брашно – Вистина.мк

Дали брашното има рок? Еве како да знаете дали е расипано

Слаѓана Атанасова — Thu, 03 Nov 2022 14:00:55 +0000

Се прашувате дали брашното што стои во вашата оставата, чајната кујна е сè уште добро? Иако брашното е термички обработена храна и само по себе содржи мала количина на влага, треба да се чува соодветно. Најдобро е да се користи 6-8 месеци по испечатениот датум, додека интегралното е најдобро да се користи 4-6 месеци по датумот. Брашното всушност е доста подложно на расипување поради природните масла во житото, јаткастите плодови или скробот во него, а неговиот рок на траење делумно зависи од содржината на маснотии. Колку е помалку рафиниран, толку повеќе маснотии ќе содржи и побрзо ќе се расипува. За да го продолжите рокот на траење на брашното, можете да го чувате во фрижидер. Со чување на брашното во фрижидер може да му го продолжите рокот на траење до една година, додека во замрзнувач може да го продолжите до две или три години. Клучна улога има и типот на брашно, а најдолго трае вообичаеното бело брашно, додека пократок рок на траење има она со цело зрно, вклучително и интегрално. Прилично е тешко да не се забележи дека брашното е со поминат рок. Свежото брашно има чист, неутрален, прашкаст мирис, додека брашното што се расипало ќе има изразито кисел, непријатен мирис. Но, ако веќе видите траги од мувла, тогаш можете да бидете сигурни дека брашното треба да се фрли. Чувајте го брашното на суво и темно место. Топлината и сончевата светлина може да го расипат брашното порано отколку што пишува на задната страна од пакувањето, затоа погрижете се да е подалеку од шпорети или други извори на топлина и светлина.

Соседот на Сузана Манчиќ открива дека таа редовно позајмува јајца и брашно и постојано нешто и недостасува

Слободанка Илиева — Fri, 22 Nov 2019 10:02:40 +0000

Водителката Сузана Манчиќ живее во срцето на Белград, а минувачите често ја среќаваат како шета во околните паркови. Нејзините соседи ја сакаат и имаат директна и срдечна врска со неа. Соседот на Сузана, Владо, вели дека тие се познаваат со години, како и дека уживаат во времето што го поминуваат додека се дружат. - Сузана е навистина одличен сосед, ја обожавам. Таа е прекрасна. Понекогаш тропа на вратата, доаѓа по јајца и брашно кога готви нешто, па и фали, но секогаш се враќа двојно. Немам ништо лошо да кажам за неа, таа е брилијантна, секогаш насмеана – раскажува Владо. Постариот г-дин Боро вели дека ја познава популарната водителка уште од млада возраст, како и дека уште тогаш важи за голема дама. - Се сеќавам на Сузана од многу одамна, јас сум роден белградски граѓанин и ја паметам од овие улици. Таа се пресели во оваа населба многу одамна, некаде во седумдесеттите години. Отсекогаш била дама, нашминкана, негувана и средена, дури и кога пазари. Порано се занимавав со пеење, а таа доаѓаше редовно. Ќерките ја наследија нејзината убавина, а јас ги запознав кога дојдоа, завршува соседот за еден српски медиум.

Видео: Домашни тестенини кои немаат ни малку брашно, потребни ви се само две состојки!

Моника Пејоска — Fri, 20 Oct 2017 11:47:36 +0000

За некои луѓе постапката за подготовка на домашни тестенини е премногу комплицирана и поради тоа најчесто ги купуваат готови од маркет. После овој рецепт сигурно ќе ве предомислиме и ќе започнете да правите домашни тестенини за кој ви се потребни само 2 состојки.

Знаеме дека "косата ви се крева" од самата помисла дека кујната ќе ја растурите и извалкате додека ги правите тестенините, но што ако ви кажеме дека за овој рецепт ви е потребен само еден длабок сад. Тајната е во тоа што тестото се подготвува без машина и со само две состојки, а ниту еден од нив не е брашно. Овој рецепт е одличен за луѓе кои применуваат храна без глутен и внимаваат на калориите. Сè што ви е потребно се моцарела и јајца.

Подготовка: Изматете ги моцарелата и јајцата во размер 1:1 во хомогена смеса, извадете ја и исечете ја на траки. Подготовката трае неколку минути, а после четири часа ладење во фрижидер, пастата е подготвена за готвење. Откако ќе ја зготвите можете да ја сервирате со некој вкусен доматен сос и со додатоци како пармезан и босилек. Можете да ја сервирате и со малку путер и мелен црн бибер. Извор: Точка.мк