еден роденденско - љубовен „мрсен“ бакнеж како честитка и благодарност! „Третото полувреме“ од роденденското честитање - не за јавност! Нека и е среќен роденденот, нека е жива и здрава Сузана Гавазова!

View this post on Instagram

A post shared by Suzana (@suzanagavazova)

Фото: Инстаграм принтскрин/suzanagavazova

Гербери – цвеќиња создадени за најслатките букети

Слободанка Илиева — Wed, 26 May 2021 11:45:23 +0000

Со своите цветови во прекрасни нијанси на пастелни бои, герберите предизвикуваат позитивни емоции и добро расположение. Постојат околу сто различни видови гербери, ги има во неколку бои и секоја од нив симболизира нешто. Жолтите гербери симболизираат радост, црвените симболизираат страст и енергија, портокаловите гербери се симбол на здравјето и на животот, белите гербери претставуваат смирен ум, а розовите гербери симболизираат шарм и безгрижност. Општо, герберите се сметаат за симбол на невиноста, убавината и чистотата. Тие растат во форма на грмушки, со висина од 20 до 40 центиметри и ширина од 30 до 45 центиметри. Овие цвеќиња се многу лесни за одгледување и не бараат многу грижа и внимание. Герберите сакаат сончеви и топли места и многу добро поднесуваат екстремна топлина во текот на летото. Само внимавајте почвата никогаш да не се исуши и да биде влажна во секое време, но само со онолку вода колку што е потребно за да не се исуши целосно. Погледнете ги фотографиите во продолжение за да најдете идеи за аранжирање на герберите во домот. извор:кафепауза.мк

Цел регион бруи за новото момче на Наташа Беквалац, а таа се огласи на социјалните мрежи и ги замолче љубопитните!

Антонио Димитриевски — Thu, 26 Sep 2019 11:27:01 +0000

Откако Наташа Беквалац доби Букет прекрасни рози како роденденски подарок, целиот регион се празшуваше кој е мистериозниот подарувач на букетот за нејзиниот 39-ти роденден!? Медиумите, како и социјалните мрежи веднаш почна да вријат и беа преплавени со претпоставки за можниот џентлмен, нагаѓајќи дали има и кој е новото момче на русокосата пејачка? За да не ги држи во неизвесност, Беквалац се огласи на социјалните мрежи и ги замолче љубопитните! „Букетот го добив од мајка ми и татко ми, а напишав порака: те сакам, затоа што истата стои и на мојот ѕид. Момче не ми треба ниту на слика, така што... без паника“ - напиша Беквалац.

Наташа Беквалац несакајќи откри дека има ново момче: Ја издаде роденденскиот подарок! (ФОТО)

Антонио Димитриевски — Thu, 26 Sep 2019 07:54:40 +0000

Наташа Беквалац наполни 39 години, па на социјалните мрежи објави дека сега ја чувствува повеќе од кога и да е моќта и енергијата на убовта. После сите раскинувања, разводи и претепувања што ги помина со нејзините поранешни сопрузи, меѓу кои најхардкор беше бракот со Лука Лазукиќ, пејачката тврди дека не ја загубила низата на среќа и задоволство во своето срце иако тоа баш секогаш не изгледаше така. Таа изјави дека сега чувствува повеќе љубов отколку кога и да било. Нејзината објава веднаш 0предизвика лавина коментари на социјалните мрежи, на кои се шпекулира дека Наташа наводно нашла ново момче, па затоа е вака „разнежнета“. Во ова почнаа да веруваат и оние на кои не им се веруваше, особено откако Беквалац откри дека за својот роденден добила преубав букет цвеќе, чија фотографија веднаш ја објави на својот Инстаграм профил. Освен тоа, таа го издвоила овој подарок од другите, додека пораката што ја напишала во описот на сликата изненади многумина. „Те сакам“- напишала Ната на англиски јазик, без било какви дополнителни детали.

Селма Бајрами им ја погоди песната, а гостите ја закитија со букет од девизи (ФОТО)

Антонио Димитриевски — Tue, 11 Jun 2019 10:07:27 +0000

Познатата босанска фолк пејачка Селма Бајрами пееше на една веселба, па сексапилната русокоса ја доведе атмосферата до точка на вриење, а гостите ја наградија со богат бакшиш.

Пејачката затегната во тесен комбинезон со длабоко деколте од кос се прелеваа бујните гради на Селма, вртејќи со задникот запеја со својот моќен глас, им ја погоди песната, а присутните почнаа да ја китат со купчиња девизи.

Селма мавташе со "букет" од зелени банкноти, во кој се чинеше дека има најмалку неколку илјади евра.