бреговиќ – Вистина.мк

Северина и Бреговиќ две години ја криеле љубовта: Бурен однос и 50.000 евра за враќање (ФОТО)

Антонио Димитриевски — Tue, 11 Apr 2023 10:19:38 +0000

Одвреме-навреме се откриваат тајните врски на јавните личности. Некои љубови заминаа во историјата, а тоа е случајот со Горан Бреговиќ и Северина Вучковиќ. Според српски Курир, тие двајца биле интимно блиски од 2006 до 2008 година, кога познатата пејачка го снимила нејзиниот албум „Здраво Маријо“ со кој доживеала голем успех. „Малкумина знаат дека тие двајца тогаш биле во тајна врска. Северина била фасцинирана од Бреговиќ. Во принцип, таа сака уметници кои создаваат музика. Знаете зошто, бидејќи тој знае дека ако и направи хит, а таа е главна. Тогаш не се одвојуваше од Брега. Нон-стоп беа заедно. Сакаа - не сакаа, се роди емоција. Вистина е дека тие се пред се пријатели и соработници, но заедничката работа на албумот толку ги зближи што ја минаа границата. Па кој би можел да и одолее на госпоѓица Вучковиќ?“ - вели соговорникот, кој е добро упатен во животот и делото и на Горан и на Северина. Според неговите зборови, Северина му должела на Брега, околу 50.000 евра, но играла на карта дека долгот ќе и биде отпишан од две причини: затоа што биле во врска, но и поради фактот дека Бреговиќ со тие песни заработил големи хонорари од авторски права. „Не го прецизираа добро тој деловен и приватен однос. Севе беше сигурна дека тоа е регулирано бидејќи се во блиски односи и дека парите не треба да бидат примарни. Сепак, Бреговиќ не гледаше така. Љубовта и емоциите се едно, но деловната соработка е нешто друго. Тој албум помина фантастично, излегуваше хит по хит, па мислеше дека не треба ни да му плати бидејќи Брега веќе заработила доволно од авторските права“ - вели нашиот изворот. Арно ама... Фото: Инстаграм принтскрин/severina

Горан Мишев – Мишка беше одличен во „Никогаш не е доцна“, ама велешанецот има само една желба: „Би ја дал сета слава на светот, само еднаш да запем на сцена со Брега и Дугме“ (ФОТО)

Антонио Димитриевски — Thu, 06 Apr 2023 07:30:10 +0000

Рокерот од Македонија, Горан Мишев - Мишка, блесна во третиот круг на регионалното музичко талент шоу за повозрасни „Никогаш не е доцна“, кога ја изведе песната „Липе цвату“ од „Бијело дугме“ за која доби неверојатни пофалби од жирито, што му даде ветар во грб да продолжи да работи како досега, затоа што тоа Мишка го прави брилијантно. Без лажна скромност, ветеранот ги сподели првите впечатоци за „Гранд“ и призна дека ова е неговиот најдобар настап досега. „Задоволен сум, добро испадна. Беше подобро од првиот и вториот круг, ма беше одлично“ - ќе рече Мишка, кој веќе стана популарен не само во својот град, туку и пошироко, во цела Македонија, па и во регионот, но сета популарност би ја заменил само да му се исполни една желба за која сонува со години. „Ме препознаваат на улица, не само во Велес, ми се јавуваат од цела Македонија. Најголема желба е ова да го слушне Бреговиќ или некој друг од 'Бијело дугме', дека повеќе би сакал да изведам една песна со него, отколку да работам секој викенд... тоа е мојата најголема желба“ – искрено ја отвори душата ветеранот што се би дал се за да го запознае својот идол. „Го следам Бреговиќ од кога паметам за себе. Првата песна што ја слушнав беше 'Битанга и принцеза' и оттогаш го сакам 'Бијело дугме'. Ако се качам на сцена со нив ќе ми биде остварување на животниот сон и мислам дека нема да ги посрамотам, зашто можам да го донесам она што ти его свират“ - тврди Мишев. Во видеото подолу дознајте која песна на „Бијело дугме“ му ја запеа Мишка „на суво“ на Брега, со надеж дека можеби сепак ќе го слушне и ќе му ја исполни животната желба... Впрочем, „Никогаш не едоцна“, зарем не?

Вучиќ им додели ордени на српските рокери: Бајага, Бреговиќ и Бора – Чорба одликувани со орден „Караѓорѓева ѕвезда од прв степен“

Антонио Димитриевски — Tue, 16 Feb 2021 14:16:42 +0000

По повод денот на државноста на Република Србија, српскиот претседател Александар Вучиќ одликуваше повеќе поединци со високи одличја за заслуги за Србија. На листата на одликувани се најдоа повеќе истаканти личности од областа на музиката како рок-ѕвезди, но и артисти од класичната музика и операта. Со Сретенски орден од прв степен е одликуван режисерот и музичар Емир Кустурица. Со орден Караѓорѓева ѕвезда од прв степен одликувани се Бора Ѓорѓевиќ попознат како Бора -Чорба, Момчило Бајагиќ – Бајага, Горан Бреговиќ, виолинистот Стефан Миленковиќ и оперската дива Јадранка Јовановиќ.

