брза кујна – Вистина.мк

Шеф Марк пред камери проговори дека со шеф Никола не се во добри односи: „Таков човек игнорирам комплетно“ (видео)

Слободанка Илиева — Thu, 22 Feb 2024 06:48:27 +0000

Поминаа доста време откако шеф Марк де Јонг не е дел од кулинарското шоу „Брза кујна“ каде беше цели седум сезони, а на негово место дојде шеф Бобан. Марк набрзо потоа се впушти во нов телевизиски прект насловен „Авантурите на Марк“, кој патем одлично му оди, но темата „Брза кујна“ никако да олади. Кога Марк го напушти шоуто од каде го запознаа и засакаа гледачите, оние кои се инволвирани во проектот беа со резервирани изјави околу тоа зошто шеф Марк заминал, па дури и самиот тој тогаш не ја кажа јавно причината за занимувањето. Тогаш само шеф Никола Мишковски со кого беа нераздвојни приватно и пред камери изјави дека му било чест и задоволство да работи со колегата Марк. -После седум успешни сезони, после 1400 емисии, околу 6000 различни рецепти и многу интересни моменти, патиштата ни се разделија. Шеф Марк, ми беше чест и задоволство и предизвик да работам и снимам со тебе. Остави со сигурност голем печат во „Брза кујна“, но сигурен сум каде и да одиш ќе бидеш победник и еднакво успешен. Еј стрико, остаревеме заедно (се смее). Вака се започна, пишуваше тогаш Никола објавувајќи фотографија каде држи списание каде на насловната страница е шеф Марк. Помина време, Марк почна со новите снимања, па реши и јавно да прозбори каде „лежи зајакот“, а исто така и да покаже дека за него не згаснала ниту љубовта за пред камерите, а најмалку за готвењето кое е негова примарна пасија и професија. -Се случија некои осцилации во односот на екипата кон мене. Ситуации и зборови кои премногу ме повредија, ми ја одземаа енергијата и креативноста, не се чувствував повеќе среќен, а кога не си среќен, треба нешто да смениш, нели? Без љубов и позитивна енергија нема успех. Затоа и одлучив дека ми е потребен нов предизвик, нешто ново“, искрен беше и тогаш Марк во интервјуто за Арткујна.мк. И таман кога помисливме дека „манџата е ладна“ , повторно се огласи Марк, нешто подиректен во емисијата на Јутјуб „Ти реков, ми рече“ кај Давид Давидовски кој повторно ја начна темата и парша дали се скарани со Никола? -Не сакаран, игнорирам комплетно. Таков човек за мене... Си го покажа вистината, за мене доволно ми беше и доста, се става крај и не се продолжува. Он си знае, јас си знам, вели Марк, резервирано но со јасна слика за тоа дека зачините во односот меѓу нив едноставно не се мешаат. Што конкретно кажа Марк погледнете во продолжение:

View this post on Instagram

A post shared by DAVID DAVIDOVSKI (@davidovski_icon)

фото:Facebook/ Mark De Jong/ beza kujna

Неодамна беше откриено кој се гоштава од специјалитетите во „Брза кујна“, а еве што навистина се случува кога ќе се исклучат камерите (видео)

Слободанка Илиева — Fri, 16 Feb 2024 10:23:52 +0000

Секој работен ден гледачите на телевизија Сител имаат прилика веќе осум сезони наназад да го гледаат едно од најпопуларните кулинарски шоуа кај нас, „Брза кујна“. Кандидати за учество кои сакаат да готват заедно со шефовите Никола и Бобан има постојано, па има дури и такви кои сакаат повторно да бидат дел и да ги покажат своите вештини пред камери.

