бруклин бекам – Вистина.мк

Синот на Бекам мета на потсмев поради новата тетоважа: „Треба да се затвори тој што му го направил ова!“ (фото)

Слободанка Илиева — Fri, 24 Mar 2023 09:49:15 +0000

Синот на поранешниот фудбалер Дејвид Бекам, Бруклин Бекам, ја покажал тетоважата од својата сопруга Никола Пелц во емисијата „The Jennifer Hudson Show“. Бекам истетовирал фотографија од својата сопруга Никола на десното рамо и гордо ја покажал среде емисија, соблекувајќи ја маицата. Тоа е само една во низата тетоважи кои Бруклин ги има, а тврди дека нивниот број е помеѓу 80 и 100. Но, на луѓето баш и не им се допаднала тетоважата со лицето на сопругата, за која Бруклин вели дека е последна во низа која ја направил. „Има милиони на банкарската сметка, а тетоважата му изгледа како да му ја правел некој во камп-куќичка“, „На мама Викторија сигурно ѝ се допаднал цртежот“, „Малку е неуредна“, „Треба да се затвори тату артистот кој го направил ова“, „Типот има околу 70 тетоважи посветени на таа жена“, гласат дел од коментарите на Твитер. Некои дури забележале и интересна тетоважа под онаа од Никола. „Оставете ја тетоважата од Никола, погледнете под неа. Има истетовирано сидро на кое пишува 'тато', како Дејвид Бекам да бил член на морнарицата“, се пошегувал еден Твитерџија. фото:принтскрин Јутјуб

Некогаш беше фотограф, а сега е готвач: Бруклин Бекам гради „кариера“ на социјалните мрежи (фото)

Слаѓана Атанасова — Wed, 14 Dec 2022 12:13:32 +0000

Синот на Дејвид и Викторија Бекам упорно се обидува да изгради кариера, а луѓето на социјалните мрежи секогаш го пречекуваат со навреди и потсмев. Бруклин Бекам, некогаш фотограф, а сега готвач, повторно беше исмеан на социјалните мрежи поради неговата „кариера“. Синот на поранешниот фудбалер Дејвид Бекам и модната дизајнерка Викторија Бекам неодамна одлучи дека кујната ќе биде неговиот живот, а со своите следбеници на социјалните мрежи често споделува туторијали за јадења кои ги обожаваат неговата сопруга Никола Пелц и тој. Откако корисниците на Инстаграм го задеват затоа што најчесто прави сендвичи, што не е премногу кулинарски предизвик, Бруклин сега реши да оди чекор понатаму. Реакциите сѐ уште не се сјајни бидејќи - направил салата од туна и сварил шпагети. Меѓу воодушевените беше и тениската ѕвезда Серена Вилијамс, која на шега го праша дали може да наврати, но на повеќето луѓе на интернет им е комично тоа што младиот Бекам мисли дека е готвач.

View this post on Instagram

A post shared by @brooklynpeltzbeckham

Бруклин исто така неодамна беше повторно мета на потсмев кога рече дека сака да експериментира кога прави пијалоци, а потоа направи џин тоник од - џин и тоник. „Сè уште не можам да сфатам дали Бруклин Бекам се шегува или неговите менаџери се шегуваат со него“, „Тој не сака да биде готвач туку само да се снима“, „Очекува да го почитуваме како готвач, а во животот немал обука, само се разбудил еден ден со желба да се снима додека прави сендвич“... се дел од коментарите.

View this post on Instagram

A post shared by @brooklynpeltzbeckham

Фото:Инстгарам/Бруклин Бекам

Го направија резил, но секоја чест за трудот: Синот на Бекам сакаше да се пофали дека знае да прави домашна пица, ама пукна срам (видео)

Слободанка Илиева — Fri, 26 Aug 2022 11:01:48 +0000

Бруклин Бекам, најстариот син на Дејвид и Викторија Бекам, веќе извесно време споделува видеа на својот инстаграм-профил на кои подготвува различни јадења, но судејќи по коментарите, неговите следбеници не се многу воодушевени од неговите кулинарски вештини. 23-годишниот син на познат фудбалер сè уште го бара својот професионален пат, а во последно време се занимава со кулинарска уметност. Сега во објава на својот инстаграм-профил ја покажа својата вештина во правење домашна пица, а многумина не беа задоволни од исходот.

