брат и сестра – Вистина.мк

„Најави дует, а мене не ме ни праша“: Ненад Манојловиќ откри зошто не сака да сними песна со сестра му (фото)

Слаѓана Атанасова — Thu, 08 Feb 2024 07:25:48 +0000

Рада Манојловиќ неодамна изрази желба да сними дует со нејзиниот брат Ненад. Сепак, како што пишуваат медиумите, тој одбил да соработува, а сега се огласил и ја кажал својата страна на приказната. Пејачката Радмила Рада Манојловиќ неодамна на својот профил на социјалната мрежа Х напиша твит за кој многумина се сомневаа дека е упатен до нејзиниот полубрат, пејачот Ненад Манојловиќ, бидејќи одбил да сними дует со неа. - Колку може најродените да те разочараат, тоа никој друг на светот не го може. Тажно – напиша тогаш Манојловиќ. Сега, по повод овие наводи, Ненад се огласи, ја претстави својата страна на приказната и ја откри врската со Рада: - Прочитав некои работи за тоа на интернет, а да бидам искрен, не ни зборував со неа за тоа. Тоа не е прв дует кој ми го предложила, тоа е трет или четврти за кој зборуваме - рекол пејачот, а потоа додал: - Јас ги предложив првите две, а таа одби бидејќи не и се допаѓаа песните. Во оваа трета песна има игра на зборови во која се спомнува таткото и дека тој некаде со себе го зел и синот. Тоа ми беше малку одбивно. Потоа направивме новогодишна и буквално немав слободни денови, па само гледав кога ќе поминам малку време со децата и мојата сопруга. Сакав да го оставам телефонот затоа што постојано ѕвони и ако одговорам на сите, нема да го пуштам со денови. Се случуваше да не и одговорам, но тоа е најнормално бидејќи и таа на мене не ми одговарала по десет дена. Нормално е и не ја обвинувам – рекол Ненад, а потоа ја коментирал реакцијата на сестра му на одбивањето на песната: - Мислам дека таа реагираше малку побурно бидејќи не сакав да снимам песна што не ми се допаѓа. Таа го најави дуетот без воопшто да ме праша. Беше малку прерано – заклучил Манојловиќ за Блиц. фото: принтскрин/instagram/radamanojlovic/nenad.manojlovic.official

Сакандал во „Ѕвездите на Гранд“: Братот и сестрата полуфиналисти самоиницијативно го напуштија натпреварот

Слободанка Илиева — Fri, 16 Jun 2023 09:29:47 +0000

Во музичкото шоу „Ѕвезде Гранда“ се случи вистинско изненадување кога Саша Поповиќ објави дека братот и сестрата Нејра и Еки Прошиќ го напуштиле натпреварот. -Таму каде што пееше Мустафа, таму требаше да биде дуетот на Марија вечерва. Но, од навистина оправдани причини мораа да се откажат, од четворицата кандидати кои беа елиминирани, го извлечивме Бижан со ждрепка за да се врати во натпреварувањето - изјави Саша во емисијата. Во оваа прилика Неџра и Еки зборуваа за медиумите и ја открија вистинската причина за напуштањето на натпреварувањето. Иако беа на дофат на финалето, сепак решија да стават точка на учеството во оваа сезона. - Од лични причини решивме самоволно да го напуштиме натпреварувањето. Благодарни сме на сите кои не поддржаа и не видоа во финалето – изјавиле братот и сестрата, а пренесува Аваз. фото:Принтскрин Јутјуб/Гранд

Познати деца на уште попознати родители: Можете ли да ги препознаете македонскиот актер и ТВ водител и неговата сестра? (ФОТО)

Антонио Димитриевски — Sat, 08 Apr 2023 07:39:26 +0000

Тие се брат и сестра... познати! Доаѓаат од уште попознато семејство. Дедо, татко, мајка... врвни македонски уметници... Доајени на својата уметничка дејност! Тој на периоди мега популарен, таа можеби помалку позната, особено заради тоа што последниве 20 години не живее во Македонија!

Сеапак, секогаш кога може доаѓа да го види постариот и многу попопуларен брат... И за арно и за лошо. така беше кога во април 2016 без знаење го изненади, па „му се исправи“ чекајќи уредно во ред со примерок в рака за потпис, на промоцијата на неговата претпоследна книга... Така беше кога тој беше в болница пред сериозно искушение заради здравствените проблеми. Таа и тогаш беше покрај него, тогаш им кога е најубаво и кога е најтешко. По професија архитект, кој последниве 13 -14 години работи нешто што самата го нарекува „технолошки поткажувач“, во компанија која прави дизајн софтвер. Тој мултиталентиран: актер парекселанс, ТВ водител, музичар, забавувач, шоумен, автор, писател...

Промоцијата на својата седма книга по ред насловена „Улица диши длабоко“, ја правеше неодамна, а како потсетување на продолжувањето на заедничкото актерско остварување со неговата колешка Весна Бејби Петрушевска, наречено „Брачна игра“, таа ја постираше на својот Инстаграм токму оваа фотографија од неговото рано детство на која тој е токму со сестра му.