View this post on Instagram

A post shared by Сања Савеска (@sanja_saveska)

Пофалби и забелешки во коментари на социјалните мрежи секогаш има, што логично се надоврзува за ова што го прават. Исто така прашања секогаш има, а домаќинката Сања неодамна на својот Инстаграм профил им го откри долгопоставуваното „кој го јаде приготвеното од шефовите?“. Тоа се учесниците, екипата од снимањето и секој што ќе се најде пред трпезата. Откриено е и дека не се снима секој ден, туку три епизоди одеднаш. Дилема остана за тоа што се случува кога камерите ќе се исклучат, но и тоа беше не е под знак прашалник. Имено, виновник за тоа е попвторно Сања, но овој пат во спој со шеф Никола покажаа дека баш им е забавно кога ќе се исклучат камерите, а тие се подготвуваат за следното снимање. Кога работата ти е задоволство тоа изгледа вака:

View this post on Instagram

A post shared by Сања Савеска (@sanja_saveska)

фото: instagram printscreen/ sanja_saveska and nikola_mishkovski

Никогаш поискрен коментар за рецепт во „Брза кујна“: Сања реши да го проба специјалитетот, па кажа – „Што ви правам за вака да ме раните?!“ (видео)

Слободанка Илиева — Fri, 09 Feb 2024 09:03:16 +0000

Секој работен ден гледачите на телевизија Сител имаат прилика веќе седум сезони наназад да го гледаат едно од најпопуларните кулинарски шоуа кај нас, „Брза кујна“. Кандидати за учество кои сакаат да готват заедно со шефовите Никола и Бобан има постојано, па има дури и такви кои сакаат повторно да бидат дел и да ги покажат своите вештини пред камери. Правила за возраст нема, па секојдневно можеме да видиме и од помладите и од повозрасните учесници во тимот на пиперките и доматите. Откако со помош на шефовите ќе се погдотви замислениот рецепт, следува дегустација и коментар за финалното дело. Предјадење, главно јадење и десерт, од сe’ да се проба по некој залак и да се даде оценка, која секогаш е пофална. Сепак, во едно од последните изданија се случи преседан, а виновникот за тоа беше водителката Сања Савеска. Специјалитетот за главно јадење беше пилешко со банана и афинон, од кое проба учесникот, ама со голема доза на скептицизам тоа го направи и Сања. Таа откако проба на шефовите им кажа „ Што ви правам за да ме раните вака“, па побара од натпреварувачот и тој да даде искрен коментар за необичната комбинација, но тој за разлика од Сања беше задоволен. На крај водителката реши да оди кај шеф Бобан и да проба од дрпчето кое тој го зготвил, а за бананата и пилешкото каже дека следната емисија ќе појасни како поминала со сензитивноста на стомакот. Следната емисија Сања беше на позиција и со дополнителен духовит коментар дека преживеала. Како изгледаше овој позитивен хаос погледнете во продолжение: фото: Facebook/ Брза Кујна - Сител Телевизија

Сања ги реши дилемите на гледачите за тоа што се случува зад камерите на „Брза кујна“: Еве кој го јаде зготвеното на крај, а нејзе не секогаш и е до смеење (фото)

Слободанка Илиева — Tue, 06 Feb 2024 09:10:43 +0000

ТВ водителката на „Брза кујна“ Сања Савеска се почесто почна да биде расположена и отворена за комуникација со фановите и следбениците на социјалната мрежа Инстаграм. Меѓу големиот број обожаватели се оние од кулинарското шоу кои пак секогаш имаат прашање повеќе за Сања, такви поврзани со емисијата, но и оние за нејзината приватност. Овој пат од повеќето се издвоија оние за „Брза кујна“, па меѓудругото Сања им ја реши дилемата за тоа кој ги јаде специјалитетите на шеф Никола и Бобан кога камерите ќе се исклучат. Одговорот беше дека таа привилегија ја имаат учесниците, екипата на снимањето, па и секој ќе се најде таму,а е гладен или сака да проба. Следеше прашање и за тоа дали секој ден се прават снимањата, на што Сања појасни дека тоа не е нивниот ритам, туку понекогаш практикуваат да снимаат и по три емисии наеднаш. Во „Брза кујна“ секогаш зрачи позитивната енергија која разбирливо мора да ја има. Сепак, како живи луѓе на сите не секогаш ни е денот, па така и на Сања која вели дека енергија мора да најде за да се смее и кога не и е до смеење. Откри и детали од приватноста меѓу кои беше и тоа дека сака да се вози на мотрор, а најдиолгата дестинација на која била на две тркала е илјада километри. За крај следеа и пофалбите и пораките да продолжи да блеска, а таа во прилог им прати токму една таква блескава фотографија. Комплетно светкава, но со најубавиот аксесоар на себе - насмевката! фото:Instagram printscreen/ sanja_saveska