View this post on Instagram

A post shared by @brooklynpeltzbeckham

Во видеото, Бруклин ги меша вообичаените состојки за тесто – брашно, квасец и маслиново масло со чаша вода. Додека чекаше тестото да нарасне, го направи сосот од домати и ги испржи печурките. Откако ги нареди состојките и ја испече пицата, ја украси со ливчиња босилек. „Сериозно? Конзервираните домати и свеж лук се основата за вашиот сос?“, „Оваа пица изгледа ужасно“, „Ова не е доволно испечено“, „Едноставно престани“, се дел од коментарите на следбениците кои го критикуваа неговиот кулинарски потфат.

View this post on Instagram

A post shared by @brooklynpeltzbeckham

Сепак, на некои луѓе им се допадна неговата пица и му рекоа дека станале гладни откако го гледале видеото. Некои дури го советуваа дека можеби треба да отвори посебен профил каде ќе објавува само содржини од кујна. Неодамна, Бруклин го запозна популарниот тиктокер Даниел Мек, кој е познат по тоа што оди по улица случајно барајќи возачи на скапи автомобили и ги прашува што прават во животот за да си го дозволат тоа. Кога се сретнаа, Бруклин се возел низ Беверли Хилс со неговиот црвен Мекларен П1. Кога Мек го праша како заработува за живот, Бруклин му одговори дека е готвач. „Се трудам да бидам. Само следете ја вашата страст. Што и да ве прави среќни, само продолжете да го правите тоа“, додаде тој. Мек објави видео од таа средба, а многумина напишаа негативни и саркастични коментари за младиот богаташ. Автомобилот што го возел Бруклин чини 1,2 милиони долари и произведени се само 375 примероци од тој автомобил во светот. фото:Инстаграм

Наместо таа, синот на Бекам потпишал предбрачен договор, бидејќи нејзиното семејство тежи многу повеќе – еве кој е таткото на идната снаа на Бекамови

Riste Zdravkov — Tue, 05 Apr 2022 09:49:47 +0000

Бруклин Бекам, синот на фудбалскиот ас Дејвид Бекам и модната дизајнерка Викторија Бекам, наводно, потпишал предбрачен договор пред неговата венчавка со богатата наследничка Никола Пелц, закажана за овој викенд. 23-годишниот Бруклин и 27-годишната актерка треба да се венчаат на 9 април, а медиумите пренесоа дека забавата ќе чини 3 милиони фунти (5,3 милиони долари). Имајќи предвид дека богатството на нејзиниот татко Нелсон е многу поголемо од на родителите на Бруклин, доколку парот се разведе, нивниот сопствен имот ќе биде заштитен.

View this post on Instagram

A post shared by 𝓃𝒾𝒸𝑜𝓁𝒶 (@nicolaannepeltz)

Според „Мејл он сандеј“, богатството на родителите на Бруклин, Дејвид и Викторија, е проценето на 380 милиони фунти, а на таткото на идната невеста, Нелсон Пелц, на 1,3 милијарди фунти.

View this post on Instagram

A post shared by 𝓃𝒾𝒸𝑜𝓁𝒶 (@nicolaannepeltz)

Веста за потпишувањето доаѓа во екот на подготовките за церемонијата и забава, вредна 3 милиони фунти, во замокот на семејството Пелц во Палм Бич, Флорида.

Додека сите ја чекаат свадбата на деценијата, Бекамови го оженија синот во тајност?

Христина Ѓоргиевска — Tue, 16 Feb 2021 09:17:33 +0000

Откако Бруклин Бекам ја запроси својата девојка Никола Пелц, јавноста со нетрпение ја очекува свадбата на деценијата. Сепак, еден детаљ разбуди сомнежи дека Бекам кажал судбоносното „да“ во тајност и дека нема да има ништо од гламурозна свадба. Гласините започнаа кога папараците го фотографирале Бруклин со прстен кој наликува на бурма.

View this post on Instagram

A post shared by @brooklynbeckham

Тие го уловиле додека купувал прехранбени производи, а прстенот на раката дополнително се истакнувал. Фановите започнаа да шпекулираат дека тајно се оженил. Бидејќи се забранети собирања и прослави поради коронавирусот, парот ќе почека да направи гала свадба. Изгледа тие одлучиле во тајност да стапат во брак, а за прослава ќе мора да почекат и некои подобри денови. Бекамови не се огласија по овие пишувања

Венчавката на синот на Бекамови е откажана, а згора на тоа и родителите почнаа да им се мешаат на младите

