брак – Вистина.мк

Дали сте подготвени за брак? Пред да се одлучите на овој чекор, важно е да добиете одговори на многу прашања

Слаѓана Атанасова — Fri, 08 Mar 2024 13:06:46 +0000

Бракот е заедница меѓу двајца луѓе што се заснова на љубов и почитување, но исто така бара многу труд и компромиси. Токму поради тоа треба да бидете сигурни дека сте подготвени за тој голем чекор во врската и да бидете искрени со себе и со партнерот пред да кажете „да“. Како да знаете дали сте подготвени за брак? Има три прашања што треба да си ги поставите и само искрените одговори ќе ви помогнат да дојдете до конечното решение. Дали ви е најважна среќата на партнерот? Знаете која е тајната на среќните бракови? Тоа се случува кога и двајцата партнери ја ставаат среќата на другиот пред својата. Тука нема никаква голема философија, едноставно желбата да се направи другиот среќен. И тука е големата разлика меѓу голема љубов и подготвеност за брак. Зошто го сакате партнерот? Ако немате конкретен одговор на прашањето, тоа значи дека уште не сте подготвени за брак. Тоа не значи дека не сте заљубени или среќни, но не сте подготвени за заедницата брак што носи со себе одговорности и одрекувања. Ако пред бракот не се согласувате за клучни прашања и животни одлуки, кажувањето на „судбоносното да“ нема да смени ништо. Бракот треба да биде крунисување на врската, одење на следното ниво, свесна и разумна одлука на две возрасни личности, а не каприц или брзо решение за несогласувањата или несигурностите. Дали сте подготвени за живот во кој ќе се надополнувате еден со друг? Иако кажувањето „да“ и ставањето потпис не ги менува работите магично, сепак животот во заедница е различен од животот што сте го воделе пред брак. Прашањет кое мора да си го поставите гласи: Дали животот кој сакате да го водите, кој ве прави среќни, можете да го водите и во брак? Со други зборови, дали плановите и начинот на живот на вашиот партнер се исти и дали сте подготвени за компромиси? Тоа може да бидат помали животни прашања како на пример каде ќе живеете, но и многу поголеми како планови околу деца, вашите ставови за религија, начин на воспитување и слично. Извор: Попара

ВИСТИНА ексклузивно открива: Бракот на Антониа и Роберт нема да остане само на потпис во матично, викендов се спрема СВАДБА ГОЛЕМА – „Имаме позитивна трема и возбуда!“ (фото)

Слободанка Илиева — Fri, 08 Mar 2024 09:13:25 +0000

Помина речиси една година откако пејачката Антониа Гиговска и нејзиниот сакан, сегашен сопруг и татко на нивното дете, музичарот Роберт Спасенцоски стапија во брак и ставија параф во матично. Токму кога помисливме дека ваквата формалност ќе биде доволна како круна на љубовта на познатата естрадна двојка, пристигнаа свадбени покани во естрадните кругови. Антониа и Роберт оваа недела, односно на 10-ти март ќе прават голема свадбена веселба. Детали за свадбата, од прва рака добиеме од младоженецот кој за читателите на Вистина.ком.мк сподели како течат подготовките на неколку дена пред свечениот чин и зошто баш сега се решија за свадба. -Со оглед на тоа што поголем број од гостите ни се колеги, некако одлучивме да биде овој период од годината како порастеретен, а сакавме и да ја избегнеме свадбената гужва. Секој месец е посебно убав ако се организира се' како што треба и навреме. Имам некоја позитивна трема, не дека не сум возбуден или еуфоричен, но дефинитинво невестата е повозбудена, открива младоженецот Роберт и додава дали свадбата ќе биде поинтимна или баш голема: - Хмм голема, мала... Сум бил на свадби со повеќе од 500 гости, сум присуствувал и на мини венчавки, така што свадба е свадба, самиот чин е голем без оглед на тоа колку гости ќе брои, еве ние ќе имаме 300, вели Роберт. Довербата за музичкиот дел ќе им ја препуштат на колегите од „Арија“ кои ги почитуваат, а Роберт безрезервно им верува дека ќе направат атмосфера за паметење. -Свадбата ќе биде во еден познат скопски ресторан, а околу музиката се одлучивме за група „Арија“, мои блиски пријатели и колеги, можеби едни од најдобрите, ако не и најдобри, завршува Роберт ласкајќи им на колегите задолжени за музичкиот дел и одличната атмосфера. А за тоа како ќе биде на забавата од големиот ден на Антониа и Роберт, останува наскоро да почекаме фотографии и видеа кои сигурно ќе ги преплават социјалните мрежи... фото:instagram printscreen/jokerdam93

