бубрези – Вистина.мк

Избегнувајте ги овие 5 намирници, тие се штетни за вашите бубрези

Слаѓана Атанасова — Tue, 21 Mar 2023 12:48:49 +0000

Бубрезите се витален дел од човечкото тело бидејќи тие се одговорни за чистење на токсините во него. Затоа, експертите препорачуваат да се избегнуваат пет намирници за да се одржи нормалната работа на бубрезите. Премногу сол е штетна за срцето. Иако солта, за разлика од додадениот шеќер е неопходна за здраво функционирање на организмот бидејќи учествува во повеќе процеси, прекумерното консумирање сол може да биде штетно за срцето. Се препорачува умерен внос на сол. И црвеното месо треба да се јаде не повеќе од 2-3 пати неделно. Камењата во бубрезите се една од компликациите кои можат да настанат како резултат на претерување со црвено месо. Вештачките засладувачи како замена за шеќерот може да доведат до разни компликации, особено за бубрезите. Затоа, најдобро е целосно да се избегнуваат преработени слатки. Намалувањето на алкохолот е добро и за бубрезите и за црниот дроб. Тоа има бројни придобивки за човечкото тело. Кафето, т.е кофеинот е „отров“ кој се филтрира преку бубрезите. Не претерувајте со консумирање кафе, особено ако имате семејна историја на бубрежни заболувања. Извор: Курир.мк

3 најрани симптоми на болест на бубрезите: На овој начин телото ви порачува дека вашето здравје е сериозно загрозено

Христина Ѓоргиевска — Thu, 17 Feb 2022 13:00:18 +0000

Болестите на бубрезите ретко кога се проследени со симптоми, а се смета дека речиси 90 отсто од луѓето воопшто не знаат дека имаат болест и не се лекуваат, сè додека не стане доцна. Постарите од 60 години, хроничните болни, пациентите кои имаат дијабетес тип 2, висок крвен притисок и автоимуни болести како лупус, се изложени на поголем ризик од развој на болест на бубрезите. Редовните прегледи се единствениот начин да се спречат посериозни оштетувања на бубрезите. Во случај да забележите некои од овие симптоми, би требало што побрзо да се обратите на лекар:

Ноќно мокрење

Во текот на денот, како последица од долгото стоење или седење, се таложи течност во зглобовите и во листовите на нозете. Таа течност во текот на ноќта стигнува до бубрезите, кои поради оштетувањето не се во состојба да ги филтрираат отпадните продукти. Како последица на тоа, кај некои луѓе се појавува зголемена потреба за ноќно мокрење. Ако во текот на ноќта станувате неколку пати за да уринирате, побарајте лекарска помош. Важно е да имате на ум дека и внесувањето течности во вечерните часови може да предизвика ноќно мокрење.

Отекување на телото

Оштетените бубрези не можат да ја филтрираат солта, поради што доаѓа до отоци (едеми) на зглобовите, стапалата и нозете, вели д-р Роберт Гринвел, шеф на нефрологија во „Mercy Medical Center“ во Балтимор. Особено во утринските часови, можна е појава на отоци околу очите. Големата количина на протеини може да ја наруши работата на бубрезите, а утврдено е дека луѓето со висок крвен притисок и дијабетес тип 2, како последица на вишок протеини, чувствувале болки во бубрезите. Високи нивоа на протеини содржат намирници како што се месо, риба, јајца и млечни производи.

Умор

Анемијата е често еден од првите знаци на заболување на бубрезите. Здравите бубрези го лачат хормонот еритропоетин кој ѝ испраќа сигнал на коскената срж да создава црвени крвни зрнца. Сепак, ако е нарушена функцијата на бубрезите, тие не лачат доволна количина на еритропоетин, а како последица на тоа доаѓа до намален број на црвени крвни зрнца. Анемијата е честа во средните стадиуми на болеста. Обратете се на лекар ако имате симптоми на слабокрвност како што се вртоглавица, послаба концентрација и бледа кожа. Со лабораториски тестови на крвта се проверуваат нивоата на хемоглобин кој е составен дел од црвените крвни зрнца. Состојбата се лекува со одреден начин на исхрана, со лекови и суплементи. Во случај на анемија, се советува да се провери и работата на бубрезите, со тест што ја утврдува брзината на гломеруларната филтрација (ГФР). Со едноставен тест се мери нивото на креатинин и албумин во крвта, а предвид се зема полот и возраста на пациентот. Врз основа на резултатот на овој тест, лекарот може да одреди во која фаза е болеста на бубрезите. Ниските вредности на ГФР значат дека ризикот од развој на болеста е поголем. извор: точка.мк