Слободанка Илиева — Wed, 28 Oct 2020 11:45:27 +0000

Бруклин Бекам и Никола Пелц ја одложија својата венчавка за 2022 година затоа што не сакаат на нивниот голем ден поради пандемијата на корона вирус да присуствуваат сите што имаат намера да ги поканат. Најстариот син на славните родители Викторија и Дејвид Бекам, 21-годишниот Бруклин и 25-годишната американска актерка Никола, планираат две свадби во септември 2021 година, едната во Флорида, другата на англискиот имот на Бекамови. Но, тие заклучија дека датумот е сè уште премногу ризичен поради пандемијата и не сакаа да го ограничат бројот на гости, па решија да ја одложат венчавката за 2022 година. Според некои извори, младиот пар може да одлучи официјално да се венча без многу помпа, а потоа да одржи големи свадбени прослави во 2022 година. Бруклин и Никола се свршија во јули оваа година откако беа во врска помалку од една година, а наводно планираат да потрошат околу пет милиони долари на две свадби. Иако Бекамови се исто така богати, „тешки“ околу 450 милиони долари, трошоците за венчавката за таткото на Никол се вистинска ситница, богатството на 78-годишниот американски тајкун Нелсон се проценува на 1,6 милијарди долари.

View this post on Instagram

I Promise to always be by your side ❤️

A post shared by @ brooklynbeckham on Apr 18, 2020 at 10:57am PDT

Често се тврди дека Бруклин го добил името по една населба во Њујорк бидејќи наводно била зачнато таму, но тоа не е точно, во Бруклин Викторија откри дека е бремена. Детството го помина во Мадрид каде Дејвид играше за Реал, па така, како и неговите помлади браќа, научи течно да зборува шпански. Во тинејџерските години, Бруклин заработуваше за живот со работа во кафуле во Лондон, и иако играше фудбал некое време во младоста на Арсенал, тој сè уште не беше доволно талентиран да ги следи стапките на татко му. Работел и како модел, се појавувал во разни списанија и се занимавал со фотографија. Актерката Никол се појави на големата сцена со улогата на Катара во филмот „Последниот господар на воздухот“ во 2010 година, а меѓу позабележителните достигнувања се оние во сериите „Бејтс мотел“ и филмот „Трансформери: доба на истребување“.

View this post on Instagram

Can’t imagine a life without you baby ❤️ you make me feel so special and make me laugh all the time x I will always take care of you and will always have your back ❤️❤️

A post shared by @ brooklynbeckham on Jul 28, 2020 at 2:18am PDT

Ќерката на милијардерот Нелсон и неговата сопруга, поранешната манекенка Клаудија Хефнер, Никола има девет браќа и сестри. Њујорчанецот Нелсон го создаде сопственото богатство претворајќи мал семеен бизнис замрзната храна во Бруклин во најголемиот дистрибутер замрзната храна на североистокот на САД, а потоа ја презеде најголемата компанија за пакување во светот, Триангл Индустри, од која заработи 840 милиони УСД во продажбата во 1989 година. тој наводно од својата ќерка бара да потпише предбрачен договор. Нелсон Пелц има репутација на солиден корпоративен играч, а исто така е познат и како долгогодишен поддржувач на Доналд Трамп, тие се соседи на Флорида со децении, а Пелц има одржувано и донаторски митинзи за актуелниот претседател на САД.

Принова во семејството на Бекамови: Викторија и Дејвид ќе добијат внуче?

Христина Ѓоргиевска — Thu, 13 Aug 2020 10:20:44 +0000

Синот на Викторија и Дејвид Бекам, Бруклин Бекам неодамна се сврши со неговата избраничка Никола Пелц. Тие се верија по 9 месечна врска, а Викторија и Дејвид ја одобрија нивната врска. Британските медиуми сега пак тврдат дека Никола и Бруклин ќе станат родители, а Дејвид и Викторија ќе добијат внуче.

View this post on Instagram

A post shared by ?? (@brooklynbeckham) on Jul 11, 2020 at 6:26am PDT

„Иако на почетокот се спротивставуваа на оваа врска, Викторија и Дејвид им дадоа благослов кога дознаа дека ќе се венчаат“, вели пријател на семејството. Друг пријател тврди дека Викторија и Дејвид се подготуваат за улогата на баба и дедо и дека поради тоа многу се возбудени. „Мислам дека е бремена и мислам дека парот ќе добие внуче“ пишува во коментар на една фотографија која ја објави Никола.