Квалитетот на интимниот однос е подобар колку луѓето се постари

Слободанка Илиева — Mon, 04 Mar 2024 13:55:43 +0000

Едно истражување открило дека со текот на годините доаѓа и искуството и подобриот квалитет на интимниот однос. Младите парови можеби почесто имаат интимни односи, но истражувањата докажаа дека квалитетот на самиот сексуален однос е подобар колку што луѓето се постари. Истражување на веб-страницата „Ellicit Encounters“ потврдило дека водењето љубов со текот на годините станува подобро. Дури 3 отсто од жените и мажите изјавиле дека најдобри години за водење љубов се 40-тите. Во истражувањето учествувале 828 испитаници, а авторите на студијата објаснило дека младите луѓе имаат повеќе желба за секс, но паровите кои имаат над 40 години навистина уживаат во него. Се верува дека тајната лежи во тоа што во тие години тие имаат многу помалку комплекси и повеќе искуство. 3 главни причини поради кои водењето љубов со текот на годините станува подобро: Повеќе самодоверба Знаете што сакате, не се срамите од своето тело, движења и звуци, не сте оптоварени со целулитот ниту имате проблеми со изразувањата на своите желби. Односите во бракот се подобри Можеби ќе ви биде тешко да поверувате, но на крај ова тврдење има смисла. Секако дека вистинскиот однос секогаш е возбудлив и воден со повеќе страст, но паровите кои долго време се заедно и се познаваат доволно добро, дури и во спалната соба треба да направат некаква промена. Постарите жени полесно доживуваат оргазам Ова истражување исто така потврдило дека постарите жени почесто и полесно доживуваат оргазам отколку жените со помало искуство, а овој факт исто така влијае на сексуалниот живот на партнерите. извор:точка.ком.мк

Каја Остојиќ за првпат проговори за родителите: „Се чувствував како во затвор, затоа рано се омажив“

Слободанка Илиева — Fri, 01 Mar 2024 12:46:34 +0000

Каја Остојиќ поминала низ бурен живот растејќи во строго семејство каде што нејзината тврдоглавост секојдневно се судрила со авторитетот на нејзините родители. Како што растела, ѝ било потешко да прифати дека нејзината слобода е ограничена, што, според неа, влијаело и на нејзиниот ран брак, што се случило кога имала деветнаесет години. - Татко ми беше многу строг и се трудеше да го има тој авторитет и затоа нашата врска секогаш беше разнишана. Се додека бев под неговиот покрив имаше тензија, но подоцна сфати дека мора да ме пушти. Моето друштво оди во клубот на полноќ, морам тогаш да си одам дома, се чувствував како да сум во затвор. Тоа беше изворот на сите проблеми што засекогаш бев во затвор - вели пејачката, која потоа сакаше да се ослободи од таквата контрола:

View this post on Instagram

A post shared by K A Y A (@kaya_ostojic)

- Поради таквото детство се омажив за да избегам од режимот. Мојот прв брак беше половично осуден и вештачка креација во мојата глава која се појави како желба за слобода која не се случи во времето кога требаше да се случи - изјави таа во подкастот со Луна Ѓогани.

View this post on Instagram

A post shared by K A Y A (@kaya_ostojic)

Иако тврди дека не жали што рано станала мајка, има една работа која би сакала да ја промени од тој период. - Беше предизвик. Имав малку среќа што многу работи ми се искристализираа, па можев да имам дадилка која живееше со мене. Без разлика колку раното мајчинство ми го отежна деловниот пат, во исто време ми беше ветер во грб да направам што повеќе и да се борам за таа да живее подобро, бидејќи не е исто кога се бориш за себе и своето дете. – рече таа.неодамна за Гранд и додаде: - Посакувам малку подобро да го избрав нејзиниот татко, жалам за тоа од оваа перспектива. Ако одлучам повторно да имам дете, би размислила и би дала повеќе време на одлуката да изберам татко за моето дете - искрена е Каја. фото: Instagram printscreen/ kaya_ostojic

„Сакам да облечам венчаница“: Тања Савиќ за бракот со 11 години помладиот пилот (фото)

