Бундите во боја се хит оваа зима: 5 модели кои ќе посакате да ги имате во ормарот

Христина Ѓоргиевска — Fri, 14 Jan 2022 13:00:13 +0000

Покрај топлиот капут кој е задолжителен деновиве, бундата е уште едно парче облека кое е пожелно во гардеробата во текот на зимата. Дизајнерите годинава беа многу креативни и претставија бунди претежно од еко крзно. Бундите кои беа популарни во 70-тите и 80-тите беа претежно направени од вистинско крзно и во слични нијанси – бела, кафена или црна. Сепак, годинава крзната доаѓаат во неколку нијанси, а тоа се светли бои како кралско сина, розова, жолта и зелена. Бундата прекрасно стои со добар пар чизми и добра чанта, може да оди и со фармерки, но и со вечерен фустан. Во секој случај, тоа е добра инвестиција, сметаат модните експерти.

1. Бунда во јоргован боја

Со ефективни обувки, облека, модни додатоци и накит во нијанси на јоргованот, оваа бунда ќе го подигне вашиот стајлинг на повисоко ниво.

2. Бунда која нема конкуренција

Оваа бунда е нешто сосема поинакво од она на што сме навикнати. Дизајнерите и модните дизајнери навистина ја пуштаат фантазијата, па играјќи си со ѕвездите и боите создадоа бунда која остава без здив.

3. Животински принт

Иако многумина мислат дека животинскиот принт е застарен, оваа бунда ќе ве убеди во спротивното. Вистина е дека овој принт не можете да го комбинирате со, на пример, жолта или зелена боја, но во беж или крем облека ќе изгледате како да сте излегле од модната писта.

4. Шарена бунда

Доколку преферирате да носите облека во една боја, тогаш оваа бунда е идеална за вас. Доколку носите црни фармерки и ролка во иста боја, на сцена ќе стапи шарена бунда која ќе внесе малку магија во вашиот стајлинг.

5. Тандем од соништата

Со различни кроеви, должини и бои, овие јакни ќе го комплетираат секој стајлинг, а може да се комбинираат и со елегантни комбинации, но и со спортски. извор: попара.мк

Овие совети ќе ви помогнат да останете будни, дури и ако сте многу уморни

Слободанка Илиева — Tue, 05 May 2020 13:15:17 +0000

Ако се чувствувате поспано или уморно, не посегнувајте веднаш по кофеинот. Овие 14 работи ќе ви помогнат да се опуштите и да се одморите, да останете будни и фокусирани. 1. Витамин Д Сè што треба да направите е да си поиграте со децата надвор, да го прошетате кучето или сами да одите на прошетка. Ако планирате да бидете надвор подолго време, не заборавајте да нанесете крем со заштитен фактор. Рибата, жолчките, млекото и житарките се исто така извор на витамин Д. 2. Пијте (многу) вода Водата му помага на вашето тело да се движи, а заморот е сигурен знак дека вашето тело не добива доволно вода. Чувајте шише со вода во вашата чанта, на бирото или во автомобилот. Така, ќе имате навика да се хидрирате во текот на денот. 3. Медитирајте Родителството е бесконечен круг активности, домашни задачи, одговорности и секојдневни изненадувања. Понекогаш кафето што го пиете за да останете будни ќе ве направи помалку фокусирани. Околу 15 минути одмор или медитација ќе ви помогнат да се опуштите и да се одморите. 4. Етерични масла Природни и без хемикалии, тие може да ви помогнат за намалување на стресот и за подобрување на расположението. Љубителите на етерични масла препорачуваат ментол и грејпфрут за зголемување на енергијата и морско оревче за фокусирање. 5. Намалете го внесот на шеќер Храната што содржи многу шеќер може да предизвика покачување на шеќерот во крвта, што има краткорочен ефект кој ќе направи да се чувствувате добро. Обидете се да пиете колку што е можно повеќе вода и да грицкате здрави грицки како бадеми, ореви или нешто слично. 6. Музика за релаксација Музиката го подобрува расположението, па пуштете ги вашите омилени песни додека подготвувате вечера или додека ја чистите куќата. 7. Оддалечете се од екранот Без разлика дали се работи за телефонот, за таблетот или за компјутерот, тие можат да ве држат будни ноќе, што резултира во недостаток на сон. Исто така, може да ве исцрпат уште повеќе. 8. Храна против замор Мешункасите плодови се многу корисни во борбата против заморот. Обидете се да ги вклучувате во вашите јадења колку што е можно почесто, барем еднаш неделно. За нешто послатко, лубеницата е одличен извор на Б6 и цитрулин, аминокиселина која позитивно влијае на срцето и на имунолошкиот систем. 9. Вежбајте Колку и да ви е тешко да соберете волја за вежбање, тоа е многу добро за вашето здравје. Ако не сакате интензивни тренинзи, обидете се да танцувате додека ја слушате вашата омилена музика. 10. Ако не сте расположени за нешто, кажете „не“ Честопати брзате некаде и се обидувате да сторите сè за многу кратко време. Но, наместо да се обидувате да го постигнете сето тоа, обидете се да одложите или да прескокнете нешто. Оставете малку време за себе и за семејството. 11. Бидете друштвени Изолацијата може да доведе до замор и депресија, па затоа е важно да се дружите со пријателите и со семејството, особено овој период. Обидете се да смислите некои интересни игри што можете да ги играте со пријателите преку видеоповик. 12. Разбудете се рано Обидете се да станете колку што е можно порано. Ќе уживате во денот, ќе се чувствувате подобро и ќе уживате во убавината на утрото. 13. Време за себе Сега е совршено време да одвоите барем еден час за себе и да направите маникир, да ставите маска за лице, да ги пробате новиот пилинг и новата маска за коса. 14. Не прескокнувајте го појадокот Појадокот е најважниот оброк во денот. Сите го знаат тоа, но колкумина се придржуваат кон тоа? извор:кафепауза.мк