View this post on Instagram

A post shared by ?? (@brooklynbeckham) on Aug 9, 2020 at 5:57am PDT

Како што шпекулираат британските медиуми, идната снаа на Бекамови е при крајот на првото трисмесечие од бременоста. Досега, семејството Бекамови не се огласи ниту да ги потврди ниту демантира овие пишувања.

Споделија со јавноста: Вака изгледаше моментот кога Бруклин Бекам ја запроси саканата (фото)

Слободанка Илиева — Thu, 30 Jul 2020 10:42:31 +0000

Ако се прашувате како изгледаше моментот кога 21-годишниот Бруклин Бекам клекна пред Никола Пелц, имате среќа. Младата двојка во истиот момент објави фотографии на своите социјални мрежи. „Не можам да замислам живот без тебе, ме тераш да се чувствувам посебен и правиш да се смеам цело време. Јас секогаш ќе се грижам за тебе и секогаш ќе те поддржувам “, напиша Бруклин Бекам во својата објава.

View this post on Instagram

brooklyn you’re my world

A post shared by nicola (@nicolaannepeltz) on Jul 28, 2020 at 2:17am PDT

Прстенот за веридбата што Бруклин Бекам и го даде на својата вереница, наводно, вреди скоро три милиони, а свадбата е закажана за 2021 година. Никола Пелц и Бруклин Бекам почнаа да се гледаат романтично, во втората половина на минатата година, а тоа го открија на јавноста во јануари. Никола Пелц се пресели со своето момче по само пет месеци врска.

View this post on Instagram

Can’t imagine a life without you baby ❤️ you make me feel so special and make me laugh all the time x I will always take care of you and will always have your back ❤️❤️

A post shared by ?? (@brooklynbeckham) on Jul 28, 2020 at 2:18am PDT

Синот на Бекамови се жени во луксузно одмаралиште во Италија, а за венчавката ќе искешира огромна сума!

Христина Ѓоргиевска — Tue, 21 Jul 2020 08:48:31 +0000

Најстариот син на Викторија и Дејвид Бекам неодамна се сврши со Никол Пелц, а со која планира луксузна свадба. Венчавката треба да се одржи во луксузното одмаралиште „Боргo“. Се проценува дека трошоците ќе изнесуваат околу 400 000 евра. Тие веќе го закажале тоа одмаралиште, а Викторија им помогнала во изборот. Во 2012 година на истата локација се венчаа Џастин Тимберлејки и Џесика Бил. „Тоа е ваш ден, сакаме да ви го направиме посебен и да имате се’ што ќе посакате“ им рекла Викторија на идните младоженци. Луксузниот хотел има две приватни плажи, а главната зграда е во облик на дворец и може да собере 400 гости. Инаку, најстариот син на Бекамови ја запроси девојката со прстен од 200 000 долари, а наводно ќе има две венчавки. Потсетување, Бруклин и Никол се во врска од крајот на 2019 година, а таа 4 години е постара од него и професионално се занимава со глума.

Тазе снашката на Бекам е ќерка на милијардер, а еве што јавно објави Викторија за неа

Слободанка Илиева — Sun, 12 Jul 2020 07:45:39 +0000

Бруклин Бекам, 21 годишниот син на Викторија и Дејвид Бекам, се сврши со саканата Никола Пелц. Тие се во врска од крајот на 2019 година, а таа е четири години постара од него и професионално се занимава со глума. Неговата мајка, познатата Викторија Бекам ја сподели среќната вест на нејзиниот Инстаграм профил. Таа објави фотографија на која Бруклин и Никола се бакнуваат, а на нејзината рака се гледа и свршеничкиот прстен.

View this post on Instagram

The MOST exciting news!! We could not be happier that @brooklynbeckham and @nicolaannepeltz are getting married! Wishing you so much love and a lifetime of happiness ??We all love you both so much x @davidbeckham @romeobeckham @cruzbeckham #HarperSeven ?

A post shared by Victoria Beckham (@victoriabeckham) on Jul 11, 2020 at 6:48am PDT

- Највозбудливите вести! Не можеме да бидеме посреќни, затоа што Бруклин Бекам и Никола Пелц ќе се венчаат! Ви посакуваме многу љубов и доживотна среќа. Сите ве сакаме многу - напиша Викторија. Инаку, Никола е ќерка на американскиот милијардер Нелсон Пелц, а неговото богатство е проценето на 1,3 милијарди британски фунти и е многу поголемо од богатството на Бекам, кое беше проценето на 350 милиони фунти минатата година.