Слаѓана Атанасова — Mon, 26 Feb 2024 12:22:52 +0000

Пејачката Тања Савиќ по турбулентната врска со бившиот сопруг и борбата за старателство над наследниците, конечно си ја врати вербата во љубовта и си најде доживотен сопатник. Медиумите ја пронајдоа Тања на аеродромот во Белград каде таа ги откри нејзините планови за иднината. Посакувам моите синови, мама и тато да бидат таму во првиот ред, токму затоа што никогаш не биле. Нема никој околу мене што ме критикува, тоа може да биде само од луѓе што ги сакам и кои ми значат. Некако поинаку зрачам - искрена била Тања, па откри што подготвува за роденденот на нејзиниот 11 години помлад дечко, кој по професија е пилот: - Сега му подготвувам изненадување, ништо не знае. Тој го заслужува најдоброто. Најдов човек кој е како мене. Така би ги советувала сите да си ја најдат сродната душа, среќен сум што сме слични без разлика на разликата во годините. На мојот сопствен пример видов дека годините се само бројка, многу е поважно дали некој те почитува и ако некој е тука за тебе, тоа е најважно - рече Тања, а потоа проговори за бракот: -Отсекогаш сонував да носам венчаница, никогаш не сум ја носела, но би сакала да ја носам. Можеби ќе се оствари, добро се сложуваме, а во него пред се најдов пријател и поддршка. Синовите го прифатија, се сакаат - изјавила Тања. Фото: printskrin/instagram/

За Викторија Лоба пролетта порано пристигна како во бајка, има ново име – се вика МАЈКА (фото)

Слободанка Илиева — Sat, 24 Feb 2024 08:10:02 +0000

Велат, кој чека ќе дочека, а на Викторија Лоба и се исполни желбата за она што го чекаше месеци наназад. Убавата македонска пејачка со руско потекло имаше специјален ден полн со возбуда и љубов во најсилна мера. Имено, за Лоба возбудата се состоеше во исчекувањето да ја дочека и види мајка си Татјана која најпосле дојде во Македонија откако се омажи. Ќерката со букет во рацете, трепет во душа и попглед кон местото од каде пристигнуваат патниците на скопскиот аеродром, со врисок ја пречека мама кога ја здогледа. Татјана со раце полни куфери прво нешто реагираше со широка насмевка кога ја здогледа својата наследничка, а потоа со еуфорично трчање една кон друга за соединување до ерупција на вулкан од емоции. Следно, се подразбира беа силните прегратки и бакнежи за кои мајката и ќерката не знаеа да кажат доста кога не се виделе долго. За потсетување, мајката на Викторија Лоба се омажи со нејзиниот избраник Тимоти пред речиси9 година ипол на венчавка во Охрид која се случи пред ќерката да ја направи свадбената церемонија со сопругот Ѓорѓи. Календарски пролетта не пристигнала, но за Лоба таа веќе е тука како во бајка и има друго име, се вика МАЈКА. фото: Instagram printscreeen/ victorialoba

Крај на 18 годишниот брак: Кевин Костнер најпосле успеа да се разведе (фото)

Слободанка Илиева — Wed, 21 Feb 2024 12:19:29 +0000

Познатиот холивудски актер Кевин Костнер (69) и неговата сега веќе поранешна сопруга Кристин (49) официјално го финализираа својот развод. Според судските документи, нивниот брак завршил во петокот, на 16 февруари, откако адвокатите на Кристин поднеле судски документи барајќи од судот во Санта Барбара, Калифорнија да ги оправда двете страни од завршувањето на задолжителниот курс за заедничко родителство. Актерот и неговата поранешна сопруга веќе се договорија да го задржат заедничкото старателство над нивните три деца, а инаку го решија разводот уште во септември.

View this post on Instagram

A post shared by Kevin Costner & Modern West (@kevincostnermodernwest)

Претставник на Кевин , во изјава за People во септември рече дека парот „постигнале пријателски и взаемно договорено решавање на сите прашања поврзани со нивната постапка за развод“, откако TMZ првично ја објави веста за нивното спогодување. Кристин првично поднесе барање за развод на 1 мај 2023 година по 18 години брак. Двајцата имаат три деца: синовите Кајден (16) и Хејс (15), плус ќерката Грејс (13). фото:instagram printscreen/ kevincostnermodernwest

Од „Ѕвездите на Гранд“ не излегуваат само ѕвезди, туку и бракови: Македонската пејачка не ни насетуваше нешто вакво – „Да знаевме што се’ не чека…“ (фото)

Слободанка Илиева — Wed, 21 Feb 2024 09:17:52 +0000

Пред повеќе од четири години судбината ги соедини да бидат на иста сцена, денес токму таа судбинска средба ги смести под ист кров, во проширен состав и со многу љубов. Музичката двојка Елена Миленковска и Гуте Маринковиќ периодов имаат убави спомени од она што им се случуваше пред неколку години. Сега нивниот брак во могу нешта наликува на совршен, а семејната хармонија ја надополнува онаа музичката, која е дел од нивната професија.