7 природни начини: Вака може да спречите создавање на камен во бубрегот…

Слободанка Илиева — Wed, 17 Feb 2021 13:20:40 +0000

Поради недостатокот на течност во телото настануваат микроскопски кристали и наслаги во урината. Каменот во бубрегот се јавува поради: дехидратација, дебелина, нагло слабеење, нездрава исхрана. Еве како на природен начин да спречите создавање на камен во бубрегот: 1. Хидратација Водата е извор на животот. Сетете се на тоа, па ставете си вода во чаша и испијте ја. Луѓето кои што имаат песок или пак камен во бубрегот често од докторите добиваат совети да пијат што повеќе вода - по можност околу 3 литри на ден. 2. Намалување на натриумот Доколку внесувате голема количина натриум, тогаш може да настане камен во бубрегот. Храната која што содржи голема количина натриум е: преработена храна, конзервирана храна, крекери, солена храна, сувомеснати производи, брза храна итн. 3. Повеќе зеленчук, помалку месо Доколку јадете многу црвено месо, месо од живина, јајца и морски плодови, може да настане до создавање и акумулација на киселина. 4. Кажете „не“ на строгите диети Диетата е стрес за организмот, а тоа никако не е добро за вашите бубрези. 5. Не откажувајте се од калциум Доколку сакате да избегнете создавање камен во бубрегот, намалете го внесувањето на калциумот, но не смеете да го исфрлите од исхраната затоа што може да доведе до создавање на камен во бубрегот. Калциумот во комбинација со оксалатите има тенденција за врзување во цревата со што се намалува создавањето на каменот. 6. Здрава тежина Дебелината предизвикува создавање на камен во бубрегот. Луѓето склони кон дебелеење повеќе јадат солена, преработена храна, како и брза храна и месо, а тоа не смее да се случи доколку сакате да се заштитите. 7. Зголемете го консумирањето на магнезиумот Магнезиумот веројатно ќе го сведе на минимум создавањето на каменот во бубрегот. извор:точка.ком.мк

Еве кои намирници ги уништуваат бубрезите

Христина Ѓоргиевска — Tue, 28 Jul 2020 13:00:44 +0000

Бубрезите се задолжени за отстранување разни отрови од телото преку урината, да создаваат хормони и да ги филтрираат токсините и вишокот течност во крвта – затоа важно е да водите сметка со што ги храните. Најдобро е да бидете умерени со овие намирници…

1. Алкохол

Алкохолот во основа е отров, кој вашите бубрези мораат да го филтрираат. Умереното консумирање алкохол не ја прави оваа работа премногу тешка, но прекумерното создава вистински притисок врз нив. Преголемата количина на алкохол всушност ја менува функцијата на бубрезите, слично како што ја менува функцијата на мозокот и ги прави неспособни ефикасно да ја филтрираат крвта. Алкохолот има дехидрирачко својство, а водата е од критична важност за функцијата на бубрезите, како и за секоја поединечна клетка во нашето тело. Оваа внатрешна борба е една од причините поради кои мамурлакот толку пречи. Многу е важно да пиете многу вода секогаш кога консумирате алкохол.

2. Сол

Натриумот всушност е важна состојка која му помага на телото да одржува правилна рамнотежа на течностите. Работејќи заедно со калиумот, натриумот ја одржува нашата крв за да може ефикасно да филтрира низ бубрезите. Меѓутоа, кога внесувате премногу сол преку исхраната, бубрезите се принудени да зачуваат повеќе вода за да ја разредат крвта. Тоа на крајот го покачува крвниот притисок и може дури и да ги оштети микроскопските структури во бубрезите кои ја извршуваат филтрацијата – нефроните.