Македонската новинарка Анита Петровска и Александар Рајковиќ, трубачот од оркестарот на Горан Бреговиќ, прославија 11 години брак: „Нашата љубовна приказна“ (ФОТО)

Антонио Димитриевски — Sat, 01 Jun 2019 09:21:13 +0000

Патот на љубовта е чуден. Не признава ниту раса, вера, националност, професија... Тоа безброј пати се докажало, па таква е и нивната љубовна приказна. Таа Македонка, тој Србин. Таа новинарка, тој музичар. Таа информативец, тој забавувач. Таа оратор, тој дувач. Таа пред камерите и микрофонот, тој на сцената пред публиката. Единственото нешто што ги спојува е јавноста на нивните професии. Новинарската и естрадната.

Анита Петровска, информативен новинар и уредник, најчесто по македонските телевизии. МТВ, Канал 5, 24 Вести, ТВ Нова... Едно од оние профилирани новинарски лица чиј збор има тежина, лик на кој му се верува. Колку сериозна и концизна, толку шармантна, згодна и убава.

Александар Рајковиќ, музичар. Трубач во „Оркестарот за свадби и погреби“ на мегапопуларниот Горан Бреговиќ.

На македонската јавност и стана попознат не заради бракот со новинарката, туку заради скандалот при соработката на проектот „Балканистика“ со Марко Маринковиќ - Слаткаристика, кога тој ги објави неговите песни без согласност на српскиот музичар.

Нерасчистените должничко-доверителски обврски околу авторството и авторските права направија песните да бидат објавени, па преку ноќ повлечени, а недоразбирањата да бидат отпосле решавани. На суд или договорно - само тие двајца знаат!

Анита и Александар навидум два различни света. Но, едно познанство, една средба ќе ги спои и ќе ја разбуди најпрвин љубопитноста, а потоа и разгори и распламти љубовта и...

Новинарката и музичарот ќе застанат пред вратите на олтарот, впловувајќи во брачните води.

Иако обете професии се доста напорни и захтевни, бараат многу посветеност, откажување од приватноста, долго отсуство од дома и баеги потрошено време, сепак нивната љубов трае. И тоа цели 11 години.

Музичарот е најчесто отсутен од дома заради тоа што шефот Бреговиќ и неговиот оркестар имаат над 100 концерти годишно ширум светот, што значи секој трет ден настапуваат, а секој втор ден некаде патуваат.

Сепак, кога не е со него, како верна „Пенолопа“ неговата Анита го чека својот музички „Одисеј“ да се врати дома. А секогаш кога ќе се заедно, љубовта одново и одново се распламтува, зашто за 11 години брак, веројатно обајцата знаат како да и додадат ново жарче, при секое ново гледање.

Токму затоа Анита на својот Фејсбук профил објави еден цел фото колаж, еден омаж од нивните 11 години „ Love story“, на кој низ фотографии се потсети и себе си, саканиот, своите блиски, а и јавноста дека само љубовта ги победува и надминува сите препреки и граници.

Ако е така, нека им вечна и среќна годишнината!

Горан Бреговиќ и Македонската филхармонија со „Три писма од Сараево“ во Скопје

Антонио Димитриевски — Tue, 04 Dec 2018 09:19:42 +0000

Најголемата активна ѕвезда од Балканот ширум светот, познатиот и популарен Горан Бреговиќ конечно го носи својот успешен проект „Три писма из Сарајева“ и во Скопје, и тоа на 22 март 2019 год. во арената „Борис Трајковски“. Бидејќи ова шоу не може да се изведе само со неговиот „Оркестар за свадби и погреби“, тој на скопскиот концерт ќе биде придружуван и од комплетниот состав на Македонската филхармонија, заедно со гостите коишто ги носи на сите концерти, а се дел од овој негов голем проект.

Инаку албумот „Три писма из Сарајева“ е најпродаван етно-албум во светот во 2018 година, вклучувајќи ја и Америка, и Горан Бреговиќ за него доби и можеби најдобри рецензии од сите соло албуми што ги има издадено во последнава декада, а се најде и во престижниот британски весник „Гардијан“. Се разбира дека на концертот ќе бидат изведени и сите негови хитови како: „Калашњиков“, „Месечина“, „Едерлези“ и многу други, па така со гаранција предвидуваме незаборавна вечер во Скопје на 22 март. Од регионот, Горан Бреговиќ настапува во Белград на 15 декември придружуван од Белградската филхармонија. Влезниците се веќе пуштени во продажба од понеделникот наутро (03.12.2018).