View this post on Instagram

A post shared by Gute Marinkovic (@gute.marinkovic)

Нивната животна приказна се развиваше со запознавањето во музичкото шоу „Ѕвездите на Гранд“, од каде и двајцата дојдоа да се натпреваруваат, а завршија како сопружници. Победник од ова шоу беше љубовта која во месец јануарри ја крунисаа со граѓански брак, додека во февруари пред четири години направија и свадба. -Денес започна петтата година од нашиот брак. А ова е нашата прва фотографија. На оваа фотографија сме само двајца пријатели кои само што се запознале, а некој да ни кажеше што се’ не чека... Се’ што беше и за се што доаѓа, те сакам, напиша Елена во описот за фотографијата од која ја навјасаа спомени од времето кога со Гуте немаа ни претстава до каде ќе стигнат нештата. На 22-ри февруари се случи еден на друг да си ја отпеат песната на првиот свадбен танц, а оттогаш редовно да танцуваат во љубовен ритам благословени од бога со две дечиња кои се нивниот универзум – Максим и Миона. фото: Instagram printscreen/ elenamilenkovskaa

„Јас и Марко повеќе не сме заљубени“: Луна Ѓогани откри детали од бракот што досега никој не ги знаеше (фото)

Слаѓана Атанасова — Wed, 21 Feb 2024 08:13:37 +0000

Победничката на „Задруга 2“ и јутјуберка Луна Ѓогани и Марко Миљковиќ создадоа свој свет и оаза на мирот, а откако станаа родители по втор пат, нивната интимност е се подалеку од љубопитните очи на јавноста. И двајцата целосно се посветија на семејството, еден на друг и на својот приватен бизнис и долго време не беа многу експонирани во медиумите. И покрај тоа, Луна и Марко со години имаат сериозна база на обожаватели, кои сакаат да го знаат секој детал од нивниот живот, а деталите сега ги откри Ѓогани на нејзиното појавување во „Амиџи шоу“. Како што неодамна беше Денот на вљубените, Луна откри дека таа и Марко не го слават овој празник и дека по неколку години заедно, нивната љубов одамна се претворила во нешто поголемо и подлабоко.

View this post on Instagram

A post shared by Luna Djo Miljković (@luna_djogani)

-Веќе не сме заљубени, таа фаза одамна помина, тој ден не го славиме, туку фокусот е на нашето семејство, на децата. Бевме во Сокобања, уживавме во тие четири дена. Тоа е наше прво патување со нашите две деца. Сигурно дека беше прекрасно. Шетавме, јадевме, спиевме, се бањавме... - одговори таа. Ѓогани истакна дека веќе нема одмор за неа, туку дека е целосно посветена на девојките и гледа како да ги задоволи. - Како и да е. Знам дека веќе не одам на одмор, за мене одморот одамна е завршен. Сега одам заради децата, тие да одат на чист воздух, да пливаат, да ја сменам околината, уживам во тоа. Е сега, одмор како одмор додека се мали навистина не постои, дека сега легнам и одморам, не. Но, ми се допаѓа промената, добар хотел, добро друштво... Фото: printskrin/instagram/

Најважната „ситница“ во бракот која ја прават добрите сопрузи и сопруги

Слободанка Илиева — Fri, 16 Feb 2024 14:00:44 +0000

Има многу знаци кои укажуваат дека имате добар сопруг – тој е човек кој ви помага, ве утешува, ве прави среќни, ги слуша вашите желби, соништа и проблеми, ве сака… Имате доверба во добриот сопруг и знаете дека може да се потпрете на него. Има многу знаци кои укажуваат дека имате добар сопруг – тој е човек кој ви помага, ве утешува, ве прави среќни, ги слуша вашите желби, соништа и проблеми, ве сака… Имате доверба во добриот сопруг и знаете дека може да се потпрете на него. Но, тоа е и личност која може да ги сподели своите недостатоци со вас. Поконкретно, грешките што неизбежно ќе ги прават во текот на животот бидејќи никој не е совршен. Експертите се согласуваат дека добрата комуникација е најважната основа за успешен брак. Тоа подразбира споделување на сè убаво во животот, но и разочарувања, неуспеси и порази. Добрите сопрузи и сопруги му ги признаваат грешките на партнерот, очекуваат разбирање за нивните постапки, но и бараат решенија за да не ги повторуваат истите грешки. Знаат дека не се совршени, не се однесуваат арогантно кога знаат дека грешат. Напротив, кога партнерот има поинакво мислење од нив, тие ќе ги слушаат и ќе го почитуваат нивното мислење дури и ако не се согласуваат со него. Пред се, нема да се плашат да побараат стручна помош од трети лица. Кога ќе ви се расипе колата, без размислување ќе ја однесете во сервис. Кога нешто ќе пукне во вашиот брак или врска, дали ќе го третирате исто? фото:freepik извор:курир.мк