3. Кофеин

На многумина од нас им треба секојдневна доза кофеин за да можат да функционираат наутро, плус вечерна доза или две кога мораат да работат до доцна. Но затоа што кофеинот е стимуланс, го забрзува протокот на крвта и може да го зголеми крвниот притисок. Тој е и благ диуретик, што значи дека влијае врз способноста на бубрезите да апсорбираат вода и може да доведе до дехидратација. Во мали количини, кофеинот не им создава премногу стрес на бубрезите. Прекумерната консумација, меѓутоа, може да ги влоши болестите на бубрезите и да предизвика бубрежни каменчиња поради хронична дехидратација. Сè додека се држите до 2 или 3 кофеински пијалаци дневно и пиете многу вода во меѓувреме, не треба да се грижите!

4. Млечни производи

Млечните производи се богати со калциум и со други хранливи состојки, како и со протеини. Тие можат да бидат здрав додаток во вашата исхрана, но смеат претерано да се консумираат. Премногу калциум може да доведе до камен во бубрезите, бидејќи вашите бубрези се борат да го исфрлат преку урината. Преоптоварените бубрези, исто така, нема да бидат во можност да го обработуваат протеинскиот отпад ќе дојде до опасно ниво во вашето тело. Истражувањата покажале дека ограничувањето на консумацијата на млечни производи со бубрежни болести може да им ја одложи потребата за дијализа.

5. Месо

Премногу месо може да предизвика проблеми со бубрезите, бидејќи животинските протеини се тешко сварливи, па претставуваат товар за бубрезите. Исхраната богата со животински протеини би можела да доведе до развој на бубрежни каменчиња. Месото содржи голема количина на пурин, кој го поттикнува производството на мочна киселина, што е една од најчестите причини за бубрежни каменчиња. Наместо тоа, консумацијата на зеленчук и јаткасти плодови, би можела да ги обезбеди протеините што му се потребни на телото. извор: Курир.мк

По престојот во болница, Катарина Грујиќ повторно минува низ драма (ФОТО)

Антонио Димитриевски — Thu, 05 Sep 2019 10:10:58 +0000

На пејачката Катарина Грујиќ сериозно и беше загрозено здравјето кога и беше дијагностицирана инфекција на бубрезите. Таа откако ќе ја напушти болницата, каде лежеше две недели, планираше да оди на заслужен одмор, но... Каќа мораше да го откаже патувањето во последен момент. „Кога Каќа на лекарите при последниот прегледот им кажала дека би сакала да отпатува некаде и да одмори од сè, поточно дека планира да замине десет дена, тие веднаш и забранија. Тие и рекоа дека не смее се' уште да патува и дека мора да остане во земјата и да продолжи со терапијата иследниот месец“ - вели извор близок до пејачката и додава:

„Иако Каќа се ипланирале, не доаѓаше во предвид да не ги послуша лекарите и во тој момент реши да остане во Србија, за наредниот месец да оди на редовни терапии и проверки. Ќе има можности за одмор, а сега најважно е да не го изложува организмот на било каков стрес. Секако, со неа цело време е семејство кое и помага во сè, но и партнерот кој не се двои од неа ниту една минута. Сите се грижат за Каќа, а таа ги слуша советите на најблиските“ - изјавил изворот.

Самата пејачка го потврди ова:

„Вистина е, лекарите не ме пуштија да патувам. Сè уште сум во фаза на закрепнување, бидејќи бубрезите не се опоравени целосно. Ги слушам и мирувам. Нема да дозволам да западнам во онаа состојба во која се најдов. Сè уште сум на терапија веќе еден месец и навистина внимавам на себе и не се изложувам на стрес“ - вели пејачката.

