брокула – Вистина.мк

Кафето од брокула е вистински хит: Содржи кофеин, многу е здраво и станува се попопуларно

Слаѓана Атанасова — Mon, 26 Jun 2023 09:55:27 +0000

Одлична комбинација на здравје и кофеин. Добра вест за љубителите на кафе: кофеинот и зеленилото сè уште може да се комбинираат во една шолја. Карфиолот и брокулата се вообичаени состојки не само во салатите, туку и во смути. А сега зеленчукот влегува во царството на уште еден пијалок – кафето. Кафето од брокула звучи примамливо, нели? Оваа неочекувана мешавина е дизајнирана во Австралија, додека научниците се воделе само од најдобрите намери. Интересот за здрав начин на живот и правилна исхрана само се зголемува од година во година, но во исто време, луѓето сè уште често не можат да ја јадат препорачаната количина зеленчук. Брокулата како пијалок ќе помогне да се пополни таа празнина. Како да направите кафе од брокула За овој пијалок не ви треба свежа брокула, бидејќи ова не е смути. Прво треба да се исуши зеленчукот, а потоа да се сомеле во ситен прав, кој се додава во кафето. Освен тоа, само две лажици од овој зелен прав имаат нутритивни вредности кои ќе ви помогнат да ги внесете сите потребни елементи во вашето тело. Има уште еден силен аргумент во прилог на новото „зелено“ кафе – ретко кој редовно јаде брокула. Овој зеленчук е гостин на трпезата само одвреме-навреме, а кафето е многу попопуларно. Алтернативни опции Ако ви е тешко да замислите кафе од брокула, можете да започнете со други опции. Брокулата во прав е дефинитивно здрава – и може да биде интересна состојка во истото смути, како додаток во житарките или пирето од авокадо. Овој прав може да се чува многу подолго од обичниот зеленчук, а полето за експериментирање со вкусови и јадења сега е многу поголемо. Извор: Курир.мк

Потпечена брокула со сирење: Брз рецепт за вкусно предјадење од 6 состојки

Слаѓана Атанасова — Thu, 23 Feb 2023 11:10:22 +0000

Брокулата е зеленчук од семејството на зелка која е богата со диетални влакна, бројни витамини и минерали. Во 100 грама има само триесет калории, па затоа консумирањето на овој зеленчук им се препорачува на сите оние кои сакаат да ослабат. Брокулата може да се вари на пареа, да се динста, да се вари и да се пече. Можете да ја користите за да направите супи и чорби, да подготвувате стекови и пржени зеленчуци. Има навистина многу избор. Ви пренесуваме супер едноставен рецепт за печена брокула со сирење и неколку зачини. Ќе биде готов за половина час, а можете да го послужите како предјадење или прилог. Состојки: 200 гр рендано чедар сирење 2-3 помали главици брокула 1 лажичка лук во прав сол и бибер по желба растително масло по желба Подготовка: Загрејте ја рерната на 190 степени Целзиусови. Измијте ја брокулата и исечете ја на помали цветчиња. Ставете ја во поголем сад заедно со малку масло, сол, бибер и лук во прав. Добро измешајте сè заедно. Подготвената брокула префрлете ја во правоаголен плех. Врз брокулата посипете го ренданото сирење. Се пече во загреана рерна околу 25 минути, додека брокулата не порумени и кашкавалот не се растопи. Послужете топло како прилог или предјадење. Добар апетит!

Александра Накова не е само на овошје, салати и вода: За да нема збрка, атрактивната убавица покажа дека и чорба се крка! (ФОТО)