Сања Савеска повторно со„лажна узбуна“: Водителката на „Брза кујна“ годинава по втор пат во венчаница, ама никако да стане невеста?! (ВИДЕО)

Антонио Димитриевски — Fri, 27 Oct 2023 08:58:21 +0000

Сања Савеска несомнено се покажа како најдобриот избор до сега за водителката на најзабавното кулинарско ТВ шоу„Брза кујна“, во кое можеби нема полни раце работа, ама затоа има полна уста зборување во секое издание! До душа понакогаш знае и да помогне, патем учејќи ги домаќинските работи од искусните шефови ио секако од вештите гости. Арно ама кога е оноа вистинското „одомаќинување“ во прашање, шармантната водителка никако да ја видиме како „домаќинка со тапија“. Не дека нема избрано добра партија, напротив, Сања со години е во долга врска, ама никако да застане пред матичар и олтар. Имено, уште на почетокот на годинава, некаде околу Божиќните празници Сања ја видовме сликана променета во венчаница. И таман сите се понадеваа дека водителката сака да ја изненади јавноста, а веројатно и израдува пошироката фамилија, излезе дека сите се „јанглаш“! Водителката навистина изгледа преубаво во невестинскиот фустан, во венчаницата која на Сања Савеска прекрасно и стои, арно ама… излезе дека е само за реклама?! Водителката кажа ДА ама само за потребите на снимањето промотивна невестинска фотосесија со познатиот уметнички фотограф и режисер на видеоспотови Дарио Јанковиќ. Деновите минуваа, измина речиаси и годината кога Сања Савеска еве ти ја повторно во венчаница! Овој пат белким навистина ќе биде невеста, се израдуваа блиските, пријателите и ТВ гледачите што ја следат и обожаваат, арно ама... Сања Савеска повторно „ги изненади“ со„лажна узбуна“. Снимката која таа ја објави на социјалните мрежи веднаш привлече големо внимание, па многумина помислија дека водителката конечно ќе застане на лудиот камен. Арно ама, познатата ТВ дама овој пат не снимала реклама, ама затоа снимала најава во невестинска венчаница, дека токму таа ќе биде домаќинка и водител на престојниот саем за венчавки “Wedding Expo-Skopje” кој ќе се одржи од 23. до 25. февруари следната 2024 година. Така што, водителката на „Брза кујна“ годинава по втор пат во венчаница, ама никако да стане невеста?! Така барем вели самата во објавата:

View this post on Instagram

A post shared by Сања Савеска (@sanja_saveska)

„Традиционално и оваа година се одржува далеку препознатливиот “Саем за Венчавки”. Јас оваа година не облекувам венчаница, но ќе бидам домаќин и водител и ќе уживам во убавината на свадбените декорации и венчаници но и на целосниот гламур на “Wedding Expo-Skopje” од 23-25 февруари“ - напишала Сања. Или тоа и е само финта, за да ја заташка свадбата? Зашто вели: „...Годинава не облекувам венчаница...“, а годинава кога ќе го води најавениот ивент ќе биде веќе помината. Па кој знае, можеби токму 2024-тата ќе биде годината на одлука Сања Савеска конечно да го каже судбоносното - ДА? Фото: Инстаграм и Фејсбук/sanja_saveska