Еве кои лоши навики ги „убиваат” бубрезите

Горан Силјановски — Tue, 11 Dec 2018 14:05:06 +0000

Докажано е дека кај старите здравје на бубрезите е од витално значење за здравјето на коските, бидејќи бубрезите ги филтрираат токсините, поради кои коските, како што старееме, заслабнуваат. Но, освен здравјето на коските во подоцнежното животно доба, бубрезите се клучни за целокупното здравје на луѓето. Не ја сфаќајте грижита за здравјето на бубрезите лесно. Тие се меѓу најважните органи во човечкиот организам. А некои од секојдневните навики, кои ни се чинат целосно банални, можат да му наштетат на нашето здравје. 1. Не го празните мочниот меур на време Некогаш ви се случува едноставно да морате да бидете трпеливи, пред да ги извршите физиолошките потреби, но тоа не е добро да се прави долго и често. Ако тоа го правите секој ден, секако престанете да трпите, бидејќи тоа му штети на здравјето на вашите бубрези. 2. Не пиете доволно вода Вашите бубрези, како и другите органи, имаат потреба од доволно вода. Недостатокот на вода може да доведе до слаб проток на крвта во бубрезите, пто ќе оневозможи на бубрезите да ги исфрлат штетните материи преку урината. 3. Јадете премногу сол Консумирањето премногу сол, може да му наштети на целиот организам, а не само на бубрезите. Меѓутоа, токму поради тоа што најголемата количина сол оди во бубрезите, се случува тие да бидат најизложени од таа нездрава навика. Премногу сол во телото ја зголемува активноста на бубрезите што може да доведе до дехидрација и недостаток на вода во телото, која е неопходна за правилно функционирање на целиот организам. 4. Премногу протеини Протеините се неопходни за нашиот организам. Оние кои се активно се занимаваат со спорт, кои активно работат на зголемување на мускулната маса, се особено запознаени со тоа. Сепак, со претерувањето со протеини негативно ќе влијае на здравјето на бубрезите. 5. Премногу алкохол и цигари Алкохолот и цигарите немаат корист за здравјето на луѓето. Како што му штетат на целиот организам, им штетат и на бубрезите. Можат да доведат до слаб проток на крвта во бубрезите, што може да го блокира исфрлањето на токсини – за што се задолжени бубрезите. 6. Премногу кофеин Иако здравјето има одредена корист од кофеинот, тој треба да се ограничи со внесување на максимум 3 кафиња на ден за да се задржи здравјето на бубрезите.

Совршен пијалак од 2 состојки: Исчистете ги бубрезите од токсини

Кристина Петрушевска — Fri, 01 Jun 2018 10:57:02 +0000

Ако сте пушач, јадете нередовно, уживате во по некоја чашка алкохол или во брза и пржена храна, тогаш време е да направите нешто добро за вашето тело и за вашите бубрези. Постои совршен пијалак кој ќе ви ги исчисти бубрезите од токсини: Состојки: 1 рака магдонос 1 литар вода Начин на подготовка: 1. Измијте го и исечкајте го магдоносот на поголеми парчиња, ставете го лонецот и налејте вода. 2. На средно тивок оган загревајте ја водата додека не зоврие, намалете го огнот и варете уште 5 до 10 минути. 3. Тргнете го лонецот од огинот, оставете малку да отстои, исцедете го и ставете го во фрижидер. Доволно е само една чаша секоја утро за да го вратите организмот во нормала. Верувајте ни, вашето тело ќе ви биде благодарно.

Меланија Трамп во болница: Првата дама мораше на операција!

Христина Ѓоргиевска — Tue, 15 May 2018 07:46:18 +0000

Првата дама на Америка имаше операција на бубрег во националната болница во близина на Вашингтон, пишува во соопштението. Наводно Меланија Трамп имала “мали проблеми“ за кои била потребна медицинска интервенција.

Меланија Трамп беше подложена на емболизација за лекување на бенигна состојба на бубрезите. Процедурата е успешно завршена и немаше компликации. Трамп се наоѓа во клиниката во Валтер Рид и се радува што ќе оздрави за да може да продолжи со својата работа со децата, пишуваа во соопштението.