Антонио Димитриевски — Mon, 23 May 2022 09:13:09 +0000

Александра Накова, според многумина, една од најзгодните македонски топ модели и веројатно најзгодната газдарица на една продавница за облека во Македонија. Дека нејзиниот телесен раскош е навистина супериорен, познато е уште од времето кога се појави…Она што мајката природа и го подарила, гевгелиската убавица подоцна го надградила со помош на естетската хирургија, за денес Накова да изгледа во најмала рака како силиконските убавици од соседството, а можеби и „рамо до рамо“ со оние од „малку посеверно“! Атрактивната гевгеличанка речиси секоја сезона меѓу првите ја отвора истата, кога е летото во прашање. И тоа најчесто уште летото и пред да дојде. Ако не на море и езеро, тогаш на некој од нејзините омилени базени. сами или во друштво на некоја од своите верни пријателки убавцита во бикини ги споделува раскошните телесни убавини. Витата манекенска става, долгите тенки нозе, бујните силиконски гради, убавата заоблена задница... ја прават расната гевгеличанка да биде „секси кралица“ на привлечноста каде и да се појави. Гевгелиската убавица викендов се прошета до Дојран, кој и е на чекор од дома во комшии. Убавините на дојранското крајбрежје ги сподели на тој начин што го искористи убавото време уште малку да се исонча, да го искористи денот за да го подготви тенот за она главното летово што доаѓа. Но она што најчесто многумина мажи и особено претставнички од понежниот пол како прашање сои го поставуваат, е што тоа ваквите убавици обедуваат? Што и колку јадат, што пијат, што смеат што несмеат, за вака добро да изгледаат? Веројатно секоја си има има некаков свој режим, но ако помисливте дека Накова е само на овошје, салати и вода, мора да сте во тешка заблуда! Имено Накова, на својите Инстаграм приказни споделила една интересна фотографија на која се гледа кафеанска маса и на неа полна чинија... со дојранска чорба! Рибја, телешка или шкембе, остана нејасно, ама затоа е повеќе од јасно оноа, дека манекенките и топ моделите се само на „марула и брокула“ е обична флоскула! „Уметница мора бити здрава“, ама тоа не значи дека мора да биде само „на трава“ и дека ништо друго не смее да проба, па дури и чорба? Затоа, за да нема збрка, атрактивната убавица покажа дека и чорба се крка! До душа, навиките за здрав живот треба да се негуваат од мали нозе, а и ако сакаш да тргнеш по стапките на мама, уште од малечка треба да јадеш здрава храна! Таа лекција ќеркичката на Накова добро ја нучила , па затоа за неа, оброкот се состои од салата од брокула. Фото: Инстаграм принтскрин/nakovaaleksandra__official

Овој кремаст потаж од брокула е најдоброто нешто за зимските студени денови

Христина Ѓоргиевска — Tue, 21 Dec 2021 13:00:51 +0000

Во текот на зимските студени денови имаме потреба од топла, вкусна и здрава храна која ќе не стопли и ќе му обезбеди доволно корисни состојки и енергија за сите дневни предизвици. Порад тоа, зимската сезона е идеална за вкусни, кремасти потажи, а покрај оние од тиква, костени или карфиол, одличен избор е и потажот од брокула. Денеска ви претставуваме вкусен и лесен рецепт токму за ова јадење, кое задолжително треба да го пробате дури и доколку не сте голем љубител на овој зелен зеленчук. Потребни состојки: - 1 лажица кокосово масло - 2 згмечени чешниња лук - 1 главица кромид, исечкан на коцки - 2 помали брокули, исечкани на покрупни парчиња - 2 шолји бујон од зеленчук Начин на подготовка: 1. Загрејте го кокосовото масло во тенџере, на среден оган, а потоа додајте ги кромидот и чешнињата лук. 2. Пржете околу 2 минути, а потоа додајте ги и парчињата брокула и пржете 30 секунди. 3. Додајте го бујонот од зеленчук, поклопете го тенџерето и варете околу 15 минути или додека брокулата не биде доволно мека за да може да се прободе со вилушка. 4. Почекајте малку да се излади, а потоа со рачен миксер или блендер измиксирајте ја смесата. 5. Послужете го потажот топол или изладен, со малку чили, свеж коријандер или павлака по желба. извор: Кармин.точка.мк

Тестенини со брокула и лимон е совршен ручек за температури над 30 степени

Христина Ѓоргиевска — Wed, 04 Aug 2021 13:00:05 +0000

Временската прогноза повторно најавува топлина, а кога температурите ќе надминат 30 степени, сакаме времето што го поминуваме пред шпоретот да го сведеме на минимум. Затоа секоја идеја за брз и хранлив ручек ни помага, а еден од предлозите е тестенини со брокула и лимон направени за 15 минути.