Сања Савеска покажа како изгледа „готвачка брканица“ во најгледаното кулинарско шоу: Кому „му гори“ во „Брза кујна“? (ВИДЕО)

Антонио Димитриевски — Thu, 22 Jun 2023 08:27:48 +0000

Водителката на „Брза кујна“, Сања Савеска, гледачите секој работен ден ја следат како домаќинка на популарното кулинарско ТВ шоу за готвење. Секогаш насмеана, позитивна, ведра и енергична пред камери, каде е заедно со шефовите Никола и Бобан на кои додека тие се во трка со времето таа им сугерира, повремено помага и најмногу објаснува и коментира, што и е и примарна улога. Каква домаќинка е дома, дос ега никој јавно се изјаснил, пофалил, ниту пожалил, ама затоа каква е како ТВ домаќинка сите можат да видат. Водителска улога создадена „по рецепт“ како за неа, во која до сега најдобро се пронајде и најмногу „и легна“! Од друга страна пак готвењето, особено ова „набрзина“ на двајцата шефови оддамна „им е легнато“, иако сепак понекогаш во трката со минутите кои немилосрдно течат додека тие ги подготвуваат своите специјалитети, знаат да се случат разни непредвидени случки. Смешни секако, иако на некого од нив во поедини ситуации кога „ептен ќе им загусти“ па и не им е баш до смеа. Една таква се случи неодамна, кога во шоуто т5ечеа последните секунди, а сслаткиот сос, односно карамелизираниот шербет се уште вриеше на шпоретот. Во тркјата со времето „му вриеше“ и на еден еден од шефовите, па додека Сања ги правеше „финалното одбројување“ во целата таа „готвачка брканица“ дојде до солидарна или поточно „прва помош“ од едниот за другиот шеф. Од оној кој веќе си ја завршил работатат и беше готов со подготовката на оброкот на денот, за оној на кој „му гореше“... под нозе! Среќа од целата таа „бркотница“ никој не излезе „попарен“ иако... малку фалеше! Како изгледаше „готвачката брканица“ во најгледаното кулинарско шоу и кому „му гореше“ во „Брза кујна“, покажа водителката Сања Савеска во споделеното видео на својот Инстаграм!

View this post on Instagram

A post shared by Сања Савеска (@sanja_saveska)

Фото: Инстаграм принтскрин/sanja_saveska

Од „Брза кујна“ јавно бараат народен лек за проблемот на водителката Сања: Фановите имаа решение, ама и куп забелешки (фото)

Слободанка Илиева — Wed, 17 May 2023 07:45:53 +0000

ТВ водителката на кулинарското шоу „Брза кујна“, Сања Савеска, гледачите секој работен ден ја следат како домаќинка на популарното шоу за готвење каде е заедно пред камерите со шефовите Никола и Бобан. Оние кои се во трка со времето и снаодливоста во кујната, се учесниците и шефовите, додека Сања е онаа која им сугерира за изминатите минути, а понекогаш и асистира во подготовката на спцецијалитетите. „Брза кујна“ има осум сезони зад себе и е едно од најгледаните кулинарски шоуа во Македонија. Интерес за учество секогаш има, а фановите се во редовна интеракција со одговорните од шоуто преку социјалните мрежи. Па така, деновиве на Фејсбук осамна објава, односно барање на сугестија од „Брза кујна“ за засипнатото грло на водителката. Одговори со решение во коментари имаше до недоглед, а верните фанови се покрижија преку народни лекови, од мешпавини со сол, ракија, шеќер и што ли уште не да и го најдат чарето на Сања. Проблемот на Сања веројатно е решен, но следбениците имаа и сугестија за промени во поглед на униформата на асистентите, однопсно освен престилка, да носат и горватски шапки, а да не бидат со пуштени коси. Барањата беа обострани, фановите ги исоолнија за лекот за Сања, а дали ќе го прифатат брањето од другата страна останува да видиме... фото:Фејсбук/Брза кујна принтскрин