Откажете се од ложите навики – чувајте ги бубрезите

Наташа Тасевска — Mon, 07 May 2018 11:54:05 +0000

Луѓето со најголем ризик од развој на бубрежни болести се оние со дијабетес, висок крвен притисок или генетски предиспозиции. Бубрезите се наоѓаат на двете страни на долниот дел од грбот, веднаш под ребрата. Нивната функција во телото е отстранување на отпадните материјали од крвта и регулирање на количината на течност во телото. Кога бубрезите се преоптоварени со токсини, може да се појави болест на бубрезите. Луѓе со најголем ризик од развој на бубрежни болести се оние со дијабетес, висок крвен притисок или генетски предиспозиции за бубрежна болест. Мажите обично имаат поголем ризик за развој на хронична бубрежна болест отколку жените.

На која храна треба да се и даде приоритет? Целерот, ренот, дајконот, ротквицата, традиционално се опишуваат како „прочистувачи на крвта“, а со тоа и оваа храна е пријателска за вашите бубрези. Комбинацијата на магдонос и целер служи како природен диуретик и е особено ефикасна при високи нивоа на урична киселина (регулирана од бубрезите). Брусницата и сокот од брусница содржат супстанции кои ја закиснуваат урината и го отежнуваат преживувањето на бактериите. При изборот на сок од брусница, треба да се одбере оној кој не е засладен, и најдобро е да се подготви од свежи боровинки. Екстрактот од корените на путерот и чајот од стапките помага во лачењето на отпадните продукти од бубрезите, а растението Ува, од кое се подготвува традиционалниот Увин чај, е одличен чистач на уринарниот тракт.

Исхраната за здрави бубрези треба да содржи голем дел од непреработена храна од растително потекло. Особено се препорачуваат лук, аспарагус, компир, целер, краставици, папаја, лубеница и банани. Во исто време, треба да пиете 8 чаши вода дневно, особено во летните месеци. Најдобро е да се одлучите за квалитетна изворска вода, а понекогаш е неопходно да се напиете и чаша минерална вода. Прекумерната храна од протеини од животинско потекло ги оптоварува бубрезите, па оттука треба да им се даде приоритет на висококвалитетни извори на протеини, како што се мешунките, грозјето и целите зрна. Иако тие се многу важни, многумина не водат премногу сметка за нив, а милиони луѓе умираат од бубрежна болест годишно. Ви ја претставуваме листата на работи кои треба да се избегнат ако сакате да ги одржувате бубрезите здрави.