Кој ги препозна, препозна... Кој не, нека види како изгледале Игор Џамбазов и неговата сестра Тања како малечки, а како изгледаат денес.

Малкумина знаат дека оваа позната дама од естрадната сцена му е сестра на Бора – Чорба (ФОТО)

Антонио Димитриевски — Fri, 04 Nov 2022 10:41:19 +0000

Бора Ѓорѓевиќ е на естрадната сцена е со децении, а за него се' уште има информации кои се непознати. Еден непознат податок на пример е дека неговата сестра е позната дама од естрадната сцена. Тоа е Биља Крстиќ, со која Бора има успешно соработувано неколку пати. Тоа таа го откри во 2004 година, кога се појави на промоцијата на албумот на Чорба „Овде“, на кој гостуваше во воведната песна „Мобилен“. „Да ви кажам една тајна, можеби не знаете. Јас и Бора сме роднини. Ние сме брат и сестра. Затоа навивам и по таа линија, за него“, изјави тогаш Биља. Нивната соработка датира од 1975 година. Во тој период двајцата беа членови на легендарната акустичарска група „Сунцокрет“. Сепак дали се родени брат и сестра или само блиски роднини - „брат и сестра“ од вујко, тетка, стрико... како што Србите ги нарекуваат своите братучеди, Биља не откри! Фото: Јујуб принтскрин

Ова е братот на Јована Јеремиќ, кој излегол од семејниот дом и никогаш не се вратил (фото)

Слаѓана Атанасова — Thu, 04 Aug 2022 11:02:58 +0000

Иако сите мислат дека знаат апсолутно сè за Јована Јеремиќ, познатата водителка никогаш во јавноста не открила одредени детали од својот приватен живот. Познатата водителка има постар брат и сестра, за кои до сега никогаш јавно не проговорила. - Јована не е сама, има постар брат и сестра, која не се омажила, има околу четириесет години. Има стан во Белград, дипломирала економија. Но, Јована е поубава од неа. Братот на Јована, Пеѓа, го напуштил Љиг пред десет години и повеќе не се вратил, бидејќи неговите родители имале смртоносна пресметка со него. Некои семејни проблеми. Нејзините биле угостители, татко и се вика Мија. Го воделе ресторанот „Два брата“ на Ибарска магистрала, но бил затворен пред пет години, кога се пензионирале. Тие не се лоши луѓе, тие се вредни, малку чудни. Открила соседка за тамошните локални медиуми. Јована во неколку наврати зборуваше за своите родители, а истакна колку им е благодарна за сето она што го постигнала во животот, но никогаш не зборува за својот брат и сестра. Фото:Принтскрин/Инстаграм/Ј.Јеремиќ/Предраг Јеремиќ

Познат српски хармоникаш за односот на Саша Поповиќ и Лепа Брена во „Слатки грех“: Најубавите фустани и појадок в кревет за пејачката

Антонио Димитриевски — Tue, 14 Jan 2020 13:11:10 +0000

Српскиот „Курир - Старс“ прв напиша дека Лепа Брена и Саша Поповиќ биле „блиски“ за времето на „Слатки грех“, а еден познат хармоникаш ја открива правата вистина за нивната блискост! „Разбирам дека на сите им се чинеше во осумдесеттите години дека Сале и Брена се заедно, па и јас ќе поверував дека е така, добро да не ги познавам уште од тогаш, кога поминував многу време со нив“, започнува хармоникашот, пренесуваат српските „Ало“ и „Скандал“. „Тие беа, пред сè одлични пријатели, како што поминувааа толку многу денови заедно, со текот на времето, оваа врска се засили, но не и во машко-женска интимна смисла. Саша, во меѓувреме, ја засакаБрена како да му е сестра“ - тврди хармоникашот и продолжува со деталите: „На турнеите на кои беа безмалку нон-стоп, Саша се обидуваше на Брена ништо да не и недостасува. Тој секогаш ги резервираше најдобрите хотелски соби, и носеше појадок в кревет. Тој и ги купуваше најубавите фустани и костими за на сцена, но никогаш немал намера да ја освои, зашто се сакаа еден со други како да се родени брат и сестра. И тој и неа и таа него. Секогаш кога беше во можност и подготвуваше забавни изненадувања како на пример за нејзиниот роденден. Ќе ги ангажираше најдобрите танчерки, ќе ја набавеше најдобрата храна, пијалоци, а понекогаш тие прослави се одвиваа на скапи јахти. Но, Брена го заслужи тоа, па и Саша преку неа на некој начин се прослави и тој едноставно сакаше да и се одолжи. Заради неговото внимание и до ден денес сите мислат дека биле во емотивна врска, колку и да се далеку од тоа таквите мислења да бидат вистинити. Нив ги врзува само со блиска пријателска љубов и подоцна кумство, која не може ништо да ја наруши“ - заклучил хармоникашот.