„Премногу ме повредија!“: Без љубов не се готви, а тоа бил и главниот зачин коj му недостигал на шеф Марк во „Брза кујна“ (фото)

Слободанка Илиева — Fri, 24 Feb 2023 09:19:57 +0000

Поминаа неколку месеци откако шеф Марк де Јонг не е дел од кулинарското шоу „Брза кујна“ каде беше цели седум сезони. Тогаш оние кои се инволвирани во проектот беа со резервирани изјави околу тоа зошто шеф Марк заминал, па дури и самиот тој тогаш не ја кажа јавно причината за занимувањето, но се досега. Откако од неодамна започна нов ТВ проект, тој реши и јавно да прозбори каде „лежи зајакот“, а исто така и да покаже дека за него не згаснала ниту љубовта за пред камерите, а најмалку за готвењето кое е негова примарна пасија и професија. -Се случија некои осцилации во односот на екипата кон мене. Ситуации и зборови кои премногу ме повредија, ми ја одземаа енергијата и креативноста, не се чувствував повеќе среќен, а кога не си среќен, треба нешто да смениш, нели? Без љубов и позитивна енергија нема успех. Затоа и одлучив дека ми е потребен нов предизвик, нешто ново“, искрен е Марк вол интервјуто за Арткујна.мк. Она што моментално го работи Марк де Јонг е нов телевизиско кулинарски проект насловен „Авантурите на Марк“. Баш како што е насловена неговата емисија, тој тргна во мисија да ја истражува Македонија, тадицијата, рецептите и нашата кујна за која отсекогаш знаел да каже дека му оставила силен впечаток. Непосреден, дружељубив, креативен и инспоративен за нешто ново и поинакво како во случајот. „Авантурите на Марк се реализираат со мала екипа со која соработува, најголема поддршка му е сопругата Василка, а едно сино „Фиќо“ модифицирано.во електрично, е превозното средство со кое патува низ земјава. ТВ проектот кој не е нешто ново, а сме го виделе на странските канали, но сепак е оригинално за наши простори. Истото е поставено на Јутјуб и Телма телевизија. Новина кај Марк е тоа што неодамна со госпоѓа Василка патуваа во Обединетите Арапски Емирати, а се вселија и во нов дом во скопско Сопиште. Нови авантури, нови зачини со многу љубов од кои не се сомневаме дека ќе се сервираат извонредни специјалитети. фото:Инстаграм принтскрин/Јутјуб/Фејсбук

Водителката на „Брза кујна“ доби понуда што не се пропушта, па стана невеста: На Сања Савевска венчаницата прекрасно и стои, арно ама… само на реклама? (ФОТО)

