бремени жени – Вистина.мк

Бремените жени имаат некои дилеми во лето, еве ги советите од стручни лица

Слаѓана Атанасова — Mon, 19 Jun 2023 13:00:16 +0000

Високите температури на многумина им создаваат потешкотии во нормалното функционирање, а посебно на трудниците. Стручните лица советуваат идните мајки секогаш со себе да си носат шише вода во која претходно исцедиле малку лимон и додале шеќер. Отоците на нозете и рацете, најчесто во последните недели од бременоста, во лето е повеќе изразена. Треба да се избегнува долго стоење и носење тесна облека, а важен е и одморот. Седењето треба да биде со подигнати нозе. Ако го користите јавниот превоз, замолете некој да ви го отстапи местото. Во топлите летни денови на трудниците им се препорачува пливање и капење бидејќи водата го опушта телото, а во неа можете да вежбате и техники на дишење. Водата на повеќе начини ќе ви помогне во борбата со летните температури, кои посебно тешко им паѓаат на трудниците. Ако имате нормална бременост, нема причина да не се освежите на море, река, чист базен.. Додека чекате да се остварите во најубавата и најважна улога во животот, времето до пораѓањето искористете го за опуштање и одмор. Извор: Курир.мк

Бремените жени и доилките мора да ги избегнуваат овие производи за јадење и пиење

Слаѓана Атанасова — Mon, 10 Apr 2023 10:15:59 +0000

Mајчиното млеко е најдобро за бебињата, бидејќи ги содржи сите потребни витамини и хранливи материи. Но сепак, она што мајките го консумираат влијае на неговиот квалитет. Лекарите советуваат бремените жени и доилките да избегнуваат одредена храна или да ја јадат во ограничени количини, сè со цел бебето да се развие правилно и да биде здраво. Алкохолот е забранет за време на бременоста, но и по породувањето. Меѓутоа, ако не можете да одолеете, консумирајте минимални количини во поголеми интервали меѓу доењето затоа што сè што мајката конзумира влегува и во телото на бебето. Жалфијата, нането и јагликата, исто така треба да се избегнуваат, оти го намалуваат лачењето млеко. Лукот има силен и остар мирис, но и вкус, а тоа може да биде прилично одбивно за бебето. Истото важи и за зачинетата храна. Прекумерното внесување на цитрони, а со тоа и витаминот Ц може да му наштети на бебето, односно на стомачето. Ова предизвикува вознемиреност кај детето, но и чести повраќања. Би било препорачливо да се избегнуваат сите овие намирници за време на доењето, но сепак, може да се јадат во ограничени количини. Важно е вашето бебе да внесе доволно количество протеини, минерали, витамини, хранливи материи и хидрирани состојки заради подобар развој. Како што не смеете да претерувате, така мора да бидете сигурни дека бебето ќе добие сè што му треба. Извор: Курир.мк

Дали бремените жени треба да пијат енергетски пијалаци?

Христина Ѓоргиевска — Tue, 19 Oct 2021 13:00:44 +0000

Енергетските пијалаци се популарни затоа што, како што се верува – ја зајакнуваат концентрацијата. Сепак, бремените жени и доилките не треба да ги пијат овие напитоци, поради можни негативни последици, пишува „Веривел фемили“ (Verywell Family). Кај трудницата, плацентата што расте во матката го снабдува бебето со храна и кислород преку папочната врвца. Хранливите материи што ги внесувате – сите „се пренесуваат“ на бебето, вклучувајќи ги и состојките во енергетските пијалоци. Некои истражувања со животни откриваат негативни влијанија по редовното пиење енергетските пијалаци. Имено, кај бремени глувци кои внесувале мали количини енергетски пијалак дневно, било откриено дека новородените глувчиња имале оксидативен стрес, повреди на ткивата, вознемиреност и промени во однесувањето. Заклучокот вели дека ова е сериозен здравствен проблем што заслужува внимание. Д-р Емили Мичел, нутриционист од Центарот за претпородилна медицина во Лос Анџелес, САД, смета дека енергетските пијалаци не се препорачуваат, пред сѐ, бидејќи содржат високо ниво кофеин. – Администрацијата за храна и лекови не ги регулира овие пијалаци бидејќи спаѓаат во категоријата додатоци во исхраната. Овие додатоци не се регулирани и може да содржат состојки кои не се наведени на пакувањето. Тие, исто така, може да содржат таурин, карнитин, инозитол, гинко и брадово млеко, за кои не е утврдено дали се безбедни за бремени жени. Женшен – друга состојка којашто често се содржи во овие производи, исто така може да има негативни последици, вели д-р Мичел. Истражувачите, така, препорачуваат строго воздржување од енергетски напивки во бременоста. Всушност, и на самата етикета обично пишува: Не се препорачува за деца, лица чувствителни на кофеин, бремени жени или доилки. (МИА) Извор: Курир.мк

Има многу важни причини: Зошто бремените жени мора да јадат киви?

Христина Ѓоргиевска — Thu, 07 Mar 2019 14:30:04 +0000

Кога станува збор за овошје кое може да ви помогне да забремените, на прво место се споменува кивито. Бидејќи има високи ниво на фолна киселина ги зголемува шансите да останете бремени и го намалува ризикот од абортус. Исто така, многу трудници добиваат фолна кислеина да ја консумираат на почетокот од бременоста, зашто е важна за правилен развој на детето и за неговото здравје. Таа е член на семејството на Б-витамини и е клучен нутриент кога станува збор за развој и одржување на растот на клетките. Редовната и вистинска консумација на фолна киселина ги спречува дефектите во развојот на детето. Бременоста носи со себе и проблеми со запек, па дури и хемороиди. Диеталните влакна кои се наоѓаат во кивито се одлични за спречување на тие проблеми. Со дневно внесување на киви можете да спречите проблеми како што се гасови, мачнини и проблеми со варењето. Исто така, кивито е добро за трудниците и затоа што е полн со антиоксиданси, со чија помош се борите против слободните радикали кои се таложат во вашето тело. Бременоста може да биде проблематична и да ви се чини дека сте постојано уморни, слаби и како болни. Тоа е од една страна нормално, но потребна е речиси двојно за да го зајакнете организмот, затоа што здравите мајки раѓат здрави деца. Со кивито се борите против разни инфекции и болести кои можеле да ве нападнат и го јакнат системот за имунитет. А бидејќи е богат со витамини Ц и Д тој го крева нивото на енергија и го согорува вишокот на масти. Само внимавајте кога купувате киви да не е мек и стар. Излупете го и ставете го во овошна салата, или пак јадете го сам за себе. Ако веќе земате фолна киселина консултурајте се со лекар пред да почнете поактивно да консумирате киви. Што се однесува до зеленчукот, нутриционистите советуваат за време на бременоста да се внесува свежо рендано или варено цвекло. извор: Мајка и дете