Состојки (за 4 порции):

0,5 кг кратки тестенини по желба
2 лажици екстра девствено маслиново масло
1 лажица путер
0,5 кг брокула, грубо исечкана
2 чешниња лук, ситно сецкани
рендана кора од лимон и сок од 1 лимон
120 мл кисела павлака за готвење
45 грама нарачан пармезан
сол и свежо мелен црн пипер
65 гр пињоли
3 лажици сецкан свеж босилек

Инструкции:

Ставете тестенини во врела солена вода и варете ги според упатствата на пакувањето додека не станат ал денте. Додека тестенините се готват, загрејте ги маслиновото масло и путерот во голема тава на средна топлина. Додадете ја брокулата и пржете додека не го испушти мирисот, околу пет минути. Додадете лук, кора од лимон и сок и пржете додека состојките не ја ослободат аромата. Промешајте го кремот за готвење и оставете да зоврие, на средна температура. Додадете пармезан. Процедете ги тестенините и додадете ги во сосот, добро измешајте за да се соедини се убаво. Зачинете со сол и бибер. Украсете со пињоли и босилек. Пријатно! извор: Курир.мк

Ги сметате за здрави, a можат да бидат опасни: 5 намирници кои се штетни ако ги јадете претерано

Христина Ѓоргиевска — Mon, 31 May 2021 13:00:46 +0000

Општо е познато дека постои таканаречена супер храна за која се смета дека е исклучиво здрава за внесување во организмот. Терминот „супер храна“ првпат беше употребен за промовирање на здравствените придобивки од конзумирање банани во почетокот на дваесеттиот век. Зборот супер храна се користи за да се опише секоја храна што има многу здравствени придобивки, особено онаа што содржи многу хранливи материи и малку калории. Иако има многу придобивки од консумирањето суперхрана, прејадувањето во ваква храна може да биде исто опасно како и пребрзото, нездраво јадење. Ова се некои од „суперхраната“ кои во никој случај не треба да се јадат во прекумерни количини. Брокула Чаша сурова брокула содржи само 31 калорија, 6 грама јаглени хидрати и 0,3 грама маснотии. Богатa е со растителни влакна, протеини, витамин Ц, калиум и други витамини и минерали. Сепак, истражувањата покажаа дека внесувањето премногу брокула може да предизвика иритација на цревата. Исто така, консумирањето на оваа храна со висока содржина на витамин К може да има негативно влијание врз луѓето кои земаат лекови за разредување на крвта и лекување на срцеви проблеми. Лосос Лососот е добар извор на протеини со малку маснотии и омега-3 масни киселини кои се корисни за намалување на воспалителните процеси во телото. Но, прекумерната потрошувачка на омега-3 може негативно да влијае на бројот на тромбоцити во крвта, а исто така може да ја разреди крвта. Покрај тоа, студиите откриле дека диетата што вклучува премногу риби, па дури и лосос може да го зголеми нивото на жива во крвта. Цимет Циметот се смета за суперхрана поради високата содржина на антиоксиданти и многу лековити својства. Се припишува на пониски нивоа на шеќер во крвта, воспаленија и спречување на срцеви заболувања, поради што ја освои титулата една од најдобрите супер храна во семејството на зачини. И покрај сите здравствени придобивки што ги има, количината цимет што ја внесуваме мора да застане на една кафена лажичка на ден за возрасни. Истражувањата покажаа дека премногу цимет може да биде отровен поради кумаринот што го содржи. Кумаринот е особено опасен за луѓето кои имаат здравствени проблеми со црниот дроб, а прекумерното внесување на овој зачин може да го оштети црниот дроб. Авокадо Во последниве години, авокадото се здоби со глобална популарност како супер храна заради изобилството на хранливи својства. Една порција авокадо компензира за четвртина од потребата за витамин К кај возрасните, петтина од потребата за фолати и една десетина од дневната потреба за витамин Е. Богато е и со омега-3 и растителни влакна, но поголеми количини на авокадо може да доведат до воспаление, надуеност и стомачни проблеми. Ако планирате да вклучите авокадо во вашата дневна исхрана, експертите препорачуваат 50 грама на ден, што е приближно од една третина до една половина од едно авокадо. Зелен чај Поради својата висока содржина на антиоксиданси, зелениот чај е обележан како еден од најздравите пијалоци во светот. Откриено е дека антиоксидансите во зелениот чај го намалуваат ризикот од рак и срцеви заболувања, согоруваат маснотии и ја подобруваат функцијата на мозокот. Иако има безброј придобивки од овој чај, прекумерната потрошувачка може да предизвика негативни ефекти, особено поради високата содржина на кофеин. Ефектите од премногу консумирање кофеин вклучуваат несоница, главоболки, палпитации и гадење. Според експертите, 3 до 5 чаши зелен чај на ден е повеќе од доволно за просечен возрасен човек. извор: курир.мк

