брзо – Вистина.мк

Автопат на кој нема да бидете казнети ако возите побрзо од ограничувањето

Христина Ѓоргиевска — Thu, 28 Mar 2019 14:00:44 +0000

Autobahn или Bundesautobahn е национален германски автопат, кој е долг околу 13.000 километри. Се смета за најбрз автопат на светот, а воедно и најпознат, со оглед на тоа дека нема класично ограничување на брзината. Поточно, пред урбаните средини или на градилиштата, има табли со ограничување на брзината од 50 до 100 километри на час, но не е нелегално ако ги игнорирате, сè додека вашето возење не предизвика сообраќајна несреќа или не станете нејзин учесник. Од друга страна, може да добиете казна и до 375 евра, ако возите премногу блиску до автомобилот пред вас, а забрането е да се возат автомобили кои не можат да достигнат брзина од 60 километри на час. На рамните делови, каде нема ништо, се препорачува возење од 130 км/ч, но Германците ретко се придржуваат до тие препораки. Покрај тоа, тие сакаат да ја тестираат издржливоста на своите „лимени миленичиња“ и возат дури 200 км/ч. Ако се прашувате колку често се случуваат несреќи на овој автопат, одговорот е интересен - поретко отколку на гратските и селските патишта. Статистиката покажала дека бројот на несреќи на германските автопати од 70-те години, до 2010-та година, се намалиле за дури 80 отсто. Причината за ова е тоа што Германците на автопат ги пуштаат само најискусните возачи, но исто така бараат многу вештини позади воланот, пред на младите да им дадат возачка дозвола.

Подобрете ја Вашата врска многу лесно и едноставно!

Наташа Тасевска — Mon, 21 Jan 2019 13:45:14 +0000

Сите знаеме дека некогаш врските можат да бидат навистина комплицирани. Тие бараат многу труд, компромис и внимание. Дали чувствувате дека како што поминува времето, вашата врска станува се потешка? Ние можеби ќе можеме да ви помогнеме вам и на вашиот партнер со овие 8 совети.

Подржувајте го социјалниот живот на вашиот партнер

Иако се наоѓате во сериозна врска и ја планирате својата заедничка иднина, вие и вашиот партнер мора да го одржувате контактот со вашите пријатели. Една од најголемите грешки е негативниот став кон социјалниот живот на вашиот партнер. На сите им се потребни пријатели, па затоа обидете се да бидете полни со поддршка.

Останете активни и во добра форма

Дали го паметите почетокот на вашата врска кога активно го истражувавте светот заедно и деновите ви беа полни со интересни заеднички активности? Но, кога врската ќе ја достигне својата зрела фаза, нормално е да станете попасивни. Решение? Бидете поактивни како пар. Физичката активност повторно ќе ве зближи и ќе го подобри вашето здравје.

Бидете искрени

Клучот за успешна врска е во искреноста. Доколку не му кажете на вашиот партнер што ви пречи и не му дозволите истото и тој да го направи, тогаш вашата врска дефинитивно не се движи во вистинската насока. Решавањето на проблемите почнува откако ќе признаете дека тие постојат. Потоа следи искрен, смирен разговор и подобрување на вашиот однос.

Не бидете досадни

Многу врски не функционираат токму поради тоа што им се досадни на едниот или двајцата партнери. А ние сите знаеме колку е едноставно да ви стане досадно после толку многу години поминати заедно. Време е тоа да се смени. Гответе заедно, одете на часови по танцување, разговарајте за возбудливите спомени и повремено приредувајте изненадувања.

Држете го семејството подалеку од вашата врска

Многу е важно никогаш да не му дозволувате на семејството да се меша во вашата врска. Родителите многу често знаат да направат навистина голем проблем, па затоа најдете го вистинскиот баланс.

Секс

Факт е дека оние партнери кои многу ретко или никогаш не се интимни меѓу себе, го губат она нешто кое е потребно за добра и возбудлива врска.

Најдете начин да се ослободите од стресот

Животот е многу често стресен – голем број на обврски, притисок, очекувани и неочекувани настани кои негативно влијаат на нашето расположение. Најдете начин за ослободување од стресот – спорт, медитација, читање, музика или слично. На овој начин дефинитивно ќе го намалите бројот на меѓусебните кавги и ќе ја подобрите својата врска.

Бидете амбициозни

Кога се запознавте, и вие и вашиот партнер бевте амбициозни, полни со живот и со енергија, љубопитни и со високи цели. Со време овие карактеристики исчезнуваат, но вие мора да се трудите да ги задржите.