Антонио Димитриевски — Mon, 09 Jan 2023 08:02:22 +0000

Водителката на најзабавното кулинарско ТВ шоу, Сања Савевска која се покажа како можеби најдобриот избор до сега за оваа позиција во проектот „Брза кујна“, можеби нема полни раце работа, ама затоа има полна уста зборови во секое издание! Вредно и посветено, со многу забава, Сања ги води и учесниците и ТВ гледачите низ шоуто, кореспондира со нив и им помага и ним и на шефовите, секако колку може, знае и умее… Со текот на времето и санта учи, па многумина кои ја познаваат велат дека Сања веќе оддамна е „печена“да стане „домаќинка со тапија“. Односно да застане пред олтар, со оглед на фактот што е во сериозна врска, но се' уште не запловила во брачните води! Така беше се до Божиќните празници во Новата 2023-та, кога водителката сите ги изненади со најновата објава на социјалните мрежи, на кои Сања Савевска се појави сликана во венчаница. Имено на нејзиниот Фејсбук и Инстаграм профил осамнаа фотографии на кои насмеаната убавица е фотографирана во невестинска венчаница! Фото-пози кои ги изненадија, но и израдуваа нејзините блиски пријатели и многубројните обожаватели, особено оние од ТВ екраните кои веднаш помислија дека Сања конечно ја доби честа да ста не невеста. До душа на фотографиите водителката навистина изгледа прееубаво во невестинскиот фустан, во венчаницата која на Сања Савевска прекрасно и стои, арно ама... само на реклама?! За жал на оние, кои прерано се израдуваа! Имено, водителката на „Брза кујна“ добила понуда што не се пропушта, па стана невеста за потребите на снимањето промотивна фотосесија со познатиот уметнички фотограф и режисер на видеоспотови Дарио Јанковиќ. „Паричката не ми се падна и оваа година, но сепак добив одлична понуда која не се пропушта! Кажав ДА за промотивна фотосесија за General Luxury Wedding Studio. Единствената продукција која ќе ги овековечи Вашите најсреќни моменти со високо квалитетна филмска техника, водена од острото и професионално око на единствениот Дарио Јанковиќ и неговиот супер фантастичен тим! Отсега па натаму не размислувајте кој ќе ги направи вашите свадбени фотографии. Резервирајте си навреме термин за ваква филмска фотосесија “ - напишала Сања покрај споделената серија невестински фотографии на социјалните мрежи. Дали сето ова сепак не е баш случајно, па водителката сакаше нешто што следува годинава да најави меѓу редови со последните објави? И дали со ваквата своевидна „генерална проба“ таа за себе веќе си резервирала термин за ваква филмска фотосесија, зашто денот на нејзината венчавка е во наближувачка прогресија, останува годинва да видиме. Како и да е две работи се сигирни: Кога ќе дојде денот Сања Савевска ќе биде преубава невеста, а ваквата реклама може да биде одлична најава за вистинска свадба... А и време е, зарем не?! Конечно кога си посакуваше желба за Нова Година и самата рече дека... „Дедо Мраз си знае“! Дали тоа значи дека водителкета покрај рекламната, ќе добие и „вистинска (брачна) понуда која не се пропушта“, останува да видиме годинава! Белким има некој... кој си знае?!

View this post on Instagram

A post shared by Сања Савеска (@sanja_saveska)

Фото: Инстаграм и Фејсбук принтскрин/sanja_saveska

Започна снимањето на новата сезона на „Брза кујна“ без шеф Марк: Водителката Сања и шеф Никола позираа со новиот готвач (фото)

Слободанка Илиева — Thu, 25 Aug 2022 07:19:47 +0000

Пред крајот на летото веќе започна снимањето на осмата сеозна на популарното кулинарско шоу „Брза кујна“ кое се емитува на телевизија Сител. На своите позиции се водителката Сања Савеска и во тимот на доматите веќе препознатливиот шеф Никола. Како што претходно беше објавено, шеф Марк повеќе нема а биде дел од шоуто и се насочува кон нови предизвици. На негово место веќе има нов шеф кој пак го прифати предизвикот да биде нов пред камерите и замена за Марк.

View this post on Instagram

A post shared by 🅂🄰🄽🄹🄰 🅂🄰🅅🄴🅂🄺🄰 🌺 (@sanja_saveska)

Како што споменавме, снимањата започнаа во студиото на телевизија Сител, а водителката Сања ја објави првата фотографија со новиот шеф. Интересно беше тоа што идентитетот на главниот од тимот на пиперките засега останува мистерија, бидејќи шефот се фотографираше со хартиена кеса на главата, па неговиот лик остана непознат.

View this post on Instagram

A post shared by 🅂🄰🄽🄹🄰 🅂🄰🅅🄴🅂🄺🄰 🌺 (@sanja_saveska)

За потсетување, досега во „Брза кујна“ во неколку емисии имаше засилување од шефовите Бобан и Фиќо, а се смени и водителката Александра Илиевска на чие место дојде Сања Савеска. Кој ќе биде новиот шеф, останува да почекаме до почетокот на новата сезона. фото:Инстаграм