Прекрасни њоки со печена брокула,сланина и пармезан

Слободанка Илиева — Fri, 18 Dec 2020 14:50:07 +0000

Ова јадење е одличен избор бидејќи во исто време е многу вкусно и полно со витамини и минерали. Потребно е помалку од еден час за подготовка, а сланината и пармезанот ќе му дадат посебна арома на јадењето Состојки: -поголема брокула -помал карфиол -70 гр путер -100 гр сланина -50 гр брашно -млеко – 2 кг пармезан -сол -пипер -морско оревче -400 гр њоки тесто од компир Подготовка: Исчистената и исечена брокула и карфиол ставете ја на парчиња и зовријте во зовриена солена вода. По неколку минути исцедете ја бланковената брокула и ставете малку од сосот бешамел во сад за печење. Посипете со сецкана сланина, наредете ги сварените њоки и прелијте со преостанатиот сос од бешамел. Печете во загреана рерна на 180 ° C, околу десет минути. Кога ќе пожолти, посипете со пармезан, прелијте со врел путер и послужете. извор:попара.мк

Овие 5 намирници се најдобри „убијци“ на целулитот – доволни се само 3-4 порции неделно

Слободанка Илиева — Fri, 25 Sep 2020 12:00:57 +0000

Целутитот претставува промени на сврзното и поткожното масно ткиво кои го даваат добро познатиот „изглед на кора од портокал“. Целулитот нема никаква врска со нашата тежина - тој може да се јави и кај слаби жени. Главните виновници за неговото појавување се женските хормони, особено естрогенот, како и наследните гени и лошата исхрана. Меѓутоа, постојат неколку намирници кои помагаат во борбата со целулитот, а еве кои се тие: Брокула Брокулата содржи коктел од витамини и минерали кои се корисни за вашата убавина и имаат релативно мал број калории. Но, брокулата содржи и алфа-липоинска киселина, природна супстанца која спречува стврднување на колаген, што предизвикува целулит. За да ја добиете потребната количина, во вашето мени вметнете 3 до 4 порции брокула неделно. Портокал Портокалот е исклучително корисен за вашето тело. Тој е преполн со витамин Ц и биофлавоноиди кои ја подобруваат циркулацијата на крвта и ја исправаат рамнотежата на клетките која може да доведе до целулит. Аспарагус Многу познати дами се подложуваат на диети на база на аспарагус пред да се појават на црвениот тепих. Поради богатите антивоспалителни својства, аспарагусот го намалува задржувањето на течности во телото и содржи минимален број на калории. Преку течностите се отстрануваат штетните токсини кои можат да доведат до целулит бидејќи ја поттикнуваат циркулацијата на крвта. Лосос Лососот се смета за идеална храна за диета, детоксикација и борба против воспаленијата во организмот. Тој е богат со антиоксиданси кои ги разградуваат масните клетки на подрачјата со целулит. Покрај тоа, омега-3 масните киселини во лососот го намалуваат апетитот и ги зајакнуваат кожните ткива и влакна. Маслиново масло Маслиновото масло придонесува за правилно функционирање на штитната желзда која помага во правилната работа на метаболизмот. Кога метаболизмот работи како што треба, се согоруваат маснотиите и се активираат клетките кои ги регенерираат оштетувањата на кожата. Кожата и сврзното ткиво под неа стануваат поцврсти и со тоа се намалува целулитот. извор:кармин/точка.ком.мк

Вкусен ручек со брокула

Христина Ѓоргиевска — Fri, 07 Feb 2020 13:43:45 +0000

Едноставен и вкусен ручек со брокула и сирење.

СОСТОЈКИ:

4 јајца
200 гр брокула
100 гр чедар сирење
сол
бибер

НАЧИН НА ПОДГОТОВКА:

Заедно разматете јајца, сол и бибер.
Загрејте малку масло во тава. Додајте ситно сечкана брокула и мешајте додека не добие светло зелена боја. Додајте јајца и печете.
Посипете со сирење и покријте ја тавата. Печете 30 секунди додека сирењето не почне да се топи.

извор: готви.мк