Премалку вода: Ако не пиете доволно вода, тоа може да биде еден од најзначајните фактори за оштетување на бубрезите, бидејќи тоа се случува секој ден. Главната задача на бубрегот е да се ослободи од метаболичкиот отпад во телото и да се регулира балансот на електролити. Ако телото не е правилно хидрирано, протокот на крв се намалува, што резултира со акумулација на токсин во крвта.
Полна бешика: Многумина од нас имаат навика да го одложуваат одењето во тоалетот. Ако мочниот меур е полн со урина долго време, може да има различни компликации во уринарниот тракт. Мускулната хипертрофија е една од компликациите што може да доведе до дивертикулитис (создавање дупка или меур во телото). Хидронефрозата (зголемување на уринарниот притисок кај бубрезите) е уште една компликација што се должи на хроничен притисок на грбот на бубрезите. Инконтиненцијата е исто така една од сериозните последици од продолженото одложување на деплецијата на мочниот меур.
Премногу натриум: Преработката на натриум е уште една задача која ја врши бубрегот. Тоа е основен извор на натриум, а најголемиот дел од натриумот треба да се излачува од телото. Кога јадеме многу солена храна, бубрезите се силно оптоварени затоа што треба да извлечат голема количина на натриум, што на долг рок може да биде тешко за бубрезите.
Премногу кофеин: Кога сме жедни, често не стигнуваме за вода, туку за сокови и газирани пијалаци. Многу од овие пијалоци содржат кофеин. Кофеинот може да го зголеми крвниот притисок и врши притисок врз бубрезите и може да ги оштети. Според стандардите на клиниката Мајо, повеќето здрави возрасни лица можат да пијат две до четири шолји кафе дневно без да ги загрозат бубрезите.
Апчиња против болка: Tаблетите за болка и за мали нарушувања се лоши навики на повеќето луѓе. Повеќето лекови против болки имаат опасни несакани ефекти, можат да ги оштетат разните органи, а со тоа и бубрезите. Истражувањата покажаа дека долгорочната употреба на таблетите за болка го намалува протокот на крв и на тој начин ја намалува функцијата на бубрезите.
Премногу протеини: Премногу црвено месо и други протеини богата храна може дополнително да ја влошат состојбата на веќе оштетени бубрези. Храна богата со протеини во основа е здрава, но не и ако имате оштетени бубрези и лекарот ве советува да го намалите внесот на протеини. Премногу протеини ги влошуваат бубрезите.
Игнорирање на грип и настинки: Игнорирањето на обичната настинка и грип може да доведе до оштетување на бубрезите. Истражувањата покажаа дека луѓето со бубрежна болест исто така имаат навика да избегнат пауза кога се болни. Утврдено е дека луѓето со болни бубрези се почувствителни на временските промени.
Премногу алкохол: Кога пиеме алкохол, често не ни е гајле кое количество е добро за добро здравје. Пиењето прекумерно количество алкохол води до оштетување на бубрезите. Алкохолот содржи токсини кои можат да бидат штетни.
Избегнувајте цигари: Пушењето не само што го зголемува ризикот од заболување на бубрезите, туку исто така го зголемува и ризикот од мозочен удар и срцеви напади кај луѓе со хронична бубрежна болест.

Совет: Вежбањето е важен елемент за оптимално здравје на бубрезите. Активноста е одлична за здравјето на бубрезите, како и за целокупната благосостојба на целото тело. Сепак, избегнувајте напорна вежба ако веќе имате проблеми со бубрезите. Иако овие совети се главно за луѓе кои сакаат да ги заштитат своите бубрези, тие можат да бидат корисни за секој кој е заинтересиран за одржување на здрав начин на живот.

6 симптоми со кои вашето тело ве предупредува дека бубрезите ви се во опасност

Слободанка Илиева — Mon, 19 Mar 2018 10:16:26 +0000

Вашите бубрези се премногу важни за да ги запоставите. Овие природни филтри се лоцирани веднаш под градниот кош. Дали знаевте дека бубрезите филтрираат околу 9-140 литри крв дневно? Тие го отстрануваат „отпадот“ од телото, го подобруваат здравјето на коските, ја одржуваат рамнотежата на електролитите, го стабилизираат крвниот притисок и имаат влијание на производството на црвените крвни зрнца. Кога нешто не е во ред со вашите бубрези, вашето тело ќе ви даде знаци.

1. Урина

Вашата урина може да биде пенлива, темна, а може и да не одите многу често во тоалет. Некои луѓе уринираат во текот на ноќта и постојано чувствуваат потреба за мокрење. Други луѓе имаат изјавено дека имале проблеми со уринирањето или пак, пречесто оделе во тоалет.

2. Отоци

Понекогаш бубрезите не можат да го отстранат вишокот течности, па можете да завршите со разни отоци ширум целото тело.

3. Плитко дишење

Ова е чест симптом за проблем со бубрезите. Поради недоволното производство на црвени крвни зрнца се намалува и кислородот во телото. Ова се случува поради отрови во вашите бели дробови.

4. Осипи

Акумулацијата на отпади често води до осипи и чешање. Отпадот ја иритира вашата кожа и ја прави сува и нездрава. Лосионите нема да ви помогнат, па обидете се да го решите проблемот од корен.

5. Метален вкус во устата

Кога се собира отпад во телото, се менува и вашето сетило за вкус. Луѓето кои страдаат од ова имаат намален апетит и проблеми со вкусот.

6. Болка

Кога има проблем со бубрезите, можете да почувствувате и болка во овој предел. Може да станува збор за камења или пак, за некоја инфекција. извор:кафепауза.мк