Забременете брзо и лесно

Наташа Тасевска — Thu, 20 Dec 2018 12:20:26 +0000

Кога се обидувате да забремените животот може да Ви биде забавен – секогаш имате изговор за да добиете љубов од партнерот. Додека многу парови мислат дека забременувањето трае само неколку денови, тоа всушност може да потрае подолго време. Полесно е да се каже отколку да се направи, се разбира, но здравата исхрана и здравиот начин на живот е навистина важен, ако сакате да ги зголемите шансите за забременување. Редовно вежбање и урамнотежена исхрана ќе им помогнат на Вашето тело да биде во топ форма. Јадете свежо овошје и зеленчук од различни групи на бои – тоа е лесен начин да бидете сигурни дека добивате клучни витамини и минерали во телото. Тоа значи дека треба да јадете боровинки, малини, пиперки, домати, листест зеленчук и марулки. Друга храна која би можела да ги подобра Вашите шанси за забременување е храна богата со цинк – како остриги. Фолната киселина е првото нешто кое се зема во текот на бременоста, но е исто така важна за жените кои се обидуваат да забременат. Храна во која има фолна киселин ае брокулата и спанаќот. Обидете се да вклучите два млечни оброци во исхраната секој ден, но бидете сигурни да ги балансирате со многу овошје и зеленчук. Идејата е да се добијат придобивки од различни групи на храна во еден ден. Земајте витамини Постојат неколку клучни хранливи состојки кои му се потребни на Вашето тело за да забремените. Тоа се следните витамини, кои треба да продолжите да ги земате и во бременоста: Витамин Е, Цинк, Бакар, Калиум, Витамин А, Витамин Ц, Витамин Д, Витамин Б6, Рибофлавин, Ниацин. Правилна телесна тежина Ако сте прекумерно тешки или многу слаби, може да ги намалите Вашите шанси за забременување. Со прекумерната тежина се зголемуваат шансите за висок крвен притисок и дијабетес во текот на бременоста, а може да се појават и други компликациии. Никогаш не се ставајте на неразумни диети со цел да ја изгубите тежината, сето тоа треба да се направи разумно и во консултација со Вашиот гинеколог. Детоксикација Да, добро слушнавте. Тоа старо и не многу забавно нешто. Постојат неколку начини со кои можете да направите детоксикација на организмот, оставете ги цигарите и алкохолот. Пиење на една чаша црвено вино е во ред, но тоа треба да се намали на 1-2 пати неделно. Истото важи и за Вашиот партнер, цигарите и алкохолот влијаат на квалитетот на неговата сперма. За цигарите е докажано дека имаат директна врска со намалувањето на плодноста кај мажите и жените. Кофеин Жените кои пијат повеќе од 4 кафиња на ден, ги намалуваат своите шанси за забременување на 26%. Сепак, не треба да се чувствувате виновни ако се напиете филџан утринско кафе. Но не претерувајте! Имајте редовен секс Колку често треба да се води љубов за да се добие позитивен тест на бременост? Според една анкета, просечна двојка треба да има 104 сексуални односи, за да зачне. Тоа можеби звучи како голема бројка, но може да Ви биде возбудливо во секој момент и на секое место да се обидувате да забремените. И не заборавајте: не трчајте да се туширате веднаш по сексуалниот однос, лежете со партнерот гушнати – тоа ќе Ве натера да се чувствувате убаво и двајцата, а најважно од се, ќе ја задржите спермата подолго во Вашето тело. Познавајте го Вашиот циклус Повеќето лекари се согласуваат дека овулацијата кај жените се случува на две седмици од првиот ден на менструалниот период. Додека сперматозоидите можат да живеат 7 дена во внатрешноста на матката, јајце клетките имаат многу пократок животен век – живеат околу 24 часа. Но тоа не треба да Ве спречи да поминете незаборавни денови на љубов и во другите денови од периодот. Рековме, колку повеќе, толку подобро. Посетете го Вашиот лекар Ако активно се обидувате да забремените, можеби е време да го посетите Вашиот лекар. Можете да дискутрате за проблемите кои ги имате и да добиете совети за начинот на живот и правилната исхрана. Сигурно дека ќе добиете совет да ги откажете цигарите и алкохолот, но не е страшно, се за бебето, нели? Подобрете ја здравствената состојба на Вашиот партнер Кога станува збор за забременување, здравјето на Вашиот партнер е исто толку важно колку и Вашето. Исто како и Вас и партнерот треба да се грижи за здравата исхрана и да размислува за вежбање. Исто така може да зема витамин Ц и витамин Е за поздрава сперма и побрзи „пливачи“. Нека Вашиот партнер исто така ги минимизира шансите за стрес, или барем да посети лекар кој ќе изнајде најдобар начин за справување со стресните ситуации во животот.

По тешката сообраќајка се огласија и соседите на Дарко Лазиќ: „Не е првпат да вози толку брзо“

Христина Ѓоргиевска — Wed, 24 Oct 2018 09:15:33 +0000

Српскиот пејач Дарко Лазиќ вчера доживеа тешка сообраќајна несреќа и итно е пренесен во болница. Лазиќ излетал од патот, а неговиот автомобил се превртел неколку пати. Здравстевната состојба му е стабилизирана, но докторите не даваат прогноза за негово оздравување. Соседите на Дарко велат дека ова не е првпат како пејачот вози толку брзо.

„Не знам како се случило и каде бил. Неговите родители и свршеницата заминаа во болница и верувам дека се ќе биде како што треба“, вели бабата на пејачот. Соседите на Дарко во Брестач, каде што има куќа велат дека не се изненадени бидејќи пејачот бил познат по брзо возење. „Ова не е првпат да вози многу брзо. Не знам зошто вози брзо, дали е автомобил или мотор. Беше во прашање време кога ќе се случи вакво нешто“ вели еден од соседите и додаде: „Дарко не вози, тој лета“. Сосетка на пејачот низ солзи изјави: „Дарко е добро момче. Не знам зошто не се грижи. Требаше да се ожени...Се надевам дека брзо ќе оздрави“, вели сосетката. Фолк пејачот доживеа сообраќајна несреќа во близина на својот роден крај, а како што пренесуваат медиумите немал возачка дозвола.